454
112
68
港鐵旺角站 E1 出口, 步行約4分鐘 繼續閱讀
電話號碼
27877328
27978328
開飯介紹
台北文青咖啡店品牌,佔5600呎,有不少打卡位,二樓更設有桌球枱。主打人氣自家製爆餡三文治及燉飯。 繼續閱讀
營業時間
今日營業
12:00 - 17:00
18:00 - 03:00
星期一至日
12:00 - 17:00
18:00 - 03:00
*咖啡廳午餐: 07:00 - 17:00 特色晚餐和水煙: 18:00 - 02:00; 最後落單: 21:45
付款方式
Visa Master 現金 八達通 Apple Pay
座位數目
160
其他資料
網上訂座
餐廳運作模式 - B類
餐廳運作模式 - C類
Wi-Fi
酒精飲品
電話訂座
賞訂座積分
外賣服務
加一服務費
有關獎賞計劃
食評 (714)
等級4 2022-01-02
540 瀏覽
聽朋友講旺角開左間新式嘅日本西餐廳,食品品質唔錯,但一直工作很忙,未有時間去幫襯。趁著新年假期,就決定去試吓呢間餐廳,當係一年好開始的頭炮。我從旺角鼓油街轉入,無為意門口,結果要行返轉頭,原來鼓油街轉角就係。門口及內裡的裝修都是實而不華,有點文青Feel,餐廳合共分為兩層,地下擺了木桌同椅子,座位間不會太貼近,而最末端還有一排大陳設飾物架,架旁仲有棕色欄杆的樓梯可以直上第二層閣樓。仲未食野,望住呢個舒適環境,令人心情都變得輕鬆愉快。第一次嚟,我想樣樣試吓,原本想試和牛肉燥飯或者和牛刺身飯,都實在太好賣,服務員話已經售罄,惟有單叫和牛刺身,原來這個刺身都係最後一客喎。😊真係lucky。新年第一日就有好開始,Yeah。🎉🎉🎉日本A4黑毛和牛三文治(半份)🌟🌟🌟🌟🌟~三文治烘都香脆,中間夾住吉烈和牛件,和牛件雖然較厚,但仍保持中間嫩滑感。睇圖片就知🤭🤭🤭。Yummy。😋😋日本A4黑毛和牛刺身~刺身顏色鮮豔潤澤,肉紋分佈均勻,食落非常非常嫩滑。炸雞翼佐明太子芥末優格醬🌟🌟🌟🌟🌟~呢個有點喜出望外💖,雞翼炸得外表香脆,裡面仍有肉汁,無想過明太子醬汁非常惹味,甜甜酸酸,同雞翼好夾。👍👍👍👍雞泡魚干~本以為應該一般,但食落覺得表面好像煎過或處理過什麼,感覺上比起一般的,更香口,更有口感。😊總觀4個菜式都做得相當不錯,看到廚師嘅用心烹調,而且價錢合理偏平。值得俾個“贊”。🎉🎉🎉🎉🎉有機會真係要試吓特價午餐,價錢超吸引。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-10-15
4193 瀏覽
星期五約咗朋友一齊食飯,朋友話想一齊撐下良心小店。之前因爲見評價都好壞參半。既然朋友想食就一齊試下啦同朋友叫咗個二人日式套餐,兩個人就可以試多d野~炸雞與酸甜五味醬:五味醬既味道好複雜,酸味居多。值得一提個炸雞🍗好多汁,做到外脆內軟。炙烤鮪魚佐芥末蛋黃醬:會形容呢道係濃味既前菜,鮪魚帶微微燒過既焦香味,肉質比全生更加緊緻,配上燒汁、蛋白醬進食,好惹味。小食三味:係有醃漬菜絲、蘿蔔、蠔。特別一提既係蠔肉肥美唔腥幾鮮味。支豆就濃香蒜味十足!個餐有兩碗茶漬飯。兩碗都大同小異,但三文魚個碗會更為突出。因為味道比較合適,無明太子咁咸。鏗魚湯+茶既好配合。香蔥檸檬味噌燒腩肉:入口油脂十足,無想像中咁油膩,可能因為個檸檬醬油有一定酸度、同香蔥一齊入口更加清爽。如果可以燒得再脆d就更好熱炒魷魚🦑拌明太子醬。呢碟真係份量十足,燒過既魷魚彈牙又有燒烤既焦香味,如果配埋酒食更加出色。糖心蛋流心效果好,入口軟綿綿。最後是日甜品最令我傾心:係大大份既抹茶盒子!朋友唔太好抹茶都讚個甜品質感好好,蛋糕式吸收咗抹茶汁🍵奶油+蛋糕+抹茶互相配合,入口唔會太甜又有濃厚既抹茶香,抹茶控一個人都清完! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-24
3078 瀏覽
聽就聽左好耐喇, 成日都想幫襯但係都的唔起心肝BOOK, 因為通常都要好早BOOK定~呢家OPENRICE有得BOOK喇..!!!之前BOOK紀念日黎食2人餐, 真係冇諗過呢個價錢食到咁多野, 初初仲諗住2人餐望落唔多野可以再加D野食!點知個2人餐都好飽飽LU, 真係又抵又開心=]講下野食先, 叫左個雙人日式套餐($528)首先, 佢入面有三皇小菜仔同埋涼拌毛豆一開始黎左個灸燒鮪魚佐芥末蛋黃醬呢個吞拿魚堅有驚喜呀,佢個質地好好食, 第一次食呢D咁特別的配搭, 佢個邊仲有少少燒過, 去試過就明, 有朋友本身唔太LIKE TUNA的試佢都覺得特別呀!!另外佢有個炸雞(酸甜五味醬)真係冇諗過個份量咁大, 但係D雞真係嫩又JUICY架...完全係外脆內軟咁架~另外要介紹埋佢的熱炒魷魚拌明太子醬魷魚爽口彈牙的, 一D都唔會老, 仲有勁多的明太子醬, 身為超愛明太子的我表示好開心仲有唔可以唔記得的京蔥檸檬味噌豬腩呀!唔會好漏初初見佢驚肥, 我話食一舊好了, 點知好開胃, 食食下食左好多~另外就係佢的兩碗茶漬, 好大碗我都冇諗過我又食食下食晒, 佢有兩個味一個係三文魚一個係明太子, 我地就一半一半咁SHARE食..三文魚清DD, 明太子就濃D不過各有各好味呀!!!但其實成個餐最意想不到竟然係個甜品, 我真係真係真係真係.........好鐘意食呀..我係一定會為左個甜品特登去食多好多次的!!!佢係EARL GERY的巴斯克芝士蛋糕,佢不論個味道定個質地我覺得都係完美的..食到好飽都成個食得晒的甜品!佢仲配上好濃的奶茶比你淋上去...勁正呀!!諗起都已經想再食喇!! 繼續閱讀
(以上食評乃用戶個人意見 , 並不代表OpenRice之觀點。)
「桔梗」喺旺角砵蘭街獨佔鰲頭,面積超大,佔地三層,落地大玻璃嘅門面好吸睛。可惜無論我夜晚定日頭嚟,佢都係咁Full House,多人到直頭唔接Walk-in客😖。有見及此,我同朋友呢晚就預先訂定位,不過去到都係好多人🙈,好多訂咗枱嘅人。但好彩店員有齊客人資料,所以入座安排好順暢。餐廳有好多位,但依然咁滿座,證明人氣真係超高👏。雙人日式套餐👫($528),桔梗以台灣興行嘅咖啡小酒館模式經營,主打台日菜式,另提供各式酒水。呢度食物選擇多,但嗌餐就唔使煩,而且感覺仲好豐富添。涼拌毛豆以及三種小菜,四款前菜都唔同顏色🌈,視覺效果繽紛。毛豆以外,幾款小食都係開胃菜,醃到酸酸的,但老實講我就唔係好辨認到佢哋原本係乜食材。炙烤鮪魚佐芥末蛋黃醬,🐟鮪魚即係呑拿魚,魚片四邊炙燒得好均勻,燒過嘅部份特別香,而魚肉就保持彈性,配合埋芥末蛋黃醬食,非常夾。熱炒魷魚拌明太子醬,🦑魷魚份量多,每塊都佈滿明太子粒粒,脆脆的,幾得意。而魷魚質感本身亦都唔韌,所以整體算唔錯。香蔥檸檬味噌豬腩,🐷豬腩片煎得幾香,肥瘦適中,但底部有啲軟骨就扣咗分。伴旁嘅檸檬汁好出色🍋,帶點蜜糖味,加埋雙蔥食,風味一流。炸雞與酸甜五味醬,🍗炸雞係多樣菜式之中最遲送上,估計係因為需時油炸。炸衣又薄又脆,雞肉甚厚,肉質細嫩,沾上甜酸醬食可解油膩。茶漬兩碗🍚:明太子茶漬飯以及鮭魚茶漬飯,茶漬飯好大碗,兩款口味各有千秋,三文魚嗰款較有口感。茶漬湯嘅茶味頗為突出,但上菜時飯已浸於茶湯內,即等如泡飯,令到飯粒過稔過濕。溏心蛋,🥚伴飯有溏心蛋,一人有一隻,開邊上,流心效果算係合格啦。是日精選甜品係抹茶芝士蛋糕🍰,佢係近嚟大熱嘅巴斯克焦香芝士蛋糕,焦焦嘅外皮散發住香氣,蛋糕層則非常軟身柔滑,抹茶味恰到好處。飲品方面,套餐提供多款選擇,可揀清酒或茶,惟彈性不足,因為二人都要揀同一樣,齊冷齊熱😅,幸好我哋一致心儀凍京都抹茶鮮奶。Latte富有奶香,唔會太甜,但就略嫌細杯咗啲。總括嚟講,桔梗呢個雙人日式套餐一個字形容晒:飽,飽飽飽,味道亦都不俗😉。未幫襯過之前,都聽過餐廳評價好壞參半,不過親身食完後我覺得其實都OK👌。題外話,呢度天台可以食水煙,有興趣嘅不妨嚟試吓。 繼續閱讀
(以上食評乃用戶個人意見 , 並不代表OpenRice之觀點。)
等級3 2022-01-21
0 瀏覽
桔梗聽左幾年,成日都見到排哂隊,今日咁岩平日放假,去整頭髮之前,lunch時間黎到見到唔洗排隊,終於可以食到啦😊餐廳環境都幾寬敞,檯與檯之間有足夠既距離,唔會好擁擠😌我同朋友一人叫左一個lunch set1️⃣日本A4黑毛和牛肉燥飯配溏心蛋除咗牛肉之外,仲有配菜,令到成個飯既味道都豐富左👍🏻👍🏻👍🏻另外加左杯凍檸檬草薑茶2️⃣我就叫左個台式燉牛肉醬意粉配溫泉蛋味道係有小小辣,溫泉蛋都整得岩岩好,冇overcook👍🏻牛肉粒都好多3️⃣伯爵紅茶芝士蛋糕大家食完個主食都想試下甜品,本身想試芋泥味,但係sold out,咁我地就試左earl grey呢個,都似出邊嗰啲巴斯克蛋糕,食既時候倒埋醬上去食😋😋😋其實見佢仲有其他野食,下次再黎可以試下個壽喜燒😍 繼續閱讀
(以上食評乃用戶個人意見 , 並不代表OpenRice之觀點。)