5
0
0
電話號碼
2493 1133
開飯介紹
此店提供精緻及新鮮的家傳潮州菜,環境舒適悠閒。厨師二位林師傅堅持選用當天頂級新鮮材料,設計多款八道菜晚餐,每週轉換菜單,菜餚原汁原味,棄用味精。客人亦可預訂各款潮州菜。 繼續閱讀
營業時間
星期一至日
12:00 - 00:00
付款方式
Visa Master AE 現金
座位數目
65
其他資料
酒精飲品
自帶酒水 詳細介紹
泊車 詳細介紹
加一服務費
招牌菜
上湯龍蝦凍 紅燒潮州翅 家傳滷水鵝肝鵝片 秘汁蒸鮮大肉蟹 魚翅豆腐餃湯 潮式炭燒大響螺
食評 (5)
等級4 2015-05-28
3169 瀏覽
又與同一班嗜酒之徒食飯。上次食上海私房菜,今次選較特別的新派潮州菜。因攜帶的一支Barbareso要透氣兩個小時,我於七點前已抵達。帶Palmer 1975的老闆,少有的塞車稍遲,我們邊喝Jermann 'Vinnae' Servus Cella Ribolla Gialla,要了兩個小食,邊等待其他人。炸脆肉瓜點鹽固然香口吊味,但炸菌絲切到像幼麵細,調味有點豉油,感覺像吃脆的豉油皇炒麵,非常惹味。差不多八點半,最後的夥伴終於到來。第一道冬茸海鮮羹,帶厚厚冬瓜茸,蟹蚶鮮甜。上湯鮑魚凍每人有兩隻,上湯凍軟身冰凍帶甜,鮮鮑魚切片爽身帶鮮,兩種質感令人欲罷不能。炸豆腐外脆內軟,炸芋頭春卷外皮脆裡面糯口,兩樣都燙口好味。滷水鵝肝拼鵝,淡淡滷水沒搶味反而提鮮,鵝肝軟綿綿,鵝肉結實有鵝香,比經典潮州菜館金燕島更出色。黃梅醬松子魚柳,醬汁出色,比平時常吃的糖醋、五柳魚,多了一份梅的甜與酸。金不換炒龍蝦,金不換完全滲入龍蝦肉淡淡透出,龍蝦肉非平常吃的爽彈,而是嫩滑鮮甜剛熟,而且全碟均是肉身,沒有頭蚶腳之類“難搞”的部分。冬瓜勝瓜炒蝦球,勝瓜沒了草青味,蝦球爽鮮。馬蹄綠豆白果糖水不太甜,頗討好。潮式花生酥,鬆化香口。生果石榴以薄薄的梅子醬帶出甜味、天桃爽口多汁。是晚除餸菜食味層次分明,零瑕疵,Palmer 1975柔和的隨時間散發出果香、可可等不同味道,順滑的厚重口感,純化的單寧,亦為是晚加添了精彩。Barbareso不斷於強烈莓香、橡味之間游走,非常澎湃但始終不夠細緻,兩支同時飲用比較可惜。整晚嘻嘻哈哈,分享紅酒、咖啡、工作、生活… 等等的點滴趣事,非常愜意。 繼續閱讀
(以上食評乃用戶個人意見 , 並不代表OpenRice之觀點。)
等級1 2013-09-08
3209 瀏覽
聽開D律師朋友講,跑馬地有間潮州私房菜幾好上黎OPENRICE睇下,口碑都唔錯見臨近老豆生日,佢又鐘意食潮州野,就膽粗粗訂左 唔係預先做好資料搜集,都幾難搵到入黎,因為都幾偏下好彩小弟係未雨綢繆既人,一早搵到間野係Amigo格離 一入到去,裝潢都幾唔錯,最重要係好清幽,成個場都係得另外兩台客,絕對唔會好似酒樓禁嘈雜 同個度個經理經下計,原來下面仲有一層,直情可以包場TIM首先黎左個燕窩湯先,好清甜。連一向嘴雕既老豆都話個湯好正跟住就到個蝦沙律啦,無乜特別,係個醬幾惹味不過就好受D女士們歡迎食埋冷盤,就黎個熱盤啦 蟹棗拼炸豆腐個豆腐真係勁好食問下個經理用咩豆腐時先知個豆腐真係誠意菜黎,特意每星期由揭陽運落黎香港所以一定要試下跟住就係呢個蔗燻鴨拼鵝肝法國鵝肝食得多,潮式鵝肝真係第一次食另外個鴨都好特別,好入味最後不論鵝肝同鴨 都一件不漏入曬我地個胃 跟住到個蒸蟹個汁真係一絕問個經理點整時佢話秘制 不過都岩既,肥水不留別人田跟住黎多道梅膏醬排骨,酸酸甜甜送飯真係一流可惜大家都撐到飽曬跟住最後大地魚炒芥蘭 同埋個甜品 飽到都唔記得影相 呢個壽包,就係餐廳送脾老豆既,無乜特別,不過唔洗錢的就無咩所謂啦一晚落黎,成餐飯都好滿足,最重要係壽星公老豆都讚口不絕,話下次要再黎過咁話睇返今晚份MENU,發現原來間餐廳唔收corkage下次有機會,一定帶班嗜酒既朋友黎再食過。 繼續閱讀
(以上食評乃用戶個人意見 , 並不代表OpenRice之觀點。)
等級2 2013-03-14
2406 瀏覽
今次因為老婆想食既關係...叫左佢公司既同事出黎食飯,由於我黎過~所以做左領隊一早就睇左個餐牌,知有乜食,不過防止獅野飲,所以自己帶左酒去,佢地而家仲免開瓶費添我地準時7點半到達人齊,見到都幾旺場喎~雖然得滿客3張...我地一坐底就梗係整杯潮州茶先啦~比D酒抖抖氣先先飲左個咸菜象拔蛑湯,我就唔係咁鐘意咸菜,不過大圍鐘意冇計炸豆腐同蟹棗~個豆腐好滑,不過鐘意蟹棗多D姐~好有蟹味.正!!燻鴨~又係潮州運落黎...個庶味好香~不過唔係咁自己食,其他人就清哂(點解我同老婆同事既口味差咁遠架)鮑魚同鵝掌...呢味野食就好好食~不過有D似酒樓~所以問返D人就話全部汁都係潮州野黎魚佢有幾樣野揀.我就揀左冬菜蒸馬友,好香又好好味~特別D冬菜...正!!金不換炒龍蝦..我本來想試下個蒸蟹(我未食過)但係個龍蝦啖啖肉又香,最後都係揀左龍蝦~同上次一樣!!香!!小辣!!正!!潮式牛腩煲,之前未試過會覺得咪好似粉麵鋪果D咁??但係食落又唔同感覺~好"林"又夠味,比起出面賣牛腩既地方好好多~不過個份量就唔係好夠我食啦一人得2,3件....)好多都係菜黎,雖然都好好食....所以食左3碗粥~又有欖菜!!甜品係糖水,本來諗住改芋頭或者蕃薯,點知2樣野都唔靚冇得食今次呢餐又係好飽好飽~老婆仲請埋我食~我唔駛比錢添班同事各有各反應~有人影足全程相機食先我就掛住玩電話~影得少少野~ 繼續閱讀
(以上食評乃用戶個人意見 , 並不代表OpenRice之觀點。)
等級1 2012-02-08
1200 瀏覽
剛過的生日, 選了位於跑馬地Amigo 旁新開業的潮洲私房菜--林家御廚--試食兼慶生, 星期六的晚上, 附近泊車還算方便。 我們一早訂好了位, 到達時已有多枱食客, 對新開業的餐館來說, 感到有點意外。原以為吃潮洲菜, 餐館環境應該很傳統吧? 誰知進門後卻被那一片淡雅的蘋果綠色吸引, 加上時尚簡約的裝璜, 感覺不錯。 侍應也很有禮貌, 領我們到樓下的一層坐下, 奉上淡淡的潮洲茶 (對, 不是那種濃濃的功夫茶), 整體環境私密而有格調。菜單都由大根據當時得令的食材而預先選好, 新鮮得來亦免了不少請客點菜的煩惱, budget 又有預算, 真貼心。喝過茶後, 先來每人一客魚翅鮮蟹肉青瓜湯暖胃, 這湯做得很鮮甜, 排翅份量十足, 材料新鮮, 一來便是高水準之作. 連對吃要求甚高的老爺奶奶, 亦讚不停口。再來每人一隻古法紅燒原隻鮑魚, 真材實料, 鮑魚大隻彈牙, 鮑汁鮮味, 配紅酒刀义慢慢享用, 正!之後是每人一份脆炸潮式石榴果, 外層炸得又薄又脆, 還加上些少酸甜的梅子汁, 裏面是小口小口的海鮮, 真是看起來精緻, 吃起來別緻。滷水鵝片和鵝肝, 這才叫我回味無窮. 鵝肝甘香細滑, 入口即融, 鵝肉亦做得入味稔身, 用來送白綿綿的潮洲粥, 好吃得不能停口。這味香炒芝麻魚肚, 突顯了大厨的深厚功力, 抄香後的芝麻汁帶出誘人的滋味, 魚肚又稔又滑, 夾在白色芝麻汁中, 也是入口即融, 齒甲留香…冬菜蒸鮮馬友, 馬友很鮮很甜, 與冬菜配合原來可如此洽到好處。生炒大地魚芥蘭, 看似簡單, 但與一般的做法又有所不同. 原來大廚把大地魚先磨成粉, 再用作生炒芥蘭, 炒出來的芥蘭既稔身又入味, 連平日不愛吃菜的女兒都默默地吃吃吃…最後送上豆沙芋泥傳統潮式甜點, 另加壽包, 為生日晚飯畫上幸福完滿的句号. 繼續閱讀
(以上食評乃用戶個人意見 , 並不代表OpenRice之觀點。)