51
30
15
港鐵佐敦站 C2 出口, 步行約2分鐘 繼續閱讀
所有分店 (13)
電話號碼
27367895
27367892
付款方式
現金
食評 (104)
等級5 2017-03-20
1629 瀏覽
雖然四花平常已於通訊軟件中雞啄不斷, 到見面飯聚時總有十萬個話題說不完, 女生嘛! 粥底海鮮鍋過後, 已處於近乎十成的飽到嘔狀態, 但其中一小花芋頭心癮起, 大家又會一呼百應地出發到糖水店, 繼續未完的話題。佐敦的糖水店多不勝數, 有連鎖店的, 又有挾帶米芝蓮之名的, 而開到成行成市的港式糖水店 - 松記, 距離"靚粥"只是兩街之隔, 經濟實惠又款式多, 還是我們今晚的鍾情。 晚飯過後, 人人都直奔糖水店這下半場, 排隊等位又是在所難免, 尤其星期五的晚上, 幸好幸運地等了五分鐘就可安排入座。明亮而整潔的特色, 每間分店不相差遠, 背靠背的擠擁環境可是見怪不怪, 亦已習以為常, 沒有太多怨言。 圖文並茂的各款糖水, 某程度上是很吸引的, 種類繁多花多眼亂 令人心大心細。 芋頭西米露 $28芋頭是其中一小花這晚的心頭好, 另一小花亦被挑起心癮, 一於奉陪。 這碗合時滋潤糖水, 芋頭份量是大堆頭, 多得差不多佔滿了一整碗, 用料實實在在, 厚切芋頭幾乎煲溶了的質感, 綿甜香糯, 口感細膩, 確的不錯。 呈透明的西米是正常大小, 沒有出現結塊的情況, 不過口感較為腍身, 與椰汁的配合, 令香味更添點濃郁。煮糖水似乎是每個女生的拿手, 所以小花給這碗糖水的分數較為保守: 合格的程度。 蛋花馬蹄露 $19小花明顯對上回"佳佳"的馬蹄露意猶未盡, 加上"佳佳"只有凍馬蹄露供應, 於是今趟選擇直指熱食的蛋花馬蹄露。 平實的賣相, 份量卻是一滿碗, 蛋花的鮮黃色渲染了整碗, 清爽的稀稠度。馬蹄雖然質感爽口但大小較濕碎, 味道不夠突出, 給甜味稍為蓋過了, 蛋花的香濃質素也是中規中矩, $20之內的交貨水準令碗清熱潤喉的糖水算是可接受。 補腦合桃露 $24 + 湯丸 $9明顯地這碗補腦之選當然是我的最愛, 經常用腦但又沒記性的最適合不過。 合桃露質感都頗為潤滑, 合桃味亦蠻香濃, 真材實料的味道。因為剛才的粥底火鍋實在太飽, 以至這碗濃度較黏稠的合桃露到吃中段已有點生膩。 額外配上的湯丸質感煙韌, 雪白的外皮, 內裡是芝麻餡, 而且呈微微的流心狀態, 咬破後一湧而 出, 味道上與合桃露挺合襯, 但以$4.5一粒的價錢, 一口一粒未免有點偏貴。 雖然是飽到上頂點的狀態, 不過晚上仍有點涼意, 吃過熱食糖水暖暖身, 十成的滿足。以價錢而論的質素, 絕不欺場的份量, 基本上是符合要求, 這街坊糖水連鎖店已開設到11間分店之多, 親民價格令地道的港式糖水, 成為大家茶餘飯後的下半場首選。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-11-03
167 瀏覽
成班人去左睇國慶煙花,之後直落就梗係去食糖水啦!沿西九行落佐敦其實唔遠,但係天氣都仲熱,行到出晒汗。行左四個字先反到佐敦,嚟左松記。要等左十分鐘先有位。呢到既甜品選擇多,中西也有,自己點咗呢個雪糕楊枝甘露,雪糕就有得揀口味,我就揀左芒果啦,天氣熱熱食冰凍雪糕真係一流。芒果雪糕幾好味,夠fresh,同楊枝甘露好夾,不過個楊枝甘露就好似唔太有黃色,椰奶落得比較重手,當雪糕溶左之後,就可以出反d黃色了。楊枝甘露入面既西柚絲亦足,酸酸甜甜,不過不失。友人就點左呢個雪糕海底椰紫米露,他都話幾好食,不過呢到成日都好多人甘,逼埋一齊食糖水,食完一陣就要好快走,梗係有股無形壓力叫你食快d甘 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-13
159 瀏覽
如果說生意好咗,擴充咗,然後食物質素差咗,松記糖水應該係表表者 😂😂😂多年前的六寶湯圓的確好好味,皮薄餡靚,柔軟煙韌,現在呢? 個人認為只有一半功力。先介紹好食的有 綠茶奶皇~ 依然有綠茶味,和奶黃相當合襯。花生湯圓,芝麻湯圓~ 餡料香甜,保持水準 😘唔啱食嘅有 紫米奶黃 & 奶皇湯圓~ 皮厚而且完全沒有紫米味。伏伏的是 紅豆湯圓~ 一個硬字 😂芋圓呢~ 有紫色和黃色,但是沒什麼分別,因為兩樣都食唔出有味😂😂😂 唉, 呢個時候要唱,逝去感情如何留得住~ 😂😂😂飢Point : 5/10#hungermarch #飢詩 #非飢詩 繼續閱讀
(以上食評乃用戶個人意見 , 並不代表OpenRice之觀點。)
等級3 2017-09-10
163 瀏覽
佐敦店的松記糖水, 曾經搬過地址, 今日路過附近, 有機會再去幫襯。松記依然很多人光顧, 叫了一個喳咋, 上面鋪了椰汁, 喳咋足料。友人叫了一個鮮果涼粉, 涼粉是一大整件, 而不是一小粒的。 做甜品做得十分有誠意, 而且價錢合理。 不過此處吃甜品就是吃甜品, 不是坐得耐嘅地方。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-07-28
209 瀏覽
賣相很不錯;叫咗極之錯布甸硬到無法用匙羹或叉享受,不知雪在冰格多少天,店員提議我待一會溶D先得,但面舊雪糕都溶了!布甸依然非常硬淨,一D溶化蹟象也沒有,結果要用刀🔪切開,但不想難為舌頭,所以拒絕吞下! 繼續閱讀
(以上食評乃用戶個人意見 , 並不代表OpenRice之觀點。)