松山素食 (已結業)

新年期間吃得油膩，都想吃清淡健康，便選擇了上環的兩「素」飯，不錯。📍位置：在蘇杭冰室對面。🏠環境：面積較小，畢竟只是做外賣，可從玻璃窗看到當日的選擇，最少都有六七款，再到門口櫃位先付款後拿外賣。🤵🏻服務：只提供外賣。🍽️午市：兩餸飯+湯 $31我選擇了西蘭花炒蛋和清炒菜遠，炒蛋一流，又滑又有蛋香，而菜遠夠清甜，只是份量太少，得三條菜，對於我這個喜歡吃菜多於飯的人來說，根本不夠菜吃，結果白飯剩下了許多。是日餐湯是紅蘿蔔南瓜湯，很清甜，挺好。…查看更多

價格便宜，是月光族的恩物。兩餸一飯才$31，還奉送湯；每天都餐單都不同，去買飯前可以預先在社交平台看看餐單；這次吃了西蘭花炒素雞、麻婆豆腐，以及加了$8 由白飯底轉蕃茄薯仔濃湯通粉，湯；好像很豐富。蔬菜多，相對健康，調味也適中。建議白飯比較好吃，不要轉通粉，而粥就沒有試過。…查看更多

松山素食係上環地鐵站附近，都幾方便，主要賣雙餸、三餸素菜飯咁。每日午餐都有6-8樣餸選擇。雙餸飯 $31，三餸飯 $34，仲送健康老火素湯 ，超抵食！如果想預先睇定當日有咩餸，我習慣去佢社交平台度望望，佢每日都會update 係社交平台，咁就可以預先諗定食咩。有時唔想配飯，仲可以加$8轉湯麵／伊麵（視乎當日供應），或者加$5轉粥。餸方面，推介炸魚柳，另外佢d炒蛋都唔錯架！炒得好香蛋味！d粥都幾好味。…查看更多

價格便宜，今次吃兩餸飯 只是$31，糧尾時期絕對是好選擇。而且份量不少，吃完十分滿足。出餐速度是神級快每天餐單都不一樣，不會重複不會悶。今天我選了涼瓜菜圃炒蛋及五香麵筋炆薯仔，還送冬瓜薏米湯。所有餸菜 、以及湯 都不油膩，調味得宜，食材新鮮不隔夜。…查看更多

上環三餸飯 推薦#素食 素食兩餸+湯 （$31）素食三餸+湯 （$34）你無睇錯，我無打錯Office 區超抵價🤩重點係味道好，CP值超高😍，個湯都好好飲哥哥姐姐又好好禮貌，手腳又快，雖然排晒長龍，但都唔駛等好耐。Lunch時間有限時嘅打工仔，係好好嘅選擇。推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：7⭐️賣相（10⭐️滿）：7⭐️味道（10⭐️滿）：9⭐️價錢（10⭐️滿）：9⭐️服務（10⭐️滿）：9⭐️地點（10⭐️滿）：7⭐️［松山素食 (上環)］地址：上環蘇杭街10號啟豐大廈地下4號舖#lunch #lunchideas #lunchtime #午餐 #午餐時間 #午餐吃什麼 #飯盒 #湯 #兩餸 #外賣 #中式 #素食 #takeaway #vegan#hkfoodie # hkfoodieblogger #hkfoodielife #winsomelai…查看更多

在現今百物騰貴的社會，對打工仔食餐飯可能都想食平dd,在上環呢間素食外套飯盒兩餸只係30蚊，三餸多3蚊姐，仲送埋個湯🤩價錢雖平但食過幾次都覺得味道好。今次要了兩個餸，之前食過覺得飯量多，所以要了少飯，但估唔到餸量無減，放滿了外賣盒。🔶涼拌青瓜藕片青瓜和藕片好爽口，麻味不太出，可能因主張健康所以唔要太多調味料🔶菜脯涼瓜炒蛋炒蛋超滑😆是日列湯-南瓜湯…查看更多

呢間係同事介紹我嘅，佢係咁話呢間好抵，問我有冇興趣試，我對素食唔抗拒，就即管試下。同事預先打電話講低要咩餸同幾點去拎，到拎時再比錢即可。佢地每日都會喺FB同IG PO 6至7款餸比你揀，我叫左個三餸飯，$33，兩餸飯就$30，呢個價錢仲要有碗例湯，喺中上環呢啲地方真係難能可貴🥺不過堂食就貴十零蚊左右，咁梗係買外賣啦。內容物有蕃茄炒蛋、薯仔炆冬菇、薑汁炒芥蘭加白飯(可以走飯)，同埋青紅蘿蔔粟米湯，餸同湯料比得好足，所有食物你係食得出係新鮮同無落味精，尤其係個湯，清甜到不得了唔好望個餐盒好似細細個，食完都好飽肚。總結呢餐啲食物非常對得起佢嘅價錢，即使唔係糧尾都絕對會再幫襯。…查看更多

剛又開始素食, 這間是常會去的. 價格實惠,33元有3餸一湯.  每次很快可拿走. 湯每天都不同, 次次有小驚喜,很有營養. 米也不太硬, 不是平價米(不過見到很多人走飯), 就是有時豆腐很快賣完. 粥, 涼粉還有其他還沒空去試, 不知味道怎. …查看更多

之前朋友介紹過呢間素食餐廳，所以今日我就黎試下。見到就算係黃雨🌧️，但都好多人排隊買外賣！🍚 三餸飯 $33每日都有唔同嘅餸，7款當中我揀咗梅子醬青瓜野雞、涼瓜菜脯炒蛋、XO醬炒白豆角。餐廳真係佛心，餸裝得好足，先$33，性價比真係好高。味道方面，每樣都唔會伏，其中我最鐘意炒蛋、野雞、豆角，炒蛋好滑，野雞啖啖肉，豆角有咬口👍🏻🥣 青紅蘿蔔粟米湯 $0跟餐免費送嘅，但一啲都唔hea! 青紅蘿蔔、粟米份量唔少，幾甜又無渣，湯底清澈，飲落覺得應該無加味精，唔會口渴～🍠 紫薯紫米甜粥 $10一「不」起就見到有好多料，紫薯塊加埋紫米，味道帶自然嘅甜，好似食緊飯後甜品咁🤤職員好有禮貌，而且好快就有得攞餐，難得係中西區搵到咁平靚正嘅餐廳！…查看更多

而家日日都咁熱，出街食飯真係好辛苦，咁啱前排經過蘇杭街， 有間素食店經常排長龍， 不如就買外賣試下啦。素食店主打外賣，有2， 3餸飯賣， 有伊麵, 粥等等。 大家唔知想食乜野， 可以喺大玻璃前望下有咩好餸食，再去落單。是日餐單青炒菜心鮮茄炒蛋豆腐紫薯粥南瓜甘荀粟米湯青炒菜心， 正正常常， 不過炒得幾好味， 菜心新鮮，嫩綠爽口。鮮茄炒蛋，份量好多，蕃茄清甜，蛋味濃， 又有蛋汁， 酸酸甜甜，夏天食開胃食神。豆腐，豆味濃，有小小硬身，似麻布豆腐。南瓜甘荀粟米湯， 呢個湯超好飲， 清甜好味， 好似有肉煲過咁， 其實應該係用腰果出哂味，如果可以我可以飲多3碗。 揾唔到食素都可以食得咁精彩。…查看更多

依間媽咪話佢會派飯比長者，好有善心🥺。見依間店咁有善心，我都幫襯下佢買個飯盒。而佢地嘅素菜飯盒，價廉物美，你有得揀唔同嘅餸菜，仲配湯，份量都唔少㗎真係超值。今次我外賣揀咗個三餸飯盒，三款素食餸菜分別係麵醬茄子、大豆芽肉鬆同麻婆豆腐。雖然係素但係非常美味，尤其是大牙芽肉鬆，味道上直頭唔覺得佢係素菜，唔講真係以為係食緊肉。而麻婆豆腐同埋麵醬茄子麵好出色，唔會死喊，質素同街外普通餐廳冇分別，甚至更加好添。跟餐仲送咗個湯，都係齋湯，有啲豆類、紅蘿蔔、冬瓜等等，飲落好清甜舒服，完全冇落味精嘅感覺。另外仲加咗一碗粥，係紫薯粥，賣相都睇到佢幾咁紫啦，食落真材實料好重紫薯味，仲熱辣辣香噴噴。…查看更多

松山素食前牌朋友介紹咗呢間中上環嘅松山素食俾我，出名兩/三餸飯。而家物價越來越高，呢啲廉價嘅兩餸飯三送飯已經開到成行成市。呢間係素食嘅，價錢又平所以試一試。第一個三餸飯盒($33)我叫咗白豆角炒蛋、紅燒冬菇枝竹豆腐、涼拌木耳土豆絲。嗰日有七個餸俾我哋揀。$33蚊有三餸仲有湯超抵，味道都超級豐富！啲蛋幾香話，加埋脆嘅豆角好夾。枝竹我不嬲都好鍾意，個汁又唔會太鹹。土豆絲酸酸甜甜，開胃。個餐本身包飯，仲有一碗青紅蘿蔔老黃瓜湯，好夠火候。加$5仲可以將飯轉做淮山小米粥添，就咁叫個粥就要$10，夠曬細滑。朋友就叫咗XO醬炒銀針粉($38)，我試咗少少。好耐冇食銀針粉，咬落去口感好爽， XO醬都超級香。食得健康得來又滋味。地址：上環蘇杭街10號啟豐大廈地下4號舖…查看更多

今日經過見到有素食既三餸飯就想試下 見到又唔貴 三餸都係$33 錦抵就買埋比同事返去分享下叫左兩個三餸飯跟兩碗湯 今日係菜干冬瓜湯個湯好清 冬瓜好甜 係無洛味精個隻清甜 飲起黎好解暑 另外加左10蚊要碗紫薯粥 大大燈粒紫薯同埋飲起黎係偏甜 米同紫薯都好夾第一個飯盒 翠肉瓜菜圃炒蛋🥚蛋唔係滑但加左翠肉瓜同菜圃更有咬口同埋咸唔洗洛鹽都有既咸香味 西芹甘荀炒雞丁🐓西芹好爽口新鮮 所謂雞丁食到係扎肉粒 味道唔錯麻辣椰菜花估唔到奄得幾入味 話就話麻辣但唔係好辣 奄味帶酸甜 好味😋第二盒一樣有翠肉瓜菜圃炒蛋🥚粉絲煮節瓜 粉絲唔多但節瓜好腍同埋清甜唔油膩 加埋腐竹洛去令整體都滑溜易入口最後係銀芽炒肉絲芽菜好新鮮同爽口 份量又多 值得一試 基本上排唔洗5分鐘洛完單佢會比籌號你 唔怕拎錯仲有係中上環 $33 有3餸同湯已經好抵 我會再買黎試下佢每日既唔同款式❤️…查看更多

最近日日出街食飯，大魚大肉下，想食得清淡啲，又唔想食太多味精，今日俾我發現到一間素食店松山素食，位於上環嘅蘇杭街10號叫松山素食。位於上環蘇杭街10號，上環地鐵站A2出口。是日菜單提起上環區，記得自己中五畢業後，第一份工作，喺上環區工作，經過10年後，仲帶有人情味。今日中午叫左一盒飯盒外賣，揀左3個餸$33，（如果2餸$30）有豆角菜脯炒蛋，梅子醬青瓜野雞卷，清炒菜心，大大盒嘅素食飯盒，仲送埋金銀菜乾湯添！另加5元就有南瓜小米粥添！一個女仕食感覺好大份，可以2位女士一齊share,如果經過上環工返嘅打工仔，記得呢間松山素食店呀！它價錢十分經濟又大份，無味精又健康，食後感不會口渴。好豐富的素食飯盒是日靚湯：金銀菜干湯南瓜小米粥，另加5元3餸1飯$33梅子醤青瓜野雞卷一食難忘，口感清爽有埋好似真嘅雞卷感覺，重點係素食，青瓜多汁仲清甜，必食梅子醤青瓜野雞卷。豆角菜脯炒蛋，蛋不會太老，打包返屋企享用的仲係熱，仲保持水分同埋豆角好翠綠爽口。一個正。清炒菜心梅子醤青瓜野雞卷…查看更多

☼ 松山素食 Chung Shan VeggieVegetarian/ vegan takeout restaurant with new options offered every week. Their menu is constantly updated on the Instagram page @chungshanveggie , so you can see what they have to offer before deciding to go :)It’s like a buffet: you tell them what you want to have, and they fill up the plastic container (soup and rice are included). If I’m not mistaken the price doesn’t change (I selected up to three different options).🍽 Daily menu selection (I got the beancurd, broccoli, and winter melon I think?)💸 HKD 33🥴 Overall the food was good, especially considering the low price, however I was still very disappointed as I expected more. If I’m not mistaken, the menu changes weekly and you can actually pick and choose what you like, but the options are quite basic and bland imo.…. but maybe it’s not a bad choice if you’re on a really tight budget? Although a couple other places with better food come to mind.Bringing your own container is also not allowed :(Generally the food WAS flavourful. The tofu skin was very moist and really soaked in the marinade. The broccoli was also well coated in the sauce and was very soft. Maybe if I was in a better mood I’d have enjoyed this meal more?As for the winter melon(?) soup - it was good, like any soup, nothing special.⭐️ Rating: 4/10Waiting time: 3 mins ishOverall rating: 5/10Price: HKD 33Overall pricing: $Return: nope…查看更多