93
14
15
電話號碼
61386698
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金
座位數目
40
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座 詳細介紹
外賣服務
加一服務費
室外座位
當面支付
食評 (134)
好耐無出去食飯,忍唔住約朋友慶祝生日。呢間真心推介,幾遠都要去食。一早已經知道粉嶺呢度多嘢食,呢間意大利餐廳都係其中一間想食。平時睇餐牌有時都揀得快,呢個都真係要啲時間,因為啲餸配搭係幾特別。睇黎店主係識飲之人,好多靚gin。先上湯,係熱盤上,料係多,湯係濃,呢碗絕對會令你更期待啲餸。麵包又係好好食,夠鬆軟,又唔會,點嘅cream都唔差。欣賞下室內環境,夜晚應該更有feel。香煎盲鰽魚柳,148元,魚配菇大家各自爆鮮味,但又出奇地夾,魚皮亦好脆。意式辣肉醬腸西蘭花手捲意粉,128元,手捲意粉掛汁,先係蕃茄再嚟辣一辣,超級好食。一定要點佢心太軟,78元,朱古力超濃,配埋雪糕從來無得輸。老細店員服務又好,間鋪靜中帶旺,一定要嚟食!(又話我唔係原相😑) 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-04
166 瀏覽
「柏斯」係我搬左黎粉嶺之後其中一間食得最多既餐廳,佢既意大利菜連我以前係諾士佛台返工嘅老公都話正宗,所以我地一有時間都會去,今次就夜晚黎,佢環境闊落,位同位之間空間充足,落地玻璃設計坐得好舒服。《Pizza Margherita》以前細個淨係食開Pizza hxx嘅Pizza,大個左之後pizza margherita變左我既pizza no.1,因為好鍾意芝士蕃茄羅勒葉既簡單而完美既配搭。「柏斯」既pizza餅底都夠薄身脆口,但唔夠煙韌,面頭水牛芝士同羅勒葉都冇焗過,所以pizza唔夠香同拉絲,再者pizza margherita既蕃茄汁同油香都非常重要,依樣都做得唔夠juicy,但勝在熱辣辣即叫即焗。《香烤鵝肝配車厘子汁》煎鵝肝又係我西餐最愛點既starter之一,鵝肝好厚身同大舊,底面都煎得好香口,但係切開後沒有creamy感覺,佢口感比較實身,但佢個sauce整得好出色,酸酸甜甜,加埋無花果火箭菜同多士,層次豐富。《慢煮伊比利亞黑毛豬肋骨配燒烤蜜糖醬和薯條》當日叫左個set dinner,黑毛豬肋骨加燒烤醬好惹味,因為佢係慢煮嘅關係,所以可以保留到肉汁,仲有即炸粗薯條都好好味呀。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-04-02
99 瀏覽
又貴又唔好食 四人行食左個pizza 意大利飯 牛扒 無一樣野係正常 仲要上菜慢 全場得一個人 為左呢間野開個戶口 食左千二蚊四個set 我諗有一千蚊係食左個裝飾 希袤土中家唔好俾門面呃到 繼續閱讀
(以上食評乃用戶個人意見 , 並不代表OpenRice之觀點。)
今天剛行完山,一行四人(有一小朋友)看到餐廳裝修幾靚,價錢來說,在粉嶺是不平宜的,但也抱住一試無妨的心態。看見set dinner (約$2xx), 便叫了兩sets, 另外叫咗意粉及沙律給小朋友。有一位看似比較senior的 waiter提到upgrade湯及甜品加$40, upgrade 後的是松露蘑菇湯,甜品則是心太軟,於是我哋就話兩set dinner都upgrade. 由於枱面有玻璃杯及玻璃餐碟,有個較年青的waiter 可能怕小朋友打爛,便取走(完全冇詢問,好唔尊重客人),亦沒有問我們要不要喝酒等。等食物嘅期間,我就問返個waiter要返餐碟及餐具俾小朋友。佢話:怕小朋友打爛所以拿走,咁我就說:你都要俾一套佢㗎.....我心裏面諗,難道她不用餐碟嗎?感覺佢哋全部侍應都好唔專業,亦都冇禮貌,由頭到尾都冇講唔該、麻煩、請、等字眼。中間等食物好耐就不說了(包括等心太軟30分鐘),埋單時upgrade嘅食物數額有爭議,我與那個senior(後尾問返原來佢係老闆!)的侍應理論,佢用好晦氣嘅態度話:咁當我送俾你啦!之後一走了之。我真係冇見過啲餐廳老闆可以咁樣對客人!我哋食到一肚氣,冇食佢話送嘅心太軟!作為老闆,咁嘅態度實在太差,可能好耐冇做晚市,唔記得點招呼客人。總之以後都唔會再去呢一間餐廳,其實食物不差,但差嘅服務態度係浪費咗一整間餐廳!估唔到經濟咁差之下,餐廳仲唔改善自己嘅服務態度! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-02-20
435 瀏覽
想不到在粉嶺也有如此舒適高雅的意大利餐廳,趁假期試了他們的午餐,只是百多元一份,有餐包、餐湯、主菜和飲品,份量超大,另加$25有凱撒沙律,幾抵食。餐包有三款,跟橄欖油、黑醋及蒜蓉醬,其中蒜蓉醬最好味,橄欖油也很清甜,黑醋略嫌不夠酸。餐湯是粟米忌廉湯,味道正常,沙律菜好新鮮,調味恰到好處。主菜點了香煎鯛魚柳及低溫慢煮法國豬鞍,鯛魚幾香口,豬鞍肉厚仍嫩口,但豬味略嫌不足;兩碟主菜的份量足夠其他餐廳兩個餐,加上跟餐的麵包和餐湯,一個大男人食完都叫飽。餐廳環境好chill,裝修有歐洲風格,張櫈又大又舒服,坐到唔捨得走😂 繼續閱讀
(以上食評乃用戶個人意見 , 並不代表OpenRice之觀點。)