棟記飯店

營業中

休息中

因為時間有限就只點了2個菜, 包括"薑蔥燉魚腩"和" 粟米肉粒飯"!時間只是平日晚上7時半, 但現在都有好多人, 感覺大排檔質素應該唔會太差!餐牌都很簡單, 而價錢方面,碟頭飯$33起, 炒菜等就約$61起, 我見好多人食豬手, 不過今晚得2個人就沒有點!位我就不用等, 但點菜後都要20-25分鐘先起到菜!薑蔥燉魚腩賣相和份量都是一般, 但我都喜歡, 因為我愛吃魚!薑蔥味香, 不過都被"顯"汁蓋過, 魚腩香口, 肉質都算滑!粟米肉粒飯沒有什麼要記, 因為份量一般, 而且賣相唔吸引, 而味道有點過咸!服務員會好望動問你有什麼需要, 而且茶水碗筷都不缺, 很好呀!言而, 大排檔都要多人食才開心的, 我下次會再來的!

是日有朋自遠方來，想一試港式大排檔，苦思不得，最後黎左上環熟食既棟記。一來到先留起一支鹽焗烏頭，必試招牌菜，數量有限！之後再叫左幾個小菜....烏頭凍食，肉質又滑又彈牙，點一點調味連唔食魚既我地都成條食晒泰式豬頸肉外脆內軟，有水準波羅生炒骨，夠鑊氣但嫌骨太多肉太少黃金蝦無緣一試，但朋友既評價係幾好既最後係蒜蓉炒西蘭花，一般但合格。總括而言都係水準之上，而且朋友話係可以如此氣氛，高聲暢談大飽口腹既地方已經愈來愈少，懷念大排檔丫

因為同事中左六合彩--$640, 佢話要請我地食飯wo~一行四人大約19:30去左上環街市棟記, 佢地之前都食過, 不過就係外賣,今次第一次堂食每人叫一樣..上菜都幾快呀...全部都足料呀, 好有鍋氣, 埋單都係三百幾下次想試下d 炒硯,聞到格離檯好香而家好多大排檔都搬哂去d 街市有冷氣地方, 感覺無以前咁熱鬧..無計啦,香港有地方都起哂樓lu!

黎到上環 都唔知搵乜食好見平時d熟食市場都有唔錯既comments 所以又”中”上去試下啦叫左菜膽雞半隻 沙薑雞腳 椒絲腐乳通菜 咸菜豬肚粉腸 青島一支菜膽雞 $85用生菜陪碟,有點油,雞都夠滑,真係有半隻架 沙薑雞腳 $30有6-7隻吧 夠林呀 嫌唔夠味 可以再濃d椒絲腐乳通菜份量夠,又係唔夠味 腐乳欠奉咸菜豬肚粉腸 料都夠多 都係唔夠味加多個白飯$230 唔貴啊ps, 見好多人都有叫烏頭 唔通真係好好味既 ???

買了團購，去用兩張。點到笫二張，叫同一樣；那個所謂經理已經好似我無俾錢，又黑面。我叫奶茶外賣，加兩元。無問，題，我只是十五秒後想改豆槳，個經理竟然話入了單，改不了。但好明顯，仲未整，我跟他說，都仲未整。他可以晦氣說他要好多嘢，改不了。最好笑，個奶茶五分鐘才到。仲有個麵又來錯，又可以唔洗改單又可以改。食品，不錯；團購價超值。但那個非常經理，真是不知所謂。

放工原本相約食放題，點知無位唯有往上環街市食dinner，三人叫了XO醬西蘭花朱頸肉，腰果炒肉丁和豆腐火腩煲(期間見到店舖的家貓很可愛!) ，XO醬西蘭花朱頸肉d肉好爽，腰果炒肉丁好夠火候，腰果肉丁都好爽脆，唯獨豆腐火腩煲d火腩肥肉太多，如果多d瘦的火腩就好d，整體食物都不錯，絕對有驚喜。

今天因為太多事要做，結果差不多四點才到上環市政大廈的瑞記吃公仔麵，進食期間，見到隔離的棟記巳開始準備晚市，有員工在開枱，也見到有員工在認真地切著大盤的菜，橫掂這裹離我家不遠，就決定晚上再來棟記吃晚飯。星期日的八時多，巳有不少食客在進餐。棟記佔了成半個場。這裹冷氣充足，地方算整潔光猛。今天和男友叫了啫啫雞煲，XO醬西蘭花炒猪頸肉。啫啫雞煲先來，雖然有煙，但就不是煲到微燶，有些失望，不過味道是ok的，雞件也很多，猪膶有很重酒味，有幾件冬菇，最香口是燶了的蒜頭與洋葱。XO醬西蘭花炒猪頸肉，西蘭花爽脆，猪頸肉炸過，這碟餸極惹味，好味。其間叫了大枝裝可樂，夠晒冰凍，只需八元。白飯六元大大碗。這裹經濟實惠，餸菜都大大碟，絕對有回頭。

第二次幫襯，專程去食「菠蘿生炒骨」。家常feel...好味！沒太酸，骨也炒得好脆，份量一啲都唔欺場。抵食兼好味！盛惠四十五大元，值！另外叫咗上湯唐生菜和三色蒸水蛋，蒸蛋上得較遲，差唔多食完先嚟，也蒸得過老。或者街市熟食檔始終多男人幫襯，大杯酒大塊肉，好豪，也好嘈。喺呢度唔好要求食環境。生炒骨補番數。

八月十五日 (星期一)繼上回家回熟燒之成功深明上環街市是臥虎藏龍之地決定與老公仔將之逐一追擊第一站來到棟記就像普通的茶餐廳,以碟頭飯為主班腩將乎鋪滿整碟飯肉質尚算新鮮嫩滑豆腐永遠是班腩的好朋友豆腐盡吸班腩汁,令人滿意飯粒精塋,令人特別開胃以這個價錢實難再要求太多廚房等齊三碟一起炒,要多等一會極之香口,沙爹味濃而不辣口烏冬煙韌,牛肉則有點"嚡口"材料同樣豐富,而且油不多,有點驚喜!期待第二回追擊!!!

是日晚飯地點由老友介紹:上環熟食中心.上環區我已經好少去,這地步更加是第一次入來.好驚訝上環有一整幢市政大廈以後到上環叫做有個地方玩樂了.老友帶由另一面門口直上,可以乘一層扶手電梯就到熟食中心門口,這裡是一層冷氣開放的大排檔,對於剛走完香港公園變得大汗淋漓的我們更為興奮場內有數間店,不知道邊間好,先在場內轉一圈.從菜牌中格價才決定.最後選擇處於大門口的棟記,一來棟記佔地最大,相信沒有長期客量/歡迎度都好難有如此'勢力'吧.二來當然是食物價錢較為平點點見到店前放了一盤鹽魚.原來是鹽焗鳥頭來,六十元一條大大的,我們也想試下.落單後店員才將魚皮剪開再奉上.入口後才知道烏頭是帶點凍,好似食打冷菜呢.佐一碟麵豉汁,不過味很咸魚身勁之厚肉地,可惜魚肉毫不滑,是帶著鞋的質感,雖然當中有黃油,不過少,欠缺魚油香.不過以這價錢來算,這條魚毫無疑問算抵食!第二味是豉椒炒蜆,大大碟的份量都是$45豉汁香濃,加大量蒜蓉炒,非常惹味和有鑊氣!蜆肉無沙,肉質爽.九成蜆都帶有肉,餘下一成是開殼無肉及完全沒開殼,是接受的數目來是日是旦是翠塘豆腐初嚐此味是在利來小廚(九龍灣),那個驚為天人的美味,至今印象難忘所以知道後

元旦日去左上環棟記晚飯~~同屋企人山長水遠黎食叫左唔少野~椒鹽九肚魚 <呢個有d唔係幾夠味,整體ok>南乳蒜香骨 <呢個好味道哦~~>蒜蓉白菜仔 <呢個可以話冇味lol>京都骨 <麻麻地拉>埋單$261仲有白飯x5啤酒x1

自從上次响街巿食過一次lunch 覺得超唔掂之後, 就再無興趣試晚飯. 尋晚都係因為友人話有間羊腩煲好正, 所以先破例去試, 點知去到果個人又話唔記得咗食過邊間, 於是就求其揀咗一間嚟試1) 羊腩煲+生菜 $120 - 整體嚟講ok, 但唔係最好味, 羊腩本身唔太羶, 反而唔濃唔淡o既汁就有少少羶味, 羊肉唔肥皮好乾淨無毛, 可以連皮都食埋, 而支竹同生菜份量亦好多, 所以價錢合理2) 西檸雞 - 皮炸得香脆可口, 雞本身都好滑, 西檸汁調較得啱啱好, 略帶少少酸, 如果唔夠酸又可以篤埋d檸檬喎, 不錯小菜白飯x1 + 大可樂x12人共消費 : $180

今日去咗上環熟食市場到買外賣返公司食。係棟記到買咗盒鮮茄蛋牛肉飯炒底。整體都幾好，只係啲汁甜咗少少。同埋有味精，不過出街食飯點會無味精吖。

第一次到上環街市吃飯，唔算好旺，地方尚算清潔。一行四人試了數款小菜。粟米魚肚羹：幾足料，不過味道唔突出，一般啦！土魷蒸肉餅：肉餅肥瘦適中，肉質軟腍。土魷先切粒浸腍，並混在肉餅中，既香又能增添口感，唔錯。鹽焗烏頭：都幾大條幾有魚味，OK喎。滑蛋蝦仁：滑蛋做得幾好，夠滑。蝦仁夠大隻及爽口，只是鮮味略遜，應是雪藏貨。計及價錢，可接受。咸魚雞粒炒飯：幾香，唔油膩，OK。

2009-02-04一大班人又易搵位又化算o既，o係上環呢度，街市大樓一定係選擇之一基本上我就o黎食晒呢度咁多間了就坐了落呢間未試的午餐$30 但唔o岩feel，另選豬什炒麵呢度上東西慢了一點點炒麵是脆的那種，正，o岩feel。無熱氣感覺豬什有豬肚、豬月閏、豬腸、肉絲，非常足料，係o的月閏仲有血水。食唔晒，好少何，咁應該真係幾抵順帶一提，同事的豆腐斑腩午餐變了時菜斑腩，感覺差得遠……但無叫佢換