枝記麵家

營業中

休息中

之前見到電視節目訪問這間麵舖特登過來支持吓，中午入到舖頭只得兩位客人！叫了一碗牛筋腩粗$47，但係貨不對辦！碗湯啲顏色已經可以話俾你聽呢碗麵質素怎樣！ 最失敗係碗湯一啲都唔熱只係用腩汁加熱水就算了，碗麵一啲都唔熱！牛筋校爽和乾身沒有膠質，質素絕對算是中下！這間店很奇怪，沒有提供蔥！ 碗麵較細碗，食完不夠飽！4/10 伏了，絕對不會再來！

呢間鋪由有記憶經過呢度開始已經存在。 一路都只係當佢係間主力做學生午膳既粉麵鋪，所以一路都冇話特別想試。到而家，“平凡” 既香港事物變得不平凡。 鋪頭細細地，簡單幾枱，座位唔多。 牆上幾十年如一日既掛鐘，日歷，用中式數碼寫價錢既餐牌。 以前普通到冇得再普通既野而家都變成打卡位。主打既牛腩，有別於一般用柱候，呢度用既係磿豉。 牛腩主要瘦之中帶小小肥，炆得好入味同埋非常之淋，磿豉鹹中又帶幾分甜味，值得一試。 牛筋軟滑，雲吞亦大大粒。 特別一提呢度嘅辣油非常之香，食得辣嘅一定要試。

行完山經過 聽講好出名就入咗去裝修好懷舊 牆上仲有花碼寫價錢見佢嘅牛腩出名就嗌咗碗牛腩牛筋河粉牛腩筋肉分明 好腍牛筋都好腍 有少少咬口 啖啖骨膠原最值得一提嘅係個牛腩湯底好清甜 飲完唔會覺得頸渴 所以猜測應該冇乜味精食咗一半之後加少少辣椒油個辣椒油好香 唔算太辣撈埋落碗牛腩湯度 好似紅燒牛肉麵嘅味

#枝記麵家 喺半山區有一間超過50年嘅老店麵家，西營盤地鐵站般咸道出口行過去好快到，兩三年前曾經食過牛腩河，當時覺得普普通通。時間幾年今次再去幫襯，價錢都幾貴，下午茶三點開始，$52一碗麵飲品，凍飲再加兩蚊。增加時段一碗麵$42起，唔算平。今次想試下佢嘅牛筋麵，牛筋都有五六件，都好入味好淋，比幾年前食嘅牛腩還要好，當時覺得牛腩有啲實。湯底亦都好夠味，唔會沖淡咗，今次過得非常唔錯。老闆話牛筋係炆煮，返好多時間同功夫，或者因為咁樣所以會較淋，而家好多都係白烚，可能比較爽身，兩種唔同做法。凍檸茶就似家庭式沖制，茶色雖然救心但查香味不夠，下午茶時段加兩蚊還可以，正價時段散叫廿幾蚊就無謂。值得一提係營業時間到下晝四點幾，我因為四點後先去到，所以又阻住佢哋收工😅整體嚟講呢個價錢食到傳統手藝我覺得還可以啦，只要覺得好食就唔貴😋枝記麵家半山巴丙頓道1號地下M4A號舖

朋友話枝記嘅牛腩麵好食到爆炸，我就一試難忘！食落去嘅時候，牛腩啖啖肉，咬落去又腍又香，仲有啲微微嘅辣味，是但攪一攪，牛腩嘅香味喺舌尖爆炸💥，真係香過噴香水。另外講到佢哋嘅魚蛋，真係咁彈牙彈到我都想唱歌🎤。每一啖麵條都掛滿哂牛腩嘅醬汁，入口滑溜溜嘅，食落舒服得很！呢度嘅墨魚丸都唔錯，墨魚味足夠咁濃，又唔會太過火，搭配牛湯一流👍。食完之後，嗰個滿足感，真係食飽一餐都值得嘞。下次一定要再嚟，睇吓仲有咩樣潛力股等緊我發掘！

牛腩牛筋燘得非常入味, 好淋, 近排食過好多間牛腩，佢係真係最好食! 魚蛋亦都好彈牙! 凍檸茶茶底亦都很好喝! 雖然位置唔係好方便，但係出西營盤地鐵站行2分鐘就到啦! 而家呢啲麵檔, 街坊小舖越來越少, 非常值得支持, 老闆人很好!

This noodle shop is located on Babington Path in Mid-Levels and has been in business for more than fifty years. A gem for the neighbourhood, it has served its signature beef brisket noodles for many generations. While the décor is certainly dated, with rundown walls, tiled floors, and the most basic foldable tables and chairs, there is a familiarity and vibe that brings back good memories, in the time when things were not easy, but people worked hard, and everyone had the sparkle in the eyes for

放假突登去食碗牛腩河一去到唔止味道懷舊，連環境都很懷舊，點了碗牛腩河，一見到顏色已經很吸引，牛腩煮到入哂味，很香磨豉醬味，又不會過濃，我覺得牛腩和河粉是絕配！河粉可以索到牛腩湯底不會過淋一夾就斷，湯底很有牛的香味，不過奶茶就稍為失色，茶底較淡。

好喜歡光顧小店，枝記半山家庭經營懷舊小店，從店內陳設都是上世紀懷舊的擺設，令人回想兒時的記憶味道店內充滿半世紀的陳設，兒時回憶擁上心頭牛筋牛腩炆得黑漆漆，未入口看似會很濃味，但入口後味香而不太濃味，炆得很軟綿滿口裡充滿骨膠原，湯底鮮甜喝完一口又一口，喝後不會太口喝，果然真材實料麵質也爽口，不太淋太硬，入口恰好。米粉沒太特別，是普普通通的米粉，但配上腩湯一流唯獨麵及米粉份量比較少，女士恰好份量，男士可能會有點未夠喉整體來說是真材實料，用心製作食材的小店

今次既餐廳 - 枝記麵家🍜一間老麵鋪，店內既感覺都俾人一種懷舊感覺呢度出名嘅係磨豉醬牛腩，店入面都貼有介紹既報章訪問～所以一定要點黎食！🍜牛腩麵- 牛腩炆得好入味👍🏻入口好淋- 磨豉醬味道濃郁- 唔好睇個樣以為好小唔夠食，牛腩同麵既份量好足🍜牛腩撈麵- 相機食先後，即刻撈匀🤤每條麵都吸左腩汁，搞到食到冇停口-都有5-6舊牛腩如果想嗌埋其他餸試，可以選擇雙拼見到隔離枱食牛筋都好吸引如果三點後先去，仲有下午茶餐🍜

偷得浮生半日閒，決定於放假時來到西營盤覓食！從地鐵站行上來，行前冇幾遠，就來到這間保守估計應該有幾十年歷史的枝記麵店，今次亦都專程為了她的牛腩而來的，一進店內，就給我一個種時光倒流的感覺，看見牆身還是綠色格仔紙皮石！店內環境不大，約有10令個位 ，我去到的時候剛好有下午茶，，侍應亦都好客氣地遞上菜單！我今次有目的為牛筋腩麵而來的，所以不用看餐牌了😂😂個面一上枱就已經聞到香氣，果然是那款舊式磨豉醬炆的牛腩，本人真的很多年都沒有食返了！牛筋軟淋程度炆得非常恰到好處👅👅牛腩就非常入味，👍🏻👍🏻至於麵質亦都一絕，你唔好期望佢是什麼竹升麵，只是普通生麵，但亦都帶來爽脆的口感，淥麵時間掌握得非常準確，，亦都冇多餘的鹼水味，走鹼過程非常之好！凍檸茶就一般貨色，沒有很濃的茶味！埋單是$47，絕對對得起呢個價錢，性價比非常高👍🏻

今日lunch唔太熱，就行上半山巴丙頓道懷舊一番食個午餐。以前讀書時代經精常幫襯，經歷左廿幾年都無變過，其實枝記都開左成50年，但仲保持到50年前既精粹就真係好難得牆上的餐牌依然是老闆用手寫的，數字沿用舊時流行的花碼，店內每一個角落都保持住古舊風氣，牆上的電視更是現今難得一見的（大牛龜）今日叫左個讀書時期的我的至愛牛腩墨魚丸河，河粉同其他麵店差不多、牛腩就係招牌磨豉柱侯牛腩磨豉醬真係好香好獨特牛腩又淋，相當美味。香港地咁地道的小店已經圓少見少，但願枝記都可繼續傳承下去，讓香港飲食文化可流傳萬世

枝記係呢度開左好耐啦，得閒個陣都會過來食個面。今日中午得自己食飯，就過來隨便點個麵食了，嗌左個雙拼牛腩魚蛋麵和一杯凍奶茶，奶茶普普通通甘好正常味道，魚蛋爽口彈牙，煮得唔錯，牛腩已經好軟腍了，味道好入味，分量都唔少的，同面的比例差唔多，個麵軟硬適中，都好食的，加上個湯底鮮甜，好好味。

今天去完香港大學美術館看展覽後,獨個兒去枝記吃午飯。好久沒去過了,炆牛筋仍然那麼夠火候, 味道仍然那麼濃,很香。牛筋很軟很膠,滿口骨膠原的感覺很棒。牛筋肯定比麵多。湯非常非常濃,除了骨膠原,還有很濃的雲吞湯頭,很香蝦殼味.在天氣轉冷又大風的中午,喝一口熱湯很舒服。但不知為何,放飯的學生都去附近供應學生餐的快餐店排隊,也不去這老店,因此有點冷冷清清。現在的店是第二代夫婦做的,沒有另外請人做樓面。一碗牛筋麵要35蚊,可能對學生而言太貴了。

" 即使患有腦退化症，忘卻身邊所有事物，但他每次見到太太面上就會掛上笑容 ... "社工小琪在留意新聞資訊，看見一則諾貝爾獎得獎科學家剛剛逝世的消息，原來他生前已忘掉了一切，包括其光纖科研成就，但仍能認記自己的妻子，伴侶懷慰陪伴他終老感人的故事啊！突然腦海閃出了一段記憶，也是笑 ... 來自同是患上腦退化症的林伯，他每次看著那幅帶點殘舊的相，都會很開心地笑，並跟著說 "老婆腩" 兩星期後，小琪又是時候再到林伯所住的老人院做家訪" 老婆腩伯伯！又係我黎探你啦，女兒餵了你飯未呀 ... "林伯依舊只是目無表情的瞄了瞄小琪，便又用手拿起那幅看了很多次的相，邊看邊笑，口中喃喃 ...以往小琪只會留意一下林伯的笑容反應，但今次，她真的想探究，為何他會笑？究竟那幅相，在林伯心中代表甚麼？與他口中的 "老婆腩" 有甚麼關係？究竟， "老婆腩" 其實是一個怎樣的故事？就是這幅相，她坐在林伯身邊，很用心的看著 ～ 一碗食物，當中像數塊肉條，色水近乎黑漆漆的，放在啡色的湯水中" 老婆 ... 腩 " 小琪摸著下巴，正在拆解這三個 " 摩斯密碼 " 與相中內容當中的關係靈光一閃，她情不自禁對著林伯說 : "