桃園制作粥麵餐廳 (朗屏商場)

營業中

休息中

等左15分鐘外賣已經覺得唔對路，同個staff講幫我跟下個餐，佢都即刻同用對講機叫人跟進，亦同我講左聲已催梗。到等梗20幾分鐘，先解釋話部機故障，廚房已經炒梗俾我，又係sorry再等。。。等到燥底想叫個經理取消唔要。。。只係同我再解釋多次我點解要等咁耐同sorry。。。叫我等多一分鐘。。。成件事由落單到拎外賣差唔多等左我成40分鐘。。。等到我又熱又燥😡💢真係未試過一個外賣等咁耐

朗屏附近都冇乜嘢好食，有時想簡單食個飯嘅話都會揀嚟桃園呢度食，我通常會鍾意食佢哋嗰個玉子豆腐魚柳煲，份量好大，而且味道都幾好，勁多舊魚，非常之好送飯！！！！！！

雖然實施手機落單，但服務員也很有耐心的幫手落單👍🏻熱檸茶終於也沒檸檬了❌🍋大大碗飯吃的飽，​現在的小炒皇也沒承意了🤭，是小撈皇，不似是炒的！似是撈出來的，碟底很多水，慶幸腰果及炸白飯魚還是脆的🙏🏻💫椒鹽一字骨出奇好吃‼️推介‼️

原本係OpenRice 落單自取，過左幾分鐘都無人接單已經打電話問餐廳有冇收到，叫佢睇下OpenRice 機接單。店員回覆話好，咁我收就收線，到餐廳樓下都未接單，我都費事再打去。到門市問店員有冇接單落單，OpenRice 機都無開！咁我打電話問佢時佢唔接單係咪應該同我講？我電話落左先再退款。最後要等15分鐘拎外賣都冇時間食自己果份，唯有淨係幫朋友買。拎到返朋友新居先知無畀餐具，新居未入伙完全無餐具可用！最後要搵剪刀同夾食西多士🫠如果餐廳唔提供外賣餐具或者要收費係咪應該問下客人需唔需要？

桃園制作粥麵餐廳位於元朗朗屏商場，是一家以粥麵為主打的餐廳。桃園制作粥麵餐廳提供了多種口味的粥，包括皮蛋瘦肉粥、魚片粥和鮮蝦粥等等。無論您喜歡清淡的口味還是濃郁的湯汁，這裡都能夠滿足您的口味需求。粥的稠度剛剛好，不會太稀也不會太濃，保持了米粒的軟糯和湯汁的鮮美。配料的新鮮度也非常高，讓整碗粥更加美味可口。其次，桃園制作粥麵餐廳的麵也是一絕。他們的麵條細緻有彈性，入口即化。麵的湯底濃郁鮮美，讓每一口都能夠品味到豐富的口感。他們提供了多種口味的麵，包括牛腩麵、豬腳麵和海鮮麵等等。無論您喜歡牛肉的嚼勁還是海鮮的鮮甜，這裡都能夠滿足您的口味需求。麵的份量十分大，絕對能夠滿足大胃口的食客。除了粥和麵，桃園制作粥麵餐廳還提供了其他的小吃和點心。他們的滷味和燒賣都非常受歡迎，燒賣鮮嫩多汁，滷味的調味剛剛好，讓人回味無窮。而且他們的價格非常實惠，無論是學生還是上班族都能夠負擔得起。

今日試咗佢哋嘅香煎豬扒麻酸米線。首先，豬扒煎得好香好脆，肉質嫩滑多汁，夾喺米線入面，口感一流。麻酸醬汁都好正，麻辣夠味，加埋酸酸嘅味道，令人食嘅時候唔會厭膩。米線煮得啱啱好，唔會太腍太爛，好適合配埋呢款豬扒同醬汁。整體嚟講，呢碟麻酸豬扒米線真係好好味，值得推介！奶茶好香濃，口感滑順，唔會太甜。佢哋用嘅茶葉好新鮮，香味好濃郁，令到啲奶茶好有層次感。加咗啲凍奶，啲奶泡又細緻又豐富，令奶茶口感更加豐富。

中伏了，今晚外賣叫咗一個晚餐。去到自取時，職員話晚餐只有餸同一杯飲品, 無白飯跟，當時張單確實係無寫明有白飯，職員話, 如果加白飯要俾多$8，原來晚餐無飯都可以叫晚餐？咁點解唔寫做小菜？

等到一肚氣！2點落單，等成半個鐘先有，我張單係217，但去到222都出左仲未有，最火係佢出果陣睇住佢係連埋其他單3份一齊出！大佬呢D返工時間就唔好等單啦！等你半粒鐘俾你累到遲到，真係唔使旨意再幫襯！奉勸各位幫襯前諗清楚，趕時間的話千祈千祈一定一定唔好揀呢間，出事一次都夠你死，一次不忠，百次不用！

上次過嚟做開野，食過已經覺得好好食，而家過嚟做埋啲手尾，一於再食多次，原來未夠五點都仲有tea set,見到有排骨粥好多人叫，所以一於叫嚟試吓，tea set仲要好鬼平,又有小食送，呢一個叫做排長龍豬骨粥，入面有好多花生，主角排骨，瑤柱，煲得非常之軟綿，米全部開花，口感一流，小食揀咗午餐肉，煎太陽蛋，炒麵，唔好睇落去平平無奇咁，午餐肉厚切外脆焦香，煎太陽蛋蛋味香滑，炒麵乾身唔油膩，兩樣野加埋非常之飽肚

過開來呢邊做嘢，都做到好晏先至有飯食，可能已經過咗原本要食飯嘅時間，所以變得唔係太肚餓，食少少野就已經可以，見到呢度有一間我屋企樓下茶餐廳嘅分店，就諗起轉左新餐牌之後我都未食過，記得今次轉左碗仔翅tea set, 一於入去試吓，坐低就叫咗碗仔翅加生炸雞髀餐，碗仔翅唔係好大碗，但係材料分量十足，每一啖都有木耳肉絲粉絲冬菇絲，口感好豐富，加少少紅醋更加鮮味，生炸雞髀非常香口，炸得比較乾身，生炸先至做得到咁樣嘅效果

員工質素差 態度唔好 其實平時久唔久都會去食 因為鍾意佢個湯 但今日同屋企人去食 個餐牌唔同左 冇左平時食開既套餐 我地就叫左另一個套餐 可以選擇2餸或3-4個餸 咁我地叫左3餸 蒸魚 炒四季豆同鹹魚豆腐煲 咁豆腐煲黎到咬左一啖 已經食到小小酸臭味 屋企人都同時食到 所以就叫侍應幫忙可否換 點知個位侍應一聽到 個樣已經黑黑地咁攞左煲豆腐走入廚房問 留左一陣 佢黑黑地面同唔滿意同好質疑既語氣話「廚房師傅食過冇問題」我地即刻話 我地食到臭酸味 佢就話「咁換過煲比你地」我屋企人就話 你換過煲米都係同一批豆腐 可唔可以換第2個餸 佢就話「要睇下價錢一唔一樣」我地話係同一個套餐 緊係一樣價錢 佢就話「話唔到事 問下先」我地就等佢問 跟住黎左個唔知係米老世定呀頭啦 點知都係西口西面 我地火滾就話 我地唔要啦 取消啦 佢就取消左其實桃園咁多分店 係米應該要求員工接受專業小小既訓練呢？態度差 真係好趕客！仲有其實食物質素同味道都差左！一家人開開心心食餐飯 比呢d人搞到咩心情都冇！仲有 我地由頭到尾都好客氣同我地已經特登細細聲講 唔想比其他人聽到 都怕會影響其他人！所以真心火滾！！！

2019年1月16日早上07:20，我到counter 買外賣（皮蛋瘦肉粥及腸粉），等咗大約15分鐘，仍未有外賣，收銀員同我講話腸粉時間要耐一點，叫我等！過咗5分鐘，我見到收銀問廚房外賣粥加腸粉得未，廚房於熱櫃內拿把膠盒之腸粉放在外賣盒，然後收銀員給我！ 我問有無胡椒粉，她說已放在入面，我說不要啦！ 她黑口黑面從袋內取胡椒粉，我見她面色不好，我說: "算啦！ 有得佢”，她仍然拿胡椒粉出嚟，然後不客氣話:"又不要，又要！ 你真係呀！" 我真係嬲到爆！ 一早買外賣就比人出氣！ 咁樣都得

早餐時份，這裡都已有很多人，環境暗暗的，坐得很舒服。😎今天不太餓，叫了一個雞扒餐配餐肉炒蛋茄汁豆，還有一塊蒜香牛油多士，一杯熱檸水。本來很有睡意，當食物到了，首先被香氣吸引，切雞扒時可以感受到很脆很嫩，咬在口中很熱，但很惹味！意想不到的吸引！然後炒蛋很滑加上適當厚度的午餐肉，補足了不同口感的需要，茄汁豆是罐頭剛開的，味道很開胃，加上多士軟熟，美中不足有點焦了！但份量很足夠！😋整個早餐成為了一天的焦點！除了其他連鎖店外的一個好地方！推介！😍

店舖位於朗屏邨商場一樓，店面幾精緻幾有特色，入面餐牌唔似其他茶餐廳花多眼亂但都有幾個種類 粥粉面飯都有，我鍾意佢個咖哩飯，最緊要係佢個份量同味道都好，雞扒 魚柳 豬扒都係兩大塊，咖哩辣度ok ，會有埋啲好好食嘅薯仔！推薦住元朗人試下！

木系配黑色裝潢設計，燈光柔和俾人好舒適既感覺，吸引左我入去坐低反個回魂早餐先。早餐餐牌有4頁，中式有粥、炒麵、腸粉、油炸鬼，甚至連鹹肉糭都有，真係幾估唔到！西式就有三文治、厚多士、湯通粉麵之類～double 半焗流心蛋就甘睇圖似太陽蛋，但個名真係幾吸晴。我叫左香煎雞排·鮮奶炒滑蛋餐，其實有得揀配吉列魚柳或者香煎豬排架。個餐仲會跟餐肉/火腿/腸仔（自選一款）+茄汁焗豆+蒜香牛油厚多士添。整體味道唔錢，尤其個厚多士，如果係烘底應該更加正！杯咖啡都香濃醒神～