森泰遠 (已結業)

見到個'麵麵漢堡'個名咁得意，叫之前問左佢係咩來， 點知碟野來到幾SURPRISE。麵餅淋淋地，不是炸脆, 所以冇咁熱氣健康D。叫左佢走辣， 由於佢冇唔辣醬汁, 所以細心的將醬汁另上。由於本人怕辣冇點醬食, 略嫌太乾, 難免食完會口喝。食完個麵甜品未又到，於是想要杯水飲，驚覺此店是沒有水供應, 唯有乖乖的等甜品到。呢度主食普遍細碟, 讓你食完飯麵都仲有位置食返個甜品, 真是貼心啊~甜品點了 雪糕麵包'山'，那是一塊厚多士加兩球雪糕(可惜冇得揀雪糕味道)，面頭幾粒提子，個底淋左D柑桔蜜，D麵包磚淋既，唔似茶木果D咁加又加蜜糖又炸到脆晒咁唔健康。森泰遠呢個清淡健康, 唔怕會滯。仲有叫左個杏汁炖蛋白鮮奶，整得幾滑，係個杏仁精味怪D。

又是飯後甜品的時間,想食西式甜品,於是揀了去森泰遠,其實呢間店成日經過,但未試過,而加可以有機試下呀。小小的店子。心太軟$43,賣相是心形,都幾靚呀。伴的不是雪糕,是蘋果,比較清新呀。可能是因為外形太扁,流心黑朱古力醬不算太多,黑朱古力濃郁,正常水準。高力炸雪糕$31,賣相同高力豆沙有同曲異工之妙呀。外層同高力豆沙一樣,都是甜脆皮,口感軟,入面是雲呢拿雪糕,似是雀巢雪糕,冇咩特別。味道一般呀。

一開頭叫左一個薑汁燉奶，食食下諗住試嘛個燉蛋，甘就叫多個，點知黎到既時候又係白色既同碗燉奶一樣，咁就問下喇，佢居然話燉蛋同燉奶係同一樣野，當堂O哂咀，佢仲話出面D燉蛋之所以係黃色因為人地加左薑汁落去，真係估唔到一間開糖水舖會講出la 返說話，其實可以學下先再開，味道嘛嘛不特止，態度仲十分差，佢地d薑汁燉奶仲只係淋薑汁上面，而唔係落薑汁一齊煮，整甜品根本都冇heart ，一定唔會再黎食

之前聽人講呢間既心太軟唔錯，食完雞煲想食下甜品就入左黎試下～三個女仔叫左招牌心太軟、凍同熱既焦糖燉蛋各一、豆腐綿綿冰。首先講心太軟，我真係未見過有心太軟唔包雪糕，要自己加錢($10)…. 出面既心太軟通常係高身、流心會多d，但呢到既心太軟係扁身，蛋糕較多流心較少…個人鐘意一般既心太軟多d，心太軟唔夠流心咁不如食朱古力蛋糕:-( 佢仲有其他款例如辣椒、白朱古力或者芝士心太軟，我就唔係幾敢試….之後係焦糖燉蛋，我未見過同一款甜品分冷熱之後，會變左兩樣完全唔同既野…熱既焦糖燉蛋其實係雞蛋布甸，伴碟有紅豆，但個賣相有d求其… 味道還可以，幾有蛋香，但未吸引到會叫第二次。凍既焦糖燉蛋其實就係出面普通既焦糖燉蛋，用焗杯裝住，入面既燉蛋係凍既，出面再有一層焦糖脆片。但ｄ焦糖整得唔夠脆，而且苦味幾強烈，加埋燉蛋唔凍唔熱既感覺好奇怪。起初以為豆腐綿綿冰會伏伏地，反而呢樣最正常。綿綿冰無咁易溶，而且豆腐好濃！只係伴碟又係求其，得幾粒西瓜同火龍果，通常都會有ｄ小丸子或者啫喱等等有咬口既topping…呢間唔算平又唔係特別好食，無意欲試第二次了。

一直都很想來試這間甜品店，因為飲食節目有推薦，而且又有多款口味的心太軟，尤其有咖啡味，所以很想試，上一次來的時候不知道為什麼沒有開，今次第二次來終於開了，入去的時候沒有太多人，我跟友人叫了一個mocha心太軟和桃園mocha心太軟$58，有香蕉配心太軟，其實味道都不錯，不過我嘗不到有咖啡味，只是覺得是普通的朱古力心太軟，也夠流心的，不過很奇怪，店員說我們不可以拍食品的照片，只可以將人和食物一起拍才可，但只是跟我們說，見格離檯有四個女孩很明顯的在拍照也沒有禁止他們，之後又有客人來，又沒有告訴他們，因此我覺得他們的服務有待改善，太沒有禮貌了。白桃園$39我友人想吃，但來的時候有點失望，覺得份量有點少，又沒有什麼的特別，只是生果放在燉蛋上，沒有太大的酒香味，但它說是加了白酒整體來說不過不失吧。

食完晚飯之後好想食甜品，於是黎左大埔呢間所謂既'心太硬'，入到黎，每人叫左一客心太軟，我就好鍾意食心太軟既。跟住黎到，首先件野係唔熱既，跟住切落去，都無一般心太軟流心朱古力，就已經知道不妙啦，點知食落口，個感覺好似唔熟既蛋糕咁，你睇個樣就好似好靚，但係唔好比佢呃左，一間專sell心太軟既甜品鋪，連心太軟都做到心太硬，真係唔知要點做落去好，仲要賣成五十六蚊，我不如拎去食麥當勞新地好過啦。跟住我地有人唔信邪，叫多一個芒果布甸，個樣好似直接係百佳買過黎比我咁，要求攞花奶，仲要收多我三蚊雞，成件野好無誠意，就咁雪櫃拎出黎，咁我使鬼去你甜品鋪度食咩，我去百佳買羅拔臣得啦。一句講哂，以後唔會再黎食。

見到門口咁多人，諗住實無死。叫左個以為安全既芒果小丸子 $32 細碗都算啦 竟然可以係唔凍！真係好失望！一碗糖水，連最基本既凍都做唔到！真係唔會再幫襯！咁既價錢我不如去食許留山！至少佢啲芒果又甜啲！碗野又夠凍！

之前係電視睇到.見幾得意就黎試下山長水遠黎到.同個FD行到死死下.終於搵到好喇.雖然見到間野好細.不過有新野試都冇所謂既我嗌左芝心心太軟 fd就嗌左白葡園之前睇食評話個芝心心太軟好似好正咁.但其實真係希望愈大失望愈大睇佢舖頭到貼左張野介紹呢個甜品,又話d芝士點點點講真d芝士醬冇乜芝士味.敗筆仲有個皮.佢話係忌廉芝士加麵粉整成既蛋糕但其實真係唔知食緊乜.麵粉太多.覺得係食緊一舊麵粉而唔係蛋糕仲有.我個fd唔講我都唔知底下原來有層錫紙.真係差d食左落肚好心就mit埋出黎啦不過側邊d生果同麵包都幾好食既......悲哀.到我fd個個白葡園.其實係提子加酒味布丁不過係得上面d提子好食下面其實係一pat醬咁唉真係一d都唔好食我未試過一間糖水舖係想喇喇林食完就算呢間真係我第一次食完都唔知食緊乜既糖水舖又貴又唔好食唉.不知所謂

知道這裡有名吃心太軟但我們剛從大尾督BBQ出來都沒有空間吃甜漏漏的心太軟了於是各自叫了其他甜品這個白葡園看名字和相片有點令人期待是酒和生果的結合酒和甜品向來是很夾得來的兄弟甜品來了賣相非常討好但份量小了點拿起湯匙試第一口 - - 卻很失望因為酒的份量太少幾乎吃不出來變成好像只吃提子燉蛋一樣的甜品下次來吃心太軟經驗應該會比較好嗎吧？

同一大班朋友在大埔踩完單車順道食糖水, 一直聽人講呢間ge心太軟好出名, 千里迢迢黎到大埔一於試試係咪真係咁好味心太軟外型賣相都幾討好, 而且面積都相當大, 可以兩個人share黎食一切開個心, 入面d朱古力漿即刻好澎湃咁湧出黎, 效果做得唔錯, 可惜唔記得影低味道方面, 我覺得一般, 朱古力漿雖然可以做到流沙效果, 但朱古力味略嫌唔夠濃郁芳香, 令成個心太軟失色不少至於朱古力蛋糕外皮一樣唔夠朱古力味, 而且質地有點粗'鞋', 要扣分ar

飯後無所事事...都係食返個糖水HEA下先....2個人叫左芝士心太軟同芒果PANCAKE...芒果PANCAKE普通貨仔所以冇影相...不過不失...芝士心太軟呢個有D驚喜....朱古力流心就食得多...芝士就真係未試過....感覺上少左一份甜....但多左份煙UN....真係由心而發GE SWEET...

九月十六日 (星期日)本計劃好吃完大圍的龍亭後，走到附近的人氣咖啡店屋子吃甜品在門口等了一會，才驚醒要拿籌的，因為完全沒有侍者出來派籌，而且當時有人在排隊，自然地我倆就跟著排隊了好!拿過籌後再等，等了半小時還未有起色算吧!放棄了，下次再相約好友一起來吃晚飯甜品由於倆口子也喜歡早食晚飯，當然還是七時左右，便由大圍回到大埔吃甜品架架仔第一時間就想起森泰遠的麵包布甸到達大埔約八時左右，店子食客多着我們坐在靠廚房的一張小檯，可以邊看電視邊等甜品廚房只有兩人製作甜品，而出面的客人多，等的時間亦較長如是者，我們又等了廿多分鐘，甜品終於送上侍者落單時曾有問及我們是要熱還是凍的焦蛋燉蛋，已感到有點奇怪原來熱的焦糖燉蛋就有如焦糖布甸般口感幼滑且富濃郁的蛋香味，配上粒粒飽滿結實的紅豆，其實是不錯的至於正宗與否，見識淺，真的不大清楚每次來也會點這個麵包布甸今次的明顯焗得不夠時間，面層的麵包也不夠香脆以往的大量麵包已換上了較膩的吉士醬，味道偏甜且膩，不太討好不過不失的一餐飯後甜品希望快點有機會去屋子試試其水準!

在大尾篤吃飯後來到這裡食甜品人頗多...等位等了約10分鐘然後吃了:焗雪山我覺得它外表好像很誇張,亦很COLOURFUL但是吃下只有一陣陣的泡沫和空氣並不是太討好雪糕比較可取但後期全部融化為一體非常恐怖...口感更為不佳應該是類似星冰樂的飲品,可惜我忘記什麼名字朋友說好甜但這東西應該是比起心太軟這類甜品和我那個焗雪山較為解渴我因此後悔叫了焗雪山T^T招牌心太軟上桌時已經是這個樣子朱古力已急不及待漏出了一大半好像馬虎了少少咖啡心太軟我覺得苦得制但沒有了剛才漏朱的問題算是合格我覺得這店只是普通..但價錢比一般甜品店高而且甜品吃完後覺得非常漏和口渴可能我還是比較適合叫雪花冰和豆腐花這類的東西這店也有的,不過今次無緣嘗試了

大埔, 一個闊別已久的地方, 間中還是想回去看一看, 兒時回憶很自然便湧現出來。 才剛吃過精彩的煲仔飯, 馬上又要轉場吃甜品, 兩鋪靠得很近。 只是八時多, 人流未算多, 亦可感受到幾分寧靜。 一直以來對這店都甚為留意, 但不明白總是難以製造到機會去試。 店名用上諧音字, 明顯就是以心太軟為旗號。 見味道多達五、六種, 可見主理人不拘泥於傳統, 勇於創新, 研發出坊間少見的口味如辣椒、mocha、芝士、綠茶、白朱古力等, 約$50一客, 引起人無限聯想。初來沒有什麼頭緒, 先要最基本的原味心太軟($40), 心知要花上十數分鐘去製作, 也好, 可以藉此先消化一下。 未幾一陣甜美撲鼻而來, 心形的成品未吃已叫人醉倒, 即使獨自前來也相當甜蜜。 蛋糕較淺身, 範圍卻大一點, 這樣流心程度似乎更容易掌握。 一切開, 順滑的朱古力漿便流出, 算是澎湃, 但略嫌有點少稀, 真的要快手一點, 免得流到整碟都是, 太浪費了。 外面未如心目中的鬆且脆, 反像蛋糕或是brownie的質感, 濕潤結實, 朱古力該用上不俗的品質, 要是濃度可以再高一點, 能有陣甘苦味就更好。 見鄰桌的芝士心太軟倒像蛋糕,

心太軟一d都唔軟~個皮厚到.....厚都唔敢要........佢仲要裡而係唔流心ga....唉~雪糕都唔跟.....40蚊...完全唔抵...香芒蛋白燉蛋~無奶味~唔香~芒果夠甜~