板長壽司 (奧海城3期) (已結業)

參加完早上的頒獎禮，途徑在奧海城二期，突然很想吃一頓板長壽司。這裡的刺身很新鮮，涼烏冬味道很鮮甜。火炙黑松露三文魚是我的最愛！很快店面就要搬遷了，以後都要走去旺角品嚐啦…查看更多

裝修較舊，但座位尚算寬敞舒適，當時客人不多，但服務態度麻麻，未聽完我們的問題就走了。我們點了壽司套餐 ，刺身定食和牛脷拉麵套餐，壽司套餐可以選8件、10件、12件，我點了12件，刺身定食，服務員說只可以揀兩款刺身，我們揀了三文魚及 北寄貝，但上枱時發覺多了一種魚，不知是什麼魚。刺身尚算新鮮，味道鮮甜，飯的size細，牛脷拉麵套餐有五大件厚牛脷，薯餅，和沙律，整體來講真係唔錯。…查看更多

星期日响奧海城行街街，到咗午飯時間，有朋友想食日式料理，見好耐都冇食過板長壽司，我哋決定响度食個lunch。店舖面積大，座位多而且闊落，只是有點舊。午餐選擇唔多，都係一般嘅定食、壽司或刺身丼。蒲燒鰻魚丼 $128.-鰻魚有兩大塊，味道同肉質都正常水準，只是燒得唔夠香，同埋鰻魚汁太少。西京燒鱈魚 $108.-鱈魚應該唔係銀鱈魚，質感同味道都差幾遠，都怪我無睇清楚🙄，因為好耐之前响度食過，印象中係銀鱈魚，味道仲唔錯添！刺身丼 (自選4款加藍鯨吞拿魚2切) $138.-刺身算新鮮，味道係有啲淡，但以呢個價錢食刺身丼定食，已經唔錯。…查看更多

全日定食套餐有七折優惠叫咗壽司定食A同埋B，單叫咗黑椒牛舌、炸軟殼蟹同埋雜菌雞肉烏冬黑椒牛舌調味唔錯但係可能因為太過薄所以有少少韌軟殼蟹比較厚粉，食唔到咩肉，唔夠香佢嘅烏冬我就好鍾意，湯底夠熱夠濃得嚟唔會太過重味，幼身既棒烏冬好滑亦都好索味👍壽司定食套餐有基本嘅茶碗蒸麵豉湯同沙律，以佢嘅價錢壽司嘅質素算係唔錯，新鮮度同味道都OK，我最鍾意個蔥花吞拿魚蓉卷，除咗上面佢卷入邊面都食到有吞拿魚蓉趁佢有折扣優惠嘅時候幫襯都相當值得👍…查看更多

友人想食壽司，陪她去奧運呢間ground floor的板長壽司。唔想煩的關係，我們嗌咗兩個全日套餐，另外散叫咗d壽司。因為天氣凍我揀咗個有湯麵的套餐，櫻花蝦豚肉湯麵湯底超多櫻花蝦，味道清清地幾好，而且d麵好滑。個餐跟一碟壽司，整體貌相不錯，新鮮。北寄貝爽口，甜蛋好大件。散叫的壽司都ok。不過我覺得環境有點暗，燈光一般，但總算坐得寬敞。埋單意外發現近期嗌全日套餐原來有8折，兩位只係200蚊，覺得幾抵食。希望疫情過後都keep住有優惠。…查看更多

放學行過見到間壽司店冇乜人入去食啦見到佢有啲季節限定嘅款都幾平十幾蚊就入去試下有佢有日本柿食話個仔都幾錢又唔貴壽司就細件咗啲不過都算新鮮坐得舒服有卡位坐得閒可以嚟食下…查看更多

今天工作夜了，剛巧想吃壽司，而本人是板長的忠實粉絲，所以就試試這分店。剛巧電腦系統出現問題，下單速度十分緩慢，且壽司質素不及其他分店，且魚餃也比平時的鹹，頓時對它十分失望。所以食得不多便走了，建議大家不要去這間了。…查看更多

冇屈佢，大家睇相，塊吞拿魚赤身，個樣好似中左輻射咁，又薄又似塊膠。食落去口感好差，夾起時個碟有好多血水定唔知色素。食完之後，同桌既人回家立即又嘔又痾，差d要入埋醫院，如果入埋醫院，一定會比番張單比佢。海膽唔新鮮，但可以接受，帶子完全唔得，重腥味，唔知擺咗幾耐。其他壽司味道一般，未至於難食，只係唔好食。最後埋單$300，雖然算平，但食物既質素真係有待改善，我以前在旺角食板前壽司冇咁差，明明同一集團。食完今次唔敢再幫襯。…查看更多

今日放工係奧海城附近，想食下D 日本野最搵下睇下有咩岩食見到有板長，就過左黎3期睇下，大約6:30~7:00 左右，餐廳應該得三至四枱人客，店內都幾大下，可以容納到幾多人，環境燈光就比商場暗小小，服務亦唔係話太好，一入到門口，店員係10米外叫小編自己擺隻手去量體溫再指話坐果邊la, 咁坐落左就咁放低左座枱卡連QR Code, 就走左去，因為第一次黎食，唔知原來係用電話落單😅入番正題先＊三文魚腩 - 唔係好食得出好新鮮，加上油脂分佈唔係好均勻，感覺同普通三文魚冇分別＊火炙蟹棒 - 好食，但只係普通既蟹棒，加普通既芝士，冇乜特別既驚喜＊龍蝦沙律 - 同我平時食開既真係好大出入😅＊蟹肉蟹膏 - 不過不失，不過就唔係好新鮮總括而言，無諗過板長會係咁既質素，魚生方面又唔係咁新鮮，選擇又唔係好多，如果咁既價錢，我相信大角咀應該有更好既選擇:)…查看更多

又到新當選的壽司店飯堂吃晚餐 環境舒服 這分店更不用等位 而且吃十件壽司當晚餐都只需百多元 同現時其他壽司店相比 已不算昂貴了說說今次十件的壽司吧！《海膽三文魚軍艦》這海膽的腥味是可接受的範圍 不是特別好吃的品種 該三文魚由沙律醬及魚籽包圍 不錯不錯👍🏻《三文魚腩壽司》《三文魚壽司》《蟹棒壽司》《火炙魚背壽司》《火炙帆立貝壽司》雖然這5件壽司看上去乾巴巴的 咬下時卻有肥美的感覺 蟹棒也是絲絲分明的 而魚背則是左口魚 魚油挺多的《芝士飛魚子軍艦》芝士味十分濃郁 而且把飛魚子連在一起 口感十足《蟹膏蟹肉軍艦》蟹膏味道淡淡的 不夠重 蟹肉十分鮮甜《火炙鰻魚壽司》比較肥美 多肉《原條海鰻魚壽司》十分細長 約15cm長 其味道比較清甜 感覺較細嫩連加一 只需$174 吃得挺撑住肚皮的 下次可以再點少一兩件 價錢更便宜😆…查看更多

久違的板長 它給我的記憶/印象 都比較昂貴 因此很久沒吃了 但這次卻讓我改觀了《赤貝》十分爽口 彈性十足《吞拿魚腩卷》打成蓉的吞拿魚腩 十分軟綿 加了芝麻 味道更香《蟹肉蟹膏卷》蟹肉十分鮮味 不帶一點海腥味 蟹膏方面啖啖濃郁的味道 鹹鹹的 不會太腥 很好 禁不住再點多一客😋《馬刀貝》肉質偏向柔軟《帆立貝》肉質帶點通透 又新鮮又爽口 咬下時十分柔軟 口感十足《槍魷魚》看來偏乾 頭的部分亦偏薄 相反 腳部又爽口又滑溜溜的 不錯《炙燒平目魚》很喜歡炙燒版 因為會更香油脂味 不點任何醬汁 更原汁原味《炙燒三文魚腩》半熟的肉質十分滋味 十分香三文魚味《海鰻》接近4件壽司飯的長度 正 表面塗滿了鰻魚汁 不太鹹 用筷子便能輕輕把海鰻弄開 肉質十分肥美 刺亦較少 易入口 必吃《鵝肝壽司》這鵝肝有點厚度 味道亦十分濃郁 不是入口即化的質素最後二人吃了$280 挺滿足的一餐 價錢十分合理 應該會變成飯堂了…查看更多

中秋佳節，食豪啲啦，就來左呢間平時食開既板長諗住食個中秋飯🌝咁我地就叫左一堆壽司，包括三文魚，呑拿魚，海膽，油甘魚，八爪魚，赤貝，帶子都叫左來試下，作為一個曾經做過日本餐既我去品評下佢地壽司既質素啦😏做壽司最重要除左個壽司料要新鮮之外，最重要其實係舊飯！如果壽司飯做得唔好，一夾就散，就係失敗既壽司，而其實呢間板長分店既壽司都唔差，雖然十舊入面都有一兩舊會散，但都係中上質素🤣壽司料來講，普遍都幾新鮮，但我要特別一讚既係板長既呑拿魚壽司係會用真呑拿魚，好多餐廳其實都未必咁易食到，所以我會讚一讚佢呢一樣野😋😋😋個烏冬就幾值得一讚，因為真係好味，個豚肉燒得好香，烏冬同湯底都高質素，所以都幾滿意。總括而言，板長都係行中低價位路線，但質素都叫中上，會繼續支持🤗…查看更多

今日帶住小朋友見唔使排隊，所以入去食晚飯。小朋友最愛甜蛋，即整熱辣辣，唔會過甜，好食。三文魚醬油漬，d魚皮燒過，好香口，食落都算肥美，勁好食，呢款唔係間間壽司店有得食，所以必點。炸雞軟骨，炸得好香脆，唔油膩，脆卜卜，大人小朋友都鍾意。天婦羅烏東，烏東好滑，天婦羅炸得好香脆，湯底都唔錯。…查看更多

平時間唔中都會黎板長食lunch set，尤其喺奧海城黎講有日式定食嘅餐廳唔算多。中午時間都幾多人，差唔多要等十幾分鐘先有位。今次黎諗住試下新野，揀左個和牛漢堡蝦天婦羅丼飯($68)。個set好快送到，包埋個蜆肉湯。一望落見到好多炸物，好豐富咁。裡面有2隻蝦，2個南瓜，1個冬菇，1塊漢堡(切開左一半而有2舊)。味道唔錯幾好食，而且碗飯都會加左照燒汁，唔會令人覺得太dry。覺得食完成碗都幾飽，分量十足，會再encore。不過食咁多炸物，都有啲驚熱氣。…查看更多

板長一直係我心愛既連鎖壽司店, 平時想食壽司首選就係佢奧海城分店, 環境闊落d無咁迫見到佢有d新組合出左, 蝦三味,貝三味等等, 其實就係同類既三款壽司放埋一set再平兩三蚊咁賣法, 雖然價錢分別不大, 但係我又幾中意喎, 唔洗諗咁多呀麻, 而且都係平時會叫既款蝦三味(赤蝦,甜蝦,板長蝦)最中意赤蝦貝三味(馬刀貝,赤貝,北寄貝)馬刀貝好爽口, 今次跟set先第一次食, 正北寄貝大件新鮮!火炙芝士肉子壽司火炙平目魚背火炙程度岩岩好魚油充足中意佢用料新鮮, 又會定期推陳出新~會長期捧場…查看更多