松本日式料理放題

營業中

休息中

週末狂熱一人放題：嚟過好多次Lee間日式放題性價比超高！刺身不過不失，三文魚厚切但唔大夠，。串燒燒得焦香，雞皮脆到聽到聲，汁燒魷魚夠入味。炸物唔會油淋淋，天婦羅外脆內嫩。仲有壽司同小食任點，最驚喜係有炸榴槤，甜而不膩，仲有打邊爐任食，飲品選擇一般啦。兩個鐘食到飽，18：00前嚟$175一位，性價比高，會再嚟！

位於鬧市中，旺角兆萬中心呢間日式放題，久唔久都會同朋友嚟聚下，他呢度夠平，夠好坐，食物質素普通至良好，價錢平選擇多，仲想點，雪糕啤酒汽水任君選擇，刺身亦出得快亦慷慨，仲要可以追加火鍋，如果初出茅廬嘅年輕人，又或者一啲想慳錢嘅中年人，又或者係冇乜錢嘅老年人，都非常適合，一個月嚟一次唔過份丫，店內店員都幾親切，如果佢認得你，會同你打下招呼，成間店舖有少少家庭嘅感覺，卡位又多，隱私性都好高，就算同女朋友嚟都可以

lee間日式放題價錢令人驚喜！刺身都過得去，三文魚正常，油甘魚正，榮螺煙韌。壽司種類唔算多，。串燒不過不失，味道我接受。又有打邊爐，呢間放題樣樣有啲。小店老闆娘有人情味，正價時段都係$216好抵食。

上菜速度極慢，服務態度真係好差，D野食，刺身可以有陣怪味，熟食仲大鑊，雞翼有陣雪味，火鍋嗰個爐開到最大都未見過佢滾，其他野已經唔敢試，其實間野點解仲可以生存，如果唔係朋友聚餐肯定唔會去試，絕對唔會有下一次（態度真係非常之差）

超難食 寫要20塊三文魚腩 次次都係得6塊 同阿姐講 佢仲話你食得哂咩？比錢受氣 全部野食都係凍嘅 要燒雞翼 岀到嚟皮都係冰嘅都好意思攞岀嚟？服務態度差 冇禮貌 食物又差冇樣好 垃圾

地點方便，價錢便宜，座位重舒適，雖然有加一但性價比高，服務態度不錯，菜色多，有炸物刺身壽司熟食基本，火鍋菜品選擇多，值得再次光臨，推薦油甘魚刺身，雪糕天婦羅，烏冬

人生食過最難食嘅野，壽司啲飯食唔落口，一食即刻吐出來.. 然後雞軟骨一大陣臭味，唔知係粉定點，真係好難食…然後近廚房電梯一大陣臭味，真係反胃。絕對唔會再去呢間餐廳，真係好差。乜嘢都難食，選擇又少，衛生差。👎🏻👎🏻The most difficult thing I've ever eaten in my life, sushi d rice can't eat, once I eat it immediately spit out .. then the chicken cartilage a big smell, I do not know if the powder or what, really disgusting ... and then near the kitchen elevator a large The smell is really nauseating. Definitely won't go to this restaurant again, it's really bad. Everything tastes bad, few choices, poor h

咁多年都從來都唔出食評，今次真係忍無可忍要出啦。差評，絕對差評，永不再食。呢間食店做得越來越差，唔單止服務差，態度差，上菜速度都好差。一頭一個鐘先上兩盤刺身，仲要嚴重唔足數，點30片三文魚刺身，俾得你10片都唔夠。追又唔理，叫又唔應，唔怪得呢間食店長年做唔起。刺身質數好一般，大頭蝦強烈建議唔好食，個頭係黑色嘅，食落仲有沙。三文魚，油甘魚仲有雪味。帶子唔錯，赤貝可以，三文魚無雪味係OK的，有果句講果句。坐低左個半鐘先上得3盤刺身，然後走過黎話刺身係慢D，叫我點其他的，都點了還是好慢，連味付墨魚仔，呢D唔需要煮唔需要擺盤嘅，都要走單漏單。奉勸各位看官，慎重選擇，醒定D啦。

絕對唔會再去第二次$18X寧願去食爭鮮部份職員服務態度已經唔係好好食物味道仲要麻麻哋啲刺身極唔新鮮 尤其係啲蝦 好腥就算未食 隻蝦個蝦頭已經睇得出係雪咗好耐嗰啲希靈魚食落去完全冇口感 唔講仲以為食緊泥佢個辣味三文魚上面啲三文魚入口即溶 浸味勁奇怪都唔知上面啲醃製三文魚存放咗喺雪櫃幾耐😅就算唔講刺身壽司嗰 熟食嗰啲都搞唔掂叫咗個南瓜魚翅湯（已經預咗冇魚翅）送到嚟嗰碗嘢係（南瓜碎+鹽+水）同預計嘅好唔同 冇魚翅都搵啲粉絲扮吓嘢都好😇嗰晚食完即刻肚痛 第二日夜晚黑發燒成間餐廳最正常嘅嘢都係得雪糕

難食到想嘔一入到去坐低 個碟成大Pat wasabi都估到伏伏地 嘢飲自己出去拎 款式少 最正路都係忌廉溝鮮奶同cc lemon 可樂都冇一開始叫左壽司同刺身 燒物咩都叫左啲咁壽司 嚿飯難食到 仲大嚿過舊魚都算 𢲡埋一舊 成pat嘢咁 食咗3舊已經冇食 叫人過嚟cancel 哂後面嗰啲刺身 融雪都未做好 啲魚生食落去有啲碎冰唔知嚿北寄貝定咩 勁大浸海水味 呢舊同希靈魚都勁腥 嗰盤刺身嚿玉子有啲似檫膠咁有個燒牛脷 又係勁腥 仲要食落似未熟嘅豬潤燒粟米都可以難食 有啲位仲要係未熟全程真係食嘅時間15分鐘左右已經嗌埋單走人 未食過咁難食嘅嘢

［131］用家自費分享！Walk in 唔使等，太早只有1台客。7️⃣0️⃣3024/2/28/三/17:07，平日晚餐時間，17:00-18:00入座最平$148，放題任食2小時算平，二人埋單連加一共$328，平均每人$164。樓上鋪，都唔算難搵，正正常常裝修，燈光偏暗，坐位闊落，招呼也很客氣。因早場，可惜好多食物都不提供，因太飽，火煱、飯、烏冬、炸雞……都未食，飲品選擇唔多，整體食物好味嘅，路經會再去。7️⃣0️⃣魚生6️⃣0️⃣韓式炒蜆8️⃣0️⃣日式一口和牛粒8️⃣0️⃣鹽燒海蝦7️⃣0️⃣海老天婦羅4️⃣0️⃣西京燒鯖花魚，有啲醒。7️⃣0️⃣汁燒尤魚鬚7️⃣0️⃣海瞻手券8️⃣0️⃣軟殼蟹壽司6️⃣0️⃣鮮帶子壽司6️⃣0️⃣火炙三文魚腩壽司6️⃣0️⃣火炙醬油清壽司7️⃣0️⃣花之戀8️⃣0️⃣和風炒牛舌8️⃣0️⃣豉汁蝦8️⃣0️⃣燒三文魚骨8️⃣0️⃣一口炸豆腐8️⃣0️⃣馬拉盞炒時菜5️⃣0️⃣飲品，選擇唔多。

訂了7:30 7:20幾分已經到咗，個姐說我們的訂了台，宜家執緊，一陣可入座。與此同時，有兩位係沒有訂位的，個姐問佢坐側邊問佢介唔介意，佢哋話唔介意。然後幾分鐘之後，張枱執好了，叔叔就帶了那兩個人(不介意坐側邊位的那2個人). 在我前面飄過，然後説，你們兩個慢慢等吓。我哋就響度諗，究竟發生咩事？然後等咗20分鐘之後，佢叫六人入座，我哋再問佢，兩人為呢？佢話等吓先，跟住再等咗10分鐘，佢問四位？四位可入座，我哋又話有2位，佢話2位等下先。我都搞唔明白點解訂左兩位要等半個鐘都冇位，不停叫四位同六位。等到八點，問佢兩位幾時有？佢話慢慢等吓。然後8:05，我們不等了。如果唔招呼訂咗位嘅兩位，早啲出聲㗎嘛。擺明歧視已經有訂座的兩位客人。之前食過，明明叫壽喜燒唔知點解你嘅係雜菜火鍋。

來到才記起10年前來過,裝修可以話舊,也可以話有氣氛的日式風格（10年前的放題好多咁裝修）.木地板的確有點......舊. 嘢食都係10年前的水準,（嗰時無大瀛喜、大喜屋等等放題）,連價錢都無咩升過（嗰時好似128起？依家149起）,159+10%=175落樓. 以2024年既大家樂同M記都50蚊消費而言,175蚊可以响旺角食魚生放題2個鐘, 其他什麼服務員年齡大D、嘢食種類少D、地板黏D都變得可以接受了,唔可以攞嚟同270~300嘅放題比,一分錢一分貨,抵食

这个餐厅绝对是性价比高，食物出品这个价钱没什么好挑剔，但员工态度有点古怪，在正常情况下员工是有点礼貌的，但当顾客有一些无心之失小问题出现，员工就会突然用些命令式嘅语气同顾客沟通令顾客很不自在，例如这间餐厅是没有厕所的，想餐前餐后洗手的话要落商场两层先到达厕所极不方便，好在餐厅收银台对出是有一个洗手盘，洗手盘亦冇标明员工专用，我用完餐后洗手没为意它水压偏大開大了少少（情况是可接受范围内）但即刻有员工用命令式对我说你不要在这裏洗手去商场五楼洗，又例如隔篱枱可能台细将一些用完后嘅碟放了其他位置，员工就会好紧张和顾客说碟不能乱放，其实只是一些小问题不需要那么紧张说一说就是，冇必要这么紧张，再例如点了一碗汤饮了两啖觉得不好飲不要了，员工又会好认真噉问你汤出了什么问题为什么不要 我不好意思说碗汤唔好饮只是不适合我口味所以不要了，员工还是不停追问我什么原因，我重复了四次原因她先肯罢手停問…讲真顾客出来食饭是想放鬆，看见服务员这么紧张状态下服务，形成一种压力食也食得不安乐……讲真顾客唔係大晒，但起码要得到基本尊重…这餐厅虽然性价比很高，出品亦冇问题，但服务质素真是好大问题不可以说他没礼貌但服务员就是会

一入去坐低就知道中伏，menu極少選擇，然後嗌火鍋比錯湯底咁都算啦，跟住我諗住嗌兩碟肥牛點知佢出得兩塊比我。另外刺身方面一樣咁差，魚鱗都未刮乾淨，份量極少，仲要經常漏單。食過咁多次放題體驗最差係呢一次，寧願比多$100去第二度食好少少。