林德記麵食

營業中

休息中

每逢星期六日都好快賣哂所有野🫠一定要早啲去！！！晏晝12點去到已經賣哂米粉😭😭今次叫咗呢碗「牛筋雲吞河粉」，雲吞依然保持到好鮮味嘅水準！！亦都好足料，咬落去好彈牙！！👍🏻👍🏻👍🏻牛筋都好入味，好軟淋淋，份量都比一般嘅多，超讚！🥳🥳辣椒油係林德記嘅靈魂之處，真係好好食！配搭一流😋😋

「我一路向北⬆️離開有你的季節⋯」停停停，返嚟先⋯我只係想講好難得去上水咁遠嘅地方，皆因嗰日一心一意去心形水塘行山💙，出發之前梗係要填飽個肚先。上網睇咗好多人評論都係介紹去石湖墟市政大廈，由上水地鐵站穿過幾個商場就到達街市，再上一層就會係美食中心🛗。裝修平民貼地，相信係唔少當地市民嘅食堂。本身想食「菠蘿蛋」，可惜新年後未開檔😕，於是就試吓都有人介紹嘅燒味檔同麵檔————————————————👅牛筋腩河粉（$41）👍🏻識食一定係多腩汁，偏深色嘅湯底果然味道濃郁🐮，牛筋份量都有十幾件，牛腩就珍貴啲，係一碗好食嘅河粉———————————————— 🚩總結：地道香港味🇭🇰———————————————— 🌟注意：本身以為呢度似美食廣場，搵個位坐低就可以買唔同舖頭嘅嘢食，後尾發現好似有分地盤。行咗一輪坐低喺燒味檔，行去麵檔買嘢食就唯有外賣，總係覺得少咗啲味道啫⋯————————————————📍林德記麵食 (上水)地址：上水石湖墟市政大廈2樓2號舖.🗺地區：#bem上水📥分類：#bem港式💰人均消費：#bem_50蚊或以下

林德記呢個名係上水一d都唔陌生我諗好多住呢邊既人都一定同佢有d感情滷水雞翼非常非常入味 好淋 牛腩好淋 又係好入咪牛肚唔會靭加埋佢既邊隻辣椒油食真係好好味一個麵都唔夠

好耐冇嚟過街市熟食中心幫襯，今日陪阿媽買餸，順便試吓呢間幾十年嘅老字號睇吓佢啲味道有冇變，以前亦曾經有雜誌介紹過。記得佢最出名係牛腩同雞翼，勁淋勁入味，仲有一定要加腩汁！所以今日我都叫咗呢個經典組合！加咗腩汁個湯好濃，牛腩大大件又淋，個雞翼淋到自動甩骨，不得不提食得辣嘅朋友一定要加佢哋嘅祕製辣椒油，唔係好辣但非常之香😋估唔到咁多年都保持到水準，真係好難得，睇住好多餐廳都經唔起時間考驗，保持唔到食物水準，但林德記做到真係好好，一碗雙併都係三十幾蚊，價錢合理～

林德記呢個名字真係住過上水嘅人都一定識，而我就細細個，由佢未上市政大樓已經食佢。呢日趁放假又去食佢馳名嘅腩汁牛腩/雞翼麵，一行三人叫3 碗唔同嘅，可以大家分少少嚟試▶️牛腩雞翼河 - 牛腩炆到好淋，滷水雞翼好入味▶️牛肚雞翼麵 - 牛肚爽口而不韌▶️牛筋雲吞麵 - 牛筋偏淋，口感就還可以▶️熱奶茶 - 熱飲$9 我相信平絕全城，但奶茶就一般，茶味同奶味都唔夠，下次試吓佢嘅咖啡或者檸茶又如何？！總結：咁多年味道依舊不變，尤其係佢底腩汁，阿姐每一碗都會問加唔加腩汁，加咗就當然令到碗麵更入味！下次會再過嚟試埋佢嘅豬手同埋雞腳！

假期，老公帶我來石湖墟街市一間好出名叫林德記麵食店食早餐。大排檔風味，圓臺圓鄧，環境就麻麻，街市裹面小店，試下啦。我叫左牛丸雲吞河粉，飲凍奶茶多奶少冰。老公就叫左腩汁牛丸豬肚麵，飲凍奶茶。老公碗麵好深色，因為加上腩汁，係佢既至愛。不得不讚哩度落單哥哥仔真係好有禮貌👍🏻👍🏻落單快，出野食又細心有禮。哩度雲吞無蝦，係用豬肉包，但味道都ok,牛丸爽口，湯底清甜，味道幾正，凍奶茶又好飲，價錢唔貴。

上水街市我就鍾意依間林德記，每日未到中午兩點鐘已經會冇曬可粉同埋雞翼， 所以每一次都要早啲到同埋亦都好多人雞翼河粉加腩汁真係好好味，而 雞翼非常入味之餘抆到好冧， 雖然份量係少咗啲唔夠，可以加底或者加碟菜， 我覺得最好味就係個辣椒醬， 少少辣之餘好有辣椒味道

如果你想食面食河粉食米粉，嚟到上水街市一定要去試下呢檔由窮小子細細個已經有幫襯既林德記！絕對要講既係佢叫碗面一定，一定，係一定要加腩汁，加完腩汁簡直係一吃入魂呀！窮小子今次就食牛筋雞翼河，牛筋真係炆到剛剛好，有小小咬口，又林滋滋，無乜牙都可以食到jack jack聲！雞翼更加入哂腩汁同豉油味，炆到佢無牙食都食到，係老人家既不二選！河粉記得要配啲湯吃，再加一兩滴辣到飛起既辣椒油，成件事係完美呀！如果鐘意偏甜既你可能會愛上湯底，但如果你不愛甜就會覺得佢好甜(係一堆廢話) 😂仲有，佢杯凍奶茶，茶底配黑白奶既比例剛好，不太甜，茶底香，10蚊杯，抵啦！

📍上水 林德記係上水唔知去邊到食，去石湖墟街市熟食中心就岩啦，係卧虎藏龍之地🤩呢間好出名，1:35去到要等5分鐘，但嘢食嚟得好快👍🏻落單個陣佢會問你要唔要腩汁，強烈建議加腩汁！𓇠 牛腩牛筋麵 $38 𓇠碗麵嘅湯底好深色，腩汁係林德記嘅招牌，濃而不鹹。牛腩牛筋各4-5舊，份量足！牛腩唔會太韌，牛筋軟淋淋，好入味😋〰️總結：係性價比好高嘅一間粉麵店，腩汁超正！另外雞翼同雲吞都係招牌！PS 最好早啲幫襯，因為食緊個時聽到撈麵同魚蛋都賣曬～

當個個都推介「珍苑」好味反而我就鐘意食「林德記」大家都係用秘制醬汁，而呢度既豬手真係做到又稔又入味。豬手麵一如頭先咁講，豬手又稔又入味麵質爽口，Ｄ湯頭好似黑媽媽但又有少少張口，豬手既膠原溶入晒落去個湯度牛腩麵湯頭同麵係同豬手麵一樣但略嫌牛腩唔夠稔仲有少少痴牙始終都係「豬手」好，不過聽聞，佢既雞翼同樣出色這些機會，都係留返下次先食其實最鐘意既，都係因為佢位於政府街市3樓價錢平之餘，仲有懷舊既風味係香港已經賣少見少

《非打手 自費文！》林德記係我同屋企人既飯堂 差唔多個個週末我哋都會約喺嗰度食野 真係食極都唔厭食物方面 我今次一如以往都係食墨丸雞翼加腩汁 一如以往咁好味屋企人就食開牛腩 佢話好好食 好入味 見到唔少食客都有叫牛腩而價錢方面 中規中矩咁啦 唔算特別平或者貴至於環境方面 都係正常街市熟食檔咁既樣囉 目測都算乾淨企理 d員工都是是正正咁囉 同都算有禮貌美中不足之處就係次次都要等位 有時仲要等好耐 冇計 生意好 好野一定多人爭會繼續幫襯！

上水粉嶺有幾間有名麵店，林德記是其中之一，我有時會特登行去食，有時佢會好早關數門，因為已賣哂d野，受歡迎程式可想而知。呢度食麵，一定要加腩汁，呢度既腩汁湯底，比其他地方濃郁，好味指數爆燈，香料味足。牛腩是牛坑腩，炆到好入味。大家行過上水，一定要試下。

牛筋雞腳河 加 辣椒油牛筋炆得非常入味同埋林少少膠口 唔會好"溜" 切得大小適中 唔洗夾住咬開咁麻煩 雞腳 只限星期六、日供應一樣炆得好入味 但唔會過林咬落去仲有彈性 河粉都要讚下 鋪頭用乾河粉 食得慢都唔會索哂d湯 而且唔油 配合牛筋一齊食就perfect 了湯底加腩汁好濃既牛筋湯底 好清 一d都唔油 辣椒油鋪頭辣椒油 唔知係咪自家製真係好好味 食得辣既朋友 一定要試匙羹上面放少少河粉加牛筋 點少少湯最後放d辣椒油上面一啖放入口 一次過試哂成碗麵既重點貼地既享受

入嚟上水探朋友，順便去街市食返碗雲吞牛筋河粉（多腩汁）$36 雙併，雲吞係傳統舊式既大小＆味道，一啖一口，好味！牛筋份量多，夠淋唔會痴牙，河粉份量多，好滑！加多兩滴辣油更香更野味！唔錯既午餐

同阿女臨出發去迪士尼樂園，梗係要食飽飽先，好耐無黎林德記食麵，呢間小店係我細佬推介我去食既，至正就係個牛腩汁！同阿女各自叫了一碗雙拼麵。我叫左「雞翼雲吞河粉多腩汁」河粉勁滑，滷水雞翼勁入味但偏淋，雲吞係舊式細細隻，一啖一粒，皮薄又滑，肉味香，雲吞係非常好食，再配佢地個濃濃腩汁，真係無得頂！再加一小匙佢地秘製辣椒油，真係不得了！阿女就叫左「豬手雲吞麵多腩汁」我食過佢d幼麵，非常彈牙。至於豬手，我無食過但阿女話好味。鍾意飲奶茶既朋友，不妨試一試，茶味勁濃又滑，係我既至愛！