森美餐廳 (已結業)

那天竟然睡到日上三竿呢！所以走出街去食食。都已經過了午餐時間，以前路過這間意大利式餐廳，聽過D人話好食，但因為晚餐很貴小妹負擔不起，只有望門輕嘆唄！另一個原因是在食飯時間這間餐廳都坐滿食客，名氣大嘛，所以，不愛等位的小妹自然沒有多大興趣光顧它呢！這天見餐廳竟然門可羅雀，又是下午茶時間，不如試一試吧。點了一個「白汁龍脷柳扁意粉」，包含餐湯一份。餐湯點了忌廉湯，不過忌廉湯內有粟米粒和少許火腿粒，味道淡淡平平。至於扁意粉，大大塊的龍脷魚柳算是抵食(不過價錢都唔平)，在這大塊龍脷魚柳上淋上適量白汁，這本應是合我意的。可惜，在魚柳下的扁意粉是涼的！這應該是先前用水灼好，來備用的扁意粉吧！也因為扁意粉是白灼而沒有炒過，沒有味道。我想將無味的扁意粉沾上魚柳上的醬汁，可惜醬汁份量少，未能滿足我的需要！有點失望。相信下次除非有人請我食，我才會去這間食。

荃灣嘅Sammi Café兩年幾前因朋友介紹，幫襯過一次，雖然有幾多好評，但我食嗰次都喺俾個OK佢，印象唔差亦唔喺好。今次再幫襯就喺佢嘅姊妹店Sammi Pasta，事緣星期日返完老婆教會，同幾個會友一齊食晏，當中約翰兄有好介紹，就喺Sammi Pasta！荃昌中心大部分食肆都喺鋪位細細嘅小店格局，Sammi Pasta都唔例外，我哋都喺被安排「走廊」位，即喺鋪外嘅商場通道位，因為晌依度比比皆是，所以又唔喺咩奇景。但為求做盡生意，枱櫈安排逼啲在所難免，不過幫襯嘅絕大多數都喺後生仔，所以都無乜所謂。食物方面，分基本餐牌同精選午餐，前者有特色意粉選擇（每款$40）或沙律（每款$45），包忌廉濃湯及冷熱餐飲一杯，而所謂特色意粉喺不同主材料配唔同嘅意粉，做到自己心水組合。至於後者，5選1，有焗飯、意粉、沙律，同樣包忌廉濃湯及冷熱餐飲一杯。粟米忌廉湯粟米打得好溶，一啲粟米纖維都了無痕跡，如果唔喺呷落有啲粟米味真喺估佢唔到喺咩湯。雖則自稱為濃湯，不過講到粟米味，未有期望中強烈，質感倒還可以。蜆肉三文魚天使麵依個喺特色意粉系列之一，主材料一共有8款選擇，如意式肉醬、煙肉茄子、沙樂美腸磨菇……，而意粉

兩個朋友仔為我慶祝生日食返餐,咁就揀呢間啦~見有$35 意粉set~ 共10多款,我揀左茄子煙肉配蝴蝶粉,最特別的當然係蝴蝶粉啦~亦可選意粉,天使麵之類~配湯/ salad,我揀salad~凱撒salad!!菜很爽口,清新~附芝士粉,紫洋蔥~仲有香草碎的沙律醋~很棒,滿足~service不錯,waiter扲水 果陣話水裡有雜質,因為加入左檸檬碎,播d音樂有d悲傷咁....播左1段之後停左無播 果陣唔算坐得迫,dinner時段也不會多人,我們3人也點左蝴蝶粉~口感一致,幾好味~個醬汁係茄汁~仲有番茄碎,洋蔥,正 清淡~d醬汁唔會稀到似水,not oily!茄子以為係切條,點知食左幾口先見細細粒的就係茄子

兩夫妻到荃灣遊逛，見「森美餐廳」在Openrice 中的好評不少，這天又想吃西餐，決定以之作為午餐之選。從荃灣地鐵站沿著天橋橫越數個商場後來到荃昌中心昌寧商場，見到這間「森美餐廳」，原來是自己原先尋覓的那間「森美餐廳」的分店，餐廳客人不少，我倆又已肚餓，便決定不再前行，就在這間分店吃飯，誰不知這分店的食物水準甚為一般，令自己甚為失望。這兒的精選午餐不貴，免收加一，凍飲同價也只不過是 $45 而已，已包餐湯和飲品，算是甚為經濟抵食。這天的餐湯是普通不過的「忌廉湯」，裡面的材料是西芹和一些口感似乎是蜆肉的東西，味道平平。老婆仔的「蒜茸雞髀扒」其實還不就是去骨雞髀配蒜蓉汁，這「蒜茸雞髀扒」的雞扒水準普通，蒜蓉汁偏少，雖然味道正常，但未見出色。我的「焗海鮮千層粉」絕對是失敗之選，明知道以這價錢應該不可以吃到好的材料，仍然在幾款午餐選擇中一時大意揀選了它，實在是我的錯。這「焗海鮮千層粉」的茄醬和芝士都下得不夠多，茄香與芝士香均欠奉，味道亦欠濃郁，千層粉焗得過久，太過軟身，所謂的海鮮亦只不過是一些細小的雪蝦、魷魚等物，絕對是吃之無味，不吃也沒有損失。整餐之中較可取的竟然是「凍檸茶」，茶味不錯，實在

不知為何三月總是很多三人行飯局,這次相約荃灣的一次亦然...相約朋友八時,苦等至九時許才等到,一肚子氣.可是,連晚餐的地點都選錯.路過這本己客滿的店,老闆娘油腔滑調,帥哥前美女後,更即時在門口打點好桌子,置好茶水.問及有關餐牌問題時有問必答.這時還覺得服務週到.所以決定晚餐於此.未幾,店內有客人離開,老闆娘依然客氣地為我們轉入堂內,店內環境還算雅緻,簡單小型西餐館型式,枱上放置即磨黑椒,奉客的水都浸了檸檬的.現在還看似不賴嘛!餐湯先上,由於兩位朋友都點了同一款套餐,所以餐湯都是忌廉龍蝦湯.隨餐附送兩塊蒜蓉多士,從多士熱度可以感覺到是新鮮烤好的.正當友人們享用他們的前菜時,我發覺我那一碗餐湯卻失去踪影了...直至朋友們的前菜都送上了.一位選了燒翡翠螺,另一位要了芝士焗蠔.翡翠螺聽說表現不差,可是焗蠔有點過鹹了.到了這時我依然是呆看朋友們享用晚餐.向店員查詢後才立刻為我送上餐湯,與入坐前的服務表現完全是兩碼子的事.遲來還遲來,餓得久了這碗湯還是很快的乾了.這種小店,也是來一個茶記水平的雜菜紅湯,倒是頗足料就是了.剛完成餐湯就送上我的"雪花西冷",我們三人都點了牛扒類,朋友則要了肉眼.長碟中

荃豐那邊幾個商場，有著幾多的食肆，西餐、麵店、米線等等，五花八門。說起來慚愧，雖家住荃灣，但這一帶的餐廳十居其九我也沒有造訪過，這次也是老豆建議才一家人來森美食晚餐。晚餐四款，我們剛好可以試勻。服務生奉上餐湯，沒選擇，只得忌廉湯，濃稠還可以，且有很重的菇味，正正常常咁。伴湯的脆麵包條，確是脆口，卻沒什味道，必需沾湯來吃才行。四款晚餐選擇之中，我要了牛扒。在這類小Café，店方也無問及要多熟，幸而出來的製成品也不會韌，只是邊位有點筋，普通貨色。而老豆老媽子的龍脷和雞扒，都不太入味，同埋個魚太多汁了，還好在兩者都不會有一大陣的雪味。晚上要看英超，飲杯濃郁的咖啡最好。

點了一分T bone 套餐， 極其難食！！！！我完全覺得呢間餐廳在侮辱西餐！！ 我第一次吃到一塊T bone 係好似烚出來咁， 塊肉軟淋淋，好似有放鬆肉粉咁， 裏面係全熟， 但我明明叫6成。收的價錢已經不低，沒想過得來的質素如此差勁這家已經是小餐廳， 但服務質素和態度 比茶餐廳更差。

我同女友&佢嘅姨生仔姨生女一齊去食,我地叫咗3個餐,意大利雲吞,西冷牛排意粉&西冷牛排天使麵,餐湯一般,跟湯嘅餅乾條我就麻麻地,我都係鍾意蒜茸包多d,講返d主菜,意大利雲吞味道都ok,不過份量真係好少,明明係一個午餐,但係就好似一個下午茶嘅份量,而牛排就好似平時茶餐廳d牛排咁,又薄又無味,而意粉亦唔好食,好似擺咗好耐咁,食落口感覺係硬硬地嘅,不過天使麵就幾好,另外我都再叫咗兩杯木糠布甸,味道ok,不過$18一杯勁細杯....另外一提嘅係,我每次要杯要碟,佢地都差唔多10分鐘先俾到,仲要我地催成3,4次先有,真係唔明點解,店面都唔係好大啫??

剛好有事要到荃灣.... 晚飯又不想到那些連鎖店, 所以四處走走! 見到呢到有間食意粉的, 好像是新開, 價錢又不算貴, 就入去試下啦!我們2人叫了2個意粉, 鴨胸扁意粉, 三文魚粒扁意粉其中1個轉做set~ set 有粟米湯, 沙律同飲品. 粟米湯有d 似罐頭湯~ 甜甜地~ 幾好飲的. 仲有2支餅乾條, 但我個人覺得不太好食.. 沙律都幾新鮮的, 如果多d cheese 就更加好!2個意粉都好好味~ 三文魚粒扁意粉都幾多三文魚粒! 鴨胸扁意粉個汁甜甜地~ 好好味. 不過覺得佢太多洋蔥...整體黎講都唔錯, 有機會會再去食! : )

其實我一向都幫襯開荃昌地下間森美餐廳, 但這一年來不斷加價, 所以我都少左幫襯~近期知道它在荃昌一樓開了分店主打賣意粉, 就同屋企人來試試!原來媽咪一直都有幫襯, 食滿十次就送一次, 所以今次就可以有一個set是免費的 忌廉湯＆麵包條兩樣都很一般, 湯太稀, 麵包條又太硬! 三文魚天使麵配牛肝菌汁 不過不失, 三四十蚊的價錢來說, 算是不錯的選擇! 木糠布丁 很好味! ! ! 一定要試!

開餐廳選地點真的好重要，就算再好的食物，開在這個舊舊的小商場裏也只能被冠名「屋村西餐」吧了。不過這樣子也好，他們的食物可能不算是大師級的，但是在「屋村西餐」中一定是超班的。每款意粉均附送餐湯或沙律。餐湯不太合格，比較像罐頭湯。不過沙律真的不錯，如果有更多的grated cheese，那就更perfect了。Cappuccino 和即磨咖啡要額外收費的。兩個也感覺良好，咖啡可以更濃一點，而 Cappucino 的造型挺不錯的。兩個意粉當中，煙肉芝士磨菇 Penne 的味道比較香濃，如果加點 freshly grated parmesan，一定會再加分不少。蝦仔蟹肉天使麵的名字真是有趣。從來餐廳都只會把蝦的 size 誇大，比蝦米大一點的也叫大蝦沙律。但這裏的蝦仔一點也不小，雖然吃起來有一點點的梳打粉味道，但是比大部份的屋村西餐好多了。紅汁的味道尚欠一點濃度，始終是煙肉芝士磨菇 Penne 把它比下去了。最後，點了藍莓芝士蛋糕作為這個午餐的完美總結。怎料...天呀！怎麼是冰的耶？店員告訴我們這是他們店的「特式」芝士蛋糕，質地比較像雪糕。(這是我們結賬時才知道的... Orz )不過依我來看

之前我生日，本來想去森美食飯嘅…不過睇左大家嘅評價好似好壞參半就唔敢去試。結果有一日媽咪話好想試下森美cafe嘅pasta…甘就決定試下啦!!一入到去餐廳發現好細，坐位一共大概得20個左右，而係我地用餐嘅時候都發現一走左客人空左枱無幾耐又有人坐低。而意粉同沙律都係三十零四十蚊就有一款，仲包一個沙律或者湯，如果想飲檸樂或耆咖啡就加5蚊~一d都唔貴。講返食物，本來我想叫白酒青口天使面嘅，但個侍應小姐話無青口(雖然我後來見到遲過我叫嘅客人都有青口) ，我就唯有叫忌廉明太子天使面，而媽咪就叫左蝦仔蟹肉扁意粉，之後一個要左沙律一個就要左粟米湯。等左10分鐘左右d食物就上枱，我覺得個沙律真係令我好surprise!!d菜好新鮮而且個沙律醋汁好好味~平時唔係好食沙律嘅我都勁讚!!而個湯就比平時飲嘅粟米湯稀，同埋無食到粟米粒，唔知係唔係西式個種會將d粟米打到變湯汁嘅做法~不過都ok~~~而個忌廉明太子天使面真係好多明太子，食到我一邊食一邊讚足料，而個忌廉汁又唔會太濃搶左明太子嘅味。蝦仔蟹肉扁意粉就係茄汁底抄嘅~個茄汁食得出係自家制嘅調味亦都適中~配扁意粉簡直係perfect match~~有機會嘅話，

下午茶三時任何餐都減十元，俾我感覺係好抵喎。地方細細，整齊整潔，坐得舒服，玉米湯…附送兩條麵包條，點湯來吃，個湯味道好似金寶湯，煙肉磨菇扁意粉…等了8分鐘就來到，但俾錯了，俾了三文魚芝士意粉，等多8分鐘再送上 ，意粉不彈牙，「林」了些，汁偏淡，要配上芝士粉，先好吃。

剛剛知道森美餐廳開了新店~之前試過森美餐廳都覺得不錯於是就去新店試試這新店主要是吃意粉和沙律的~價錢比本店平店子小小的意粉大概$40, 送湯,麵包條, 餐飲要加4-6元當天吃了:磨姑湯+麵包條 - 湯頗有姑味~~亦都算濃絕不是荼餐廳那些白湯麵包條像餅乾條~還ok~三文魚+蜆天使麵 - 因為是即炒的~加上蒜片和洋蔥片同炒~很香三文魚炒得不散~有點點像半生熟的感覺~不錯不過如果份量多點就好了蜆肉就很普通~下次可以不要蜆肉了加4蚊可以有凍檸樂, 凍檸七或熱咖啡~不過吃意粉飲凍檸樂有點點不夾呢..下次還是試試咖啡好了雖然意粉份量比較少~但以40元左右吃到水準不錯的即炒意粉~所以還是給了好評~繼續努力

森美餐廳在荃灣是有點名氣的，但奈何我一直未試過。某日行過昌寧，見到森美開左分店，今日老婆提議黎呢度試下。呢個位其實已經好多手下，每次都做唔長。鋪頭細可能係其中一個原因，位置唔就腳可能係另一原因，希望以森美既名氣可以打破悶局吧。等左一陣位，入到去坐底，聽到隔離問原來真係森美餐廳的分店，但因為地方細，所以只賣pasta，店員自己都話如果要食飯或甜品，就要去舊鋪了，所以算是「森美小兒科」吧。意粉選擇不多，只有十四款，所有意粉即炒，包餐湯麵包條，索價不超過四十，算是正常價錢吧。我地點左兩個意粉，除了意粉可揀扁意粉、天使麵、蝴蝶粉、直紋通粉、扭紋通粉外，下單時才知道原來可以揀汁的，因為無idea，所以交俾廚師發牌，就只有一個要求：兩個意粉不同汁就可以了。餐湯是磨菇忌廉湯，磨菇味很濃，有點像金寶磨菇忌廉湯，老婆覺得有點怪，可能佢飲唔慣吧，我覺得是正常的。麵包條只是普通在街買的貨色，點湯吃還不錯。吞拿魚西蘭花紐紋通粉先來，大廚用普通白汁再伴小洋蔥＆蒜片炒，一拎到過黎，第一個感覺係唔夠飽，第二個感覺係搵唔到吞拿魚，兩個感覺都不幸言中。吞拿魚一來很碎，二來不多，三來紐紋通粉份量都不多，吃得人到喉不到肺。