3
1
4
以上資料只供參考, 請與餐廳確認詳情
黎東涌staycation，當然要揾下附近有咩野食醫肚。往昇薈方向行，行行下見到Hey Kitchen，有好多款式揀，包括韓式、日式、海南雞飯等，咩都有，味道仲唔差！🐣招牌去骨海南雞飯 $58 海南雞飯份量足料，有齊晒三寶醬料(黑醬油膏、辣椒同薑𦴦)同湯。另外有雞飯必備配菜酸蘿蔔同青瓜，食落又幾fresh😇 跟餐仲有份雞腎，都好送飯喎！不過略嫌油飯少左啲，大食嘅話可能只係啱啱好🙃🍱韓式便當（牛肉） $46便當可自選一種肉類（五花腩/ 牛肉/ 雞肉），今次就揀左牛肉。便當配上幾款必備泡菜，有齊Kimchi、芽菜、菠菜同兩大片蘿蔔，絕不欺場呀！主菜牛肉同洋蔥一齊煮，味道甜甜地又好有牛肉味。白飯撈埋啲肉汁一齊食，好有滿足感😍午市時每個餐仲包一罐汽水，平平地又一餐，算係咁啦☺️ 不過就今次等得耐少少，下次可以手機嗌定外賣自取，咁就快人一步啦😉
繼續閱讀
Menu 提供極多選擇，由有主菜、小食到甜品都有。西式有Burger、台灣菜、韓國菜、四川菜。晚市套餐，點一個便當/主食，可以優惠價追加小食，包埋罐裝汽水，二人套餐$98好抵食。以後唔想煮飯一定幫襯買外賣。鐵路滷排骨便當 滷排骨好入口味，口感軟稔。滷蛋做到溏心好出色！白飯軟綿份量多，兩個人食都夠。滷肉青菜（+$20）滷肉份量不計成本，冇味精味道偏清淡好啱我口味。炸地瓜丸 （+$20）外脆內軟，芋泥餡微甜，可以當飯後甜品。涼拌芝麻菠菜 $28 菠菜煮得剛好，口感爽脆，調味清淡配油炸食物能中和一下。夜市蒜香辣味大雞排 （$30）大雞排已切件方便食，好酥脆，炸得乾身唔會覺得好油膩。芝士肉鬆蛋餅 （+$30）薄餅version 嘅蛋餅，冇沾醬嘅地方脆脆的，蛋餅中間有啲煙韌，下午茶食呢個份量剛好。紐約時代Burger $78 牛肉漢堡扒用料不錯，目測有一吋咁厚，煎得好香。煙肉好厚切，用靚料。沒有其他醬汁，簡單以芝士已經好好食。$265可以一次過滿足曬所有願望，份量多夠三個人食，性價比高，以後都會成日幫襯🫶🏽
繼續閱讀
每個星期五晚放工返到東涌都夜啦🌛，通常都會出街食，最近呢間「架勢廚房」係我地嘅食堂，有齊台式/韓式/日式/川菜/Burger🌏，兩口子可以揀唔同嘅菜式，彈性又抵食，吸引唔少附近居民買外賣或堂食㗎🕺🏻————————————————👅古早台味二人套餐（$98）👍🏻主食同罐裝飲品各兩份，分別試咗香口惹味嘅鹽酥雞香腸便當🍱，同啖啖肉嘅南部爌肉便當，配料有蔬菜同滷蛋，外食都可以營養均衡啲。如果唔想飲罐裝飲品都可以半價升級其他飲品，我地每杯加$11升級，試咗石榴莫希托同芒果爆珠紅茶，味道媲美手搖飲品🥤，足料夠味！👅炸地瓜丸/芝士肉鬆蛋餅（+$20/+$30）👍🏻套餐加配，小食類同樣合格🆗，地瓜丸香軟甜蜜，蛋餅略帶煙韌，回味台灣夜市嘅滋味👅紐約時代（$78）👍🏻肉排、煙肉、啡菇、車打芝士片、蔬菜等材料，份量之大一口當然咬唔晒🍔，一邊食一邊流肉汁，超滿足👅香烤五花肉配生菜（$54）👉🏻五花肉同生菜份量都比得足，五花肉醬汁偏甜，加埋韓式辣醬，配住菜食嘅肉應該無咁肥吧？🤣————————————————🚩總結：平價地區食堂😆———————————————— 🌟注意：目前做緊週年慶，指定餐點88折————————————————📍 架勢廚房地址：東涌迎康街6號東環地下G04號舖🗺地區：#bem東涌📥分類：#bem亞洲菜💰人均消費：#bem_51至100蚊
繼續閱讀
今日第一次嘗試呢間野，見到有人落order叫魯肉飯，客人只講了魯肉兩個字就cut斷個客講野，話豬手無，好無禮貌，又唔係魯肉無另外有客問佢點解無現金收費，個職員立即好唔耐煩禁講無咪無囉，禁公司係無呀嘛，個陣仲要係無其他人買野，趕客一樣！態度好差！之後有人想去落order都唔會主動去問要咩，個陣已經無客，佢兩個職員就企係到自己傾計，個客唔叫都唔理禁另外個餐完全唔值$61，就算$30都覺得比多左個餐係凍的，上面隻蛋都係凍的，個飯就黎連微溫都唔到，份量又小，d飯粒痴住曬個盤，泡菜切到細粒到好誇張，完全唔值 簡直係難食！以後都唔會再去呢間野任何一間分店，非常失望！
繼續閱讀
Feel so unbelievable how come Hainan Chicken Rice can serve with a cold chicken & cold soup (I am not ordering 手撕雞飯) and the cold temperature is like just taken out from the refrigerator. Taste so weird and they don’t serve the sauce for the Hainan Chicken Rice. I really hope that they can move out and change a more better restaurant here.
繼續閱讀