影片
開飯介紹
以烹煮出食材鮮香原味為宗旨，配合主廚的精湛手藝，使從日本直送的優質時令食材化身成獨一無二的、精緻的鐵板燒料理。
繼續閱讀
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
以上資料只供參考, 請與餐廳確認詳情
有關獎賞計劃
相關文章
呢間餐廳最近推出周年慶鉄板燒套餐，只需$555起就食到13道菜，當中包括刺身、海鮮、牛肉等，水準相當高👨🏻🍳💗時令蔬菜沙律、季節前菜先送上甘荀沙律汁沙律同南蠻漬沙錐魚，味道酸甜又開胃🥗💗刺身三款分別有赤蝦、間八同吞拿魚赤身，每款都非常新鮮🍣💗南非鮑魚南非鮑魚肉質爽口彈牙，非常鮮味🦪💗帆立貝（+$68）帆立貝雪白鮮嫩，以牛油同黑胡椒簡單調味已經能食到其鮮味🤍💗火焰北寄貝（+$128）北寄貝爽嫩彈牙，配埋生海苔汁清甜又提鮮，配埋火焰效果好啱打卡🐚💗大蝦天使麵先將天使麵炸得金黃酥脆，再加上以蝦頭熬製秘製蝦汁同爽口彈牙大蝦，蝦味非常濃郁，口感亦好豐富🦐💗鵝肝香煎鵝肝肥美而且油香滿溢，入口即化，夾入漢堡包仔一齊食，造型可愛🪿💗牛舌芯厚切牛舌芯脆嫩有彈性，口感一流👅💗美國牛肉薄燒($555)薄切牛肉捲住蔥花同炸蒜片，口感非常豐富而且更惹味🧄💗美國牛肉厚燒($605)厚切牛肉煎得啱啱好五成熟，肉質軟嫩juicy，而且肉味濃郁🥩💗季節野菜四款野菜分別有翠玉瓜、杏鮑菇、紅椒同粟米芯，食完清新解膩🥙💗炒飯·湯·漬物炒飯用上雞蛋、海鮮、紅蘿蔔、洋蔥、同蔥花等多款配料，得哂豐富，炒得有鑊氣而且粒粒分明🍚另配一份漬物同味噌湯🍲💗香蕉煎餅香蕉煎餅煎得香脆，咬開係滿滿軟熟綿密嘅香蕉，再淋上香甜嘅煉奶，簡直係絕配🍌💗甜品最後送上香甜嘅抹茶紅豆大福🍡
繼續閱讀
出去食飯想食得啲特別啲會去日式鐵板燒，一頓享盡色香味🥰係銅鑼灣、觀塘都有分店嘅板神鉄板燒日本料理就係不少人食鐵板燒嘅不二之選😎趁住五周年，佢哋會推出超級抵食嘅套餐！價錢因牛肉選擇而定，揀美國牛肉薄燒，最平$555起就食到15品料理，有南非鮑魚、鵝肝、刺身等，全部食材都好高質，性價比極高🤑🤑銅鑼灣店環境具氣派，部分位置仲有海景😻🥗時令蔬菜沙律、季節前菜沙律係甘筍汁沙律，比較特別。清新酸甜嘅沙律菜加上大量蟹籽、炸春卷皮、櫻桃蘿蔔、蕃薯等，開胃又好食。🍣刺身三款隨餐附送3款刺身，每款都厚身又鮮甜。牡丹蝦尤其爽彈。🖤南非鮑魚不需過多調味，單純食南非鮑魚本身嘅海水鮮味，已經夠煞食。鮑魚爽彈，中間保持嫰度，口感一流。🦐大蝦天使麵口感特別豐富，將大蝦煎至剛熟，食落特別彈牙，如同蝦肉係口腔彈跳一樣。蝦頭煎至香口，裡面有滿滿甘香蝦膏，令蝦肉更添香濃。底下配襯脆口嘅天使麵，脆卜卜嘅口感同大蝦相映成趣。🤎鵝肝鵝肝亦係上乘之作，煎到剛剛好，外面香口，內裡僅僅熟，滲出油花，食落滿口甘香。食嘅時候夾上脆脆地嘅麵包，口感一絕。🥩牛舌芯下一道菜越趨邪惡，呢度牛舌芯口感極其彈牙，咬嘅時候中間爆出油花，好食。🫑季節野菜四款係食其他牛之前，先嚟少少蔬菜隔一隔，特別清甜嘅野菜令味蕾可以稍為平衡一下。🥩和牛A5薄燒 $755見師父使幾道板斧，兩三下已經整好呢道牛肉薄燒夾蒜片。和牛軟滑富油香，中間香口嘅蔥蒜正好中和牛肉嘅油脂。🥩澳州和牛厚燒 $705厚燒則更著重牛肉口感，牛肉有咬口之餘充滿肉汁，肉味濃，果然係澳州和牛。🦪生牡蠣 +$68叫呢個套餐可以優惠價追加更多海鮮，食得更滿足。呢個牡蠣超級大隻肥嘟嘟，簡單配以柚子醋啫喱，生蠔一放入口隨即滑入喉嚨，口感極其滑溜，而且富有海水嘅鹹鮮味，高質。🤍帆立貝 +$68帆立貝亦不輸其他海鮮，煎到僅僅半生熟，食到帆立貝本身嘅鮮甜味。🍚炒飯、湯、漬物除咗海鮮、肉類，其實炒飯都可以睇到鐵板燒師傅嘅功架。呢個炒飯就炒得好好，飯粒粒粒分明又香口，味道豐富。🍌香蕉煎餅平時唔食蕉嘅我，居然為呢道看似平平無奇嘅香蕉煎餅而覺得十分驚喜！見師父好有耐心咁將煎餅每邊慢慢煎脆，餅皮酥香，香蕉餡幾近融化，好似cream狀，冇咗香蕉本身嘅味道，我自己更喜歡。🍮甜品／咖啡是日甜品有抹茶椰子奶凍，抹茶味甘醇，奶凍超級滑溜，為呢頓晚餐劃上完美句號。推介指數（10分為滿分）：8分
繼續閱讀
大癲！最近見到板神嘅半價鐵板燒，真係超抵食啊😋😋！ 最平$190（日本產豚肉）就埋到單嘅7道菜鐵板燒真係第一次見🤩！🥗 前菜、沙律首先有個沙律，有柚子醋酸酸甜甜好開胃🤤🦐 大蝦、帆立貝、帶子之後有三款鐵板海鮮，三款都煎得好香，又新鮮又彈牙🥰🥬 季節野菜之後野菜有幾款，鐵板煎嘅菜特別香特別好食😋🐮 澳洲和牛($265)/ 和牛A5($315)肉類方面可面有唔同價位選擇，由半價$190嘅日本產豚肉🐷到半價$315嘅🐮厚切A5和牛都有，每款肉都可以揀薄切或厚切😍 推介厚切A5和牛，油脂好香好好味🤤🍚 炒飯・漬物炒飯加入洋蔥🧅、香蔥🥬、煙肉🥓、蛋🍳等等，顏色豐富又香口，好味😋！🍲 麵豉湯、甜品最後仲有麵豉湯同焦糖多士🥰 女滿足～
繼續閱讀
素食鐵板燒🔥🔥以後可以素肉同歡🤩朋友食素，試吓問相熟師傅能否完成心願！初頭以為唔飽，底估了🤭共有10個環節1️⃣前菜(紫薯羊羹，蕃茄啫喱，長芋伴梅)⭐️2️⃣壽司(包菜牛油果，乾飄，豆紙)⭐️3️⃣炸物 無花果天婦羅⭐️4️⃣季節煮野菜5️⃣檸檬寒天⭐️6️⃣鐵板日本蔬菜 其中鮮露筍👍🏻👍🏻7️⃣洋蔥湯(原個洋蔥上現場放湯)⭐️⭐️8️⃣高菜炒飯⭐️⭐️9️⃣山梨縣桃，沖繩菠蘿⭐️🔟拉絲焦糖多士⭐️⭐️每道菜清甜美味、每個環節都打卡一絕！唯一鐵板燒蔬果可以多D種類高菜炒飯用咗漬物，我忘記了是什麼，加上一隻圓圓太陽蛋，比起用肉炒更出色😋😋可以添飯一邊欣賞師傅的手藝和交流，加埋拉絲焦糖多士的功架🤩視覺口感大滿足！以上是用歺早一晚通知師傅的，下次會早D通知，期待新驚喜🥂🥂
繼續閱讀
今日同爸爸提早慶祝父親節book咗呢間鐵板燒，5人或以上要俾訂金$500，訂位嘅時候職員有提過我哋六個人會比包廂，不過最後去到話要有最低消費先可以，所以就冇揀包廂，坐咗喺出面。座位係坐得幾舒服嘅，但有啲遺憾係鐵板燒嘅面積太細，只有坐喺中間嘅人睇得到，坐側邊嘅就好勉強。一入座嘅時候見到枱面每人擺咗一支sparkling 同Still water, 咁我就估到要收錢，問咗職員係要收錢，仲要唔提供tap water😱，熱茶都要收錢（每位$58），我未試過食鐵板燒茶水要收錢（通常仲要職員係好主動添茶，你會覺得個+1服務費俾得值）呢個位真係覺得呢間餐廳好小家😓整體食物質素係OK既，不過通常食鐵板燒每樣都會有擺碟俾你靚靚咁影相（就算係午市套餐都應該有），呢度就冇囉😥，而且唔係每樣菜式都配自己嘅醬汁，係俾咗兩款醬汁同海鹽你自己點師傅就幾好人，知道小朋友鍾意食粟米都特登整多兩條俾佢，亦都有炒多碗飯俾佢食👍🏻
繼續閱讀