132
6
6
港鐵長沙灣站 A2 出口, 步行約6分鐘 繼續閱讀
電話號碼
51710142
營業時間
今日營業
18:00 - 03:00
星期一至日
18:00 - 03:00
付款方式
AlipayHK 支付寶 現金
座位數目
50
其他資料
深夜營業
酒精飲品
電話訂座
加一服務費
當面支付
食評 (158)
長沙灣雖然唔係搵食必去地方,但其實好多小店都好有質素~搵食去到街市!呢度環境通爽、乾淨,今次蒸完海鮮再打邊爐!睇見食材,就知有幾新鮮!分別有鮑魚、帶子、肉蟹、蟶子、石斑、虎蝦、珍珠貝、蟲草花蒸雞、安格斯牛等等order生菜、粉絲墊底,再將各款海鮮分批蒸熟~鮑魚彈牙、口感爽滑。肉蟹大隻多膏,蟹腳都有肉食!蟶子鮮甜肥美、石斑肉質鮮嫩。估唔到蒸雞咁滑又冇雪味,安格斯牛唔會蒸到鞋口~吃完多款海鮮,只係另一個開始!點單紙有超多食物可以任食,除了食物,汽水都係任飲!東風螺、白貝、帶子新鮮、冇沙,炸魚皮酥脆。食完第二輪蒸海鮮,決定轉去打邊爐~以為打邊爐係配角,點知配料質素都相當唔錯!推介少見的田雞、新鮮雞腸!田雞腳飽滿、結實彈牙,雞腸少許肥膏、爽脆!識食buddy應該會懂我🙌🏻九肚魚滑嘟嘟,美國雪花肥牛牛味濃,蠔仔飽滿乾淨。西班牙黑豚肉、鮮蝦雲吞、蟹子鮮蝦滑 都好食~價錢每位 $208,食物高質、汽水任飲,絕對抵食! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-18
389 瀏覽
話晒今日都係雙十一,點可以自己一個人喺屋企孤零零過呢😛所以要食餐好嘅,成日打邊爐,今日黎個蒸海鮮+打邊爐🍲🦞🦐🐟準時7:30到達,是日跑馬🐎仲有現場直播添,所以有好多人圍爐叫囂,氣氛非常🥳兩小時任食放題蒸氣火鍋🍲$218除咗蒸氣火鍋海鮮🦞以外,火鍋配料任叫任食支裝汽水任飲🥤等咗咁耐,頭盤到啦🤩其實睇到隔離枱食嘅時候都會懷疑, $200多D點做到咁好嘅質素啊😍當擺喺面前嘅時候,真係見到好新鮮,食海鮮就係咁簡單,兩個字:勁新鮮🤪急不及待,先放龍蝦🦞同埋聖子,3分鐘食得完全唔需要放調味料,兩個字:鮮甜🥰第二樣就放鮑魚蒸,大連鮑魚仔5分鐘左右就夠喇,啱啱好夠彈牙,如果超過5分鐘太老的話就會似擦膠🤪象拔蚌仔,正!有海水味👍🏻小牛扒+海蝦🦐可以一齊蒸,先食小牛扒,重牛味,再食海蝦,肉脆爽口深海石斑🐟半邊蒸4分鐘左右,好滑好滑,食海魚要知新唔新鮮真係好簡單,食落去無魚腥肯定新鮮😘最後食埋蟲草花蒸雞,一般以為喺熟食市場食蒸海鮮,肯定係比雪藏雞啦,反而最有驚喜就係依個雞,我估係冰鮮雞,但係超有雞味而且滑🐥食飽蒸海鮮之後,再打邊爐,白貝、東風攞任叫任食,加上之前蒸海鮮嘅汁做湯底,點會唔先甜好味呀...🐚🐚🐚任叫任食火鍋有好多配料,不能盡錄睇下D蔬菜🥬幾咁新鮮總括來講, $200左右可以食到咁高質蒸海鮮+任食火鍋,從龍蝦到最後滑雞都冇失望😚當然以環境來講唔算好好,但係以熟食市場來講,非常乾淨企理! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-15
388 瀏覽
以一個價錢,便可以享有海鮮拼盤,火鍋任食汽水任飲的享受,用上街坊價錢,就必須來到林洪記品嚐。******************************雖然林洪記在熟食街巿之內,但入場地是需要量體溫,感覺也是很安心。熟食街巿地方也很大,沒想到是夜人流眾多,也是坐無虛席。蒸氣火鍋收費成人為HKD218,只需加HKD20,可享用龍蝦半隻,再加HKD20可飲大支啤酒,沒有加一收費,星期五六日或假日再加收HKD10,絶對是街坊抵食之選。餐牌內還有些蒸海鮮要多少時間,要自己計算時間,把海鮮蒸熟情況之下,實在貼心。除了蒸氣火鍋,也可以選上四川麻辣啫啫雞煲,吃飽雞煲之後,就可以繼續任食火鍋,收費每位HKD148,星期五六日或假日再加收HKD10,絶對超值抵食。火鍋的食材全部都是任點的,當中也包括了海鮮,如白貝、生蠔、帶子、螺、脆肉鯇魚、海蝦等等。即食的香辣炒蟹和炸魚皮都有供應。肉類都包括了肥牛、豬肉雞件。還有些火鍋熱食之選,蝦滑墨魚滑、不同味道的餃子雲吞和肉丸等等。牛栢葉、雞腸、豬肚都可以點選。還有些午餐肉、芝士腸、豆腐、海帶結、生根、豆卜、冬瓜、冬菇、金菇、蕃茄、粟米、和不同種類的新鮮蔬菜。粉麵當中有粉絲、烏冬,出前一丁都可以選擇,任君選擇自己所喜愛的火鍋食材。火鍋任食之選的餐單,除了有任食食材選擇,吃完指定海鮮拼盤,還可以散點些海鮮來吃,也是按價錢收費,選擇眾多,確實是大眾化的火鍋之選。汽水是任飲,全部是支持汽水,包括了雪碧、忌廉、芬達和可口可樂。每人只需要加HKD20,大支啤酒都可以任飲。汽水任飲,一晚每人都可以飲上最少3支,全部汽水都是足夠冰涼口感的。入座便會送上一盤海鮮拼盤,當中包括了蟶子、元貝、鮑魚、蕃薯蜆、海蝦、星班半條、美國小牛排和蟲草花滑雞,每人再加HKD20,便可以享有龍蝦。首先是把海鮮以蒸方法來品嚐,然後先會進行火鍋的食法。不知是否在熟食街巿內所吃的海鮮,都是如此新鮮鮮甜,龍蝦的膏也挺多,肉質也很彈牙。此外,海蝦也同樣鮮甜。鮑魚口感也很腍,一點都不韌,元貝也很大隻,肉也厚,蟶子也洗得很乾淨甜美。蕃薯蜆也很甜美。星班是有半條,新鮮無比,魚肉滑溜,就只吃這星班都感覺超值。最有意外驚喜的就是蟲草花滑雞,雞肉滑溜之外,味道也調得好吃。美國小牛排肉味香濃,脂肪比例又適中,而且非常之新鮮,讓人無法抗拒。吃完蒸海鮮,便可以來個火鍋湯底,火鍋湯底是清水,可以點些火鍋食材放入水中,在蒸海鮮過程中在煲個美味火鍋湯底。點了些食材來煮湯底,如豆腐、粟米、木耳都是新鮮食材。粟米更是超甜的,豆腐口感也很滑溜。醬料也有4款選擇,都是自助形式自取的。香辣炒蟹,辣味不會很重,但又有蒜香味道,蟹肉鮮甜又多肉,吃完一碟不夠,也可以再點選多一碟。炸魚皮也很脆口,最重要不會很咸,直接吃又得,放湯吃都一樣好味。火鍋食材肉丸類,流心蟹子丸,都有少許流心口感。貢丸都有冬菇香味。鳳城水餃,也是新鮮包的,味道也不錯。金菇都很爽口。肥牛相對比較肥一點,但吃上牛味香濃。豬肉片就不會很多脂肪,也是不錯。午餐肉片都不會切得很薄,吃火鍋能吃上午肉都是一份滋味。娃娃菜也是新鮮鮮甜。海蝦也是很新鮮,還是任食之選,當然是要番點之食材之一。再試了鮮蝦雲吞和韭菜餃,一樣是新鮮包的,細細粒剛好一口一隻,味道也做得不錯。粉絲也煮得剛剛好,有彈牙口感。 繼續閱讀
(以上食評乃用戶個人意見 , 並不代表OpenRice之觀點。)
秋冬季節又是吃暖笠笠火鍋的時候,朋友介紹這間林洪記的蒸氣火鍋2小時任飲任食還有海鮮只是$218 ,仲要免加一!CP值之高實在難以置信,專程訂座來一嚐究竟。林洪記位於保安道街市的熟食中心,環境企理乾淨。安排入座後先送上海鮮拼盤,有深海石斑、鮮鮑魚、大蟶子、大元貝、油甲、美國牛小排、蟲草滑雞、海蝦和加錢轉的爽甜龍蝦🦞 海鮮質素高,生猛而且鮮味十足,蒸氣火鍋吃到海鮮的原汁原味,這個價錢來說真的超值~ 海蝦新鮮彈牙,而且還有蝦膏。蟲草滑雞也有驚喜,肉質潤滑軟嫩,帶油香。店家也很貼心的展示了各食物建議的烹調時間,用電話計時來蒸也很方便。另外必點的就是香辣炒蟹,麻而不辣的濃厚味道籠罩舌尖,火侯十足,入口非常惹味酥脆,蟹殼也可輕易咬碎,炒蟹很厚肉,內裡的蟹肉鮮甜多汁,光是這道菜已經值回票價任點的食品方面選擇也很多,有魚蝦等海鮮,餃子墨魚滑蝦滑、肥牛豚肉雞件也是任食,非常滿足蔬菜我則點了唐生菜和粟米,清甜好吃這裡汽水任飲,用上傳統的玻璃樽裝,有可樂雪碧忌廉芬達,冰涼透心更添風味。值得一提的是青島啤酒任飲都只是每位加 $20,很適合親朋好友聚會來暢飲一番呢,如果3-4人來吃還會送一煲黃金粥底,吸收了海鮮精華應該會很捧。這間回頭率很高,超級推薦~ 繼續閱讀
(以上食評乃用戶個人意見 , 並不代表OpenRice之觀點。)
 第三次黎「林洪記」食呢個任飲任食蒸氣海鮮火鍋套餐~~~雞煲任食火鍋$148/位,蒸氣海鮮任食火鍋$218/位,兩款套餐都包埋支裝汽水任飲,如果想啤啤佢,仲可以加$20/位享青島純生啤酒任飲!新鮮海鮮+任飲任食火鍋,咁嘅價錢真係諗得過!😏疫情關係,一入街市就已經要量體溫,坐到埋枱,店家仲會比埋熱水我地自己洗碗筷,感覺更衛生更安心。😌一坐低唔洗趕住order,食左是日精選海鮮拼盤先~海鮮種類繁多,有海蝦、大元貝、貴妃蚌、大蜆、深海石斑等,我地仲額外加$20/位,每位多半隻龍蝦~果然在街市裏面,食材、海鮮都係新鮮啲!另外仲有蟲草滑雞、美國牛小排。🌟推薦❗️ 龍蝦好肥美,有好多膏,肉質鮮甜爽彈。🌟推薦❗️海蝦好新鮮,上枱嘅時候仲識郁,重點係可以無限encore!🌟推薦❗️貝類嘅海鮮如貴妃蚌和大元貝個頭都幾大隻,肉質鮮甜,🌟推薦❗️最欣賞嘅係深海石斑,半條咁上枱,肉質嫩滑鮮味。食完呢盤海鮮拼盤,就可以追加其他火鍋配料啦!☺️可以揀繼續蒸,或加粥底,或轉打邊爐~有超過60款嘅任食火鍋配料,海鮮如海蝦、沙白、帶子、蠔仔、花螺、獅蚶、大魚頭、魚卜、九肚魚、鱔片、脆肉鯇魚片等都係任食。上次食過「林洪記」嘅海鮮,全部都好新鮮!今次要食過返尋味~🌟推薦❗️帶子同以往一樣,大隻又鮮甜,必試之選!🌟推薦❗️自家手打嘅墨魚滑,味道鮮香,口感爽彈!蠔仔雖然個頭唔大,不過勝在幾新鮮,唔會有腥臭味,值得一試!而家係蟹季,梗係要啪返碟香辣炒蟹啦!嘩,超大隻蟹鉗!🦀今次嘅蟹冇之前炸得咁透,保留返蟹本身嘅肉汁,蟹肉飽滿,微辣惹味~🌟推薦❗️🌟推薦❗️新鮮雞腸超新鮮嘅雞腸,味道鮮香,每次黎食都必點!即包韮菜餃(或者個菜名要改改佢,因為唔係即包)不過韮菜餃皮夠薄身,個頭唔係好大隻,一隻一口,不錯吃! 繼續閱讀
(以上食評乃用戶個人意見 , 並不代表OpenRice之觀點。)