板長壽司 (已結業)

:(老友生日，同佢食個午餐算慶祝吓啦，我地三個人，成3點去幫襯，絕對不用等位。上次在將軍澳間店吃，覺得質數算幾好，但今次卻好不像樣。今次都有叫刺身,但極普通，有鮮卻無味！壽司也是，吃不到鮮美度。三個人吃,每位二百餘元，唔多值，叫左那麼多款式，但感覺分不到唔同魚類的特質，像千篇一律在吃著魚生而已，怪怪的如果以今次的數質來說，我都是無咩興致會再來，咁樣吃二百餘一位，似乎去食個放題會開心d ，至小任點銀包不會吃突，而且不用吃來吃去都是差不多味道的壽司。…查看更多

其實不嬲都有去開呢間，平時都ok既，但今次真係太差，實在忍冇可忍呢個拖羅池魚味道唔係啲咩問題，但個份量實在令人髮指!! 壽司飯已經好細，上面個件魚真係細得可憐，絕對唔係出自一個專業既壽司師傅!!!呢個板長蝦同拖羅池魚情況一樣，都係份量超小!!!切得咁..... 連基本既刀法都冇!!! 見到都唔想擺落口!! 都唔知點解個師傅仲可以接受到而且仲要拎出黎界客人食!! (有圖為證)鹽水海膽，齋睇都見到啲海膽整到成隻碟都係，賣相差不在話下，個海膽仲要係腥架!!!!呢個真係唔掂!! 啲蟹肉又係跌到成碟都係!! 成餐dinner都要對住呢啲極不討好既壽司，真係唔開胃!!! 板長有必要檢討下!! 話哂都大集團，一間分店既表現都會影響其他分店!! …查看更多

今日到太古開會, 附近食市不多, 又自己一個, 所以有板長來個快食午餐! 剛好LUNCH 時間, 要等位, 好彩好快到! 坐吧枱! FULL HOUSE, 但人手不足! 要等好耐先有人SERVICES!來個午餐吞拿魚餐!一上枱, 和MENU 相差很遠, 感覺麻麻, 而且份量小很可憐! 幸好吞拿魚還可以! 食完覺得好似未食過咁!要叫多幾碟才夠!! 總括而言, 唔夠飽!…查看更多

lunch 黎同同事食估唔到唔洗等位, 原來樓上有位, 而且唔錯, 一開始我地自己一個房仔可以傾到計又唔怕比人趕我叫左個照燒雞扒烏冬定食 (包3件卷物)D雞一上台, 個樣已經勁唔討好結果又乾又冇咩肉烏冬正常既, 但個份量好少個卷物....係TUNA 加D青瓜普通><sigh早知散叫sushi.... (因食開另一間分店既sushi, 一路都覺得OK)…查看更多

下午茶先啱啱享受完COVA蛋糕朱古力慕士蛋糕, 估唔到即晚由天堂跌到地獄...放工時唸吓去邊樹搵食, 咁啱路過板長, 見佢得幾枱客, 唔好理啦, 有位就食咗先啦...~ FRIST ROUND ~牛肉蕃茄湯烏冬--牛肉冇牛肉味, 仲鞋烚烚... 個湯似係用蝦殼煲成, 好苦呀, 一D鮮味都冇... 搞咩呀?!!蟹肉蒸蛋--嘩!!! 垃圾級!!! 好腥呀!!! 仲水汪汪咁!!! 又冇蛋味!!! 咩o黎o架?!! 未食過咁難食嘅日式蒸蛋... 唔好旨意要我再食!!!稻燒宮城海鰻--點解... 冇鰻魚醬嘅??? 同埋... 點解... 1件鰻魚咁長, 另1件鰻魚又咁短嘅??? 小小鰻魚味, 不過冇鰻魚醬嘅鰻魚唔係我杯茶... 我唔會再食囉...軟殼蟹手卷--HONEY話佢果件係暖嘅... 之但係我果件都唔暖嘅... 同埋冇咩醬, 麻麻地好味...雞蛋壽司--點解... 個肉子中間一條條黑色間線嘅... 咩o黎o架??? 好驚喎... 唔敢擺入口喎...南瓜天婦羅--全晚最出色!!! 應該話最正常... 南瓜天婦羅炸到啱啱好, 而且南瓜好甜, 一D都唔油, 好味!!!~ SECOND ROUND ~揀o黎揀去都揀唔啱心水, 加上個位又熱又焗, 第1 ROUND仲要咁難食, 最後都係放棄唔食第2 ROUND, 速速鬆人!!!初時入到去餐廳, 見有SOFA位坐仲鬼咁開心... 後尾先發現個位好焗好熱, 好似冇冷氣咁... 最後搞到要LA LA聲食完走人... 一出到門口吸番啖新鮮空氣, 即刻覺得舒服晒~D食物咁難食, 難怪大把位!!!我同板長都係冇咩緣份... 第1次響尖沙咀亞士厘道食, 換來BAD MEMORIES... 第2次係因為康怡JUSCO嘅大戶屋未掛8號風球已經話要CLOSE, 我先迫住再食多一次板長... 今次應該係我第3次食, 亦都可能係最後一次...…查看更多

得悉板長推出「打擊通脹！」的優惠，我當然要去光顧一下啦！我們吃了～火炙醋鯖魚壽司：原價$9，現在只售$4，真的便宜了不少。個人不喜歡吃煮熟了的魚肉，所以之前一直沒有吃過，今次特價便試試喇！沒想到魚肉不腥，入口頗滑，味道很好，火炙得剛好，有微微的燒焦味，好！三文魚壽司：原價$6，現在只售$4。三文魚算新鮮卻不特別肥美，味道尚可。我總覺得今次的三文魚比較平時薄，果然一分錢一分貨，價錢降低自然減少份量。蟹棒壽司($9)：蟹棒肥美兼有水份，好。三文魚手卷($10)：由於我們都是食量大的人，所以手卷飯量較多，手卷內有兩條肥美的三文魚肉，比較飽肚，是我們的必吃之選。辣味三文魚軍艦($6)：原來板長的辣味三文魚並非在三文魚刺身上加些辣醬，而是把三文魚攪碎，加上調味，實在不是我杯茶。蟹肉蟹膏軍艦($10)：蟹膏有少許腥味，蟹肉較碎。結帳了，每人只是大約$60，「打擊通脹」真好呀！…查看更多

七月三日 (星期日)收到了openrice送出的綠燈俠戲票,多謝!今日選了到太古城做gym再看此戲做完gym,要趕快吃個quick lunch,就去看戲到了板長上次吃就是我一個人獨自training時吃老公仔是日有點胃痛,決定吃熱食選擇了海鮮蕃茄湯烏冬我乾脆點了六件三文魚壽司等了十多分鐘,因為趕時候,令我們有點不耐煩烏冬份量少,蕃茄湯底濃而香甜海鮮用料十足,應有盡有日式八爪魚,魷魚,蝦天婦羅...每樣都合水準相信是板前的成名作吧記得我當日(5年前)排了個多小時,也是為了吃一口板前三文魚今時今日的板長三文魚水準仍能保持高水準既厚又肥美,是我的必吃之選!P.S. 綠燈俠又幾好睇喎:)…查看更多

是日阿爸唔同我地食,所以叫外賣叫板長啦未試過呢間野,咁出名叫左個壽C盛C,軟X蟹手卷,燒3文魚頭同埋天X羅蝦D壽司,......2個字,勁勁勁唔新鮮...D肉無味,係個加洲卷OKD,都唔知係唔係係分店D回轉帶上放左好耐既壽司..魚頭OK,天X羅凍既,手卷唔知無食真係無下次,呢D質素不如去明將,50蚊攪掂…查看更多

繼上次來過一次，覺得壽司幾有質素，心想便多來一次一過口癮。不過今次似乎有點跌WATT。依舊是叫了一個下午茶套餐，另外兩件$8限定壽司。先說下午茶套餐的東西：任選三件壽司，三件都好新鮮，飯底就有點散，而且綁起豚拖羅的紫菜也是稔了。飛魚籽很脆，很多。紫菜也是新鮮的，這個應該是質量最穩定的。上次叫了天婦羅，今次選了這個三文魚。三文魚外層熟了，內裡則未完全熟透，吃起來很有三文魚香，肉質也很滑。可惜個網與三文魚格格不入，一起吃又不見得好吃，分開吃個炸網未免太淡口，易碎。今次的烏冬可能煮得太耐，太稔太多斷。而蕃茄湯同上次比又好似重手得滯，太濃烈的味道了。最後另外加了廣島蠔壽司和安康魚肝壽司，兩者都是期間限定：影出來的比較大件，但這件就比較少魚肝，而且味道較淡，口感也不足，應該是肝太碎了這個廣島蠔真係差咗啲....賣相較差，好像少了一點東西(就係少了一片紫菜綑起壽司。)總括而言，今天壽司的飯好像差了一點。服務生雖然面對十分少客人的場面，但還是一眼關七的，主動斟水，這個要讚。衛生都不錯，餐具雖然都是預先放好了，但觀察過後發覺都幾清潔。…查看更多

下午四時多，遍地都是下午茶。不過在太古城閒逛等開會，也就到了一家好少吃的店，板長。板長的下午茶有點似元氣那個，不過勝在便宜$4，而且壽司有得在幾款之中任選三款。彈性較佳。本來來錯了我見都係差$2元就算了，埋單時發覺他入單也是入墨魚軍艦($10)，我沒有出聲免得再改單麻煩，當然也不打算佔他們便宜。我估應該純綷是師傅看錯單。那$2我留給了Tips之用。服務不錯，都主動斟水。而且下午茶十分少客人，師傅們都較清閒。壽司精緻，額外叫的蟹肉蟹膏尤其出色。天婦羅的湯汁也是熱的，想不到下午茶，而且只有咁少客人，出品也不馬虎或只是清午市舊貨。埋單$64...........貴不貴？少少啦，但以質數而言是合理的。…查看更多

太古，真係唔知食咩好既時間，買完了strawberry後便同友人到此解決dinner大家唔算好hungry，所以叫既冇之前咁多了~~:)蟹棒: 都係咁啦，不過我會like上峄的cheesy蟹棒，真係會食到wa一聲呢~:)scallop: 可以了，始終唔係jumbo咁，可以好melt into mouth個隻~:)燒三文魚: 呢個唔錯，而家發現左燒好食過fresh個隻，係會甜好多的~魚子︰好pok pok，食完個口好得意，幾好味~縵魚: 友人食的，我而家唔like eel了，怪怪的~甜蛋(熱食): 一向的好，食左一舊先影相~一隻唔記得咩魚: 唔好食，個texture 好怪~呢間comfy過jusco，個度queue到傻左~…查看更多

6:40pm 左右見到門口已經好多人但已經太遲了!!!以為6點幾都仲可以食到....點知.....等到8:10! 唉.....還有上面的鰻魚壽司+第一次飲的日本清酒 - 玉乃光(係問個waiter有咩介紹的!)鰻魚還可以啦, 但食過更好的><清酒,,,,唔係好多酒精, 味道OK! ^^枝豆外面既鹽搞到愈食愈鹹....><軟穀蟹麻麻地...好淋, 好「梅」既感覺香芒龍蝦沙律卷 - 好特別! 有芒果既sushi第一次食!感覺幾fresh!! ^^帆立貝 (冇晒珍寶size><) 加左青檸既感覺完全唔同!好Fresh! 但冇加都好食! 三文魚 - D三文好薄, 同之前既刺身好大分別喎~芝士飛魚子 - 同食開既一樣好食!吉列炸蝦壽司 - 唔錯整體上都唔錯係衰在等位等左好耐, 搞到好支力但冇法啦, 聖誔節...周圍都係人...…查看更多

又是沒有什麼主意要吃什麼的時候, 吃壽司準不會怎麼出錯。但來到板長時, 竟然已不想吃壽司了, 又吃什麼好呢?坐壽司吧, 近水樓台, 應該快點有得吃吧。是 - 壽司的親戚 - 什錦魚生迷你丼 ($35)。叫得做什錦, 是選擇困難症患者的救星, 有齊三文魚、吞拿魚、甜蝦、油甘魚、墨魚和甜蛋, 還要加撮洋芫茜, 材料不算很有特色, 但樣子勝在賞心悅目。丼飯底是壽司飯, 約有三四件壽司的飯量。單吃小小的迷你丼當然不夠飽, 還是叫了兩件 $8 件的壽司: 芝士飛魚子軍艦 - 賣相的確不很吸引, 芝士醬的味道挺像片裝芝士, 有少少飛魚子卜卜脆的口感; 紫菜帶點淋。 响螺軍艦 - 切粒粒的响螺帶點煙韌, 但...真的有點似煲湯的响螺啊...肚子還有些少空間, 來個醬燒三文魚腩 ($30) 吧。從餐牌的圖片看以為是啖啖肉, 來到的是一排排的魚骨, 要仔細地用筷子夾/挑魚肉出來吃, 富油香的三文魚不會難吃, 之不過是煩瑣一點而已。不吃壽司嗎...原來還有別的選擇的。…查看更多

太古城o既sushi店唔多~~~所有有黑夜半價壽司o既鋪頭都無~今日又好想食sushi~只係諗到有板長~~~決定去食~~~9點左右o既板長無咩人~~一入去就有位~被安排左坐sofa位~但係張檯其實好細~加上有d迫~搞到成餐飯其實都食得唔太舒服~~畫左幾碟sushi~芝士飛魚子~板長數一數二好味之選~~~成混晒之後~我都係覺得呢個最好食~最穩陣~~~火灸芝士鰻魚~~~鰻魚好厚肉~~~都唔錯~不過如果有多d鰻魚汁o既話相信會好d~~~三文卷~呢個睇menu呃左~望落好似好好味~但食落真係無咩特別~而且三文魚好簿切~感覺唔太抵~帆立貝~好普通....早知都係豪d叫返珍寶帆立貝~~食得好唔滿足~~~鰻魚~同樣~~~好普通~只能頂肚~不能給予令人滿足o既感覺~香芒龍蝦沙律卷~一向都鍾意叫有芒果o係入面o既sushi~呢個都唔例外~但係呢件..比我想像中差~因為芒果又係好簿切~無咩特別....最後叫多個金茹肥牛卷~又估唔到有咁多舊~~一般貨色~同樣食完都唔會覺得滿足~overall黎講...板長無做黑夜壽司時段...所有sushi都係以正價咁叫~如果用正價o既價錢而食到呢個貨色~我相信真係要慎重考慮清楚~因為無論一壽司/金水都比佢好好多~~好失望啊~!!!!…查看更多

星期六晚都無人排隊, 實在罕見, 於是入去試試....終於知道點解....滿心歡喜叫了很多款sushi, 賣相好靚好新鮮咁, 其中珍寶帶子, 係好大隻, 好靚個樣, 但奇怪食入口係無咩鮮味,初時以為自己條脷有問題, 食番d酸薑同飲茶再食過, 但食其他魚生都唔覺好味,於是問我的飯腳, 佢都話係無咩味....仲有係佢d米唔係靚既珍珠米, 相比x両, 差很遠,好失望, 仲叫咗鬼咁多件, 兩個人食咗4百幾, 係唔好食既sushi,個感覺好怪, 佢唔係難食, 而係無味, d魚點解會無鮮味呢? 換轉去第間, 4百幾可以食到好開心呢!:(…查看更多