0
0
1
附加資料
晚上6時半後供應私房菜,需先預訂
營業時間
星期一至日
11:30 - 16:30
18:30 - 21:00
以上資料只供參考, 請與餐廳確認詳情
早兩日喺facebook見到沙田開左間食菇嘅鋪頭,所以身為菇菇狂熱者嘅我放假專登同男朋友去食。桂之神品菇亭位於沙田龍華酒店花園內,環境清幽。可能鋪頭剛start up,所以暫時未有招牌,不過都唔難搵。店員表示試業期間只有餐牌上嘅食物,呢刻我已經有d失望,因為我一心黎食媽媽米卷同手撕桂味菇。呢到係先比錢再坐低等食物送到,但冇任何手寫/打印嘅order,感覺上容易做成混亂。最後我就叫左香煎菇扒帝王菜湯麵($50)再加普洱茶($5)麵底係用店內有售嘅素食麵,菇扒咬落juicy而且味道香濃,但湯底似滾水完全冇味道。既然鋪頭主打茹類,點解唔嘗試用菇黎煮湯底呢?而我男朋友就叫左自製純素芝士拌沙律菜($78),份量真係好少,味道亦好淡。整體黎講,價錢同味道、份量不符。等食物期間,聽到隔離枱話等左30分鐘都未有,好彩我地等左15分鐘左右已經有得食,可能剛開業店員未協調得好啦。其實鋪頭會用花園內另一邊種菇場嘅菇做食材,加上又係純素餐廳,我係好支持呢個理念!但純素唔等於dry唔等於淡而無味,希望鋪頭負責人會對落單運作上同味道上作出改善!
繼續閱讀