棋吧

營業中

休息中

完全係靠環境，食物質素好一般。如果想約下friend 傾偈玩下boardgame算ok. 但係啲game有啲舊，monopoly 個板爛咗😅 我哋有6點坐到10點，都幾舒服。地方唔嘈，但係除左我哋冇其他人🤣 最低消費係一個餐，包埋個飲，唔算好底又唔係好貴。個pizza都幾硬就唔建議食啦。好似返咗小學食個pizza. 咦？係一個好熟悉個味道阿！描述就係一個落咗好少芝士但係多甜番茄醬嘅pizza。味道好甜同時又好硬. 😅😅😅😅個意粉就正常, carbonara同橄欖油意粉小小辣但係都正常發揮。番茄意粉唔辣。整體好一般，唔好食又唔難食。個橄榄油意粉就真係得意粉，胡椒，油。雖然跟嘢飲，$118真係有啲貴😅🙈 個碟浸晒油！呢個價錢起碼我expect有啲蒜片，小小芝士，好啲就有啲煙肉/菜？！It's entirely dependent on the ambiance as the food quality is quite average. If you want to invite a friend to chat and play board games here, it's okay.

星期六同朋友去食飯玩下board game吹下水唔經唔覺就5點幾玩到9點幾玩到佢地要關門先捨得走🤣野食叫左蘆筍煙肉意粉$118連一杯野飲個人覺得佢意粉係好食既而且份量都夠起碼女仔會覺得飽先玩既時候店員（定店主？）都唔會打擾環境都乾淨會再約fd去

Boardgame款式算多，除左基本狼人、uno、Dixit之外，有好多好玩既game例如花磚物語等等。52蚊一杯野玩下game，唔錯既落腳點。食物方面，好多都無得提供，迫住揀左三個pasta，分別係番茄大蝦、卡邦尼、野菌，三款都唔錯，但其他都伏伏地，特別係至尊pizza，底又薄又硬，味道完全係小丸子味，而小食拼盤都一般，基本既薯條都麻麻，有啲失望。當日開到10點only，如果可以開耐小小，玩耐啲就好。

同朋友book左12nn到5pm時段來到呢度玩玩食食，睇到啲boardgame都幾得意，食物都還好啦～大家都見到Ig相既芝士牛肉漢堡好似唔錯，所以全員叫左🤣 玩左條女、9Xpper同密室逃脫。真係好燒腦🤣🤣5個鐘都幾抵玩～

今日同朋友去咗旺角一間Cafe，地方整潔都乾淨，一望落去，感覺幾舒服，又可以玩好多博game，有唔同嘅種類，同朋友消磨時間，是一流的地方，至於食物方面，都有好多食物可以選擇，包括有意粉類，飯類，甜品類，特飲等等，都有很多的選擇，一點都不會怕沒食物選擇，然後自己叫咗過香蒜蜆肉意粉，意粉賣相不錯，有好多顯肉，蒜蓉味好夠，個配搭好一流，仲可以配埋一杯$52的飲品，我叫咗個颶風提子紅茶，好好飲，這樣的配搭，很開胃，我都覺得呢一間會再同朋友嚟，食物唔錯，仲可以同朋友自由選擇board game玩，一邊食一邊笑，一邊傾偈，真的一個不錯消磨時間的地方！另外地方的冷氣都很足夠，光線空間感不錯，有足夠嘅窗，可以望到出面，一點都不侷促！

朋友聚會想玩boardgame黎左依間玩以前都成日黎依棟野玩不過好多年冇黎過喇人均消費$162 連加一野食加野飲啲boardgame比較殘舊野食等左好耐但估唔到咁好食咼我以為樓上cafe都係食垃圾多堅係好食呀👍👍不過如果員工積極啲加水同態度好啲就更好啦

喺旺角想搵間cafe hea下，見到呢間有boardgame玩就揀呢間試下。都算有驚喜，雖然得一個boardgame櫃，boardgame 唔算新，但估唔到都有成100款boardgame， 好夠玩。另外平時d boardgame cafe 要段鐘收費，呢間完全唔需要，最低消費人一個餐就可以任坐。幾個frd 食下嘢玩下boardgame 傾下計咁就坐左6個鐘，真係無趕過我地走! 又唔會逼我地加嘢食！真心正！我叫左個忌廉蕃茄大蝦意粉, 包埋杯嘢飲 $148 ，對面嗰個就order左客黑松露雜菌忌廉意粉，連嘢飲$138。咁嘅價錢有嘢食有嘢飲有嘢玩坐成晚旺角區好抵玩！

好耐冇寫食評今次有朋友介紹呢間又黃又好多Boardgame任坐任玩既cafe我哋一行4人都好鍾意玩gameWeekend梗係要嚟呢度放鬆吓估唔到咁有驚喜先黎一個 芝士牛肉漢堡 $148麵包鬆軟 牛肉好juicy 調味岩岩好薯條熱辣辣 做得一道菜唔錯 仲加左錢叫左杯house wine紅酒 不過唔記得幾錢嚕然後落黎係鮮蘆筍煙肉忌廉意粉 $128好creamy!蘆筍爽口好味中意食白汁既一定要嗌其實佢呢個價錢包野飲仲要任玩 真係cp 值好高煙薰鴨胸蕃茄意粉 $148鴨胸咸香 油脂豐富配埋蕃茄好開胃忍唔住係咁食！推介仲叫左個辣肉腸pizza $148好足料啊 芝士好足辣肉腸真係pizza中既皇道見到相都想食番….Staff教左我地玩幾隻game好nice又好玩喎！野食都相當唔錯榮升我地既飯堂

見到旺角有間桌遊cafe好推薦，今日同幾個朋友嚟呢間食飯，啲嘢食都唔錯喎。其中個黑松露雜菌忌廉意粉同至尊pizza值得推介。黑松露雜菌忌廉意粉好creamy，黑松露夠香，雜菌份量都唔係揸流攤。至尊pizza幾有創意，好似章魚小丸子既感覺呢度有成個櫃既桌上遊戲，普遍嘅game都齊，同朋友只係玩左一兩個，希望下次可以再嚟玩，個氣氛真係好好！當晚都坐滿人，我哋見兩個員工都做到手忙腳亂，出餐有啲慢，但呢度勝在最低消費一個餐就可以比我地任坐，呢個價錢都算難搵了！👍🏽

完全垃圾到一個點地方細就唔好做咁多台客 全晚得兩個妹妹仔做嘢一個就不斷喺個廚房仔度煮煮煮另外嗰個就落下單 沖下嘢飲 大大話話都4-5台客 七點上去 8:30先至嚟第一碟意粉 仲要係金寶湯煮意粉，收我$188！好野。一杯藥水味嘅嘢飲 細杯過平時大家樂嗰啲都算 收我58$。又貴又難食又冇服務 仲好意思收我+1服務費？先唔好講你黃店定藍店，我哋一行六個人無一個人係食得飽，但係埋單都12xx, 嗰碟意粉份量少到我隻狗都唔夠食 兩舊咁嘅鴨胸仔 收168-188$ ，仲要唔係啲咩廚師煮，係個20歲都唔知有冇嘅妹妹仔喺個開放式廚房仔度煮。另外嗰個比杯嘢飲落嚟嗰陣仲要一野掉落嚟，好似我殺咗佢全家咁！我下次點敢嚟啊😅😅

一次十分氣憤嘅經歷，以後唔會再去我地6個人去，事先無通知話要一人一個主食，當時我地嗌左5個主食2個小食加6杯飲品，第一碟意粉等左差不多有半小時先到，之後再有第2樣食物再加一份後加嘅小食，野飲6杯需時大約一小時，野食嘅質素完全係無言以對，而店員嘅態度係黑面！黑面！同黑面！放低杯飲品嘅時候好似我地得罪左佢咁，之後坐左有2小時，我地好奇怪點解人地遲黎嘅食物都出緊黎而我地嗰d未到，店員就行過黎話我地6個人要叫6個主食！小食唔計！我地話我地本身叫嘅都未黎齊，點知佢答我整緊囉，但加埋d食物要大約2.5小時先完成，完全唔知食左d咩。走嘅時候發現原來唔止我地覺得有問題，格離枱直情投訴緊佢地d食物同服務態度。所以以後唔會再去。

約人食飯旺角就最方便見到呢間旺角cafe好似幾吸引就過黎食一入到去環境都幾闊落店員都好nice餐牌上既選擇都好多我就叫左份 慢煮香草牛柳配松露泡沫大啡菇 $188超級好味 薯蓉好滑 好易入口牛柳唔太生唔太熟剛剛好 易切大啡菇都好好味唯一美中不足係份量偏少女仔食可能覺得都ok男仔應該就唔飽另外朋友叫既西班牙燻火腿蜜瓜 $68檸檬牛油煎比目魚柳配忌廉椰菜花飯 $168檸檬牛油煎比目魚柳配忌廉椰菜花飯野飲方面 我就叫左曲奇朱古力奶昔 $68一黎到非常意外 估唔到係搵碗裝住上面仲有好多爆谷 夾埋一齊食真係好夾夠凍同埋都夠大碗 好味朋友叫既水蜜桃荔枝茶 $68外形好特別 無視飲管後會覺得似裝飾總括而言食物方面 好高質但好細份野飲方面 好飲同好驚喜環境方面 闊落好坐

【油麻地黃Cafe💛一人叫個Set Dinner就可以任坐】-轉咗工之後好耐無同D舊同事傾計，今次就揀咗呢間黃既樓上Cafe，一人叫個Set dinner就可以坐到10pm，仲有boardgame可以玩🤪-//環境🌕🌕🌕🌑🌑佢比我想像中細，入到去已經一眼睇曬，仲見到個廚房，淨係坐到幾檯，如果大家要開記得一定要提早Book定枱先！檯與檯之間都好近，我地個日咁啱隔離檯好嘈，結果我同fd傾計都要哄到勁近勁大聲先傾到計☹️-//食物1️⃣ 小食拼盤（$108）🌕🌕🌕🌗🌑個小食拼盤有牛肉薯餅、薯條、雞軟骨等等既炸物，算係炸得幾好，款式多，不過佢就唔係Set Dinner嚟，所以唔會計落個最低消費到🙋🏻‍♀️2️⃣ 辣肉腸薄餅（$148）🌕🌕🌕🌕🌑個Pizza有驚喜！啱啱出爐夠曬熱辣辣，咬落去番茄好juicy，個餅底仲脆脆地，食多幾塊都唔厭！😬3️⃣ 日式咖喱炒蛋牛肉漢堡（$158）🌕🌕🌑🌑🌑呢個就真係有少少中伏了，本身係想叫日式咖喱炒蛋吉列魚柳拼飯，但佢地魚柳同飯都無曬，之後就order咗牛肉漢堡拼薯菜🥲一上菜個賣相真係有D頹，塊牛肉漢堡黑媽媽，又細舊，個炒蛋都好細份，完全食唔飽，唔值呢個價😭//總結呢間Caf

朋友將會離開香港，去另外一個地方好好生活特登挑選咗呢間樓上cafe見朋友最後一面，順便一班中學同學相聚下。。地方算非常之就腳，就喺旺角東方紅後面條巷仔，唔細心啲搵都唔知個入口喺邊好處係唔洗同人哋迫。一入到去店員好細心介紹餐牌入邊有啲咩，每人平均消費。我哋平日夜晚去最低消費一人一個套餐，包一杯野飲我係酒鬼，所以加咗錢飲cocktail😋😋 💛黑松露雜菌扁意粉玩完boardgame開始肚仔餓🥲一上枱香氣撲鼻😚😚原本仲驚會好齋，估唔到食落去又幾香口，菇俾得好足！意粉份量女仔就啱啱好，軟硬度都岩岩好小店有驚喜！不過男仔就要嗌多份小食先夠飽💛芝士蕃茄肉腸薄餅 見隔離枱個Pizza都幾吸引，我哋都唔執輸賣相都得，趁熱食芝士都有拉絲不過芝士可以再多啲，咁就Perfect啦我哋四個人share都ok.💛脆炸雞軟骨掛住食冇影相，雞軟骨炸得啱啱好！好惹味呀！送酒一絕，成晚叫咗成三份最後玩到悶悶地，店員都有推介我哋玩咩遊戲好，全場玩到㷫烚烚，都冇顧到形象不過肥蛋見到全場得一個店員在場，不過佢哋堅持用酒精抹枱，令人感到衛生好好，記得早啲叫嘢食，咁店員就會預備得好啲同埋記得提早booking呀！當晚見到有幾台W

隔左個兩月冇來，個menu又變左😂，總體來講款式比之前多左好多。環境都算唔錯下，最緊要可以慢慢hea時間，🤣點左兩個意粉餐都係一百二一百三蚊左右包埋杯52蚊嘢飲。平時叫返杯朱古力or咖啡補返幾蚊差價就OK，不過今日天氣太熱，想飲d清爽嘅嘢，所以點左蜂蜜紅茶，中規中矩。不過佢哋d朱古力特飲超好飲！！！😋嘢食睇得出，店主都好比心機，幾乎每個季度更新一次menu。款式太多了，有點選擇困難。不過佢哋嘅黑松露意粉勁香黑松露味！睇得出d料比得好足。我friend 叫左個韓式卡邦尼，個韓式卡邦尼簡直係驚喜之選！一點都唔輸比d部份餐廳。唯一不足，上次同個staff 講味道有少少鹹，結果今次個黑松露意粉味道淡左d。🤣不過都好好吃。同埋人地主打board game ，board game 款式好多。一班朋友仔一起吃飯玩整個晚上都唔係問題😆。睇某社交平台見到店主莫名奇妙被中傷，今日特地上來捧場，希望你地可以繼續加油。上次來焗到爆，但係今次來又幾涼爽下。同埋d staff 好nice