柳園菜館 (已結業)

香港吃螺螄粉的地方不多, 還記得第一次在大陸吃螺螄粉, 先嗅其香, 再試其味, 衝擊之大是我在大陸其他地方沒有的. 柳園的螺螄粉令我找回這回憶, 螺螄粉一端出來, 那一陣酸酸餿餿得如臭襪的香味的確令大部份人迴避, 來源是來自酸筍, 當然這裡是香港餐廳, 其”奇味”已比大陸的收斂不少. 湯沒有螺肉, 這才是正宗, 螺螄的size很小, 主要是用以提味, 煮出來如豆丁那麼少, 吃下去也沒有太多感覺吧! 煮出來的湯鮮味十足, 和其外表的嗅味是一個很大的對比. 米粉不是傳統的軟糯, 彈性十足, 就算浸了一段時間也保持其彈性, 比起容易浸到糊爛的質感, 我更喜歡這個!…查看更多

連食2日第一日，尖沙咀下雨。吾打吾撞見到他們放在樓下餐牌，主打午餐小炒的套餐。他們說外賣自取有8折。我便點餐外賣！其實上到去，見到餐廳環境很寬躺舒適，座位又坐得舒服！但食客的數量不多。第一日，我點了桂花咕嚕肉+白飯+熱奶茶。另加麻香粉皮！8折後，共$60。老實說，食落並未有什麼桂花味，但咕嚕肉炒得香脆，甜酸醬汁味道剛剛好，送飯絕配另外，麻香粉皮的粉皮質地很好，夠薄，再配上青瓜絲是清新的小食，但外賣麻醬份量小，而且外賣碗比較小，很難完全拌混。第二日，決定留在餐廳吃飯。今日點了，四季豆爆雞丁+是日例湯。四季豆和雞丁都走油，所以食落很香口，廚師將四季豆切半，剛好和雞丁一樣大小，拌飯佳品…查看更多

呢碗螺螄粉個螺湯真係幾好食（個人幾鍾意食）🙈陣味好特別，雖然有人會覺得酸臭但係鍾意食呢類野既人就真係要黎試下🧐🧐佢揀餸果度有得揀鵪鶉蛋🥚平時都唔覺有得咁加麵$45 ·加餸就加$6/$10一定要一啖粉連湯咁食先係最佳享受！😆除咗螺螄粉，佢其實仲有其他小菜既另外叫咗個薯苗 $68 味道不過不失啦 都係普通菜 唔難食既仲有南乳排骨 陣南乳味幾香既不過咁啱第一舊食落多肥糕😣所以打咗少少折不過個味都還好的重點係呢度必食既係螺螄粉😂😂（個人意見）我係晚市黎食既人唔算特別多但係服務都唔差食辣野飲茶會飲得好快而佢見我壺茶就快飲完 會自動攞過壺新既黎態度都ok吖…查看更多

酸豆角同酸筍喺螺獅粉的靈魂所在，可惜淡而無味，唔合格。湯頭太清冇螺味， 辣椒油唔喺浸筍果點，唔同味嘅。不過香辣炒螺入邊有酸筍一齊炒，好好味，建議 齋外賣炒螺足而……………查看更多

跟好友在尖沙咀逛街忘了時辰，到餓了才急急找餐廳。經過這間賣點是螺螄粉的中菜館，有點興趣。話說我同好友都算是緊貼美食潮流之人，都知道內地超流行螺螄粉，甚至紅到出了好多即食包在某寶熱賣。好奇寶寶決定一試究竟。兩個人叫了一碗螺絲粉，配料選了肥牛蘿蔔，再叫了兩個小食，涼拌黃瓜及惹味一字骨。一般拍青瓜味道。其實是南乳骨，新鮮炸起熱辣辣，好香南乳味，酥脆，不錯。主角螺螄粉標榜無味精無添加，每日大量石螺，豬骨及藥材精心熬製，再配以QQ彈牙柳州米粉云云。但吃下去大失所望，米粉跟米線很相似，配菜肥牛蘿蔔正常味道，配料好多，脆片/花生/豆角/酸筍/豆乾等，口感多重。但最關鍵的湯底並非想象中濃，不是重海鮮味那種，有鮮味，咸香兼辣辣地。也沒有傳說中酸筍豆乾的臭氣薰天，淡薄的絲絲臭味是有的，應該是按香港人口味調節過，但反而讓人懷疑是否正宗。到底傳聞中好吃到成個人變臭都甘願的螺螄粉，就僅此而已嗎？…查看更多

見柴灣人柴灣事谷友講惠康有包裝螺螄粉賣，挑起左想食臭麵舖癮。然而起屋企煮實瘟臭全家，相反堂食就無手尾跟。起 openrice 搜尋下，全港似乎得一千零一間食肆有螺螄粉食。行樓梯上食肆時已索到陣陣臭屎味，即係中國深圳地鐵會展中心站大堂美食廣場傳出既個種臭味。店舖燈光光猛，週末下晝，未計我地，全店只有兩枱共三名食客。點菜柯打左 $45 柳州螺螄粉 (走辣)、$88 柳州炒飯、$58 煎餃子、$58 春卷、蜜糖山楂水同埋呢個葡萄蘋果茶。在點菜的環節中，當嗌到柳州炒飯時，侍應大哥隨即提點我地炒飯會用酸笋炒。其實想體會食廣西柳州菜，又豈會錯過作為柳州螺螄粉既精髓既食材呢？既然本身會落臭屎渠味既酸笋炒，就要原汁原味唔走酸笋，就好似食日本壽司唔走 wasabi 咁…上菜上漏山楂水及春卷，最後春卷 cancelled. 在我們用餐時，職員竟然將冷氣較細！服務大有改善空間，埋單找錢找多左蚊…講番食物，螺螄粉的酸笋味比中國深圳會展中心美食廣場的味道較淡較易入口。在中國深圳吃過的螺螄粉，其豆腐乾混入湯後的味道就同臭豆腐一樣，但呢間就唔係呢個故仔，或許可能因迎合香港人口味而調校過黎。柳州炒飯，介乎濕身既福建炒飯同乾身既揚州炒飯既濕度，用料有火腿、雞肉、蝦仁同酸笋。大概可能有火腿呢 d 較重口味味道覆蓋，柳州炒飯的酸笋味較螺螄粉的較淡。煎餃一般韭菜餃蜜糖山楂水主要係蜜糖味提子蘋果茶提子味響度，蘋果味唔突出，反而似雪梨水…查看更多

星期六去歷史博物館睇展覽，多人到嗨嗨，順便去呢間有螺螄粉食嘅中菜館試吓。一上到去，哇，會唔會又少人得滯，真係貫徹到我包場嘅作風。嗌咗碗螺螄粉同埋醉雞set lunch，螺螄粉有浸舊式士多嘅氣味，有啲人覺得臭，但我又幾中意聞。食落只係一碗好普通嘅辣米線，仲要米線份量好少添。佢啲配料種類係多，但係份量唔夠喇，如果落多一半酸豆角，碗野一定惹味好多。加咗十蚊要個豬肚做餸，真係少到試食咁喎，口感亦都太腍喇，冇豬肚應有嘅彈牙，唔合格。至於醉雞飯，佢個整法好特別，係落咗桂花糖水嘅，基本上係比甜味冚過咗大部分嘅酒味，對香港人口味黎講，應該唔太討好，我就覺得還可以啦。連埋罐可樂，埋單120有找，其實算平，但見佢星期六都咁淡，相信比較難捱。…查看更多

本人平時食嘢都唔太大要求講真食物真係麻麻哋,最重要係d人服務態度真係好×唔得,一心諗住去試螺螄粉！但個A職員就串我地食二個螺螄粉好坎坷！ 另一職員話 可能冇錢呢！ A職員就答 冇錢咪唔好食囉！講真我同朋友食一餐下午餐都$107噉都比人話我哋無錢食嘢食碗麵$45我哋都有加其他噉食都要比服務員噉話我哋真係唔知講咩好 ,真心以后唔會再去又唔真係好食雖然唔難食…查看更多

一個月一次晌尖沙咀返完集合主日，老婆話帶我食晏，有間特色嘢想我試吓，轉兩轉就到咗金馬倫道，餐廳就位處一幢商廈嘅一樓，名字叫「柳園」，賣嘅喺甚少見嘅柳州菜。星期日嘅中午，12:00pm未到，踏入餐廳，感覺環境大，地方闊落，啲枱夠晒大張之餘，枱與枱之間好有距離，無逼狹嘅感覺，兼且乾淨企理，予人舒服之感。但無乜客，就算食完離開，都喺保持住兩、三枱客而已。此外，餐具都頗別緻，質感好似石咁。主餐牌好簡單，底面兩大頁，湯麵類、小食、冷盤、炒飯麵及飲品，一眼睇晒，唔算好多選擇。柳州螺獅粉喺佢哋嘅主打，點都要叫一客嘅！另一個喺午市套餐，有多款小炒選擇，價錢介乎$48-$52，包一碗例湯或普通熱飲及一碗白飯，亦有其他加配優惠。跟同區類似嘅餐廳比，定價唔算高。反轉反頁喺下午茶餐，所以，順便介紹埋，有多個配搭組合，定價$39-$48，只包一杯汽水。最搞鬼喺仲有一款雞腿薯條套餐，賣$28，無特色可言，志在鬥平搶客。柳州螺獅粉 $45晌餐牌中唔喺有太多介紹何謂「螺獅粉」，只喺提及有好多配料，包括酸筍、木耳、花生、油炸腐竹、酸豆角、菜脯、榨菜、時菜及肉碎，可以揀大、中、小辣。其實「螺獅」（唔喺五金嗰啲「螺絲」呀）喺指石螺，以石螺、豬骨熬湯，配柳州米粉而成嘅一道地方菜式。配料確喺多，酸筍、酸豆角、油炸腐竹亦較少接觸，不過，由於加入酸筍，多多少少有股臭味，未必人人啱食 柳州米粉口感介乎米線同瀨粉之間，滑溜得嚟又硬硬哋，但份量唔及平時去食米線嘅多，感覺偏少；湯頭比預期無咁鮮香，唔算話有咩問題，只喺無太大驚喜啫。整體而言，只喺一試無妨嘅程度。西洋菜煲豬骨（午餐）好港式嘅例湯，喺大路貨色嘅出品，談不上有咩特別，唯一就喺勝在夠大碗咁囉。桂花咕嚕肉（午餐）$50份量絕對算得上少，女生食就無問題，以一般男生而言，應該喺勉強夠，大食啲嘅人應該要加配其他嘢。幸而，以肉排入饌，啖啖肉，個甜酸汁又有微微桂花香，味道本身喺唔錯嘅。晌研究餐牌時發現，個柳州螺獅粉原先定價喺$68，依家賣緊$45，假設佢份量無變，明顯之前嘅定價脫離現實:(。此外，午餐嘅菜式變得大眾化，缺乏地道特色，相信喺柳州菜未為港人所接受，作出讓步嘅轉變，唔知佢哋平日嘅生意點，但單睇幫襯當日嘅午市，勢難扭轉劣勢啫。…查看更多

最近好像流行網購螺螄粉，說是廣西的麵食，湯底加入螺螄熬製，味道香辣。好奇之下特地造訪這家以螺螄粉作招牌菜的餐館。晚市人不多，價錢比我想像中貴，一碗螺螄粉索價七十多元。螺螄粉可以選兩種配料，我們選了腩肉和芋頭。配料的味道不過不失，而湯底除了辣味吃不出螺螄的味道，感覺和一般米線的味道差不多。差不多$60/六隻水餃，size偏細，味道普通。醉雞（$120）半隻，酒味不算重，但雞肉嫩滑。炒茄子也是十分普通。今天的主菜是烤魚，應該是桂花魚，肉質算嫩滑，爐用炭（？）加熱，可惜味道不覺特別鮮味或惹味，三百多元來說魚偏小。整體來說味道普通，餐廳雖叫柳園，好像和廣西有關，但味道無甚特色，價錢和質素不成正比。最可取之處是食客不多，坐得舒服。…查看更多

基於昨晚於YouTube見人大贊螺絲粉好好食，又不想等淘寶，所以就自己膽粗粗黎試食。店鋪位置好方便好易搵，要行一層小樓梯上樓。大約12:15到達，店入面無咩人吾駛等。一入鋪頭並無咩臭味，但行入啲就會有小小臭筍味。坐底之後就直接想叫個螺螄粉食，但吾知系咪我簡個位太壞無人見到我，所以我直接自己出去嗌嗌完後先再睇下個餐牌，發現除左啲特有食物外都仲有啲大路野💁🏻等左吾駛5分鐘，螺絲粉就上台啦。一上黎系即刻有好大陣筍味賣相望落無咩特別，好似同食米線差吾多，但勝在配料多。碗粉我是叫左微辣的，因為聽講螺絲粉啲辣系好辣同埋諗住好似健康啲一食落口，發現的確吾系平時食開個種微辣，大概系譚仔既三小辣左右吧。飲左啖湯，發現無我想像中既酸味，但明明我上網做research咖！不過好在個湯都算鮮味，吾會話好味精感。粉質方面，啲粉好滑好Q彈，但條條都好長，夾極都夾吾完。之後再試左啲配料，我覺得只系得啲辣味，筍同酸豆角啲酸味一啲都食吾到。成碗食晒（無加餸）其實都好飽，但可能男仔就未必夠🤔Overall，我覺得尼碗螺絲粉其實就系一碗普通既辣麵，無咩太特別但系如果想嚐嚐鮮的話都可以一試。…查看更多

睇左報紙介紹去試，一試不得了，一得閒就要黎食下湯底好鮮，夠味又唔重口，次次都飲完粉有獨特彈性（平時食開江西米線，好似落左膠袋一樣咬極唔斷 😑）配料非常豐富，不惜工本落左好多乍醬（平時食開得少少，攪一攪碗麵就會消失係湯底中 😑）環境闊落，坐得好舒服，又近地鐵站真係完全無理由唔幫趁！…查看更多

樓上鋪，人少安靜，適合同朋友傾下計近來螺螄粉好出名可以黎試下湯底好鮮香，米粉好Q炒螺螄雖然睇相好吸引，但其實大伏，太細隻，有沙山楂水好好飲，但有微微澀，我朋友不大鍾意…查看更多

我很爱吃广西螺狮粉，朋友推荐来柳园品尝，这家的螺狮粉超味道正，和广西本地口味差不多，汤真的很好喝，全都都喝光了。餐厅空间大，装修新，服务也好。吃完坐着聊天也不催人走。…查看更多

知道這間柳園菜館，是從朋友老婆口中所聞，而後者正是廣西人。既然鄉里都話唔錯，這次經過尖沙咀便專程一試。來這店唯一目的便是一嘗香港罕見的螺螄粉。廣西人愛吃粉，其中桂林人愛米粉、南寧人愛食老友粉，而柳州人愛吃的便是螺螄粉了。這螺螄粉有所不同的，便是湯底用螺螄這種石螺去熬出來的，固有一股獨特的鮮香。我這次要了小辣，而一碗螺螄粉已包括酸筍、木耳、花生、油炸腐竹、酸豆角、菜脯、榨菜、時菜及肉碎在內的配料，另外我像車仔麵般加錢要了滷蛋及腩肉。先喝湯底，幾鮮，有田螺的一股味道，但平心而論未必人人都喜歡。這裏的粉質感幾爽，像是米線與瀨粉的混合體。至於碗螺螄粉本身像豪華版的小鍋米線般，有足夠配料，而我另外加配的滷蛋及腩肉味道卻稍嫌普通。整體而言，這一餐不算異常美味，但卻是香港少有的味道體驗，未試過螺絲粉的倒可以一試。…查看更多