板長壽司 (已結業)

作為一間連鎖壽司店, 我覺得佢係做得比較出色的一間,以元X為例, 為省減人手, 推出什麼列車, 整頓飯列車響過不停, 非常嘈吵. 壽司在廚房製作, 經列車出到台面, 有倒下的, 有散亂的.而這間板長是師傅在BAR台後即製的, 魚和飯是合為一體的, 魚片輕輕灣曲緊貼著飯. 不像元X那些, 魚和飯是分離的.提供的介辣是即磨那一種, 不是預先包裝那款.不過不得不承認板長用的米不夠優質, 如果可以改良更加好.  

Lunch time 去食壽司，呢間分店真是好就腳，夠哂近地鐵站，已經是第二次來〜兩個人食，每樣都試下，每款叫一件北海道帆立貝刺身，彈牙鮮甜，我同朋友都幾鐘意食赤蝦又是好新鮮，大大隻，處理得好乾淨〜另外，火炙三文魚醬油漬同火炙醋鯖魚，預先花功夫醃製調過味，鹹鹹地，唔駛點豉油都得，不錯〜其餘仲有腐皮、蟹膏蟹肉、油甘魚、魷魚、赤貝、北寄貝、三文魚籽等等基本款，正常發揮同埋，今次最好是安排我地坐卡位，闊好多，有地方放袋放外套！

天氣好熱下嘅夜晚去左食壽司🍣勝在可以食啲涼爽嘅野同飲返幾杯茶🍵點餐方法係用平板，可以慢慢揀，雖然有啲難控制😂🤦🏻‍♀️壽司普遍而言飯較鬆散，魚生水準正常發揮，無大驚喜🧐油甘魚試左幾隻味，覺得都係原味最正🥳

中午同同事出去食，每日最苦惱都係諗食乜！今日突然好掛住之前係板長食過既燒鯖魚，所以就提意今日食板長啦🤗鹽燒鯖魚定食 $48燒到皮脆肉嫩既鯖魚，本身條魚應該無點調過味所以較淡，另配左個汁用來點，好正！😋雖然只係半邊魚，但都夠曬餸一碗飯👍🏻另收加一

行完街諗住食元氣，去到先醒起轉咗手好耐，唯有行去葵芳地鐵站附近食板長(平時行過都冇考慮食佢，今次第一次也是最後一次！)嚟到門口見到有人排隊，之後阿姐逐一帶入去，但原來裡面好多吉台，我問阿姐:我哋可唔可以坐呢張台？點知阿姐用非常嚴厲的口吻話:唔得！我心諗，你可以話有人book晒D台或者其他理由，唔洗一句duck埋嚟呱！最後將我地帶到一個閣落位兼冇通風冇冷氣位...都算啦！(其實我見到阿姐一邊帶位一邊在隔離台拎多個豉油碟兼用手捽)...點完餐阿姐送壽司嚟，佢同我老公講:你個位太入我入唔到...示意我老公自己去接D嘢食，如是者接咗幾次，我地全程好似拮魚蛋咁，受住度氣熱住咁食完即刻埋單去新都會食甜品.講返D壽司，可能比爭鮮好少少，但冇乜鮮味，聽到同一個阿姐同佢個熟客點餐時講，xx魚生擺咗幾日唔好點呢個，但其實我哋食緊，好伏.......

話說細細編最近要決心減肥，真係好驚由索版細細粒變肥版細細粒，浩南會唔認得我，所以就開始稍為節食，再加健身啦。 但細細編有時lun廚都好苦惱，因為出街食真係好難食得好食又健康，直至遇到佢！不過如果你係唔食魚會長，請你禁上一頁出返去。哈！細細編覺得板長既午餐都幾高質，由其係燒鯖魚配飯同麵屎湯。條鯖魚唔單止好大條，仲燒得好好，外脆內juicy，腩位由於多油會有少少腥，但食開魚會覺得冇問題，同埋佢調味做得幾好，咸咸地，加埋汁或者檸檬都好好食，食到魚既鮮甜。 而餐配既飯同湯都幾高質。細細編覺得呢個餐真係葵芳區堂食午餐既cp皇，健康之選(掌聲)。

食物質素不錯，魚生夠新鮮，特別喜歡佢既芒果蟹子沙律，每次來必定會點的，份量又多，而白子軍艦反而完全沒有鮮味，有點失望，生蠔也肥美，推薦👍🏻服務人員也很勤快，抵讚，必定會再來

我覺得係葵芳區呢個價錢最好食既壽司, 佢真係有師傅企係壽司BAR同製作, 唔同元X, 係廚房出 (最大問題係質素唔得).板長佢真係做到壽司飯同件刺身結合作, 舊魚貼住舊飯, 個形態好似抱住舊飯咁, 唔係飯還飯, 魚還魚.另外個壽司飯個調都做得好好. 要推介就係將油火灸三文魚壽司, 好有油香, 每次黎到都必食. 另外牛油果飛魚子都係推介, 牛酒果好清新, 紫菜夠脆唯一要挑剔係2人坐位比較窄, 叫多D野食張台都唔夠位放

夜晚想食壽司，去左葵芳地鐵站附近的板長 <3 用app落單，唔知點解送來了兩碟明明無叫到嘅壽司食物中規中矩，但坐得唔舒服，好窄好窄，行完街啲紙袋都無位擺〜

參加友人的商會成立活動，响會場只係食咗少少點心及小食，活動完結後，跟友人到附近再吃點東西。一直知道板長的存，但係咁耐一次都無食過。已經夜晚9點幾，可以即時入坐，唔想食太多，叫咗個蜆、炸物同刺身。海帶蜆湯好清甜，蜆肉肥美鮮甜，海帶軟滑可以清熱氣，夜媽媽食都唔怕heavy南瓜芝士餅呈上已經見到啲芝士"咇"哂出嚟，食落香脆中間軟軟，芝士香夾埋南瓜香，又幾特別喎。朋友叫咗呢個刺身拼盤，睇落都幾新鮮，我淨係食咗幾片海膽，又香又滑又味美佢話魚生都好新鮮喎。因為朋友堅持要請，所以都唔知食咗幾錢啊

葵芳板長係lunch閒時都幫襯嘅其中之選，而且每次都點選同一個餐，食左幾次，水準都頗穩定，值得好評。呢個每次都點嘅就係牛肉稻庭烏冬定食，包括一碗牛肉烏冬，茶碗蒸，沙律前菜，同埋六件壽司，份量非常足，女生就無法食晒整個set。平日特價午餐都有六至七個可選，朋友們品嚐過其實都不錯，以葵芳人流量計，其實現正板長等位算快（剛開業時不用指望排倒隊）。而且上菜速度快，岩晒我地食完趕番工。另外價錢方面一個午飯來計要100元都算頗貴。

今晚9點一個人放咗工想吃板長，點知站長在有位情況下都要在店外等，等咗15分鐘都冇人理，天氣凍到都唔想吃，等佢忙於結帳，可能佢地到9點後都搵夠，唔在招呼客人，都係唔再幫襯

同亞女行街，行到攰都想食少少同抖下，見到有午餐都幾抵，就攞飛啦等左5分鐘左右就入得，店裡面好細，員工都唔多，比起其他分店覺得好無氣氛，出入店舖都冇店員打招呼叫左一份刺身壽司定食，因為貪佢有烏冬，可以俾亞女食刺身厚切，同平時單點刺身嘅質素一樣，立即覺得抵食左，四件壽司，略嫌火炙左口魚唔夠火炙，只係面皮略燒，一啲都唔香 店員話原有甜品冇貨（唔記得係乜野），所以轉左芝士蛋糕，細細杯ok啦，但好似太溶$108，又前菜又甜品，樣樣都有抵食啦

八點十個字下單等到九點半件腐皮，三文魚及帆立貝都仲未出到比我，已經係九點三個時問過一次話出緊，坐我隔壁個枱由我下單後佢先到,到佢食完走埋我D野都未到😡😡😡😡😡😡😡

這區一般都很少有日式食店。近來開了兩間拉麵，都大排長龍。一向只有元氣壽司做獨市生意，排隊無極限，現在開了間板長壽司與其一爭長短。星期六晚上7時到達，二人入座，竟然毋須等位!其實店舖是頗滿座的，但座位排得很迫加上出菜速度快，繁忙時間就不會大排長龍了!前菜點了個芒果蟹子沙律($35)，很是驚喜,芒果很甜，青瓜新鮮，蟹子同蟹柳的份量均很多。性價比很高! 唯一美中不足是沙律醬實在太多了!登登登登! 壽司好快就到了!蛋壽司好味，大大塊!板長蝦壽司好味!蝦好鮮甜無腥味!帶子壽司很鮮味，如果帶子再大塊一點就更好了!油甘魚果啲都唔錯，幾新鮮。其他的就普普通通無驚喜吧。整體而言，同元氣質素差不多啦。二人埋單$350,可能元氣平少少。元氣好多人時，都會再來臨一解壽司癮!