影片
相關文章
最近太古溜冰場旁開了間森林麵包，見到新麵包舖就去了。千層酥款式很多，當然買最吸引人的魚肉燒賣千層酥和菠蘿叉燒酥來試試～魚肉燒賣千層酥 $26🌟🌟🌟🌟魚肉燒賣千層酥外表好像茶樓賣的一籠魚肉燒賣，但這個連「籠」都可以食埋，用來打卡一流。千層酥很香脆，魚肉燒賣就普普通通，底層醬料味道很有趣，在外面未吃過，很難形容，原來是用XO醬調製的，再加上明太子。整體上可以用有趣形容叉燒菠蘿千層酥$26🌟🌟🌟🌟叉燒菠蘿千層酥吃下去很像茶樓吃到的叉燒酥，但更好吃，菠蘿有點像新鮮菠蘿，不是罐頭裝，酸甜酸甜的。千層酥很讚，如果可以再多一點叉燒就更好了。這次本打算叫埋奶醬丹麥酥，結果很快賣光了，只能下次再買….咖啡味曲奇$54/膠罐🍪🌟🌟🌟🌟咖啡味曲奇很鬆脆，咖啡味濃，但略厭太甜，如果可以少糖會更合口味。這間服務很好，很久沒看過麵包舖有試食，曲奇少量麵包，跟月餅都可試食，體驗很好。
繼續閱讀
去左呢間店鋪三次以上 我專程去買佢地既酸種面包 但兩次都空手以回 一係就話要成個買 唔肯切出黎賣 一係就話唔夠貨出 而有貨唔賣比我 極差感覺 咁其實要點先買到？成個買都唔得？咁要點先可以買？
繼續閱讀
我喺响中環街市嘅pop up店買，响隔離間章魚丸子買完邊立食邊觀察，見到排晒隊，上網睇吓Open Rice，羊群心理，跟住排吓先，店員會派曲奇供試食，我試咗咖啡味曲奇，好鬆化，但如果咖啡味濃啲就更好。排咗約十分鐘，黑松露包(忘記影相😛)、抹茶流心麻糬包、芋泥麻糬包，要用WS預訂嘅開心果蛋捲，本來有一箱貨俾walk in客，可惜排到我就無貨了。鹹味嘅黑松露包，餡料係磨菇忌廉，皮有陣陣黑松露香味，仲有少少果仁籽，增加口感，好味。抹茶麻糬同芋泥麻糬包，抹茶醬濃，還有一點點苦味，芋泥好香滑，開心share食四份一，唔會太甜，試吓無妨。買唔到開心果，買咗朱古力榛子醬蛋捲，$88一盒五條，少貴，蛋捲多層有點厚，尚算脆嘅，好濃厚，裡面嘅榛子醬，只係某牌子榛子朱古力醬，感覺甜上加甜，驚喜不大。本人覺得只屬一般。
繼續閱讀
記得曾經有機會試過森林既黑松露包，印象出色❤️所以新年見到pop up store都忍唔住想試埋其他產品🤤最近好hit杜拜朱古力，見到森林出左杜拜朱古力軟心曲奇，一定要試喇😍果然好正，內餡有脆脆口感，感覺特別，朱古力曲奇味濃🍫咖啡朱古力曲奇，簡直係一次過滿足晒兩個願望🤭曲奇好鬆化，咖啡味好香，加上脆皮朱古力上面又有啲果碎裝飾，睇得又食得👍🏻仲有萬眾期待，長期冇貨既開心果蛋捲🥹呢個我已經問左好多轉有冇貨，甚至問埋幾點返貨，第一時間去捕捉，終於……🥹不負所望，蛋捲好鬆化，仲有開心果醬係有開心果味，唔會太甜，食完唔會覺得有負擔，但可惜一盒得5條，寫完食評我又繼續去補貨/搶貨喇～😂
繼續閱讀
「森林麵包 」在一次他們在將軍澳擺Popup Store嘅時候遇上了，一試佢哋嘅麵包和曲奇之後，從此愛上，當時記得買完一次之後每一日都幫襯，佢總店喺牛頭角樂華邨，亦時常會在不同地方有Pop up Store ，已經食過無數咁多次🫶這間麵包小店如何吸引？就是他們產品的質素非常高，而且產品多元化，麵包、曲奇、牛角酥、蛋糕都非常出色，就是用心製作的家庭式小店，而且不同時節會推出時令產品，例如即將過年，又會推出賀年產品，好多時候熱賣產品瞬間沽清，今日我剛好去樂華邨探朋友，點可以唔朝聖？今日收穫甚佳，買咗好多美味嘅麵包、曲奇和賀年產品，返屋企慢慢品嚐🫶有我最愛嘅朱古力醬曲奇、最近在熱賣嘅手做杏仁酥、賀年產品笑口棗、蛋散、牛耳、角仔、各款口味嘅湯種包、芝士味道麵包和不同口味嘅手工燒餅，其實仲有好多嘢想買，但係肚皮一次過不能放太多，期待下次再朝聖🫶🫶
繼續閱讀