松家日本料理 (已結業)

今次係第二次嚟, 因為呢到只係比出面貴$30到; 但個質數就好好多. 就算係同佢同一集團既"松屋"比都要優勝, 從環境, 食物質素, 服務都相差好遠 呢間D侍應有禮貌, 又唔會漏單, 唔會等好耐或者催先出菜, 又唔會減數量, 地方坐得舒服又唔迫, 味道同食物質素高D, 而食客質素都高D, 無咁嘈.刺身 : 甜虾, 油甘魚, 帶子鮮甜, 劍魚, 希靈魚好味. 甜虾係有頭既, 我地每人都食咗20隻.芝麻雞亦 : 香口好食 牛脷 : 爽口, 厚度啱啱好, 厚厚地唔會好薄.羊架 : 嫩呀, 又唔會好大件.雞粥 : 味道唔錯, 唔會過"棉"而"泣"口.味噌湯 : 好味, 個味道同其他放題/迴轉/日本餐廳(e.g.和民...)個D幾唔同吓, 有機會不妨一試, 不過裡面只有紫菜同豆腐.蒜蓉虾 : 大隻, 蒜香虾爽天婦羅 : 南瓜同番薯好甜雪糕 : 最好食係菠蘿同紅豆, 但個日無菠蘿, 不過綠茶都好好食.飲品 : 荔枝味個款涷飲好味, 唔會好甜. 小貼示 - 當大家坐好後就有侍應問要唔要先上一個刺身併盤, 唔洗錢架, 等大家快D有得食. 人多就應佢要, 人少就唔好要, 因為併盤即係什麼刺身都

時間真的行得好快, 亞仔又大一歲了, 雖然已大個仔, 不過一年一度的生日,當然要開開心心食餐好的, 亞仔一向偏好日式 , 問過幾位朋友意見 , 終於決定選此間 ---- 松家 原本見是松屋集團 , 又在中環區, 價錢又貴咁多 , 應該會好D 跟其他的不同, 可能希望越大, 失望感相對更大 一見ORDER 紙上食物品種 , 跟松屋一樣, 但少左 "串燒" 亞仔即問點解咁遠去食 "縮水版松屋" 失望 .... 說真的食物不算差 , 都OK的 , 但品種選擇真的好少 每張卡位都圍有較高間隔板 , 每張枱都自成一角 , 保留少少私隱 , 不過可能餐廳面積不算大, 故都有嘈吵感覺 . 推介之選 ---- 牛仔骨 ; 薄燒牛肉 ; 羊架 ; 手捲 (紫菜好脆) OK 好味 ---- 燒蝦 ; 甜粟米 ; 烏冬 ; 菠羅雪糕 (松屋早已沒此味雪糕供應) 差 ---- 燒番薯 (唔熟好硬) ; 吉列朱扒 (好似翻炸幾次咁又干又UG) 天婦羅 ( 好多粉) ; 象拔蚌 ( 有腥味 )

因為book左上環浦和最後等了又等都係冇位, 於是乎就拉隊過黎松家食, 點知塞翁失馬, 焉知非福... 今次捨浦而就松, 好明顯係明智之舉!先講刺身類: 大路野好似三文魚、甜蝦都係水準之中, 而希靈魚比預期出色.火灸壽司: 三文魚好味, 海鰻太乾.牛仔骨: 夠哂味, 冇話太咸亦唔un薄燒牛肉: 呢個如果冇咁多蔥可能會仲好燒牛脷: 一個字: 掂蒜香蝦: 普普通通牛油帶子: 牛油夠香, 帶子唔"痴"牙炸蠔: 炸漿薄d會更好天婦羅: 唔錯冷蕎麥麵: 呢個唔得炒雜菜: 都係唔多得雪糕: 唯一錯單ge食品, 我要芝麻+菠蘿, 佢比左芝麻+紅豆飲品: 巴x時清熱飲, 好Q難飲, 3個人各飲左一啖就放棄左了呢間松家其實我舊年已經去過一次, 雖然整體上今次冇上次咁好, 但係二百幾銀ge日式放題來講都算係屬於中上, 起碼坐位舒適, 大部份都好味兼全晚從未漏單 ... 值得一提ge係今次服務非常出色, 服侍我地張枱果位女侍應, 收碟速度快到你唔信, 你一擺低隻吉碟唔夠10秒佢就會即刻收, 好似收慢d會比人炒咁款, 呢樣我真係要讚...

團購網話呢間放題可以食3個鐘,食評又唔錯,當然要一試食物:一坐低WAITRESS就問我地要唔要刺身拼盤,味道一般, 唔夠新鮮, 又薄壽司: 叫左火炙芝士三文魚同海鏝, 冇特別, 有D難咬TIM...雞軟骨餃子: 好食, 熱辣辣燒三文魚頭: 分左2舊, 一舊係近魚頭既肉黎...用黎撐場, 味道叫做OK既, 但好細...牛仔骨: 茶樓貨色, 合格既薄燒牛肉: 幾好味, 不過入面有小小怪味, 唔知係咪D蒜粒...天婦羅: 叫左蝦同南瓜, 幾好味, 不過D炸漿好唔均衡鮮果沙律: 呢個個汁較得幾好, 合格~炒雜菌: 叫灼雜菌合適D, 係有D牛油味囉, 唔得冷蕎麥麵: 好難食, 淡到...自己加左WASABI都係好淡芝麻雞翼: 唔脆又唔新鮮（係呀, 雞翼都食得出, 證明佢幾渣)芝士年糕: 好味~呢個有水準~牛油果軟殼蟹手卷: 好難食, D軟殼蟹凍既, 牛油果唔見左, 搞乜...凍荔枝蜜: 味道幾新鮮, 唔錯~清鮮飲: 比左一支500ML既我...好難飲= =芝麻雪糕: 好香芝麻味, 讚!

松家之前嚟過一次食晏，今次再嚟，又係同番嗰位長期晌廣東省工作嘅老朋友阿東一齊，平時各有各忙，都難得一聚，今餐正好又可以聚聚舊。再嚟松家原因之一都係因為上次試過啲嘢有質素，加上地方夠大唔太嘈，再者，係度食個晏平均要$100有多，可以晌快餐店或茶餐廳食兩、三次，所以上嚟嗰啲多數係搵得到錢嘅斯文客居多，真係方便傾偈唔怕太被騷擾。上回我哋兩個就食定食，試咗個咖喱豬扒飯定食同銀雪魚西京燒定食，今次見佢有個新餐牌，叫「午市自選三款套餐」，賣$108，比大部份定食平啲，客人又可自由組合自己三款心水食物，覺得幾好咁。整個套餐，足足有成45款食物以供選擇，包含晒刺身、壽司、手卷、燒板燒、炸物、燒物 / 天婦羅、料理，每類別都有6、7款俾你揀，應該都唔憂搵唔到啱食嘅，係怕你心多多揀嚟揀去樣樣都想食啫。經過一輪思前想後，左度右度，淨係揀得三款都真係幾難，小弟卒之選咗#10嘅壽司組合、#19什錦魚生粒飯同#27牛油炒帶子；而老友阿東嘅選擇又係#10嘅壽司組合，再加#24白汁魚柳及#40牛肉烏冬。雖然係各有各揀，除壽司組合外，其他嗰4款嘢都有分甘同味。#10壽司組合壽司類共有6款可揀，都係一客4件咁唔同組合，因

與同事慶祝生日。預先訂了位12:45pm，所以不用等位。我們五個人，選了五份$108自選套餐，每份包三款食品、一杯飲品及一客甜品。食物的選擇很多，有刺身、壽司、飯、麵、炸物、燒物等等，幾乎所有日式的東西都有。雜錦魚生飯 x5：原以為是一小碗的，怎料是很大碗的。魚生及配料的份量很多也新鮮，壽司飯爽焾適中，好味！壽司 x4：叫了不同款，包括三文魚、吞拿魚、油甘魚、黃金白飯魚、鰻魚、蝦、加州卷等，壽司飯爽焾適中，海鮮新鮮美味。刺身 x3：叫了不同款，包括三文魚、吞拿魚、油甘魚、蝦等，十分新鮮美味。正！燒帶子：軟靭適中，但鮮味一般，而且較細粒。雞軟骨餃子：〔沒試〕樣子ok，煎得不會太燶。燒鯖魚：燒得漂亮，不會過燶，也有魚鮮味。凍柑橘蜜：有清淡的柑橘蜜味，味道ok，沒什麼特別，勝在不太甜。熱柑橘蜜 x3：〔沒試〕凍荔枝蜜：〔沒試〕芝麻雪糕 x5：芝麻味香濃，甜度適中，十分好味！$108加一，即$118.8，價錢合理。魚生新鮮也質素好，魚生飯及壽司的份量十足亦好味。座位舒適，地方整潔，侍應態度良好，服務不錯。整體質素十分令人滿意。

一年一次的生日，當然要搵啲好野食，睇OPENRICE介紹依啲食放題，大部份都話好正，所以想試很耐。終於搵到個藉口，俾自己同男友放縱一下食放題。早於星期二已經BOOK左位，因為諗住咁好人話好，而且仲係星期五，一定會好多人。。。。點知6:30去到，都只係四五枱人。。。比預期中少。招呼坐底後，一個好好服侍的女侍應就問我哋會吾會叫左一個刺生拼盤食住先，咁都好，可以一路食一路睇下有咩食。好快就嚟左個拼盤。。。老實講，啲刺生吾係話好鮮美，不過不失吧。之後先叫左兩杯飲品，凍柑桔蜂蜜，都幾清涼，解渴。食放題，當然係好放縱咁叫不同美食，分別叫左：刺生：叫左三輪，一般味道，不夠鮮美，而且吾夠凍海膽手卷：海膽都OK火灸壽司：太燶了加洲卷：少少酸味牛仔骨：很入味，不過好「UN」薄燒牛肉：淡而冇味燒牛脷：第一轉覺得很好食，第二轉覺得好似燶左咁，又咸蒜蓉蝦：夠大隻，味道一般牛油帶子：很入味蒜香蠔：賣相肉酸，但食落還可以炸蠔：炸漿太厚，難入口吉列黑豚肉：炸得過火了，所以好「UN」天婦羅：只有海老天婦羅正常，其他太多炸漿，難入口炒雜菜：好地地一碟炒菜，加左啲木魚碎，搞到好難入口冷蕎麥麵：以為係冷麵，但又加左湯，不論不

近兩星期完成了兩個大 projects，實在感激一班上下手足的全力拼搏！是日一於來個「今日阿 sir 請食飯」，由本少爺做東請吃午飯。同事「靑衣長腳蟹」向來識飲識食，提議了「松家」日式料理。「松家」一向做開日式放提，食物選擇也真的蠻多，有超過五十款選擇，午巿人均收 $108 +10%，可自選任何三款 item，刺身壽司手卷小食燒物炸物鐵板燒拉麵炒飯樣樣俱備。刺身 / 壽司類：「甜蝦 / 䲞魚 / 三文魚 / 呑拿魚刺身」「呑拿魚 / 油甘魚刺身」「三文魚 / 甜蝦 / 黃金白飯魚 / 加州卷壽司」「海膽 / 大葱吞拿魚碎手卷」整體上「松家」的刺身及壽司水準不賴，可能是做開放題，食物流量快，全部海產都頗新鮮，有點喜出望外。朕特別欣賞甜蝦刺身，肉爽鮮甜，䲞魚也是肉質爽實，合格有餘。小吃 / 燒物類：「雞軟骨餃子」熱辣香脆，配上酸甜汁，作為開胃小食很不錯。「厚燒牛肉」牛肉取其嫩滑無臊味的牛柳部位，可惜略為燒得過火，有點兒靱。「蒲燒鰻魚」鰻魚一向是朕最愛用來下酒的料理之一，可惜這道鰻魚很乾，魚邊亦帶有很多細骨。「牛油帶子」味道亦比較失色，雪藏帶子只有牛油味，果然是如菜名一樣。完全不推薦！「什錦

蟹籽沙律：味道一般。牛油粟米：十分清甜，份量足夠。刺身：不是十分鮮味。燒牛肉：味道OK。燒牛舌：比較薄。燒羊肉：十分嫩滑。燒帶子：比較入味，但太細了。燒秋刀魚：肉質較實，比較多骨。蒜香蝦：十分香口，夠大隻。蒜蓉煎金蠔：比炸蠔好食得多，但炸漿太厚。明太子雞翼：有少少辣味，十分醒胃。炸蠔：炸漿太厚。天婦羅：炸漿太厚。雪糕：紅豆雪糕和芝麻雪糕最好味，菠蘿味比較特別。總括來說，都算抵食，適合一大班人一齊去，可以試更多嘢食。

响中環食午飯, 普普通通都要$40$50, 一D都唔平但松家嘅午餐相對抵食如果你能12:45前離座, 午餐有半價!而且佢地無將貨就價, 食物質量無欺場. 讚!$128半價=$64不過加一就用正價計

刺身款式多，新鮮好味，熟食也很好，最差係成曰趕人走，5：30-8：00時段，7：30已經last order, 7:40開始waiter已經不斷走過嚟收食物，未到8：00已趕人走，但門口係冇人等緊！

尼到係去過兩次!第一次黎系晚飯7:00時段, 要二佰幾, 可算是較好的放題,每次落單都無漏嘢,好似魚生、甜虾叫幾多比幾多,唔馬夫, 有我喜愛的希靈魚刺生, 海膽只有做手卷一款,帶子細細粒,大部份食物味道係中上, 雞翼係比較突別好味,香脆兼嫩口。飲品有啤洒, 就連熱薑茶都有,還有質數唔差的雪糕任叫任食, 總好過它放題送一粒仔雪米糍囉, 缺點就係無熱窩食。就因為質數好坐得比一般放題舒適唔會Big, 所以就連他們推銷的信用咭免年費及每次有九折都申請左。第二次系黎宵夜9:00時段,佰幾, 一坐埋枱侍應就立即通知今晚雞翼賣晒, 失望囉,我們再追問仲有乜嘢賣晒? 她肯定地回答沒有了: 宵夜時段總要有心理凖備有嘢賣晒不過總括尼間食物質數及價錢合理。

由於有位同事好鍾意食放題，昨晚一班人又book左松家試下。約7時多去到該店，環顧四周裝修雅致，座位寬敞，比其他放題店討好。至於食物種類方面則比較少。綜合同事們的意見如下:明太子雞翼 - 咸烏冬 - 太林，不是手打烏冬.....甜蝦 - 不新鮮、沒有鮮甜味火炙壽司 - 可以接受，但不明白為什麼不可以單點鰻魚等...一定要配上壽司飯沙律 - 普通牛油帶子 - 只有牛油味薄牛肉 - 味道不錯青口 - 偏咸海膽手卷 - 只有很少海膽!! 味道淡，不新鮮刺身 - 很重雪味....看見之前openrice有網友說東西太淡...不知是否為了改善這問題而矯枉過正所以很多熱食都偏咸。此外又看見之前有人post過海膽手卷的海膽份量頗多....這次真的是失望。雖然味道不算難吃，但大家都決定唔會再黎.....二百多元吃這樣的東西...我還不如去吃一百多元的好了..

第一次來這裡吃飯(lunch)。環境ok!如二人,可坐卡座,自成一角。除了fixed set lunch外,也有從四十多款的小食/主食中,自選$108的套餐。不想揀,便選了雜錦魚生飯$98。同事吃的「自選」,相片與實物差很遠。相片是合理size大小,實物超細!如吉列豬扒,實物只得三小片,嚴如薄版本麥樂雞!所以他,吃完一份餐,忍不住,再叫多一份。我覺得我的選擇─雜錦魚生飯,成為眾多選擇中,最出色!魚生令立立,很新鮮!感覺上魚生份量多於飯。飯又夠醋味,正!還有,比較有心思的開胃小蕃茄火龍果生菜芒果沙律。好過求求淨生菜「沙律」啊!同事在此吃過晚上放題,都ok咕喎。吃飯又一新地方喇。

大部份時間晌大陸做嘢嘅死黨阿東，啱啱要落返嚟開會，少有咁晌閒日係香港，難得佢約小弟一齊食晏，就算公司包伙食都要出去同佢一齊食啦。突然叫食飯，仲要晌中環，中環食晏好似蝗蟲攻城咁丫嘛，又想食得舒服，要夠靜局傾偈，真係對我有啲難，幸好公司周時有幾本飲食雜誌睇門口，又「拿拿淋」上網摷一摷料，就搵咗松家。其實都知佢開咗段日子，日頭多數做定食，夜晚就做放題，網上食評都唔錯，雖然食個晏平均要百鬆啲，但睇嚟質素都應該OK，即刻訂位先。約好12:30pm，小弟就先去攞位。環境確實幾清靜，深啡牆身同間隔，紫色梳化，有部份卡位仲有高身通花隔住，私隱度再多啲。可能時間尚早，都只係幾成人，不過到1:00pm，眼下所見，都差唔多坐滿全場，中環食晏就係咁，多好地方都爆得緊要。兩個男人，自然唔使多諗，定食搞掂，壽司、魚生、咖喱、鐵板燒，有飯又有麵，悉隨專便。平嘅七、八十，貴嘅去到百幾、二百，收加一。咖喱豬扒飯定食 $98- 咖喱飯定食有三款選擇：牛肉、豬扒、雞扒，小弟就揀咗咖喱豬扒飯定食，附有麵豉湯、沙律、鹹菜。- 麵豉湯味道幾濃，又無過鹹；沙律係啲生菜、芒果、火龍果，叫做湯後飯前清清味蕾；而鹹菜，今次食到嘅係中華沙