校友會雞煲

營業中

休息中

母親節前夕訂咗枱同家人慶祝一下，揀咗校長燒肉嘅校友會雞煲，佢新開嘅雞煲可以無限加雞，食完雞仲可以打邊爐，當然出面自助區嘅嘢都係任飲任食啦。母親節前夕$248一位，包雞煲、火鍋、刺身、點心、自助區、甜品任食，飲品區有花茶、啤酒、汽水、清酒、梅酒、水果茶等，真係應有盡有。入坐即送八小碟頭盤，個人覺得辣雞翼尖同酸青木瓜絲幾正，牛肉滑同鯪魚滑爽口彈牙，海蝦鮮甜，牛肉片嫩滑。之後返叫嘅任食肥牛都唔差，兼落單麻煩都可以去自助區夾😋雞煲入味，雞件肉多骨少，無限加雞真係好吸引。哈哈，隔離枱起碼加左四次雞😝食完雞就加湯打邊爐，雞煲汁加湯已經好濃味，嫌唔夠可去醬料區調醬。入坐送嘅1L水果茶，好大杯，甜甜酸酸好飲！如果四位以上送4L裝，成個水桶咁大杯😆最後梗係食埋甜品，雪糕、雪條、布甸、啫哩杯、仙草涼粉、芝麻糊，多到數唔晒，仲唔夠？可加$10 movenpick 任食添呀🤪埋單個陣真係飽到上心口😝嘩嘩，原來樓下好多人等位，好彩一早訂左枱啫。

無聊四處逛逛，遠處發現燈火通明，且聞來香氣撲鼻的肉香味，於是入內淺嘗前菜包羅盡有，有韓式泡菜，醬漬青瓜，中華沙津，酸甜蘿白，酸辣雞翼尖等前菜，前菜皆有一點酸甜味能帶動胃口，令人食量倍增。小食類款式更多，小丸子，炸雞軟骨，炸蝦片，炸饅頭，炸魚皮餃，墨西哥卷，焗芝士帶子，另外更設有刺身區，包括三文魚，吞拿魚，希靈魚等款式目不暇給，中西合璧，賣相吸引，味道又美味，簡直是味蕾大滿足。點心有蝦餃，燒賣，鳳爪，排骨，叉燒包，馬拉糕，傳統點心，有懷舊風味，又極其高質。主食方面，有滋味雞煲，一遞上枱已香氣四溢，加上嫩滑雞件，令人不能停口，火鍋配料還包括牛板腱，大海蝦，紫菜響鈴卷，芝士蟹柳，牛肉滑及鯪魚滑等，火鍋配料新鮮，食材質素有保證。飲品方面除了正常紙杯及罐裝飲料外，店內還提供特色霸王杯水果茶，水果茶內有西瓜，橙，菠蘿，檸檬，哈密瓜新鮮的水果，使打邊爐的油膩感大減，令食客十分滿足。校友會雞煲達輝徑1號足彬大廈1樓

💖元朗開左間成人$98起嘅任食雞煲火鍋放題🍲，可以無限加雞，火鍋配料、飲品等都係任食！另外可以加$28任食點心～1️⃣任飲任食雞煲火鍋放題🍽️💖先會食雞煲再加湯煮火鍋，雞煲嘅雞件滑又無咩碎骨，咬落啖啖肉，醬料鹹甜香口，可以無限添加。💖火鍋首先上左個八小蝶頭盤，包括兩件酸香開胃小菜、海蝦、珍寶蟹棒、巨人竹輪、雲吞、餃子🥟、鯪魚滑、牛肉滑、紫菜響鈴卷同牛板腱，最鍾意肉味香得黎肥瘦相間嘅牛板腱，鯪魚滑同牛肉滑咬落彈牙，味道濃幾足料！紫菜響鈴卷咬落有紫菜嘅香脆，又有響鈴卷嘅軟，口感豐富。跟住就可以任嗌，我推薦呢啲👇：🔸美國肥牛片：油脂位較多，適合鍾意食肥肉嘅朋友🔸鴨血：我嘅火鍋摯愛，彈牙又食完暖笠笠🔸漢堡扒：厚實，咬落啖啖肉💖另外可以加錢任食點心、刺身、各種自助炸物/雪糕等，刺身中嘅三文魚唔錯，切得厚咬落香滑。點心選擇經典種類都有，我就鍾意炸饅頭、燒賣、蝦餃、鳳爪、兔子糕等～💖午市仲可以食足3個鐘，CP值高，同學/朋友/屋企人聚餐都適合！

雞煲味道濃郁，香辣惹味，雞肉的鮮嫩、醬料醇厚刺激，多層次味覺享受，食完雞煲可以加清湯打邊爐，一煲兩食，任食火鍋配料有很多選擇，有肥牛肉，響鈴，獅子狗，滑雞件，雞子，珍寶大蟹棒，魚腐，芝士腸，魚皮餃，和各式各樣的丸類除了雞煲和打邊爐之外，還有多款美食例如日本壽司，三文魚壽司肥美，蟹柳壽司，蝦壽司炸壽司卷外酥內軟，熱氣騰騰，外皮金黃酥脆，帶有淡淡的油炸香氣。內餡米飯軟糯，口感豐富章魚燒外酥內軟，熱騰騰的，淋上醬汁，搭配柴魚片，一口咬下，章魚的鮮味和香氣在口中融合，非常美味任飲任食享受美食，各種食物都有，種類齊全，這家店的種類多樣，可以滿足不同人的口味，而且是無限量的，食物琳瑯滿目，應有盡有，飲品種類也非常多

雞煲放題食評｜麻辣香濃、肉足料多的火鍋盛宴！近日與朋友相約去了一間主打雞煲＋火鍋放題的餐廳，整體體驗相當不錯🍲 餐廳特色與氛圍一入店內，撲鼻而來的就是麻辣雞煲香氣，令人食慾大開。店內裝潢偏向港式工業風，座位寬敞，適合三五知己或家庭聚餐。每桌都有獨立的火鍋爐，衛生與私隱度都有保障。🔥 雞煲體驗我們選擇的是麻辣雞煲底，一上桌就見到滿滿的雞件、洋蔥、蒜頭、乾辣椒、花椒等食材在鐵鍋中翻滾，香氣四溢。雞肉份量足，肉質滑嫩不柴，調味非常入味，不會過鹹或過辣。可選不同辣度，我們點的是中辣，夠刺激但不會搶味，辣得過癮！雞煲吃到差不多後，店員會加入湯底，搖身一變成打邊爐，一鍋兩吃超划算！🥩 各款肉類選擇放題部分的肉類選擇超出預期，肉質新鮮、種類多樣，以下是幾款推薦：✅ 推薦肉品：安格斯牛肩肉：油花分佈平均，涮幾秒入口即化。豬梅花：肉質彈牙，吸湯能力強。手切羊肉：無羶味，薄切涮煮剛剛好。雞軟骨、雞腎、雞翼尖：雞煲主題延伸，口感豐富又有趣。還有丸類、餃類、鮮蝦、墨魚滑、蔬菜拼盤等，選擇豐富。🧋 飲品與甜品飲品方面也是放題形式，可以自助無限添飲。汽水機提供可樂、雪碧、芬達等。加錢仲可有特色水果茶，解辣一流！啤

🔹️校友會雞煲🔹️既然叫校友會係咪應該約翻啲同學仔去食去尋找屬於我地既共同回憶😂一來到店員就上左雞煲同幸運轉盤，有開胃前菜、丸類、餃子、肥牛等等，唔洗諗叫咩好，之後再點啲素菜類打邊爐。講到雞煲，上台已經香噴噴，雞肉質素都唔錯，肉質都嫩滑，但要小心控制火候，唔好比佢燒焦食雞煲有埋點心可以點，仲要即叫即蒸，估唔到可以一件一件咁叫，就叫左鳳爪、蝦餃、燒賣、 椰汁兔仔糕、炸蝦片，岩晒每樣都想試下既我，蝦餃既水準都好高，內餡有鮮嫩爽脆口既蝦肉，可以再點幾粒😊埸內仲有煮物、燒物、前菜、壽司可以選擇，真係花多眼亂，每樣都想試啲，三五知己成班人去食真開心飲品種類都好豐富，除左有大大杯水果茶可以點，仲有自助飲品櫃有汽水茶類同啤酒，最後食翻個甜品及雪糕收尾，真係爽呀重點係星期一至四7:00pm前離座只係$128真係要約翻班朋友仔再黎試下啦

好似好耐無食過雞煲，同班朋友去呢間雞煲火鍋任食店食，除咗雞煲火鍋，見另一邊仲有韓燒食。雞煲嘅雞可以無限refill，佢啲雞以任食嚟講都算ok，幾滑同幾入味，味道唔會好咸，我哋都食完都有refill！牛板腱比肥牛好食，牛板腱第一次係個餐包咗，下次再點就要加錢啦。蝦一樣第一次包咗，第二次要比錢，所以我哋無比錢加，因為仲有好多款食物想食。紫菜響鈴好食，有紫菜既關係味道咸咸香香。呢杯水果茶勁大杯，我記得自己好似飲剩三分一就投降，實在太大杯，不過係好飲嘅！除咗雞煲火鍋，仲可以任叫點心，食到最後先點，所以叫咗好少。出面自助bar 區都有好多沙律、熟食、壽司同甜品！

💰人均98蚊，物價重回黃金年代！**  午市還可以吃足180分鐘！第一輪頭盤會上一次！不收費ge！10+款港式點心任食蝦餃皇、叉燒包、燒賣、鳳爪、桂花糕現點現蒸「港式雞煲」與「火鍋放題」可以同時享受啫啫雞煲鑊氣十足，秘制汁裹滿鮮嫩雞肉，好送飯！🍹1L巨杯水果茶每桌贈送**1升裝爆檸四季春水果茶**酸甜解膩，果香四溢，搭配熱辣雞煲和火鍋，冰火兩重天！  各種🍮甜品、飲料、火鍋料任食！🎞️懷舊氛圍拉滿，港式大排檔裝修！

校友會雞煲一個特別的名字，的確會給引人注意，既然叫自己做校友會雞煲，我就睇吓食完之後，有冇校友會聚會的溫馨感覺吧！首先，個場四四正正，色彩斑斕，座位好舒適，坐低傾偈同食嘢，都即刻令你好有feel！校友聚餐，都係要搵一個抵食夾大件嘅場，咁校友會雞煲就真係滿足到呢個要求，宣傳單張都大大隻字寫住晚市雞煲，點心火鍋任食，都係$128起，我星期日晚去，六點入座，連埋加一都唔使$200，邊度搵先？仲要開始時，送第一套原本追加要收錢嘅食物嚟試吓：海蝦，鮮蝦雲吞，鯪魚滑，牛肉滑，芝心蟹柳，牛板腱，紫菜響鈴卷，仲有大大杯水果茶，真係頭一圈都已經打爆咗個胃咁濟啦，哈哈！雞煲本身係任食㗎，個雞煲醬調得好好，我哋選微辣，已經係好刺激味蕾，雞肉剛剛好非常嫩滑，雞煲起碼要有呢個水準先至讚得落！一邊食雞煲，一邊飲水果茶，食水果茶裏面各樣不同的水果，辣一下冰凉一下，十分滋味點心十幾款，樣樣都點嚟食，最鍾意食蝦餃燒賣同炸饅頭啦！以前假期成班同學打完波都去飲茶，校友會呢個名令我想起好多美麗回憶火鍋配料幾十樣，我就話最正有雞子，台式一口腸，陳皮魚蛋，魚片頭呢啲，唔係間間都有齊囉，仲有肥牛片，鴨血，炸魚皮等，最想食都有齊呀！

一直都好鍾意食呢間校長燒肉，因為佢又平又抵食，食物款式有好多。最近元朗嘅朋友介紹，原來呢度開咗間校友會雞煲，咁就梗係要來試吓啦。呢度嘅價錢好平，但係種類好多，而且環境全部都係卡位，坐落真係好舒服。一上枱，就俾咗個幸運轉盤我哋，好適合打卡，轉盤上面有好多唔同種類嘅食物，可以少少咁試吓，如果好食嘅話就可以再加單。就認為轉盤上面嘅雞翼尖最好食，調味啱啱好，有少少辣辣地越食越開胃。朋友唔係太食得辣，所以我哋叫咗個中辣嘅雞煲。雞煲一揭蓋就非常香，而且雞肉食落好嫩滑，少少辣嘅調味令雞肉更加香口。而且仲有點心任食，我覺得佢嘅燒賣好出色，比平時酒樓嘅更加好食。咁平嘅價錢又有火鍋又有點心又有雞煲真係好抵食。呢度竟然仲有罐裝啤酒任飲，真係啱晒一大班朋友傾偈飲酒聚會啊。

來之前驚中伏，食完之後可以出攻略。今日來呢間雞煲，睇在夠抵食來嘅。我地星期六晏晝來食，7點前埋單就128（星期六加10蚊）。好耐無食過甘抵嘅雞煲，重點係放題。一入座就一人一杯超大水果茶，巨無霸咁大杯，哈哈覺得幾好飲。幸運轉盤擺滿佐配搭嘅前菜，有牛肉有蝦有餃有響鈴等等，份量夠曬多啦，不過個轉盤有滴阻地方哈哈。雞煲食完一round竟然仲可以追加雞，點心、小食、飲料、甜品任食，呢個價可以做到真係良心。最後攻略，午市（11:30-16:30）放題一個半鐘更抵食，98蚊。呢啲時間可以來食就更加抵食啦。

上星期二姑姐突然話好想食雞煲，咁收工近近去元朗啦成人雞煲放題$336/2位，價錢經濟實惠，食完雞煲打邊爐，又有點心食一坐低先奉上一人一杯1L水果茶好大杯…..百香果味十分突出，仲有橙、西瓜、菠蘿係入面，色彩繽紛雞煲要左小辣，店員話3分鐘就食得，份量十足，雞件嫰滑，非常入味湯底係自助區可以拎，食到差不多可以自己加湯開始打邊爐除左水果茶外，仲有八小碟頭盤，包括有：紫菜響鈐卷 ~ 口感不錯巨人竹輪卷 ~ 真係好大條，一人半條都好長珍寶大蟹棒 ~ 好似筷子咁長，好滿足菜肉餃子 ~ 滿滿餡粒，十分飽滿鮮蝦雲吞 ~ 鮮蝦味突出，十分爽口牛板腱 ~ 油花分佈平均，肉質嫰滑海蝦 ~ 好大隻，肉質厚實牛肉滑 ~ 幾特別比較少見，牛味濃郁鯪魚滑 ~ 好似食緊生菜魚肉咁，姑姐都話鍾意泡菜 ~ 就咁食比較重口味，建議配搭牛肉一齊食醃蘿蔔 ~ 呢個幾欣賞，唔會好酸，比例剛好，口感爽脆食完八小碟唔係幾夠喉另外再加美國肥牛 ~ 唔算太肥，唔錯黑毛豚肉片 ~ 好大塊，都幾滑炸魚皮 ~ 脆卜卜，浸唔浸湯都幾好食台式一口腸 ~ 好cute一口一啖食左咁多肉，要食番d蔬菜平衡番蒿荀、淮山、豆腐 & 玉子豆腐點心：懷舊燒賣

一講起「校長燒肉」大家一定唔陌生，但係最近竟然聽到朋友話想去「校友會雞煲」同我玩下個幸運轉盤🎡，希望行個大運，愈來愈好運。原來佢哋都係同一個門口，裡面劃分咗兩個corner，⬅️左邊係雞煲，➡️右邊係燒肉，之前食過燒肉，所以都好有親切感。呢間餐廳嘅環境好有特色，入到去見到個人甘高嘅Iron Man公仔同啲五顏六色嘅裝飾，影相打卡一流！📸 📌雞煲🐔🍲首先選擇雞煲口味，可以揀選大中小辣🌶️唔辣都得GG就揀左小辣🌶️雞煲已經預先煮好，熱一熱就食得雞件大大塊，皮薄肉厚，嫩滑多肉醬汁好惹味，愈食愈開胃仲可以無限加雞，食返幾轉都無難度食完雞之後，可以加湯變打邊爐📌火鍋配料🥩🥟🦐🥬幸運轉盤🎡上面有一次性嘅牛板腱、紫菜響鈴卷、海蝦、鯪魚滑和牛肉滑、鮮蝦雲吞、豬肉餃、巨人竹輪卷、珍寶蟹柳棒同兩個前菜火鍋配料都好新鮮，有超過60款任食有各款肉類🥩及丸類、素食類、麵類等等📌點心同小食🍤🥢即叫即製，都係任食包括咗懷舊燒賣、水晶蝦餃、叉燒包、馬拉糕、百醬蒸鳳爪、蒜香蒸排骨、黑糖奶糕、椰汁兔子糕酒樓叫一碟都幾十蚊啦，幾碟已經回本📌飲品🍹🍸🍵🍺每位都有一杯700ml霸王杯水果茶，份量十足內有多款新鮮水果，包括西瓜、菠蘿、西

元朗有間新開雞煲「校友會雞煲」，原來系校長燒肉既姐妹店，一邊系食任食雞煲一邊系燒肉放題🍖 除左雞煲任食，餐廳仲創意推出點心放題，響往情懷👫2小時晚市雞煲🐣$168（成人） 6pm後入座$128（成人） 7pm前結賬離座或9pm後入座$88（小童） 任何時段超過60款火鍋配料及點心任你追加，🍺啤酒汽水任飲，仲有無限加雞，食返幾轉都回本🤭點心有燒賣、蝦餃、鳳爪，仲要即叫即蒸❤️另外，凡滿四位6pm惠顧，仲有4L巨大水果茶、卡通點心同幸運轉盤，非常創新，而轉盤上有牛板腱🥩、紫菜響玲、巨型蟹棒🦀同竹輪、雲吞、前菜、牛肉滑、鯪魚肉🐠甜品方面，外面設有自助吧，有蜂蜜柚子蒟蒻、士多啤梨啫喱、檸檬椰果、香芋奶凍等，當中蜂蜜柚子蒟蒻特別又好味🤤📍 校友會雞煲 (元朗)🗺️ 元朗達輝徑1號足彬大廈1樓

元朗很出名的一間日韓燒肉店，最近見到佢新推出咗雞煲，又叫埋愛人一齊上去嚐個鮮！餐廳面積非常大，間開咗燒烤區同雞煲區，中間設有壽司、沙律、火鍋配料、湯品、飲料等自助區！我地要咗個新出嘅校友雞煲放題，店員話雞件唔夠仲可以無限添加！雞煲醬料香濃惹味，有別於坊間，醬汁徧重於甜辣，帶點沙茶味道，雞塊大件肉厚，爽口得嚟亦多肉汁！吃完所有雞塊，加入雞湯，就繼續享用火鍋放題！牛肉肥瘦均勻，入口充滿油香。海蝦十分大隻，肉質亦爽嫰夠鮮味！牛肉滑帶點筋腱，很有嚼口，牛味香濃！鯪魚肉滑口感煙，魚味鮮重。蟹柳及獅子狗超級巨型，份量十足！