桜

今日喺荃灣收工見有啲肚餓，就走咗去路德圍搵嘢食。見到呢間手捲店都幾多人排隊，就叫咗兩款手捲試吓。首先講個三文魚手捲，一拎到手就知無揀錯，三文魚色澤鮮亮，油脂分布均勻，入口軟滑又唔腥，真係夠晒新鮮！個飯煮得啱啱好，醋味溫和，飯粒分明唔會太濕或者太硬，同魚生配合得幾好。另一款芝麻八爪魚手捲就正常發揮，八爪魚有咬口，芝麻香氣幾出，不過無咩驚喜，中規中矩啦。整體嚟講，兩款手捲嘅材料都算足料，紫菜亦脆身，唔會擺耐咗就變韌。價錢方面真係抵讚，咁嘅質素，30零蚊就搞掂，性價比高到爆！雖然係立食，環境簡單啲，但係出品質素對得住個價有餘。如果經過附近想醫肚，呢度絕對係中上之選，值得回頭再encore！…查看更多

#20241217 💛📍 #桜 荃灣荃興徑8號昌泰大樓地下4B號舖 🍽️西灣河筲箕灣道57-87號太安樓地下A48B號舖➖➖➖➖➖➖➖➖➖➖➖➖➖➖➖➖➖#芥辣八爪魚手卷 $14#活赤貝手卷 $38💭 首先包裝好貼心，除左將啲紫菜隔開左唔使驚整淋晒之外，面頭仲有塊遮一遮住啲餸唔會倒瀉晒👍🏼芥辣八爪魚味道正常，但勝在夠平，叫兩個都夠飽肚，絕對係窮人恩物🐙活赤貝雖然比起上尼貴啲，不過物有所值，係新鮮野食落又爽又彈牙，性價比極高呀呢間野🤩.#荃灣美食 #荃灣黃店 #🐷在荃灣 #西灣河美食 #西灣河黃店 #🐷在西灣河 #🐷_食 …查看更多

成日行開去個頭食野都見到有人排隊，今晚終於有機會試一試佢既手卷，叫左一客加拿大海膽手卷（兩格海膽）同一客厚切三文魚腩手卷。雖然鋪頭主要做外賣生意，冇座位，但門口都有張立食枱，有豉油、Wasabi同Wasabi油供應。加拿大海膽手卷：今次叫咗兩格嘅份量，一拎到上手本身有少少失望，因為見到面頭嘅海膽份量唔多，但食落先發現原來食到最底都仲有好多海膽，絕對係真材實料。而且加拿大海膽味道十分鮮甜。厚切三文魚腩手卷：真係非常厚切嘅三文魚腩，亦都係咬到底都仲有三文魚👍…查看更多

今日趕時間，整個快 Lunch 先～加膽手卷加多個海膽魷魚手卷，正呀～好足料仲有Wasabi 同埋豉油係比你自己吱。舊飯 size 啱啱好，雖然唔係話超好食，但係睇返個價錢。完全無得輸，性價比高冇得輸～…查看更多

朝早去完葵廣後，晚上就去左荃灣路德圍繼續掃街。路德圍有一間壽司店都買左好耐下，今次就試試佢手卷，點了火炙牛油三文魚手卷 ($19)。火炙牛油三文魚手卷 ($19)唔好睇佢白雪雪咁以為佢好淡味，一咬落去Ｄ牛油味爆發哂出黎，仲要係熱辣辣的！自己再加少少醬油就夠哂味了！19蚊而言佢都幾抵食的！值得推薦！以下係我的評分（滿分為５分）：味道：4.5分環境：(外賣不評)服務：(外賣不評)價錢：5分推薦程度：5分桜   網址: https://s.openrice.com/QrbS0Mk0800~uKZISBA地址: 荃灣荃興徑8號昌泰大樓地下4B號舖…查看更多

26號晚男朋友買左外賣反黎食，帶子蝦、吞拿魚蓉、三交魚、鰻魚手卷，太多加埋差唔多10件。我食晒兩件吞拿魚蓉手卷，食完一個鐘到胃想嘔，以為自己食太多，食完兩個鐘頂唔順去左廁所嘔，又嘔又柯，都冇會事，諗住上床訓。然後全身發冷，量量體溫燒到上38度，即刻入左北大睇急症。打左一針，開左一堆藥，訓左日終於冇咁肚痛，但呢刻仲柯緊綠水，真係多謝晒，麻煩你睇到呢篇野時去睇下你間鋪食物衛生問題，食材新鮮問題。慎選啊大家。…查看更多

每次去荃灣行完街街都會過黎路德圍呢邊睇下買咩宵夜返屋企食😋😋呢間「桜」Sakura 外賣手卷店就係我既首選喇～舖面貼左數十多款手卷選擇，價錢最平十幾蚊就有交易，好抵！有手卷相睇真係易揀好多～A29 北寄貝手卷 $18 （推廣價）⭐️⭐️⭐️有5-6片北寄貝，北寄貝色澤唔錯，紫菜好脆，抵食之選😊A06 帶子拼海膽手卷 $42 ⭐️⭐️⭐️⭐️帶子肉厚，海膽新鮮，兩樣我都好鍾意❤️，食落都鮮甜味美，以$42 呢個價錢食到，真心抵食呀～有機會想試下堂食，見D人企响舖頭門前有張高枱，即整即食好似幾滋味咁😆…查看更多

好耐都冇去過荃灣嘅路德圍啦，以前間唔中都會嚟呢度搵嘢食，好多又抵食又好食嘅小店，最常食嘅有刀削麵啦、米線啦、泰國菜啦，仲有好多甜品舖， 好多選擇，一入夜就會聚集好多人，尤其是年青人 。另外呢度有好多間鋪頭做外賣嘅，其中一間最多幫襯嘅係呢一間日式手卷小店 ，你都可以堂食嘅，不過就得一張枱仔囉，所以通常我都係外賣，價錢都好大眾化，有十幾蚊到四十幾蚊都有，最啱就係買返屋企做宵夜 ，又唔會太heavy，又好食。今晚就嗌咗四款， 一款係海膽帶子手卷（$48）攞到返屋企食海膽都仲好新鮮，一款係海膽飛魚子手卷（$34）飛魚子好足料滿到瀉曬，一款係北寄貝手捲（$18）另一款係芥辣八爪魚手卷（$14）， 加埋曬都係一百蚊多啲，抵食！…查看更多

呢間算開得夜有手卷賣都有外賣刺身價錢就正常唔會因為係小店就好低價但食得出有質數，所以長期都有人幫襯試左甜蝦手卷、三文魚手卷同三文魚腩手卷即食有普通豉油、辣豉油、wasabi同一枝激辣既汁自助任加手卷即叫即整飯粒粒分明微暖唔會硬唔會乾唔係行爆餡路線但其實夠食刺身食得出既新鮮會encore自助wasabi算辣要小心加既份量…查看更多

今日出街經過荃灣見到呢間小店 以前成日都食開佢嘅壽司係平靚正😋😋😋今次叫呢個都係14蚊 三文魚手卷☺️三文魚新鮮 手卷嘅飯都夠微微暖 呢個咁抵嘅價錢 整體都唔錯👍🏻👍🏻…查看更多

桜 Sakura💛14. 帆立貝手卷 $245. 三文魚拼吞拿魚蓉手卷 $28人均消費: $26 (2人)-14. 帆立貝手卷粒帆立貝好鮮甜 好大粒🤤鋪滿晒成個手卷嘅表面😍不過如果個紫菜再脆啲 就好啦但佢嘅紫菜又唔係話去到好淋同埋都feel到佢手卷啲飯係醋飯😋但又唔會有浸酸粟嘅味·🌸：5. 三文魚拼吞拿魚蓉手卷新鮮好食🤤(我呢個friend成日好少評價🤣)-9/9/2022 ate嗰度仲有唔同嘅豉油 Wasabi俾你落🤤有張枱仔俾你企喺度食成日都掛住尋覓出面掃街嘅嘢食忽略咗本身自己荃灣嘅小食🥲-好味程度：🌕🌕🌕🌕🌑抵食程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌕🌑🌑·#od荃灣覓食之旅 #od食日本嘢#od食掃街·希望疫情快啲完結啦💛大家都要身體健康💛…查看更多

平時有食開呢間三文魚嘅手卷，運動完後比較肚餓，就叫咗個丼飯因為睇圖片好吸引份量一定多過手卷原來係大騙案一打開我直頭嚇親嘩了一聲 分量少得非常可憐收丼的價錢份量竟然跟手卷一樣實在太離譜是否就嚟結業，所以入貨很少呢…查看更多

每次經呢條街都會見唔少人買呢間嘅手卷食，一開始完全係俾人流吸引所以先會去食😂一次過試咗三款: 三文魚腩、明太子帆立貝 & 甜蝦帶子其中最出色嘅一定係甜蝦同帶子😻好鮮甜。不過啲紫菜淋咗啲，如果脆啲成個口感會再出色好多。…查看更多

🎊荃灣掃街 | 第一彈.期待已久既復活節假期終於正式開始喇🥳第一站就係去荃灣掃街😝自從疫情開始之後都冇乜點出過街食野，掃街更加冇掃好耐🤭今次去荃灣梗係要去路德圍掃下街🤪咁耐冇去順便睇下有咩新鋪進駐😋一黎到見到呢間櫻壽司賣手卷，好似幾吸引，而且價錢唔貴就決定試下😍買左個炸蝦手卷，只係$14，性價比超高🤗等左大概10分鐘左右，原來蝦係新鮮炸起🤩之後自己加沙律醬同Wasabi❣炸蝦即叫即炸已經加左1000分，咬落去好熱超香脆💯即刻已經想加碼買多個，但因為要食下其他野所以冇咁做😂下次黎一定會再食.！🤤/📌桜荃灣荃興徑8號昌泰大樓地下4B號舖/😋食物質素：8/10💰性價比：9/10👣回頭率：8.5/10…查看更多

不嬲食開呢間手卷，次次經過都好多人排隊，但係佢又唔會要等好耐。最平嘅手卷先係$14，早排仲係$12雖然加咗價但都仲係好平。我叫咗個三文魚手卷，甜蝦手卷，三文魚海膽手卷。三個都好新鮮，而且佢啲紫菜識落仲係脆嘅，夾埋真係好正。…查看更多