松牧尚館

營業中

休息中

Lunch set 點咗「自製豉油雞配麵」同「燉紅燒肉配麵」。每上一道菜，店員會簡單介紹每道菜嘅特色。每個Set 都會配上一份清新前菜同一杯飲品，開開胃，解解膩。自製豉油雞配麵 + 菠蘿汁慢煮雞肉保留鮮嫩口感，醬汁濃淡味道剛好，配上熱騰騰嘅彈牙麵條，層次豐富。燉紅燒肉配麵+雲南月光白茶紅燒肉口感Q彈，除咗肉好入味之餘，每一條麵條都掛滿醬汁除咗set 之外仲試咗非常酥脆嘅熱辣辣 炸雞粒 同 香軟入味嘅牛𦟌。除咗食，望住個靚海景抖吓氣，幫自己叉滿電又再出發！

晏就成日都會去銅鑼灣食飯，咁啱行過見到有新餐廳開張，選擇又多價錢又抵食，即刻上去試下~🦦燉紅燒肉配麵+高湯菠菜小菜+月岩茶燉紅燒肉啖啖肉又大嚿😋，份量十足！伴麵又吸左紅燒汁入去，更加好味。菠菜用左高湯去煮，去左苦澀味同時帶出清甜味道。餐廳更加用雲南月光白茶去配套餐，聽staff講呢種茶係對女仔特別好😍🦦炸雞粒炸雞粒香口，只係想一口接一口咁食！如果都四個人來食，餐廳仲會送大碟添！🦦五香牛𦟌牛𦟌入味，應該有加左啲沙爹醬一齊落去煮，口味特別~食左個滿足又飽lunch，又可以去翻工了🤣

📍 餐廳位於灣仔告士打道，坐擁維港無敵海景嘅松牧尚館，絕對係打卡兼醫肚嘅好地方！🍗 今次午餐試咗自家製豉油雞配麵。雞肉係自家慢煮，超級嫩滑，豉油味入味香濃。套餐跟小菜同飲品，我今日嘅小菜高湯菠菜都好好食😋。午餐仲可以任飲雲南月光白茶🍵白茶清香恬淡，解膩一流，對住維港景嘆茶，真係寫意到不得了！飲品除咗茶仲可以選飲菠蘿汁🍍。另外加$10仲可以加配熱辣辣嘅燒賣，認真抵食！而家仲有四人同行午餐送一份炸雞粒嘅優惠，快啲叫埋朋友嚟試吓🫶🏻✨ 睇住靚景又可以食到用心製作嘅午餐，仲有靚茶任飲，呢間灣仔海景餐廳，絕對值得一試！

奶奶大讚嘅午餐😋😍😍💝👵🏻：啲嘢好好食！個茶好香好好飲！環境好舒服！我同佢講我哋食呢個麵餐大約$70有找佢即刻話：吓？咁抵？出面都食唔到！真心Lunch 都係心機嘢！絕對唔Hea 服務都💯💯💯 好細心貼心主動問我奶奶凍唔凍，可以借披肩比佢😳講返我嘅體驗😆💝 去到有好抒懷嘅音樂安排咗個望全海景嘅梳化位比我哋坐😍超級靚呀！晴天應該更靚☀️☀️☀️其中一個「I人福音」係！！可以掃QR code order比埋錢😂靜靜哋享受一個午餐時光🌱上菜個陣仲有介紹每我不得不內心驚嘆🫣牛腱湯麵🍜原本我以為個湯底係藥膳湯，不過餐廳同我講返湯底主要用沙嗲醬同新鮮蔬菜，會有啲五香粉成分牛腱呢就慢燜兩小時，再浸過夜係晚市係涼盤黎！只有Lunch 先會熱食配麵！食落牛腱勁淋巧入味！🤤湯底好香！成個感覺好養生💝岩哂中女嘅我😂😂😂😂😂燉紅燒肉配麵✨用米酒🍶煮紅燒肉～我攞咗奶奶一舊紅燒肉試食係爽口的！個汁咸咸甜甜岩岩好！係腩肉黎！但唔會好溜～😋好味係拌麵黎！奶奶話好好食！🫰🏻

抵食Lunch set👍🏻呢度推出咗lunch set優惠，嗌4個lunch set就會送四人份嘅炸雞🍗 炸雞少少辣，又香又脆好好味🤤🥯 Smoked Salmon With Japanese Sencha Bagel 日式茶漬三文魚貝果三文治 （$98）餐廳同貝果網店合作，推出咗幾款bagel lunch set😍 我哋揀咗三文魚，煙三文魚食落同茶漬貝果好夾，又香又煙韌～🍵 Yunnan Moonlight White 雲南月光白茶月光白係用雲南大葉種鮮葉，茶毫特別豐富，毫香特別濃郁。香氣清雅恬淡，毫香、蜜香、花香，多種香氣蘊含在裡，氣息清冷，澀感底，且非常耐泡，可以泡上一整天🥰松牧尚館📍灣仔告士打道229-230號宇宙商業大廈18樓

去書展之前醫咗個肚先！我同家姐就去咗告士打道新開嘅一間樓上餐廳🍴 呢度位於18樓，可以挑望180度首維港景色，日間時間嚟，陽光照入餐廳真係好靚😍🐥 Homemade Soy Sauce Chicken with Noodles 自家製豉油雞配麵 （$68）呢度嘅signature係麵食🍜，我哋叫咗個豉油雞，雞肉係自家慢煮，肉質超嫩滑，豉油入味夠香，又唔會太鹹🥰 套餐仲配有個時菜，我哋今日嘅就係秋葵，秋葵配上醬汁好開胃🤤！🍵 Yunnan Moonlight White 雲南月光白茶套餐配飲品，可以揀茶或加$20揀咖啡，呢個月光白茶仲係無限任添嘅，茶清香恬淡，飲落好舒服☺️松牧尚館📍灣仔告士打道229-230號宇宙商業大廈18樓

忙咗成日，諗住有個望景嘅地方食飯，見到呢個新開嘅地方又係公司附近所以試吓, 結果同朋友邊食邊由日落傾到夜晚好治癒😌小食點左雞泡魚乾好惹味，主菜嘅味噌豆豉汁鱈魚感覺上好fusion，睇得出好有心機整，皮脆肉滑😍我嗰個食辣嘅朋友就鍾意椒鹽墨魚頭，由於辣度可以調整，所以唔食辣嘅我都食到，唔錯唔錯！伴碟嘅高湯菠菜都好出色，老闆介紹咗蒟蒻飯口感好得意，另一個驚喜喺個冷泡茶冰粉，good dessert ending!雖然係小店，但環境舒服，所有嘢都用心製作，加上味道真係非常之好，得閒會再嚟試吓佢個lunch 或者weekend all you can eat🤩

Panorama view of the harbour. Great place for a decent lunch. The owners are night owls but they would like to reach out to more who needa hideout …. 這是鬧市中一個小小綠洲，人不多（有哪間食肆不頭痛 ），但我卻喜歡那種平靜的感覺。當你每天要在茶餐廳吃個飯加杯凍飲都要$70 ，這家Cafe 的午餐真是值回票價。下次我會試試來這裏下午茶，喝茶孃親自挑選的大紅袍和吃中式點心。