影片
開飯介紹
時尚且保留傳統韓式餐廳的裝修風格。主打日韓直送的1++韓牛、濟州島黑毛豬和岩手縣A4和牛。壺漬古法醃製牛肉，加入新鮮韓國雪梨蓉，富韓國特色之如亦令肉質鬆軟、增添果香。
繼續閱讀
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
相關文章
今日同朋友去銅鑼灣行街，心血來潮好想食韓燒，醒起之前食過呢間柞木炭家啲燒肉好好食，一於即興去食吓，餐廳環境幾有格調，坐得舒服，仲聞到陣陣炭香味，即刻肚餓🤣。牛骨髓石頭鍋飯好吸睛，啱晒打卡，店員會幫手撈勻牛骨髓、蛋漿、肉碎、芽菜、菇等等，飯焦香口，成個組合濃郁又暖胃。醬油蝦大大隻，醃得入味，肉質爽口鮮甜，送埋飯一齊食絕配！蔥燒厚切牛舌必嗌，肉質好厚身咬落去一啲都唔韌好爽口彈牙，炭香同蔥絲夾埋一齊食，完全唔覺得膩。職員會主動幫我哋燒野食，唔洗我哋落手，個鵝肝多士外脆內軟，入口即化，配埋香脆多士同啲醬汁好邪惡。泡菜煎餅煎得金黃色，外脆內軟，泡菜份量足，酸辣開胃。飲品叫咗荔枝梳打同青瓜青檸梳打，兩杯都清新解膩，尤其青瓜味好突出，而荔枝梳打比軟甜啲我好鍾意飲呢杯，兩杯都好啱夏天飲。最後重頭戲日本產和牛肩肉盛，牛肉油脂分佈靚，輕輕燒一燒，蘸少少鹽已經好正，唔洗點太多醬汁已經好好食🥹，入口即化嘅感覺真係好滿足！前菜有呢5款，如果想無限添加前菜可以加$40，前菜好食好豐富。
繼續閱讀
放工同同事去咗銅鑼灣「柞木炭家」食dinner, 餐廳昏暗燈光, 營造了高級浪漫氣氛。入座即送上多款韓式前菜小碟, 味道正宗, 不過前菜不設免費無限任加, 每檯另加HK$40才可享無限任添。我地今晚揀咗其中一個二人餐: 《宮》饗宴 HK$788韓式蒸蛋: 高高的蒸蛋搖下搖下、噴著熱辣辣煙上檯, 蛋味清香。正當準備動手燒烤時, 侍應馬上主動協助, 非常貼心。薄切牛舌: 燒得有油光, 香口爽彈。 牛小排: 油花豐富平均, 肉質彈牙。嚴選腹胸肉: 肥瘦平均, 唔會過於油膩。黑毛和牛西冷: 油脂最為豐富, 口感好滑嫩。套餐包裝有大蔥沙律, 邊食烤肉, 邊夾住食, 平衡了油膩。濟洲大八爪魚: 原隻大八爪魚非常吸晴, 烤後八爪魚爽彈有鮮味。豬肋肉醃得入味又夠林, 甜甜地。韓式燒什菌加上牛油同芝士一齊烤, 熱熔芝士跟什菌熔為一體, 芝士味突出, 好邪惡。韓式撈起拌麵:估唔到韓國菜都有撈起食, 配料色彩鮮艷, 擺盤吸引。將所有配料同埋韓式辣醬撈埋一齊食都唔會好辣, 層次豐富, 拌麵彈牙, 岩哂食烤肉時清爽平衡。柚子檸檬梳打水 HK$42菠蘿梳打 HK$42兩款果味好重, 岩哂配搭食烤肉, 即時為口腔降溫又解膩。
繼續閱讀
ᵕ̈ 蔥燒厚切牛舌 $𝟏𝟕𝟖ᵕ̈ 日本產和牛肩肉盛 $𝟐𝟔𝟖ᵕ̈ 嚴選牛骨髓石頭鍋飯 $𝟐𝟐𝟓ᵕ̈ 醬油蝦 $𝟏𝟖𝟖ᵕ̈ 燒鵝肝多士 $𝟏𝟗𝟓ᵕ̈ 韓國泡菜煎餅 $𝟏𝟑𝟐ᵕ̈ 青瓜青檸梳打 $𝟒𝟐ᵕ̈ 荔枝梳打 $𝟒𝟐之前特登去日本食嗰間超𝐡𝐢𝐭既牛舌蔥包，見到香港呢間餐廳都有得食就即刻黎試下佢!!一份【蔥燒厚切牛舌】有𝟒塊，因為要夾住滿滿既蔥，所以每塊牛舌都幾厚身，店員會幫手燒，我地個店員哥哥勁有耐性，燒到金黃，入面既蔥就仲保留到好𝐣𝐮𝐢𝐜𝐲，超鍾意因為真係抵抗唔到和牛既吸引，所以喺韓國餐廳都要叫返份【日本產和牛肩肉盛】，一份有𝟑個唔同部位既和牛肩肉，三款都好重油脂香，每人𝟑塊真係啱啱好，再食多啲就食唔落其他野𝐥𝐮~食和牛配少少主食好似會冇咁易膩，我地叫咗個幾特別既飯黎試下，佢地個【嚴選牛骨髓石頭鍋飯】都好吸引，將牛骨髓同肉碎、菇同蛋黃撈埋一齊，每啖都食得出牛骨髓既牛脂香味，調味唔係好重，配和牛一齊食啱啱好( ˃᷄˶˶̫˶˂᷅ )都未講前菜添~我地叫咗【醬油蝦】同埋【燒鵝肝多士】，醬油蝦好新鮮爽彈，鵝肝多士都係有店員幫手燒，將鵝肝同本菇一齊煎香，鵝肝煎得金黃焦脆得黎，本菇又吸收咗鵝肝啲油香，好邪惡!!
繼續閱讀
最近聽朋友講起銅鑼灣有間好特別嘅韓燒，係以優質柞木炭嚟燒烤嘅韓式高質餐廳。用炭燒同一般鐵板嚟燒有所分別😆據知咁樣可以喺最短時間將食物嘅精華鎖住，保留原汁原味之餘食物仲有陣陣嘅炭香。講到好吸引所以一於嚟試吓，依度裝修帶有傳統韓式嘅元素，座位寬落舒適。坐低冇耐店員就先送上前菜，包括泡菜、辣蘿蔔乾、菠菜、芽菜、海帶等等，芝士粟米係無限添加嘅～🦐呢度個醬油蝦真係好出色😍蝦鮮甜多膏，咸鮮調味適中帶微辛口🥰仲隻隻都好大隻～本人大愛💗其實整體都好有質數😆都好好食～👅蔥花牛舌，舌質柔軟帶有彈性爽口得嚟又有咬口。入面夾住嘅蔥同肉汁夠哂juicy多汁😋 🪿鵝肝多士配無花果醬,鵝肝味香又濃郁配上微清甜無花果醬唔會覺得好膩👍配埋多士一齊食雙重口感～🐃日本產和牛肩肉盛油花幾香，肉嫩牛味濃郁，入口即化💗泡菜煎餅入邊有粒粒泡菜，食到爽脆感，調味適中。🐮牛骨髓石飯多蔥同菇😛骨髓柔滑入口融化，微微飯焦香可口🍸嘢飲叫咗菠蘿梳打同西柚乳酸梳打，兩杯都清甜可口以清爽解膩為主、配搭燒肉啱哂❣️💗依度仲要唔洗驚唔識燒😆店員好nice會幫手燒埋架～
繼續閱讀
最近去咗間好有驚喜嘅餐廳，一次過滿足晒幾個願望！多款前菜可以選擇🇯🇵日本產和牛肩肉盛 和牛油脂分布超靚，輕輕一燒已經入口即化！牛味濃得嚟又唔會膩～🍴燒鵝肝多士 (2件) 邪惡之選！鵝肝煎到外脆內軟，配埋香脆多士同醬汁，口感豐富到爆炸💥🐮蔥燒厚切牛舌 厚度十足又爽口！燒完之後加埋蔥花一齊食，香氣十足又juicy～🦐醬油蝦 (4隻) 鮮甜彈牙！醬油醃得剛剛好，唔會太鹹，帶出蝦嘅鮮味～🍚嚴選牛骨髓石頭鍋飯 必點之選！上台時熱辣辣滋滋聲，將牛骨髓同飯撈勻，每一啖都充滿牛油香氣，飯焦脆卜卜，邪惡又滿足！🇰🇷韓式泡菜煎餅 煎得香脆，泡菜份量足，酸辣開胃～係完美嘅配菜選擇！🍹荔枝梳打 & 青瓜青檸梳打 兩款梳打都清新解膩～荔枝味香甜，青瓜青檸就特別清爽，完美搭配濃味料理！
繼續閱讀