27
4
3
食評 (36)
等級4 2017-12-29
132 瀏覽
今日一家三口入長洲. 本來第一站係去通記食沙爹嘅, 但去到竟然無開門喎. (今日係星期三, 點解無開門架?)咁就行返出嚟去咗根記食粥.叫咗一碗及第粥 $35.00--一試粥底, 好香腐竹白果味, 坊間多數都開粉漿, 好少食到呢款粥底, 簡直係誠意之作。粥料亦豐足, 有豬潤 粉腸 豬肚 肉片 肉丸 好味!一碗鮑片蠔仔粥 $41.00-- 雖然所謂鮑片只是鮑魚絲, 但蠔仔份量搭夠, 粥底充滿蠔仔鮮甜味, 正!本來想叫炸兩架, 點知售罄喎, 咁算啦! 打算食完粥去掃街嘅.食食下見有滷水食物新鮮端出, 即刻買啲試下, 買了兩個腎+一條大腸 $40.00 夠滷得林又入味. 掂! 繼續閱讀
(以上食評乃用戶個人意見 , 並不代表OpenRice之觀點。)
等級2 2017-12-28
94 瀏覽
是日在陣陣冷颼颼北風下於長洲隨意閒逛至下午約2時,想要吃點熱騰騰的食物,經過此處看見有生滾粥而且在寒風中依然坐滿客人,便決定一試。想叫皮蛋鹹瘦肉粥和炸兩腸粉竟然都已沽清,最後我試了皮蛋肉片粥和牛肉腸。不同價錢的粥用不同的碗區分,我那碗雙拼粥好像比同行其他人的粥大碗一點點,可能因為貴啲?!粥一入口超驚喜,很鮮甜,雖然不知道用了什麼材料煲粥底,只肯定有白果因為粥裏面有幾粒拍扁的白果,但感覺上有海鮮的鮮甜味。值得一提是肉片真的名符其實又爽又滑超正,應該是選用的豬肉部位得宜。另外腸粉是即叫即蒸,很滑,牛肉份量很多,甚至感覺牛肉滿溢比腸粉還多。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-14
271 瀏覽
吃完海鮮,原本想來吃碗粥@黎根記, 點之食完海鮮2點完來已收舖,故去了試下隔離舖-根記。我們叫了一碗大艇仔粥和蝦米腸粉。粥底鮮甜多料好味!而腸粉更加唔使講,幼滑好味,腸粉醬汁夠矖惹味,D蝦乾又夠大隻!好食!埋單$49 繼續閱讀
(以上食評乃用戶個人意見 , 並不代表OpenRice之觀點。)
每年夏天都要黎長洲玩,其中一個我必食的舖頭就係根記,上年我黎度兩日一夜,四餐入面有兩餐係食根記。我係好鍾意根記的蠔仔粥同粥仔腸粉。好好食,鮮味十足!蠔仔腸夠曬特別,唔係到到有得食。蠔仔粥佢用一寸長的大蠔仔煮成,成隻膠匙羹咁大,一碗有成十幾隻大蠔仔,勁足料,無得彈!我都食咗根記差唔多五六年啦,年年黎食水準都保持到,係香港地都真係唔容易。眼見老闆同姐姐們都無換過人,班底依舊。希望佢地個個身體健康,年年都可以煮好嘢俾我食。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-09-11
220 瀏覽
次次去長洲,就算天熱,都會嚟根記食碗粥。今次叫咗泥鯭粥,好好味。粥底用白果腐竹煲,正。啲泥鯭處理得好好,小心剪開魚肚,而家冇幾多家肯落心機,意外驚喜啲係竟然留有魚肝,好好味架!!!當然唔好錯過啲滑滑腸粉,叫咗牛肉腸,竟然有淡淡陳皮味,好好食呀! 繼續閱讀
(以上食評乃用戶個人意見 , 並不代表OpenRice之觀點。)