影片
相關文章
午餐時候去食 見佢咁多人就決定幫襯吓點知仲晒伏我哋叫咗一個乾炒牛河，同埋一個牛肉炒麵，點知等咗45分鐘都冇嚟，我哋喺30分鐘開始吹，一開始以為漏咗單，完全冇人理我哋，叫我哋飲住出邊例湯先，佢午餐就有一碗例湯同埋一杯嘢飲等到咁上下，點知最後都係45分鐘先有，期間問咗好多次侍應姐姐，當然態度非常惡劣，我哋多番同佢講話得返好少時間，幫我哋跟進一下，點知都係冇理我哋，味道嚟講，我覺得都還可以嘅，但係如果等咁耐嘅話真係接受唔到、、、
繼續閱讀
朋友當初搵熟食中心本身都好猶豫好唔好食點知真係一試難忘 真心高質過好多酒樓 食完返唔到轉頭而且環境都乾淨企理 坐得都好舒服㗎❣️上湯白菜仔上檯果刻都覺得好有誠意 有炸過嘅蒜子 芹菜 薑片食落味道好有層次 唔會因為上湯煮就好單調而且白菜仔夠晒翠綠 煮到恰到好處❣️油鹽水浸蜆呢度嘅蜆肉隻隻飽滿 食蜆除咗要有鮮味之外 最重要當然係冇沙 上湯鮮甜之外 仲用咗啲紅椒絲同芹菜吊味 底下嘅粉絲吸收晒啲精華 勁好食❣️蒜蓉焗蝦海蝦隻隻飽滿 食落蝦肉鮮甜 爽口彈牙 一起菜嘅時候蒜蓉味勁澎湃 果然食落除咗蝦殼香口之外 蒜蓉味都滲透落蝦肉度一份仲有好多隻添❣️冬菇蒸雞冇食過咁好食嘅蒸雞 勁香嘅玫瑰露同埋油味而且全部都係肉嘅部份 冇背脊位雞肉醃得好入味 夠滑溜 冬菇份量都好慷慨即叫即蒸 想食就要耐心等候啦
繼續閱讀
呢晚嚟咗呢間喺街市大樓裏便嘅熟食中心嘅飯店食晚餐🤣呢度係大排檔風格， 搭電梯上嚟嘅時候一個人都冇，入到嚟就見到幾乎坐滿人，真係犀利🤩$128「豉汁蒸排骨」: 排骨大大碟兼大大件排骨黐住好多肉，豉汁蒸特別惹味🤣$60「蒜蓉炒菜心」：菜心新鮮爽脆，蒜蓉炒簡單好食，份量非常多好大碟🤩$218「豆腐蒸班頭腩」：班頭腩有魚肉又有啫喱狀嘅魚膠，又滑又鮮味🤣$65「星洲炒米」：材料有蝦仁、火腿、魷魚、雞蛋、香蔥、洋蔥🧅等等基本上有齊一切「星洲炒米」應該有嘅材料，炒得香口，又係好大碟份量好多🤣
繼續閱讀
平日午市（2點先到）一共叫左3個飯1 秘製咖哩雞飯有香料味同有啲辣會嘴辣 但喉嚨唔辣料有紅蘿蔔（淋）同連骨雞肉（冇煎）係配飯一流既咖哩2 干炒牛河唔會好油河粉唔淋3 梅菜靚扣肉夠味但唔7分瘦3分肥
繼續閱讀
棟記來過晚飯,價錢不貴, 中規中舉, 午飯倒是第一次, 應該係第二次先啱, 上星期已經來了一次, 叫咗個椒鹽豬扒飯, 冇太大驚喜, 但見到好多人食生炒排骨飯, 個樣幾好喎, 所以今日特登來试, 午餐選擇多,價錢亦都唔貴, 堂食外賣都人多.講返個生炒排骨飯, 排骨都幾脆口, 應該係當天才炸, 有肉有骨, 配菜有洋蔥,紅椒,青椒,菠蘿, 該有嘅都有, 酸甜度越亦拿捏得不錯, 生炒排骨飯加凍飲, 盛惠52蚊, 都不錯喎.
繼續閱讀
您可能會有興趣的...