98
1
0
港鐵觀塘站 A2 出口, 步行約10分鐘 繼續閱讀
電話號碼
28160617
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master 現金
座位數目
28
其他資料
自帶酒水
食評 (102)
等級4 2020-03-09
460 瀏覽
跟朋友J到觀塘上公司training,順道Book了一間很多朋友都讚好的Omakase吃。門面就是「很日本」的木條裝飾,是高級的感覺。我們坐的是壽司台,另有3間VIP房間,每間約能坐8-10人左右吧,想不到在星期一的晚上,吃Omakase的餐廳也可以全場坐滿,因間我們坐得升靠近門口,途中還看到有人walk-in,真昤太誇張了。我和朋友J各點了兩份一人餐,一份是鐵板,另一份是刺身壽司,打算分著吃,那就可以吃到更多款式啦!*這是兩個餐都有的前菜和沙律,前菜是昆布、大根和紫蘇葉味的東西,曼喜歡大根很清爽的感覺,酸酸甜甜又脆口,很開胃。沙律的食材都很新鮮,有兩款醬可選擇,分別是芝麻醬和Wasabi 醬。*Omakase $880第一款刺身是深海池魚,池魚一直是我刺身魚類的前數名,入口質感高級又爽脆,味道鮮甜,好好吃。*第二款刺身是帶子,上面灑的是綠茶鹽,師傅建議不點醬油吃。帶子是超超超肥美,肉厚味甜,極度有彈性,口感是滑和爽口的,可見有多新鮮。*第三款刺身是牡丹蝦,灑的是蝦粉,配著牡丹蝦吃蝦味超級出。牡丹蝦呈半透明狀,色澤很美,外滑內爽的感覺,味道甘甜。*第三款刺身是火炙鰆魚,我最愛的火炙系列終於出現了!應該是我第一次吃鰆魚吧,師傅說是屬於鯖魚家族,冬天的時候油脂會豐富很多,所以更適合火炙。吃的時候配著柚子酸汁蘿蔔蓉吃,中和鰆魚火炙後的油脂,很不錯呢。*最後一款刺身是瑩光魷魚,底是的醬汁是醋麵鼓,我最欣賞反而是醋麵鼓,很濃味但又很清爽。師傅說吃完後可以用青瓜清一下口裡的味道,準備吃下一道菜!*下一道是蔥吞拿魚蓉飯,份量不算是很多,大概是麵豉湯碗的份量,但吞拿魚蓉的份量是極之慷慨,差不多有一小球吧,最愛是吞拿魚蓉配著飯和紫菜一齊吃,是個人認為的最佳組合。*接下來是壽司三件,三件都是我最愛的魚!左起分別是金線鯛、梳子魚和海立+鮟鱇魚魚肝。金線鯛其實就是我們常吃的紅衫魚,口感彈牙,魚味重,上面有點薑蓉很醒胃。梳子魚是有點火炙的,油份很香濃。海立壽司是配鮟鱇魚魚肝,鮟鱇魚魚肝的外表超似海膽,有人說是海底鵝肝,口感綿密細腻潤滑,味道不像海膽般濃郁,反而更鮮更甜。*最後是自選的手卷,師傳說選什麼手卷都可以,我們很不爭氣的選了海膽。師傳俸出一板海膽,極大方的夜了一排海膽在壽司飯上,卷成直筒形再交到我們的手上。海膽的味道很鮮,不會有海的那種腥味,因為份量太多每一口都有滿滿的海膽,實在是太美麗的完結。*鐵板一人前 $880首先是活龍蝦和銀鱈魚,首先份量真的很大,銀鱈魚是外層脆脆的,肉質嫩滑,味道很高級,有點入口即溶的感覺。活龍蝦有好幾球吧,每一啖都是很厚肉很爽彈的,龍蝦的味道也很出色。如果是一人吃的話應該會飽到肚皮炸開吧。*再來是A5日本宮崎和牛薄燒,裡面包的是一些蔥、蒜之類提鮮的食材,底下是有一塊麵包,跟牛一齊吃可以減低油膩感。A5和牛本身是有點半生熟的狀態,肉身呈現一點點嫩紅色,油脂香而不膩,入口溶化,不常吃牛的朋友J都吃得點點頭(笑)。*飯類是和牛炒飯,坦白說也不太分得出和牛的味道,只知道用料很豐富,而且炒得粒粒分明,是不知不覺把整碗飯吃完的程度。*兩個餐都分別有湯和雪糕,朋友J說牛奶味雪糕很出色,奶味很香。* 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-27
625 瀏覽
和老公補祝情人節,專程嚟觀塘呢間板神食鐵板燒,鋪頭位置近海邊,由地鐵站行過嚟幾分鐘時間。一入去先招呼我哋喺壽司吧度坐低,然後比Menu我哋揀,鐵板燒同廚師發板都有幾個選擇,低至$880 /二人起,難得可以兩口子出來慶祝,決定食個好少少嘅,點了鐵板二人前$2200 /二人(另加一)。跟住店員就帶我地入房坐,鐵板前面有大概八個位,已經有兩位客人用膳中,我哋就乖乖坐好等食啦。先食前菜沙律,一邊食一邊睇師傅表演,佢先將我哋點嘅龍蝦放上鐵板燒,雖然見着一隻生嘅龍蝦被燒熟是帶點殘忍的。師傅幾下手腳已經可以起肉,龍蝦殼就攞入廚房熬湯。龍蝦膏加上用龍蝦頭熬出嚟嘅汁一齊炒,最後連買龍蝦肉同蔬菜一起品嚐,鮮甜無比,肉質爽嫩彈牙,可以選擇點岩鹽和黑椒,但原汁原味也很好吃。第二道菜是銀鱈魚,分量有差不多一隻手掌的大小,魚皮煎得香脆,魚肉滑嫩,魚油甘香,非常可口。第三道菜是鵝肝,厚切之餘仲要相當大件,師傅將佢慢慢咁煎熟,同時烘一塊麵包墊住索油,每人可以有兩件鵝肝多士,香噴噴,口感一流。第四道菜是A5日本宮崎和牛薄燒,好大張「被」呀!在鐵板上快速燒好,師傅加上大量乾蒜和蔥花,用牛肉卷着然後放上麵包上給我們,由於我唔鍾意蒜和蔥嘅味道, 所以我食嘅時候其實撥開晒,和牛肉質嫩滑,牛味十足,好味。第五道菜是和牛炒飯,用上蛋、和牛粒、蔥花、洋蔥和紅蘿蔔粒等一起炒飯,一大碗夠晒飽肚,味道也不錯。呢個時候店員就端上了兩碗湯,差點兒忘記這個龍蝦殼熬的湯,味道濃郁有點似麵豉湯,而龍蝦頭還有很多龍蝦肉,於是我花了很多時間去慢慢吃呢!最後就是甜品,師傅用麵包加上砂糖,再燒成焦糖多士,另外加上兩球雪糕!冷與熱的混合感覺,太正了!店員仲比我地每人揀兩款味,所以我和老公夾埋可以試哂紅豆、咖啡、芋頭、牛奶四個味道,全部都好味,我就比較喜歡紅豆和咖啡兩個味!師傅話唔夠麵包可以加添不過已經好飽了。要讚一讚呢度嘅服務,店員好細心,經常為你加茶,甚至見你杯茶凍哂,直接換過一杯新嘅熱茶俾你,又有熱毛巾遞上,很窩心呢! 繼續閱讀
(以上食評乃用戶個人意見 , 並不代表OpenRice之觀點。)
呢次係我第二次嚟板神食鐵板燒,之前聖誕食咗個一千蚊有找嘅二人鐵板燒套餐,性價比勁高(節日價喎),仲記得隻鮑魚郁下郁下添!有見及此,今次再嚟食,我就嗌另一個餐試下😜。餐廳設有多個包箱,私隱度高,無論情侶定一班人都好適合,而且更可以近距離望住師傅喺你面前煮,大飽口福眼福😆。由於朋友唔食鵝肝,所以我哋一人叫咗一份鐵板一人前($880/1位),另收加一!價錢唔平啊,無我之前食個餐咁抵,但食材唔同嘅🤭。前菜嘅醃漬有牛蒡、蘿蔔同用紅酒釀嘅蕎頭!最尾嗰款第一次食,無平日嘅蕎頭咁濃味,我本身仲以為係洋蔥添...🙊,問返個師傅先知究竟。時令沙律🥗,沙律菜上淋上柚子醋同搭配紅腰豆,味道正正常常啦,但我自己唔鍾意紅腰豆☹️。主角出場喇,就係活龍蝦同銀鱈魚。龍蝦真係超生猛,仲不斷反抗!龍蝦應該係劏咗無耐,所以當佢被放喺鐵板上燒嘅時候,啲腳都仲郁緊🙈。我哋見住師傅將隻龍蝦由生煎到熟,再拆肉。拆肉後會切開一粒粒,並用上龍蝦嘅膏同牛油煮,聞到超香😌。當上碟嘅時候,佢嘅造型已經唔係一隻龍蝦😂。龍蝦肉超爽超彈牙,個汁好香濃、惹味,如果有碗白飯就正,哈哈。龍蝦夠哂大隻,所以有好多肉,唔會唔夠喉。跟住就係🐟銀鱈魚,魚肉好滑,油份好充足,都幾好食啊,但煎完覺得好似細件過未煮熟前咁。伴碟有條露筍、冬菇同紅椒。A5日本宮崎和牛薄燒(2卷),兩片薄和牛片好大塊,脂肪分佈勁靚。我喺到諗如果塊牛肉有五至六片咁厚,變成牛扒,煎嚟食就不得了🤤。師傅有問我哋要幾成熟,我哋都係要五成,所以其實好快就食得,牛肉入面夾雜大量蒜片同蔥。我相信我只會喺呢個時間食蔥😅。和牛薄燒完成✅,放咗喺片麵包上面。師傅提我哋麵包係用嚟索油,叫我哋唔好食,哈哈。和牛入口即化,好鬼多汁,好正。和牛炒飯,呢個係緊接住和牛薄燒嘅下一道菜,見住師傅落咗好多蔥同蔬菜粒去炒飯🥕。炒飯個碗仔雖然唔大,但個量其實都唔少。🍚飯粒炒得夠乾身,味道都ok,但就無乜和牛粒...。最後就係個湯🥣,煮返熟個龍蝦頭,有少許肉同膏食。不過個湯就無咩蝦味,係普通麵豉湯,應該純粹係用熱湯浸住個蝦頭咁解。食完鹹食,就到甜品喇!首先出場嘅係焦糖多士🍞拼綠茶蕨餅,多士甜甜的、薄薄的唔錯,但如果脆啲會更正。至於蕨餅嘅口感同平日唔同,比較似啫喱,唔係好煙韌嗰種。雪糕🍨有六種口味揀,我哋揀咗抹茶味同芝麻味,兩者都幾濃。呢一餐好豐富,加上菜式慢慢逐一咁上,我食完飽哂;不過大食嘅男仔就可能爭少少🤣。店員服務好好,好有禮貌,期間不停為我哋加茶🍵。而且我仲發現茶由一開始嘅綠茶,喺某道菜之後變成培茶,幫助解膩,勁細心👍。另外,埋單時店員問我哋啱唔啱食,佢聽見我朋友講開唔食鵝肝,話下次其實都可以同師傅講有乜唔食,安排轉其他菜式。總括嚟講,呢間鐵板燒相當出色,採用嘅食材非常新鮮,推介啊!今次因為食龍蝦就貴啲,但如果嗌返我上次食個二人餐,性價比高好多!我無諗過喺觀塘區都有咁高質素嘅鐵板燒料理店😋。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-17
17932 瀏覽
唔知喺唔喺社會事件問題,近來就見唔少餐廳推出好多優惠,繼幾個月前到過機場嘅「空港居酒屋」大嘆鐵板燒,今晚同表哥嚟到觀塘嘅「板神」,同樣因為有超抵食嘅鐵板燒推出,點抵法,一陣你就知。觀塘區晌呢十年八年銳變咗好多,不斷有新商廈落成,就算唔喺新商廈,亦有唔少廠廈變身,好似「板神」位處嗰幢就喺其一。「板神」嘅門面非常型格,又帶點神秘感,單睇門面,真喺估唔到呢度喺工廠區。入到裡面,第一眼就喺壽司吧枱,設計好有個性,仲剛剛完咗起一條吞拿魚嘅表演。如果坐晌出面嘅壽司吧枱,當然喺揀「廚師發辦」啦,一邊睇師傅捏壽司,一邊就可以慢慢細味每一件出品。而「廚師發辦」有兩款選擇:「梵」($880)、「神」($1,280),已包埋前菜、沙律、丼飯、湯品、甜品……等等。再略略環顧四周,以廂房為主,周邊加入好多垂直綠化,令成個場睇起嚟唔會太冷,而有種悠然感。而我哋被安排近門口嘅一個廂房,裡面裝潢簡約,卻又有點粗獷原始味,尤其背後嘅一幅石牆,圍住鐵板燒個「舞台」可以坐到7個人。小弟坐晌邊位,更可以睇到鐵板燒枱內部,足証乾淨衛生。除環境,餐具亦都好別緻,一碟、一杯,甚至筷子托,都好靚、好襯。而服務都好熨貼,侍應既有禮,又不時為我哋添茶及收拾餐具。文初已講嚟嘅目的喺佢哋新推超值嘅鐵板燒套餐「席前鐵板燒二人前」,性價比真喺堅高,個套餐包括時令沙律、前菜、刺身五點、銀雪魚、鵝肝、鐵板美國肉眼薄燒、炒時令野菜、炒飯、湯、甜品,仲加送南非鮑魚,只賣$880,更喺二人價添,平常食個有啲質素嘅鐵板燒座底六、七百起錶啦。時令沙律迎接美食之前,先喺沙後及前菜同步登場。雖然喺簡簡單單嘅野菜沙律,但蔬菜嘅種類豐富,而且好新鮮,尤其啲露筍,爽脆無渣,淋上胡麻醬,已夠晒好食,開開胃納。前菜前菜就喺幾款漬物,包括喺啲醃漬嘅蘿蔔同蒜頭,前者酸香開胃,而後者就最有驚喜,因為一般蒜頭食落都喺軟軟腍腍,除非炸過,但呢粒蒜頭入口喺好爽脆,好似食緊「酸蕎頭」,非常得意。特色刺身五點賣相分精緻,而每件刺身都切成剛好一口過,包括有鮮帶子、油甘魚、拖羅、金目鯛及炙燒吞拿魚,每款睇外觀都感覺到佢哋嘅新鮮度,入口果然喺靚料,鮮味爆燈,而且,各有特色。跟住見到年輕嘅師傅登場,就知輪到喺鐵板燒時間。先捧上一碟加拿大銀雪魚、澳洲鮑魚、鵝肝及野菜,睇住啲鮑魚仲郁吓郁吓,非常新鮮,而鵝肝撲咗少少麵粉,師傅話一陣煎起嚟外層就更香脆。加拿大銀雪魚、澳洲鮑魚睇住師傅將鮑魚起肉、去內臟、調校唔同火力慢煎、灑水、切片、再放回外殼,真喺一擔心機;同樣,啲銀雪魚雖然少啲步驟,但要煎得色香味俱全,都有唔少功夫同竅門,實在喺台上一分鐘,台下十年功。煎好嘅成品,經過細心嘅擺盤,襯以少少野菜,真喺感覺唔同晒,成道精緻嘅主菜咁。先試試啲鮑魚,入口口感柔韌,唔會有咬唔入嘅感覺,沾沾放晌碟邊嘅岩鹽及黑椒,鮑味更突出。再試埋啲銀鱈魚先,表皮煎得非常焦脆 , 而啲肉質細緻嫩滑,又極富油香,果然極具質素,平常晌出面食一客銀雪魚都成嚿水架。香煎鵝肝與此同時,已見師傅煎緊鵝肝,相對嚟講,煎鵝肝就無咗多技巧,最緊要喺有耐性,慢慢煎到兩面「起焦」。基本鵝肝都幾油膩吓,所以師傅特登配件多士嚟食。件鵝肝果然煎得外脆內軟,外層好似啲法式焦糖燉蛋咁有層脆殼,裡面就嫩滑到不得了,並且充滿甘腴油香,細細哋一口,過到口癮,又唔會太罪惡感。鐵板美國肉眼薄燒再落嚟,師傅捧上一盤薄切肉眼,雖然唔喺日本啲雪花和牛,但睇色澤、油花,都已經好靚。肉眼已經簡單以鹽及黑椒調味,再準備好自家製嘅獨子蒜蒜片及大量蔥花。師傅三兩吓手勢,將薄荷薄嘅肉眼燒一燒,再加入蒜片及蔥花,捲起後,再軋成兩截,方便一口一件,就上碟食得。每位客人可享有兩大片肉眼,即喺有4件。薄切嘅肉眼口感柔嫩,有肉香,有點點油脂。由於捲住大量蔥花,所以,完全無油膩應,加上蒜片引發嘅香味,每肉眼薄燒味道更具層次。好奇問師傅,墊底嘅塊麵包有無人會食埋,佢笑笑口話都有架。牛肉炒飯雖然餐牌只喺寫住牛肉炒飯,但師傅靜雞雞講喺用上和牛嚟做。佢先炒香啲配料及牛肉,再加飯及蛋漿,不斷兜,不斷炒。飯粒炒至金黃色,粒粒分明,加上配料多,食落飯粒又爽身,入口「暖笠笠」,食埋碗飯就夠晒飽肚。味噌湯我哋香港人就喜歡一餐之前就飲湯先,但日本人就相反,食到尾先嚟一碗熱乎乎嘅麵豉湯。麵豉味香濃,但又唔會太濁,內裡更混咗唔少海帶。甜品餐餐所包嘅甜品可以揀芝麻雪糕、綠茶雪糕、朱古力雪糕或香桃雪葩。表哥就揀芝麻雪糕,小弟就想食雪葩多啲,雖然我嘅雪葩個樣衰啲,但感覺清爽,桃味不俗。蜜糖多士以為食埋個雪糕就完,師傅仲額外整多份蜜糖多士俾我哋嘆,大量牛油將方包煎香,入口熱辣辣,又焦香甘脆。晌一啲傳統市中心旺區,食一頓有番咁上下質素嘅鐵板燒,真喺無$1000,都要上$600、$700一位,但依家未夠$900,就已經喺二人價,加埋一都唔過$500一個人,加上菜式唔少,食材不賴,性價比確喺高。 繼續閱讀
(以上食評乃用戶個人意見 , 並不代表OpenRice之觀點。)
等級6 2019-11-13
9575 瀏覽
觀塘是傳統的工廠區,但現在已是半商廈,因為食客有要求,高質食肆應運而生,設址近海旁的板神鐵板燒,正是主打高質及多元化套餐的代表。位於地舖不難找,傳統和式溫馨木糸裝潢,設置三間貴賓房。鐵板燒之外,刺身壽司的廚師發板亦有供應。母女二人還是鍾情鐵板餐,三款價錢,選了每位$980 的時令套餐,組合有心思,先來沙律菜,繼而是刺身,然後有來自不同國家的優質食材,享受美味的同時可以增廣見聞。時令套餐 $980漬物蘿蔔、牛蒡、青瓜等漬物先到,一剎那以為蘿蔔是開胃酸菜,但始終是漬物,爽口但鹹味。 野菜沙律先吃健康野菜是個好主意,水菜、酸啫喱及日本豆腐的混合,日本豆腐質地棉密最討好,其次是啫喱粒的酸甜,十分醒胃。特色刺身五點依次序吃,赤貝、牡丹蝦、眼仁奈、鰹魚及燒拖羅。半熟拖羅浸在酸汁內,豐腴瞬間被中和,全無膩感,有其優點,但我還是喜歡肥美口感的回甘滋味,拖羅刺身更討好我!日本香箱蟹松葉蟹的雌性又名香箱蟹,十一、二月是最肥美的季節。面前的一小杯蟹肉,早已拆肉拆膏,輕鬆品嚐,香鮮味美。相機食先,日本仙台大蝦、加拿大銀鱈魚及三款時令蔬菜,體積有份量,色澤亮麗,見到已經垂涎。日本仙台大蝦為什麼要吃仙台大蝦,與別不同之處在於蝦膏,當然是特別多,而且身軀大隻,口感爽彈。加拿大銀鱈魚師傅煎煮工夫了得,皮脆肉滑又多汁。輪到牛了。鹿兒島日牛薄燒 脂肪分佈平均,入口快化,口感軟綿綿。配合煎至金黃酥脆的蒜片,香辛刺激。美國牛柳厚厚的肉粒鬆軟好嚼,煎至焦香,內心保持粉嫩。三款時令蔬菜 燒得唔乾唔過火。牛肉炒飯牛肉份量唔算多,不過炒得都幾香。甜品最後的蜜糖多士,簡單美味。回想起來,唯獨少了一碗熱湯作終結。六點開飯有好處,因為其他客人未放工,我們二人等於包了房,輕鬆舒適,感覺超然。服務態度非常好,女經理用心解釋,知道媽咪滿意,我就開心。 繼續閱讀
(以上食評乃用戶個人意見 , 並不代表OpenRice之觀點。)