桃園車站 (已結業)

我們人齊已取了飛等枱，老闆娘説有位的時候正行入去，在我們後面新來了一個女人，説要一張7個位的枱。老闆娘向我們說：「啱啱有7個位的枱，要比佢哋。」什麼道理呀？我哋排隊有飛又人齊，明明比我哋，而新來的客得一個女人，佢話7個咁就比咗佢？老闆咁樣做生意？真的太差！一個唔好心地的老闆，啲野食都唔好得去邊。得罪街坊？我哋會同所有馬鞍山friends bad list 佢。

鞍泰區終於有個We Go Mall20 年黎算係有返一個正常d 嘅商場 有日式 西式 中式 台式......今次就揀左係一樓嘅"桃園車站"星期六嘅lunch time 9成滿座但唔洗等位落單都揚手左一陣陣先有staff serve 明顯係唔夠staff重點一提：依度所有湯底預設係牛肉湯唔食牛肉嘅就要注意返古早味滷豬手台灣麵$63有四大嚿豬手 但豬手無味略淡麵底份量大 清湯底無乜味蕃茄湯吉列豬扒台灣麵$61蕃茄湯值得一讚 有幾嚿蕃茄肉同加埋蕃茄蓉蕃茄味融於湯底吉列豬扒好脆 唔會係厚粉 亦夠大件麵份量亦好足凍廚力水晶鴛鴦+$16 就算叫左"走甜 " d 水晶都係有甜味 所以其實溝埋鴛鴦 d 甜度係岩岩好唔"走甜"好肯定甜死同埋無乜咖啡味 成杯都比較奶味重今次只推介蕃茄湯吉列豬扒台灣麵而飲品，清湯湯底 豬手都唔合格服務都係一般，唔夠人手 係好影響服務品質

馬鞍山嘅We Go Mall開咗唔少嘢食，今次我同大肥肥👦🏻冇翻工就來咗呢度食下午茶🙈唔係話特別有心情飲飲食食，純粹食個快飯當一餐。大家冇胃口都一定要食番少少野，有力氣先可以繼續加油💪🏻🔥要食翻多d澱粉質1️⃣迷你肉燥飯 $32蔥爆得好香，令成個肉燥飯🍚好濃蔥味。肉燥切得比較碎，食落去都較為乾身，醬汁可以淋多d。飯都較乾身。滷水蛋🥚就幾入味，佢仲有條好長嘅菜心附上。🙆🏻‍♀️美味指數:6.02/102️⃣香脆奶醬吐司 $28呢個先係重點🔥!吐司🍞好厚身，而且夠哂熱辣辣同埋超香脆可口🤤佢搽咗好多煉奶，花生醬同牛油係上面，超正!!!平時食奶醬多大部份得煉奶同花生醬，呢個加埋牛油更加香滑🥰🙆🏻‍♀️美味指數:8.12/10💡整體來講，性價比高，一定要試下香脆奶醬吐司🍞

今日同朋友嚟到馬𩣑山 呢度出名美食沙漠所以我地就無咩期望😳😳😳但聽講呢度開左新商場多左好多餐廳 於是我地就嚟左桃園車站食台灣菜😙😙😙呢度個lunch menu都好抵食 全部都係中等價錢 於是我就叫左個肉燥雞排便當試下🤔肉燥個質地啱啱好 肉質好軟吾會好鞋～ 而且飯軟硬適中 吾會好似坊間其他店一pat pat咁👍🏼👍🏼👍🏼 醬汁亦都好惹味 好快就食曬d飯👅雞排都幾厚切 上面上左d粉調味 炸得乾爽入面又有肉汁👀 整體性價比好高🤤🤤🤤推薦:⭐️⭐️⭐️⭐️

中午到桃園車站食lunch，餐廳佈置簡單，裝修有啲似傳統嘅甜品鋪，看門面以為鋪頭好細，入內都幾寬敞，放到十幾張細枱。午餐點了鹽酥雞肉燥飯加台式奶茶，鹽酥雞香脆可口、不油膩，肉燥肥瘦適中，若豉油味再香啲會更好，台式奶茶清香，較其他鋪頭嘅台式奶茶重奶味，味道唔錯。食物質素嚟講，性價比高。

常常經過這車站外，遠望以為只有售賣台式飲品。開左大半年，直至有次在商場外收到傳單連優惠Coupon，先知道原來有賣多款小食，午/晚餐等。在門口位置看不到餐廳內，有少許懷舊風格，看看入面的座位其實還有很多！見到廚師推介這個台式秘燒骨，很想試吧！還有煲仔飯系列～秘製骨的肉質好嫩滑，配上酸酸甜甜的秘製醬汁，另外醬汁可淋上意粉，果然唔錯！而臘腸臘肉煲仔蒸飯夠香！配的醬汁鼓油是甜甜的，蠻好吃！ 可惜是蒸飯並沒有飯焦，煲蓋是後來放上去，不熱的連珍珠奶茶都係加多$4！非常抵食的一餐！

馬鞍山終於都唔叫做美食沙漠啦，新開左間商場，當然要去試一試商場內唔算好多選擇，不過有齊哂日，韓，中，西，台。我行左一圈都係決定桃園車站，一黎個名幾吸引人想入去食，二黎價錢唔算貴，午市黎講依到唔算多人，所以唔需要等位坐位都比較闊落，坐底望兩望餐牌就出去櫃臺叫餐，比埋錢先送餐，有啲感覺似去快餐食飯😂叫左個桃園滷蛋肉燥飯（$42）再加左杯珍珠奶茶等餐時間唔算耐，大約5分幾鐘就有如果食厭左恆安可以試試依間餐廳

車站紅燒牛肉麵 583點幾去到，佢話仍然可以叫午餐，由於下午茶冇牛肉麵所以就叫左個午餐牌既牛肉麵，以為午餐貴D係會大碗D，點知都係同下午茶一樣，下次都係叫下午茶算lu~套餐配左凍台式奶茶，個奶茶幾好飲，唔會好甜，幾好味，好似隔離店X茶既珍珠奶茶只不過走左珍珠咁~士林雞扒米線 36媽媽叫既係下午茶餐，講真大小同午餐冇分別，下午茶比較抵食，同埋可以配凍台式奶茶，不過D雞扒就麻麻地，好大舊炸皮，雖然食落唔係話又硬又大舊粉好難食，不過就係冇乜肉，每塊雞扒其實好少肉食。炸花枝丸 42/5粒炸花枝丸都OK，不過就有D奇怪，有少少係皮還皮丸還丸咁，D丸有少少粉，唔係好香花枝味台式雜錦拼盤 58D豬頸肉唔錯，唔會太肥，燒得都OK唔係白雪雪，軟殼蟹都幾好味，有少少少少膏，餃子就正正常常啦，都幾多豬肉冇乜人，完全唔洗等位，食完有coupon送下次食，不過只可以叫午餐同晚餐用。

同老公去食晏，去到餐廳因為係食晏時間，所以好多人。等咗一陣就有位，店員叫我哋去櫃檯排隊畀錢叫嘢食。排咗一陣又有店員揸住ipad響隊尾幫人哋落單，叫佢地唔使排隊。咁明明排最後就變咗最快落單喇。咁樣有少少唔公平。應該幫排第二個嗰個人落單先至啱。惠康開多條隊收錢都唔係叫排最尾果個俾錢先架啦～講返嘢食。紅燒牛腩麵($58)。牛腩都算大粒，仲有紅蘿蔔同白蘿蔔。湯底甜甜辣辣鹹鹹，算幾惹味。麵底唔會淋pat pat。鹵蛋燒汁雞扒大碗飯($48)。係是日精選。鹵蛋出面好深色，但係入面好明顯係醃得唔夠耐，未入味。雞扒不過不失，個飯都有汁唔算太乾。鹵水鴨舌(單拼$28)。都有十條，做小食都唔錯。夠入味夠淋，下次可以試埋其他鹵水食物。餐飲叫咗檸檬紅茶，冇咩特別。總結係，唔算話非常好味，但台灣嘢嚟講都算係咁。不過繁忙時間嘅落單安排要改進下。

馬鞍山不嬲都美食沙漠，所以終於有新商場之後都唔介意行遠啲過黎。可能係因為商場新啲，晚飯時間間間都出黎拉客，競爭激烈。除左有台灣菜必有的各式肉燥飯同牛肉麵，佢仲有賣賣相非常港式風格的一人鍋。（姐係似大家藥大快活果種呢）所有晚飯餐都包飲品，飲品正常，肉燥飯餐叫左豬頸肉，豬頸肉夠脆又入味，肉燥飯肉比較鞋，飯硬得滯，不ok，餐仲跟一碟芥蘭苖，我地加左12蚊叫燉湯，燉湯12蚊係物超所值，入耐勁多料包括螺片，好抵。仲叫左個牛肉麵轉新竹米粉加麻辣，超多牛肉，雖然一定係味精野，但一切正常。馬鞍山可以食台灣野既地方唔多（雖然係港式），但兩個人食150左右都還可以，或者會再黎既。

放假同女朋友去食晏，見有新餐廳緊係去試下啦。餐廳出面有飲品外賣站，經過長走廊原來有個大空間，有好多位。搵到位之後出去櫃檯落單，記住自己枱號先出去呀。另外有個自助水吧，有冷熱水同廁紙供應。牛肉麵紅燒湯($58)湯底偏咸，有四塊牛同菜。麵都算彈牙，但太細碗，連我女友都覺得唔夠食。加$6有熱台式奶茶，偏甜但都算香滑。士林雞扒肉燥飯($58)雞扒酥脆，上面有啲一味粉。肉燥唔會太多肥豬肉，都足料。酥炸花枝丸三粒($28)夠香口夠脆，但唔夠彈牙，下次唔駛再叫。

午餐時間與5歲小朋友前來，當時只有1, 2張檯有人，點左１個餐share。坐低左係中間，因為有書包同袋，同侍應請想轉窗口位，有個好似老闆娘大叫：佢地沒叫兩個餐，唔好比佢地坐。但當時係沒人...整個lunch hr 也只是半滿，又是香港的租金問題嗎？講返野食，可能心情已被影響，叫左個士林雞排肉燥飯，不過不失，珍珠奶茶沒有過甜。

最近係香港又吹返台風，台式飲品同食肆都係香港愈趨盛行，就連我都深深被感染了，估唔到馬鞍山都開左間台式餐廳～原來除左餐廳係台式飲品餐廳二合一，店門口以台式飲品店經營，內部則是餐廳，在香港的確少見！已經被台式飲品感染左的我當然要叫杯黑糖奶茶打卡啦！果然好有水準！牛肉麵似車仔麵的形式，可以自選湯底，麵條。紅燒牛肉麵牛肉脂肪平均，燒得剛剛好，很入味，而且入口的口感較鬆軟。辣控的我當然要試下麻辣湯底啦！餐廳很貼心地上餐時分開辣醬上，我可以根據自己喜好添加辣醬！新竹米粉比較爽口，而且一咬就斷，易於咀嚼。一個餐有菜有湯，好似家的感覺，晚餐加$12就有燉湯，仲要日日唔同，真係幾抵！

一黎到桃園車站食台灣野，已經見到門口有人等位，不過座位都算多，唔洗等好耐~出面仲有手調飲品外賣呢~可以買完野食行下都得!入到去都係以木既設計爲主，播緊台灣既流行歌曲，如果貼埋電影海報就好啦睇左陣餐牌 就出去櫃枱落單，之後就等上菜啦，本身就鍾意飲唔同口味既茶 ，呢杯水果茶唔錯呢! 幾岩我飲~而食物方面正正常常，墨魚腸份量就少左d，過下口癮都得既 LOL麵食呢就可以根據自己既口味配搭，唔洗驚唔岩食啦~

自從屋企附近開了We Go Mall，有不少新食肆進駐，或者將來馬鞍山有望擺脫「美食沙漠」之名 XD 前幾日放工後回家就來到新開張不久的桃園車站吃台菜晚餐。裝修簡樸，環境亦算舒適寬敞，坐得舒服。餐牌選擇雖然不算多，但不收加一服務費，價錢貼地親民。台式鹽酥雞 $28鹽酥雞火候控制得宜，炸得乾身不油膩。雞皮和粉漿不會過厚，一咬開肉質乾爽酥香，雞汁都鎖在裡面，外酥內軟。脆皮煎餃子 $28/ 4隻薄薄的外皮不會過厚，煎得帶有焦香，不過就略嫌不算太脆口。餃子皮滑煙韌，一咬開餃子餡料扎實多汁，肉餡豐滿。吉列豬扒肉燥飯 $58一客飯食份量不算少，正常女生的食量肯定吃得飽。吉列豬扒炸至金黃，粉漿夠脆口輕薄，不會有油多涸喉之感，咬下去肉質鬆化不過韌。滷好的肉燥質地軟嫩，而且肥肉不算過多，相當好下飯。每款飯麵可以加錢配小食，另加 $8加配花枝丸湯，只是口感就不太爽彈。士林雞扒麵 $58台灣經典美食少不了炸雞排，湯底就選配紅燒牛肉湯。外層仍然酥脆不厚粉，雞扒肉質嫩滑，調味不重，保持了原本的肉汁鮮美味道。麵條質地扎實，滑口有嚼勁，即使浸久了也不會過軟，卻又吸收了牛肉湯的濃郁精華，讓麵條輕易地掛滿湯汁。加$6