278
21
3
港鐵太和站 A 出口, 步行約9分鐘 繼續閱讀
電話號碼
28126038
開飯介紹
位於大埔的人氣馬來西亞菜餐廳,各式經典馬來西亞菜如肉骨茶、喇沙、海南雞飯等,用料十足,味道正宗。另外,台式飲品如黑糖珍珠鮮奶等,也十分地道好喝。 繼續閱讀
附加資料
歡迎外賣自取、電話訂座
營業時間
今日營業
11:00 - 21:30
星期一至五
11:30 - 21:30
星期六至日
11:00 - 21:30
付款方式
Visa Master AlipayHK 支付寶 現金 微信支付
其他資料
電話訂座
外賣服務 詳細介紹
加一服務費
當面支付
食評 (315)
等級6 2022-04-14
2160 瀏覽
第五波前都有同大埔老友踩吓單車,之後,就當然要暫緩吓啦,直到最近,疫情落咗好多,單車就仲未踩住,不過,就行轉短山。既然就大埔老友,就行番嗰邊,並專登晏少少起步,行完食午餐都可以避咗個高峰時段。老友帶路,推介呢一家主打星馬菜小店「果子」,見人話風評不俗。門面唔算好大,但原來踏入鋪中,就會見到個鋪位好深、好長,環境整體都闊落,一室木系裝修,設計比較簡約。絕大部份都喺4人座,加上依家仲喺2人限聚,又過咗放午飯嘅高峰時段,啲客又識各自走位,所以,倍感寬敞,坐得舒服。雖然,餐廳主力喺賣星馬菜,不過,午市各類套餐亦增加咗多元化,定價亦親民。午餐基本上附送飲品,不過,既可以加配小飲,轉其他嘢飲,又有優惠,變得更具彈性。 飲品方面,除提供意式咖啡之外,最驚喜有唔少台式飲品,補番個價亦唔貴,所以,我哋都轉飲特飲。其實,佢哋加咗咁多台式飲品,就喺見佢哋拓展埋飲品外賣嘅生意。用餐期間,都見唔少年輕人嚟買凍飲。惹味沙嗲牛肉串燒 $22星馬菜嘅小食,第一時間就想起沙嗲,老友同我都鍾意食,所以,試上一客沙嗲牛肉串。牛肉面面淋咗好多沙嗲醬,香濃惹味,帶有花生微粒,貨真價實,而牛肉燒得有點焦香,又唔乾,記緊要趁熱食。 馬鈴薯炸蝦卷 $22另一款小食就揀呢個炸蝦卷,因為覺得幾得意,賣相亦都幾靚仔,炸到金黃。外層嘅薯仔絲炸得香脆,最緊要喺唔油膩,而裡面嘅大蝦亦好鮮甜,口感爽彈,食得出唔喺雪藏貨,沾上類似泰式嘅甜酸醬,更具風味,並更減油膩度。 海鮮喇沙摻摻 $60睇外觀就知份量好十足,大大碗,兼且個喇沙湯頭色澤金黃,面頭放滿海鮮,有鮮蝦、大蜆、魚片、豆卜及雞蛋,老友話實在吸引。先呷一口湯底,濃郁鮮香,椰香慢慢滲出,夾雜富層次嘅香料味,佢話個湯的確好得;啲餸料亦都好正,蝦同蜆都好鮮,魚片夠爽口,老友話第一次食「摻摻」,即油麵拼米粉,覺得好過癮,特別有口感,索晒啲湯入口,真喺無得彈。 無骨走地海南雞飯 $65午餐中有款「無骨海南雞飯」,但我見餐牌面又有一款賣貴少少嘅「無骨走地海南雞飯」,問問店長,原來前者喺油脂多啲,肥啲,而後者就基本無乜肥膏,爽身啲,所以,揀後者嚟試試。走地即喺走地,皮下脂肪近乎無,而雞皮好爽,啲肉又好嫩滑,加上已去骨,啖啖肉;佐食嘅3款醬汁:薑蓉、秘製橙醬、黑醬油,夠晒傳統、地道,油飯亦出色,飯粒爽身,帶少少油香,卻唔膩,搵埋啲薑蓉同黑醬油撈飯食,更喺一流。 仙草奶茶 +$10老友話估唔到飲落都幾大杯,台式奶茶味道唔錯,茶底幽香,雖無港式奶茶咁濃,但一樣有風味,加上滑溜溜嘅仙草,有得飲,有得食,夠爽呀。 黑糖珍珠鮮奶 +$16黑糖喺小弟嘅心頭好,由於一朝早已晌屋企嘆咗杯咖啡,所以,就無揀珍奶茶,改飲珍珠鮮奶,其實,鮮奶一樣啱我。大大杯珍珠鮮奶,睇見啲黑糖沉落底,形成少少「虎紋」,已相當吸引。近排天氣好熱,飲杯凍飲特別爽,啜一啖先,奶味都好濃郁,而黑糖嘅味道好純香,加上珍珠煮得QQ咬口,確喺好飲。 今餐午飯真喺食得稱心,一來地方大,客人唔多,食得較安心,二來無論啲星馬主食,抑或台式特飲,都相當具水準,定價又親民;加上服務好,食完仲即時幫我哋收拾好枱面,等我哋繼續坐,慢慢嘆埋杯嘢,有種慢活嘅感覺,正如店名「Life Cafe」,享受人生。 繼續閱讀
等級4 2022-01-11
893 瀏覽
大埔真係好住👀又多好野食😼🍽🍽今次呢間係正消防局對面 對住8號花園門口係落地大玻璃 企企理理望入面都裝修幾好 似cafe☕️坐低叫左個香茅🐖豬扒🥩摻摻 🍜小食叫左沙嗲雞肉串燒 配一杯黑糖珍珠鮮奶講左環境先 好多都係卡位 坐得舒服地方乾淨餐廳門口用落地大玻璃呢個做法幾聰明 可以善用自然光 加埋餐廳裏面主要用黃光 暖色系格調豬扒味道啱啱好唔會太咸 摻摻混合左兩種麵條分別係米粉同埋油面 相映成趣✨串燒正常 杯黑糖珍珠鮮奶有驚喜 珍珠好煙韌 好好咬 適中既硬度 黑糖岩岩好 因為坊間實在太多落糖落得太勁☃️ 飲得出係用鮮牛奶👍🏻🐄🐄🐄🐄🐄而唔係花奶 奶精 水溝出尼既所謂鮮奶我見餐牌上面有其他星 馬 泰既菜 例如椰香咖央 可惜太飽食唔到😹有機會再食! 繼續閱讀
(以上食評乃用戶個人意見 , 並不代表OpenRice之觀點。)
話說早兩日去完大尾督踩單車🚴‍♀️當晚係禁晚市堂食前的最後一晚🤮踩完單車又鬼咁肚餓😵‍💫😵‍💫拿拿淋出返大埔睇吓有咩好野食先👀對於大埔極唔熟路嘅我哋🥸見到有間叫做果子嘅馬來西亞餐廳好多人幫襯👀對於作為馬拉菜死忠粉絲既我😹好自然就入去左幫襯🤪餐廳裝修走返比較港式的路線😀一坐低服務員放低menu就介紹左個$228二人套餐比我地套餐可以揀一款沙律,一款主菜,一款主食同埋兩杯飲品🤭十分抵食由於極度肚餓,所以我哋諗都唔諗就揀左呢個套餐😬燒豬頸肉沙律🥗豬頸肉烤得十分香口,蔬菜亦非常新鮮,配合埋微酸的醬汁,十分開胃😋份量都幾多吓😙辣蟹醬軟殼蟹火山包🦀(另+$48)未食已經佢嘅埋賣吸引了😍麵包內裝了青口,大蝦,蜆同埋主角大大隻的軟殼蟹🦀海鮮非常新鮮😋蜆肉大隻無沙,大蝦肉質爽彈,青口新鮮無雪味👍🏻軟殼蟹炸到甘香酥脆,配合埋特製醬汁,令海鮮更加鮮味無比,最後麵包吸哂所有海鮮同醬汁更加是精華所在🤤🤤香茅豬扒拼南乳雞翼藍蝶花椰漿飯🦋這個藍色的飯看起來非常夢幻🤩入口更日滿滿的椰香味南乳雞翼十分惹味😋香茅豬扒肉嫩無筋👍🏻加埋咸香的魚仔送飯一流😬傳統咖央多士 (另+$22)食馬拉菜點少得佢,多士烘得十分酥脆,每次無論食到幾飽都一定要叫黎試吓飲品方面我地叫左💁🏻‍♀️芝士奶蓋奶茶芝士奶蓋茉莉綠茶兩款茶底都非常清香奶蓋亦非常濃厚👍🏻下次大家黎開大埔踩單車嘅話,就得要黎試吓啦😀 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-28
943 瀏覽
這一天我們來到太和附近,午餐時間去果子食喇沙😊午餐時段有套餐,套餐感覺都好豐富,配有飲品,再可加錢配小食,價錢都相對幾抵。我哋兩個人點左一個喇沙一個飯😊海鮮喇沙味道十分之好!首先麵條內有油麵及米粉,增加口感。湯底亦都好出色,係我喜愛嘅味道,濃郁微辣嘅香料及椰漿味,一啖一啖咁飲好滿足。配料方面有香茅豬扒、魚蛋、豆卜及蛋等等,同湯底一齊食好好味!印尼炒飯嘅炒飯底都用咗特別嘅醬汁去炒,另外配上炸蝦片、蝦、蛋等,味道都幾豐富。我哋嘅餐都配有小食。薯絲炸蝦由幼幼的薯絲捲着成為外皮,炸左之後外皮香脆,薯仔味幾香,裏邊嘅蝦都幾鮮味。炒通菜亦都炒得幾香。飲品嘅選擇都好多,我哋點左兩杯特別啲嘅。首先有奶蓋茉莉綠茶,奶蓋味道鹹香,茉莉綠茶清淡,配合埋一齊都唔錯。另外一杯黑糖珍珠鮮奶,珍珠煙煙銀銀幾好味,黑糖味道濃郁,整體來講都好香滑。餐廳午市都好多人幫襯,亦都有好多附近嘅街坊叫外賣,相信附近街坊都有對佢唔錯嘅評價。希望下次嚟我哋再試吓其他星馬特色嘢食,特別想食佢嘅海南雞飯。 繼續閱讀
(以上食評乃用戶個人意見 , 並不代表OpenRice之觀點。)