查理布朗咖啡專門店 (已結業)

印象中, 這裡不但能享受提供甜品, 舒適的環境還可以讓人休閒輕鬆一下, 今早飲茶至一, 二時....肚未見餓, 老公提議到這裡吃甜品(壞主意)!星期天的荃灣廣場不算人山人海, 但也很熱鬧, 幸而西式甜品食肆不是太多家庭會逗留的地方, 我們選了藍莓芝士蛋糕, $29, 藍莓粒頗多, 蛋糕不太甜, 只可惜芝士味淡淡的, 餅底亦不脆!香蕉朱古力蛋糕, $32, 幾貴, 吃到片片香蕉, 味道蓋過了朱古力, 朱古力忌廉醬也滑漏, 略甜!同場亦有其他甜品, 這裡可能是賣品牌, 所以略為貴了一點, 不過, 地方簡單乾淨, 不失為一個偷閒加油站!

Today, I went to this lovely restaurant for lunch. I'm only a secondary student (a child), and I was curious about this special restaurant. That was my first time to have meal in Charlie Brown Restaurant. The waiter treated me nicely and very kindly (maybe it was because I'm a child...). It took only a few minutes for the waiters to prepare the food. I ordered a croissant. There were tuna, corn, beans and so much cheese. It was so cheesy. Maybe less cheese would be better

又到荃灣，又到荃灣... 是次想吃心太軟，便走到了 Charlie brown cafe 專門店試試。環境舒適是 charlie brown cafe 的特點。荃灣舖雖然比較細，但仍有舒適的感覺。對於佢既食物一直都冇太大的好感，尤其是佢既意粉類，真係普通到唔恨。可是，最近睇 openrice 得知其心太軟甚獲好評，便決定試試，順便「忙裡偷閒」吧﹗在沙發上坐了約十分鐘，心太軟上場了﹗層次是有的，最外層是香脆，但略嫌過了少少火，所以有點硬。內裡首先是濕潤的蛋糕，此部分佔了一半左右，亦係最好味的一層。至於流心，係有既，但嫌佢唔夠多。而佢個底部太厚了，有成三分之一都唔係流心的... 應該是焗過龍了。至於味道都唔錯，苦苦地的朱古力，食落去令人醒神為之一震。雖然心太軟有不足之處，但今次會比笑面.. 第一，個環境加左唔少分; 第二，個心太軟既味道係唔錯。以呢個價位都係中上啦 ~~~

食完嘉樂又行左陣, 打算睇4點既戲, 無咩野做又未夠鐘, 去左查理布朗坐下 香草熱牛奶: 好重雲呢拿味, 但係牛奶味又好出, 暖暖地好味啊~ 幾岩女仔飲的。 藍莓芝士餅: 其實好飽, 不過d cake好靚所以又食左件, 芝士餅質感幾實,　　　　　　　　 岩我口味, 味道唔錯朋友飲桃味沙冰, 佢話有用新鮮生果整, 所以值得一試, 都有幾多果肉係入面, 味道應該唔錯。店內環境舒適, 有好多snoopy既角色既野, 好可愛好得意係個可以hea足成日都無人騷擾既地方。坐左成個鐘, 套戲就快開場就走lu~

H & K 因未夠鐘睇期望已久的"慌失失奇兵",故決定睇戲前去嘆個休閒的下午茶, 結果決定去環境幾舒服清靜及有雜誌提供的"Charlie Brown Cafe"H & K 同樣地選吃了焗芝士吞拿魚牛角飽 ==> 焗得夠熱, 牛角飽好脆, 料的份量足, H & K 都話好味道呀 !!H & K 選飲了不同的咖啡　==> 但沒特別, 普通啦總括來說各方面都幾好, 下次有時間嘆下午茶時, 這裡絕對會是選擇之一 !!埋單: $88 ==> 有優惠，若買飲品，可享食物半價，好抵呀!!

原本打算去 Starbucks , 點知去到個個也在溫書, 做功課 , 要等也不知要等多久 , 之後還是改變主意去荃灣廣場隨意找一間 coffee shop. 朋友建議去 snoopy 餐廳 , 找了一會兒終於找到了 , 太好了 , 剛好有 4 人的檯 , 不用再等 . 我叫了 Hazel Latte , 大中size 雖然只差數元 , 不過 , 份量就相差好多 . 上面有個好 cute 的 lucy 圖案 , 飲了三份二 , 圖案還在 , 好得意. 味道淡淡的 ,不會太甜 , 正 ! 這裡坐得好舒服 , 窗口位面對灣景廣場 , 裝潢又靚又可愛 , 真是和朋友聊天的好地方 .

12月23日每次去都必食心太軟 , 因為幾好味 .今次去就試埋甜品拼盤 , 薑餅人 .甜品拼盤有三杯甜品 : 咖啡毛士 , 燉蛋 , 麵包布甸 , 味道都唔錯 , 不過偏甜 .

前日同女友去o左呢間店到食tea,我就簡o左蘋果肉桂茶,我女友就食甜品拼盆,嘩!杯茶真係有d難飲,冇乜蘋果味,好似水o廿,真係買枝道地飲好過,但杯茶要28蚊,唉~中計!再食個拼盆,有焗麫包,焗蛋白各一個不知名o既蛋糕,我女友係好腫意食甜品o既,但係佢食到一半就停o左啦,因為太難食啦,我都食o左d,真係唔得wo,但碟野要48蚊wo,真係好離譜law,見議真係唔好入去試!

工作要帶返屋企完成, 真係做極都做唔完, 唯有落街鬆一鬆, 時間已到兩點了, 前天 颱風才走, 太陽伯伯又走出黎, 原本想食碗湯麵, 真係無胃口, 行去鈴木, 蛋糕唔吸引, 再上去 oliva, 得一個 cream cake, 最討厭忌廉! 於是望了查理的蛋糕櫃, 又有蛋糕, 又有沙律, 三文治, 目標係朱古力, 因為想鎮靜一下, 問了心太軟會否很甜, 店員回答 : 幾甜! 於是放棄, 選擇了棒子脆脆朱古力, 面有一隻 woodstock都幾得意! 自助形式, 佢俾咗杯暖水! 面既朱古力唔脆, 內裡唔係蛋糕, 慕司又唔講得, 硬啲, 粟米脆脆甚少, 甜度可以再低啲, 雖然同我想像既唔太一樣, 但朱古力可以俾到我一種幸福既感覺!

這裡的咖啡真的不好喝，是日來點了熱巧克力($25)，有驚喜﹗杯子小小的，很精緻。巧克力味道頗濃，牛奶味偏重，也不失美味呀。而巧克力上的那些cream，無疑是錦上添花了。今天完成了fyp，都算是值得記下的一天吧。

荃灣廣場沒甚麼好逛的，不如坐下來吃件cake更好。見這裡人少少，不嘈雜，是不二之選。坐在靠窗的沙發上，點了一件lucy light($29)和hazelnut latte($31)。lucy light︰店員說上層是豆腐味的cheese cake，下層是蛋糕。雖然整件cake真的名副其實的light，但我真的吃不到有豆腐味，有點點失望呢。hazelnut latte︰喝後的感覺是很苦，不好喝﹗是失手還是本來的味道呢？環境真的無可挑剔，我看了好幾本雜誌，男友更睡上半小時﹗而且店員對食物也十分熟悉，雖然食物都差了一點，不過若想找地方休息一下，這裡可是不錯的選擇喔。

今日下午茶去食甜品個甜品一式三款有焦糖布甸，麵包布甸同咖啡慕絲焦糖布甸最好味咖啡慕絲一般麵包布甸就真係麻麻環境好好好靜好舒服可能因為平日所以無咩人又有報紙雜誌睇靜靜地食野都幾relax

環境很舒服，好清靜，很relax。●肉醬意粉－－真係聞名不如見面.....試吓味就算了。●特長熱狗－－好好多！起碼有兩、三個人先好試呀，大到嚇一跳啊！●朱古力咖啡－－OK啦，最好有大中小不同size選擇。●樽裝芒果汁－－好有鮮味喎！●心太軟－－相信是全場最好味的，水準之上的作品。●芒果拿破崙－－做得好靚，味道OK 。吃到個口甜爺爺，還好可以要求一杯熱水，不錯啊！

如果你抱住想飲杯靚coffee而嚟呢度，sorry，去錯地方；如果你係想relax吓，hea一陣，搵啱地方啦。論咖啡，唔算係好有水準，當然價錢亦唔平，而點了沙冰，亦唔係好飲，真係啜兩啜就變晒冰。但環境，我覺得很舒服，雖然冇海境亦冇山境，但店里採用落地玻璃，望出去係萬景峰、如心廣場，雖然係一座座屏風樓，但有莫名其妙的舒服。

店內最好味的蛋糕:1)藍莓芝士蛋糕味道與Starbucks相似度近90%2)朱古力軟心蛋糕十分有層次，是加朱古力+櫻桃果醬+苦朱古力粉的蛋糕可以中和甜到漏的朱古力，入口即溶其他不過，Charlie Cheese Cake的味道略為奇怪第一層的朱古力太漏以致整體有種好飽的感覺低脂芝士士多啤梨蛋糕感覺與一般士多啤梨蛋糕無異，沒有特別驚喜但賣相特別泡芙朱古力蛋糕泡芙好好味，但朱古力蛋糕味道一般