校長燒肉日韓料理

Captain Japanese & Korean Restaurant
132
2
0
所有分店 (2)
電話號碼
25056933
98186528 (Whatsapp)
營業時間
今日營業
11:00 - 15:30
17:00 - 23:30
星期一至日
11:00 - 15:30
17:00 - 23:30
公眾假期
11:00 - 15:30
17:00 - 23:30
公眾假期前夕
11:00 - 15:30
17:00 - 23:30
付款方式
Visa Master AlipayHK 支付寶 現金
其他資料
Wi-Fi
酒精飲品
自帶酒水
電話訂座
外賣服務
加一服務費
當面支付
有關餐廳
刺身.烤肉.火鍋 極豐富任食自助餐
店內寬敞,分為刺身區、燒烤區、火鍋區、熟食區、甜品區和酒類區等9個區域。菜式種類多,可以邊打邊爐、邊烤肉、邊食炸物……總之任何人口味都照顧到,適合家庭、朋友聚會。烤肉必食五花腩和牛扒;火鍋則有壽喜燒、麻辣和豬骨3款湯底;自助餐有齊炸物、小菜、甜品,汽水、啤酒、清酒任飲。每晚7時前結帳離座,更另送刺身一客。

食評 (139)
等級4 2020-05-16
107 瀏覽
悶左幾個月都唔敢出去食大餐,最近見疫情有所好轉,就決定約女友去食下放題,近近地元朗既校長燒肉,cp值甚高!好在一早book好位,650pm去到已經人山人海等位!荃灣既'校長' 食過兩次,元朗反而係第一次,估唔到地方咁大,裝修又靚,食物選擇又多,成條長長走廊都係各式食物選擇,有生有熟任君選!百幾蚊一個人都已經有任食刺身食!質素仲要唔錯刺身隔嚟仲要有大量壽司選擇,擺得靚靚整齊任人拎!刺身對面有自助既飲品區,啤酒汽水果汁呢d基本野一應俱全,估唔到仲有女友'飛佛'既花茶!受疫情影響關係,餐廳都做得非常安全,所有凍肉上都有蓋,雖然會有少少不便,但令大家夾同食都安心!一齊嚟睇下壽司既質素,賣相唔錯,而且都新鮮!凍肉選擇都多,而且有d比較高質既凍肉都會有提供,例如一口牛,同唔同款式既腸仔都有!其他凍肉都唔錯,我同女友食燒肉同熟食都飽晒,邊爐都未有打!特別推介印度風味雞扒,辣辣地幾好食!最後留返多d篇幅講下甜品,呢度既甜品同樣選擇多多,有奶凍,雪糕,布丁,仲有估佢唔到甜到入心既馬卡龍!其實選擇真係好多,多到我都介紹唔晒!除左以上既甜品外,仲有驚喜既菠蘿冰,龍眼冰,同埋我非常喜歡又脆又甜既焦糖脆片!兩位埋單4百幾蚊,食到飽飽,人均消肺先係2百蚊咁上下,cp值甚高,值得推介! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-10
1631 瀏覽
係呢一個充斥住肺炎嘅時刻,肥妹仔見到呢一間食肆都人頭湧湧, 真係一個奇葩。可想而知其實佢嘅食物質素價錢都係高同埋性價比高嘅。肥妹仔攞咗位之後去佢哋嘅燒肉區度睇下有咩食,選擇有好多,有雞,豬,牛,羊,你諗得出嘅都有。適合各種口味嘅人士。 肥妹仔就試咗牛同埋雞,佢嘅牛肉質素唔錯,好好味。除咗肉類之外佢仲有海鮮選擇例如秋刀魚,鯖魚,多春魚,魚腩等等,鍾意食魚嘅朋友去到嗰度唔愁冇魚食。除咗燒嘢食之外,佢仲有一籠籠嘅點心畀你選擇。佢嘅點心都係一啲大路嘅點心,例如燒賣,蝦餃, 糯米雞,鳳爪等等,味道質素都唔錯㗎。最令肥妹仔驚喜嘅原來佢呢度係有蒸水蛋同埋溫泉蛋,仲有黑糖芋圓。身為溫泉蛋嘅愛好者,肥妹仔係狂食咗四碗,真係好好食。而佢嘅黑糖芋圓好有驚喜, 煙煙靭靭,好好食。仲有碗仔翅食添。熟食方面亦都有好多選擇, 炸物亦都有好多,例如炸春捲,炸洋蔥圈,薯條,炸魚皮,炸雞脾,麥樂雞,簡直係小朋友嘅天堂。呢度仲好出名佢哋自家製嘅燕餃,肥妹仔都有試, 唔錯㗎。另外仲有沙律吧同冷盤,真係乜嘢都有。又到肥妹仔最重要嘅環節,就係去嘅甜品專櫃。有好多唔同嘅奶凍,有木瓜,阿華田,蜜瓜同好立克奶凍,肥妹仔試咗幾款, 雖然個味未稱得上非常之出色,但係都絕對收貨。仲有佢個刺身櫃呀,肥妹仔見到好多人去拎, 肥妹仔都試咗幾款,包括三文魚,蟹棒,同榮螺,好新鮮好好食。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-16
39 瀏覽
校長燒肉係元朗開左好耐但今次都係第一次食。呢間餐廳裝修好得意,一入門口首先見到一隻有真人比例咁高既iron man,然後入到去就見到好多唔同顏色既area,各個area都改曬好得意既名而且裝飾得色彩繽紛,非常多打卡位。因為價錢便宜($198 任食兩個鐘),食之前其實冇咩期望,但呢間燒肉係比到驚喜我。首先食物種類繁多,有熟食、肉類、日式美食、邊爐食物、甜品、花茶等等任均選擇。肉類我地食得最多,最推薦係魚柳同金菇肥牛卷。魚柳唔散,而肥牛卷超有牛味!加上爽口嘅金菇真係好正!然後因為間店叫校長燒肉,除左燒肉外冇諗過仲可以打邊爐,而且仲有3款唔同既湯底比你簡,個人推薦壽喜燒鍋,呢款湯底既味道同出面日式餐廳既壽氣燒一樣,配埋自己中意食既材料,食得特別開心。甜品方便除左種類多,雪糕、布甸、蛋糕、啫喱等等⋯最特別係有菠蘿冰! 菠蘿冰係香港已經唔係好多地方食到,呢到有菠蘿冰呢款香港經典懷舊美食真係夠曬特別。咁抵既價錢,有咁多野食選擇,仲可以任食兩個鐘,真係非常抵食,難怪疫情之下既平日呢間燒肉仲可以差唔多全場坐滿曬呢! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-20
1826 瀏覽
人氣非常高企的校長燒肉,一直都坐無虛席,就算最近疫情嚴重,都有不少食客光顧。門口有一台很大的iron man ,非常吸晴!餐廳是自助式,可燒肉的同時亦可以打邊爐,一個價錢,兩個享受!自助區長廊設計,實在壯觀!有多款烤肉食品,甜品區、刺身壽司區、甚至有蒸籠點心!刺身區有師傅stand by 只需要點你喜愛的刺身,帶子及三文魚都好新鮮!飲品都有好多選擇,啤酒任飲,更有梅酒提供!熟食都有不少選擇,而且味道都好唔錯,因為太餓的關係,我都吃了不少熟食!其中一個雞翼好惹味,豬手都好稔軟入味,畢竟外面食豬手才都不便宜呢!所以真的性比價高燒烤用紙燒烤,可以避免燒焦的情況,侍應們不時檢查,收碟及換紙都很主動,抵讚肉類都醃得好入味,牛肉脂肪比例平均,吃得出是中上程度的肉,而非廉價肉!甜品都有不少款式,由蛋糕到中式糖水都滿足到你!水果新鮮,吃過大量肉類後解膩一流!去過一次校長就會知道人氣高的原因,兩個人繁忙時間入座才不到$440,簡直無可挑剔 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-10
1084 瀏覽
自從與好友食過荃灣的校長燒肉後,留下極佳的印象,而這次在過年前與居住在元朗的好友來個飯局,原本想約在荃灣店,後來經Openrice大神查看後,得知元朗才是主店,當下就決定了一於約局去元朗的校長燒肉;從元朗大馬路那邊遇上了好友後,由其帶路,經過千色店再穿過幾條街道就來到了;巡樓梯級行上一樓後,發覺偌大的空間就呈現在眼前;食材區位於中間,前後兩邊都有相當闊落的用餐區;侍應生帶領我倆到以野戰營為主題的區域坐下;由於座位夠大,冷氣加上抽氣也十分充足,沒甚油煙味,令人坐得很舒服!與好友分別觀看後,發覺此店似乎有更多的食材種類與款式;並就著寬大的餐檯與設備,決定了弄上打邊爐與韓日燒兩種食法,實行吃個大痛快!食材區最引人注意的是有個大蒸籠,可猜想有此設備,點心也不會差吧!但我們的焦點放於韓日燒與打邊爐之上,所以也就拿取各自喜愛的食材了;另外此店供應的飲品主要有清酒,梅酒及綠茶,可謂滿足不同人仕的喜好!供火鍋用的器皿是鑄鐵鍋,好友斟了豬骨湯底,之後再挑選了些頗為新鮮的蔬菜及菌類:而我就選了些美國頂級一口牛,煙肉,牛扒,多春魚,魷魚鬚以及麻辣雞翼,另加上算是好奇一下的特級麻辣雞扒;刺身方面的選擇也充足,按食材新鮮度我先揀取了三文魚,帶子,螺肉及大蝦;一切準備就緒,我負責燒肉部份,好友就負責火鍋部份;我先放下煙肉及特級麻辣雞扒,去墊上隔油紙的鏤空鐵鍋處燒煮,而火鍋那邊好友放上了冬菇,冬瓜及娃娃菜,多種不同的食材香氣很快飄散在空氣中;煙肉因質地較薄,很快達至全熟程度,本身有鹹香加煙燻氣息濃厚,再灑上七味粉去燒,香味加辣味即時令人吃得開心,加長了餘韻!麻辣雞扒本身醃得很入味,只加上些海鹽去燒煮已達至麻辣味十分突出,確是美味之作!且看準火候,剛剛熟了就拿來吃,令其肉汁鎖在裡面,熱辣辣之餘肉質相當嫩滑,說得上喜歡麻辣的,吃著就會上癮!當然,特級一口牛經燒煮後是十分的'美國味',那種濃郁的本味氣息,甚具辨別性;切成大粒狀,令咬起來多一點爽彈,形成更好的口感,所以名曰--一口牛!燒魷魚鬚撒點七味粉,加上一口清酒,那種融合度令人熟悉到覺得是居酒屋的味道,真的是大大的滿足!火鍋那邊的蔬菌已發出更濃香的氣味,尤其是這個體適中的冬菇,豬骨清湯滾煮後,其實在味蕾是嚐到了冬菇的原本真味,加上湯水令菇菌的質感更爽滑,讓人吃得很愉快!選取牛扒去燒,目的是令隔油紙有更多的紅肉脂肪,方便去燒剌身級的海鮮;這店的牛扒質地也算較薄,可令燒煮的時間能縮短一些,從而有更好的口感,也是聰明的做法!待有足夠的油脂,就將刺身級的三文魚放到隔油紙上,灑上海鹽與七味粉,將底面反覆來回三四次去烤煮,待魚油滲出,魚油表面由胭脂色變白色且略帶點結焦,就是本人最喜歡的質感與味道!一入口,三文魚的鮮味由海鹽帶出,然後豐富的魚脂提供了綿滑的口感,七味粉的辣味與魚肉帶來的煙燻味,這種多層次集於一身,在味蕾上留下深長的餘韻!由於帶子本身很新鮮,只需撒點鹽,燒煮到略為收縮已品嚐到其鮮甜之味!而這些美食,配上清酒或梅油都是十分相襯的!至於螺肉與大蝦就如常當刺身吃,發覺質地與味道還是不錯的!最後,吃上花了較多時間去烤煮的多春魚,因其表面已帶焦香,而每條都有一定份量的魚籽,也是十足的日式味--鹹鮮中又透著煙燻味,確是下酒的好食材!一邊烤肉,一邊火鍋,手忙口更忙,兩小時也不知不覺地過去了;而此店提供的食材款式既豐富,且價錢相宜,又坐得舒服,不愧為與好朋友相聚晚餐的好地方! 繼續閱讀
(以上食評乃用戶個人意見 , 並不代表OpenRice之觀點。)