桃園制作粥麵餐廳 (海悅豪園) (已結業)

今次茶餐廳探店的地點是將軍澳海悅豪園商場地下1號舖的桃園制作粥麵餐廳， 餐牌上有很多不同的種類選擇， 我就點福建炒飯＋茶走$42， 福建炒飯是香港茶餐廳常見的碟頭飯， 食材有冬菇、肉粒、紅蘿蔔和少量瑤柱， 而我覺得這道菜入面的主角是芡汁， 芡汁做得香濃出色好味先至可以帶動整碟飯的 味道， 桃園就做到這個效果， 所以整頓飯都相當滋味。 飲品方面茶走就屬於一般， 味道不過不失吧。 桃園制作粥麵餐廳 (海悅豪園)地址: 將軍澳培成路18號海悅豪園商場地下1號舖

最簡單既 最難做！但有de野係睇有無心做！叫個醬多$25同個侍應講，奶醬走奶，多返少少花生醬。姐姐話，我地個個都話好多醬架。（講得勁細聲同敷衍）結果有圖睇，勁少醬，一咬落去「惗既？」「中間吾鬆」「邊皮硬而不脆」我都未趕時間，你趕時間？就係因為你無好好咁烘過，所以令到顧客食得出你塊麵包罷左好耐，吾鬆軟。其實咁簡單既野，睇你有無心做。食左一半後，我食吾落去，去第二間食過算。

落單時被呼喝”食乜嘢呀!”已經呆左，同侍應姐姐清楚講明隻流心蛋要轉熟蛋，點知都係落錯單，碟飯黎到時都係流心蛋🤦🏻‍♀️ 同個姐姐講佢哋落錯單要求更換一隻熟蛋，就被”jip”了一聲。碟飯再嚟到時，隻流心蛋被反轉扮熟蛋，好彩我篤吓隻蛋未放入口，D蛋漿流晒出嚟(如圖), 否則後果不堪設想，大肚婆食唔熟嘅蛋可大可小，中左沙門氏菌就大件事. 👎🏻👎🏻貼錢買難受，千祈唔好幫襯！

一個人食午餐唔想周圍搵餐廳喇，見到呢間外表唔差，餐牌上又好似幾多選擇就入去試吓啦！入多去先發覺好多人（當時12點左右）好彩仲有一張枱唔晒同人搭叫左呢個咖喱雞扒飯，咖喱好辣🌶雞排香口軟熟👍🏻

附近都冇咩邊間茶餐廳特別好食但呢間真係吾錯咖經常1家人去食晚飯特別係佢個盅湯（晚市先有）每次去都要飲，真係好足料咖👍🏻👍🏻真材實料👍🏻👍🏻👍🏻👍🏻而且呢間茶餐廳非常健康飯入面都係落左藜麥咕嚕肉都相當正👍🏻👍🏻好多汁👍🏻👍🏻好多肉👍🏻👍🏻吾會得d骨同太硬水煮魚❤️❤️吾會太辣，個底仲有好多薯粉👍🏻好值得推介👍🏻👍🏻👍🏻👍🏻👍🏻👍🏻

今日的天氣最啱行山，出發前當然要食飽飽先啦，來到坑口站附近的桃園制作粥麵餐廳。🌞✨鮮桃咕嚕肉套餐，啲咕嚕肉係即叫即煮的，酸酸甜甜好開胃，好脆好味。蒸鯇魚，好新鮮好滑，不過我覺得份量稍少了些，如果可以多番啲就最好。

平時食晏時間好多時會經過呢間桃園，今日終於嚟呢度食早餐喇。入面都幾大，唔逼，雖然服務麻麻，但係早餐種類多：有英式早餐，粉麵，粥，連糭，炒麵，魚肉燒賣，豬腸粉等等都有，味道亦可以。香煎雞扒湯米線配半焗流心蛋，加$3蒜香牛油厚多士，都係一般嘅早餐茶餐湯米線，味道正常，多士夠厚。運“賬”腸粉拼燒賣、蘿蔔糕，同事貪得意食，蘿蔔糕煎到有啲黑不過無燶味，其他都係同街邊買嘅小食差唔多。吉列魚柳·鮮奶炒滑蛋配餐肉，+$6輕量火腿絲通粉，魚柳都算大件同厚，唔會炸得太乾，多士一樣厚又，而且搽上面牛油蒜茸都幾多，通粉嘅湯幾濃但唔會過鹹，我覺得呢間嘅通粉好味。溏心皮蛋瘦肉粥配地道油炸鬼，無咩好鞋嘅肉絲喺裏面，剩係有又綿又夠味嘅粥底同皮蛋，油炸鬼新鮮又脆，呢個套好味。火腿炒蛋菠蘿包，應該唔係新鮮出爐，似客人點餐後再入焗爐加熱，不過酥皮都係脆，有少少乾，都可以嘅。

每次黎緊都必叫嘅早餐：雞扒，牛奶炒蛋，腸仔，多士，凍奶茶，茄汁豆！塊雞扒起碼有大X樂嘅3.5倍SIZE....牛奶炒蛋係用兩隻雞炒起，多士係厚面包焗起，今次唔係太肚餓，所以無加$6蚊要大大碗火腿通。一個人其實食完雞扒，牛奶炒蛋，腸仔已經好飽好飽哈哈哈咁先係$40 有找。咁大份量同呢個質素，好難怪早餐會咁多人，不過有時遲起身，成10點幾先去食，都好彩唔使等咁耐位！因為佢先$40 唔使一個餐，所以都唔好意思兩個人share喇，叫兩個餐再打包啦😂😂😂😂

餐牌内選擇很多，一貫茶記格局，不可以有要求，也不算強求要'吃下去，午市的鲜茄牛肉飯，感覺是預先煮好一大盤，下單後，由樓面取給客人，蕃茄巳經煮到一灘水，牛肉下了很多梳打粉，近似霉爛！完全勁差！其他午餐款式，勉強也可接受……🤪

一向喜愛吃茶餐廳食物，家附近的桃園不知不覺已營業好幾年，我認為其早餐及晚餐的質素比午餐好，難得有機會便獨自在平日早上九時入內用膳。循例點了煎扒早餐，而總是習慣點炸魚柳。翻炸魚柳算大塊，炒蛋只有一隻又不太滑、感覺不夠滿足，罐頭焗豆應該比以前減少了份量，餐肉略略煎過，最出色是那片厚烘蒜香多士、夠熱夠脆夠香。加$3點一杯凍齋啡，攪拌前及後都滿難喝的。結帳$41，這個時間客人較少侍應姐姐心情較好，輕鬆愉快的氣氛一人享用不過不失的改良英式早餐，還算不錯。

到了將軍澳的桃園餐廳，眼看外觀的確異常吸引，剛剛到了下午茶時間，決定在這裡解決一下。剛入到去時，環境還是很美觀，合適情侶拍拖的格局。就氣氛上也可以給多點分。然後看一看餐牌嗯，都是比較非典型的下午茶系列，我最後點了雞排麻辣米線，最重要的是，點了個紅豆冰，也只是加6元而已。看見餐牌也推薦紅豆冰，於是點桃豐富一下食評首先來到的這碗麻辣雞排米線，有點失望，最重要的湯底淡而無味，不麻也不辣，充其量都是有味道，並不會帶來享受，米線還可以，狼米線的口感。雞排還不錯，煎得香香的，大大件件的，還可以滿足。最後桃到最程要的紅豆冰，失望淡而無味，紅豆粒的確像餐牌說照到又熱又沙。可是重要的味道卻不特出。這間餐廳不推薦味道，只是吃氣氛而經濟的話是可以的。

一早約左朋友一齊早餐，選擇在離地鐵站比較近的桃園，就在惠康隔離，位置尚算好找，早上因為落雨的關係，所以人比較少!叫左豬扒餐同魚柳餐，豬扒餐真的是份量越來越小，真是加價不加量，越來越吾抵食，一個餐好似都無咩嘢咁，但是有樣好就係豬扒都算ok啦！不會硬又不會柴口，咬落去尚算嫩，不會乾爭爭，如果食厭左大x樂之類的都可以轉轉呢間的！魚柳餐的份量都明顯細左， 唉，總之有D失望，魚柳餐就麻麻的，感覺炸粉太多啦！吾算脆

好耐冇去桃園食早餐，諗住食至愛菠蘿油，點知一出場就比佢嚇親，燶口燶面！雖然$13.8特價餐，質素都唔使變成咁呀，因為以前都有食過，一定唔會咁燶囉。菠蘿油一出場，我呆咗兩秒，然後問送餐的侍應：可唔可以換過一個冇咁燶？侍應回應：係咁㗎啵，除非唔要烘過的，一烘過就會有少少燶，咁你係咪要唔烘？我無奈地回答：哦，唔使啦......

之前都唔係太喜歡食咖哩呢樣野，但自從食完桃園製作嘅咖哩之後就覺得好好味！比朋友帶多幾次去食，我發覺我真係愛上左佢嘅咖哩飯，每次想食咖喱嘅時候都會諗起佢之前一直都係食開咖哩牛腩飯，見朋友次次都係食雞扒，所以今次就試吓叫咗個咖哩雞扒飯，呢度唯一失望既係冇意粉！今次食呢個咖哩雞扒飯之後，發現其實好味過咖哩牛腩飯，自從食過呢個雞扒飯之後，成日都好似上癮咁好想再食，如果大家方便嘅話，呢一個都係晚餐嘅首選嚟㗎，誠意推介

趕時間叫咗個黃金炸魚片頭米粉，點知變咗魚片。問個侍應話供應商轉咗，切法唔同咗。咁唔叫魚片頭囉。佢應該落單時跟客戶講雖然話換俾我，但我趕時間就唔會喇。下次真係要問得清清楚楚。