棟篤食

2-3-2026（Sun）晏晝，同老公喺尖沙咀享慢煮意食完唔飽嘅tea後，返荃灣再掃街，我哋返到路德圍呢邊搵，我就推介試呢間，我哋嚟到睇，見串燒由$16.00一串起，但我諗唔到食邊隻好，又見到$28.00一份嘅椒鹽雞軟骨就想食，於是決定要呢樣，買嘅時間，店主問炸唔炸？我心諗乜唔係炸嘅咩？我答炸。咁就等喇。等等吓，睇見老公手上有一兜嘢，我就行埋去，原來佢用$10.00買2咗燒賣同魚蛋各一串，佢話咁抵所以要買。佢哋落咗喪辣沙爹醬，而研究吓，每樣都有5粒，OK啦。我先食燒賣，魚肉燒賣比兩個幾鐘前，喺魚肉湯皇買嘅彈牙，但又冇前一日食元朗燒賣皇后嘅咁腍，係兩者之間。5分而魚蛋亦比元朗燒賣皇后嘅彈啲，而沙爹汁係辣，不過程度就唔係喪辣，或者因為流晒落底啩。4分呢個價錢佢贏晒呢。而炸椒鹽雞軟骨呢？終於等到喇，由買到有要8分鐘時間，熱騰騰，份量亦唔少，我食先，脆卜卜，味道又好夠，好味呀！但超熱氣，要買嘢飲喇。5分…查看更多

去到荃灣路德圍，成日都買燒賣食平時都係食龍津未食嘅燒賣 今次試吓新嘢試咗棟篤食嘅燒賣 $10蚊10粒⚠️⚠️⚠️佢仲有自家製嘅秘製麻辣醬呢一間小店仲有好多種小食會買，之前曾經買過炸燒賣好似係$20 ，不過當然份量係少啲啲一直都覺得佢嘅炸燒賣好好食，所以今次試返正正常常嘅蒸燒賣睇吓效果會點今次是正常嘅燒賣，口感都幾好，只係佢講嘅勁辣辣將將有少少失望，入口之後立美唔算多，初頭以為後勁會好勁，幫我熄完都仲係一直都冇乜辣味希望佢嘅辣醬下次可以整得更加辣🙊🙊味道: ⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️🦽👍🏻: ⭐️⭐️⭐️⭐️⭐️🚗: 隔離就係一個好大嘅咪錶錶位場…查看更多

呢度賣嘅都係掃街必備嘅魚蛋，燒賣，同埋串燒嗰啲，冇乜特別有自己特色嘅小食。所以競爭都有啲大。佢嘅魚蛋，燒賣食落去同一般小食店嘅冇乜分別，應該都係同一啲貨，但係個汁應該係自己調，幾惹味。…查看更多

🕖時段-星期六夜晚以前夜一夜落路德圍都一定唔洗驚無野食 點知原來而家好多餐廳9:00pm就last order🥲 所以求其揀左幾間小食醫肚就算_▫️魚蛋燒賣 $10/2串好抵食💰$10有共10粒 淨燒賣/魚蛋 或者兩溝mix埋都得👍🏻魚蛋同燒賣都係普通野 但配埋沙嗲醬生色不少😋我揀左唔辣都好好食😙另外佢有個喪辣沙嗲但我驚handle唔到無揀😂😂_棟篤食仲有其他串燒 不過我趕車廢事等就嗌左魚蛋燒賣即買即食 _🍽環境買完企係度食好熱😂掃街既味道😌…查看更多

掃街點都唔少得得篤串魚蛋燒賣食，黎到路德圍，見到呢間棟篤食大大隻字寫住“喪辣沙嗲汁”，好似好勁咁，緊係要挑戰下，睇下係咪真係咁喪辣先！1⃣️魚蛋（$10/2串）呢度既魚蛋就好普通，細細粒，唔算特別彈牙特別好食，但係個沙嗲汁先係重點🤩有得揀要辣定唔辣。話明喪辣緊係要嗌辣試下啦！個沙嗲汁見到有粒粒花生碎，一啖食落好香沙嗲味🤤個辣勁一開始唔係好覺，一食完，就feel到了！真係幾辣幾惹味！🔥  2⃣️燒賣 燒賣都係普通貨色，正正常常，不過配埋個沙嗲醬真係好正！下次黎會想試下點佢其他串燒食，我諗其他野配佢呢個沙嗲醬一樣會好正！  …查看更多

$25/10粒炸燒賣，$2.5一粒，都略貴，但係真係好好食😳 佢真係做到外脆內軟，老實講佢嘅裝修我都唔會覺得佢會特別好食，只係因為成個路德圍得一間有炸燒賣所以先揀佢，但真係冇揀錯🥰🥰 …查看更多

前排禁堂食，黎到路德圍掃街，跟住見到依間串燒舖有啲人排緊隊，所以就諗住試下。叫咗三串串燒，火雞腎、雞肉、牛肉。估唔到佢個汁超級惹味，三串入面最正係火雞腎，個口感好正，好食！沙嗲汁係好有花生味，好濃郁，好少會食到咁有風味嘅串燒，推薦大家一定要試下，尤其係火雞腎。…查看更多

惹味即燒串燒～⁣⁣⁣⁣⁣▫️即燒串燒($40/3串)⁣串燒推介叫豬頸肉同雞軟骨，唔食辣既話一定要叫唔辣沙嗲汁，好香花生味！⁣⁣另外佢都仲有賣唔同小食 蝦子撈麵等等😜…查看更多

荃灣路德圍不嬲都多野食，荃灣掃街必選地方。好多店舖進駐荃灣也有店舖結業:(，愈來愈多珍奶進註路德圍，但係依間就係路德圍好多年啦，依間野串燒係咪真係咁正呢？🤔我叫左3串豬頸肉($40)，未講食物之前，依間就係路德圍好多年啦。依㡬年都見住佢地加價😅，當年好似$10左右/1串。依間係爭鮮隔離，老虎堂對面，但附近近後巷😯，一個個大型垃圾桶係隔離，所以多數人都會拎走食，依間好多人黎掃街，所以有時要排好長隊，即叫即燒，要等一陣間，預好時間去食呀⋯⋯3串豬頸肉($40)，係呀依間嘅豬頸肉真係好正呀，試過返尋味，一食再食。價錢好似年年都有加，不過每次都係一兩蚊，依加$15/1串，$40/3串，除翻都係$13左右1串，合理價錢。即叫即做，等嘅過程見住佢咁燒都流口水啦🤤。豬頸肉好juicy，唔”銀”唔”鞋”，唔會燒過龍，亦唔會燒得太乾，個汁都正甜甜地辣辣地，⚠️唯一注意小心啲汁滴到你度⋯⋯之前試過雞牛就麻麻哋啦，但係豬頸肉好好味😋⋯⋯依間串燒無得頂，平靚正，荃灣掃街必食，一食再食，諗翻琴日先食完，今日又想食啦，十分推薦大家去食豬頸肉，因為真係好正呀🤩，真係好正呀🤩，真係好正呀🤩，重要野講三次😇😌⋯⋯…查看更多

經常去荃灣掃街，棟篤食$40有3串串燒都幾抵食，我哋叫左司華力腸、雞軟骨同雞肉。最鐘意食個雞軟骨，燒得好香口。司華力腸都係好好食，但略嫌個串燒汁唔夠惹味。至於雞肉，我覺得好嚡，食左一啖就交俾男友KO。總結價錢ok，食物水準都收貨。…查看更多

喺荃灣路德圍係掃街天堂！呢間係其中一間食串燒既小食店，一定要企喺度食或者拎走。串燒方面，有好多唔同嘅選擇，雞、牛、豬、魷魚，仲有魚蛋燒賣呢啲一般掃街小食都有得賣。價錢方面係$15一串，$40三串，有啲就$20一串，我覺得價錢較一般串燒貴，但非常好食，尤其係佢個沙嗲汁！非常入味，必須要嗌辣嘅先有汁，咁先至好食！之前食過一次金菇肥牛串，唔係成日有嫁！夜少少一定會賣晒，今次試咗雞肉、雞腎、豬軟骨串 ，因為三串買會抵啲。下午茶時間落嚟路德圍食幾串串燒當下午茶，唔怕餓親，份量又啱啱好…查看更多

前幾日行過路德圍 發現得番棟篤食係我中學回憶既小店😢（其他舊鋪全部轉晒做珍奶咁濟..）呢間食左都差唔多有十年 最中意都係叫燒賣少辣 佢地自家製個汁真係好好食🤤! 雖然而家加左價 但$10兩串都算係咁 熱辣辣又多汁 唔洗淨係點豉油咁悶～希望棟篤食唔會執笠啦! 大家得閒經開就幫襯下 阿姐好好笑容架!…查看更多

呢間野係食串燒既. 因為我都幾鐘意食辣, 所以就叫左大辣 超正!😋 我叫左我既至愛 Scallop 同埋金菇肥牛!Scallop都新鮮, 金菇肥牛幾正下, D汁都仲流緊出黎肉質鮮甜, 燒豬頸肉亦都恰到好處,好咬口!…查看更多

係路德圍掃街既時候，見到龍x，我都會不期然咁行去旁邊個棟篤食。因為由中學開始就食佢地既串燒、辣汁大。$10魚蛋燒賣，秘製辣汁香到好遠都會聞到。燒賣好好食，唔會粉到食唔到彈口。魚蛋密度高，咬落去煙煙韌韌。…查看更多

放工等朋友放工打算一齊食晚飯嘅時候，真係忍唔住好肚餓。就想搵小食店吉返一兩串🍡頂住肚，原本諗住幫襯龍津，但見到喺佢附近隔幾個鋪位呢一間小食店，自稱喪辣沙嗲汁好似好厲害🔥，咁就不得不試下喇。$10有兩串一共有十粒，揀咗五粒魚旦五粒燒賣，比隔離龍津貴$1。燒賣同魚蛋食起上嚟都平平無奇，只係一般嘅批發貨。但個辣汁真係有啲驚喜，食落口無咩沙嗲味，反而個辣味嘅後勁好強，令人情不自禁咁想係咁點個汁。小店亦都有售$15三吋既串燒，非常抵。見佢真係會用燒烤爐黎燒，但因為唔想太飽，所以都係留返下次有機會試吓啦👋🏻。完…查看更多