東薈軒海鮮酒家 (已結業)

今日放假，同老公去東涌行吓outlet，順便飲早茶。揀咗東薈城二樓嘅東薈軒試吓。早茶星期一至六 7:30am – 11:30am小點$8,中點$13,大點$16,特點$21, 茗茶每位$5。仲有智慧型點心，每款只得兩件，適合兩個人或食得唔多嘅人嚟食，可以叫多啲款式。因為咁早，唔食得太多嘢，一共叫咗六個智慧型點心同一個煲仔飯。 鱆魚雞粒飯 ($9.8) --- 雖然細煲咗啲，但味道幾好，因為係第一個上嘅点心，急不及待去吃，忘記影相 京式叉嬈包 ($6) --- 汁多，个包夠熱，OK 奶皇流沙包 ($10) --- 个包好流沙，蛋黃夠香甜，好味 紅油抄手 ($8) --- 都幾辣，我對這个點心就一般，不過老公就頗愛紅油抄手，幾乎去親飲茶有呢个點心都會叫 蓮藕煎蝦餅 ($8) --- 呢个唔錯，啲蓮藕幾爽，而且煎得幾香 豉汁煎釀青椒 ($8) --- 老公話都幾好食，我對青椒一向都係一般，唔算好鍾意食 鮮蝦腐皮卷 ($11) --- 呢个唔錯，唔太油膩，加上我一向喜愛食煎炸嘢，不過老公話煎得乾咗少少。埋單$78，仲可以簽卡，唔錯。侍應服務都幾好，不停冲水，埋單都有講多謝。

一家廿幾人叫了兩圍晚飯套餐興祝BB滿月, 先唔講食物好壞, 單單七點半叫起菜叫到八點先至有併盤到已經唔多高興. 第二味嘅龍蝦伊麫味道尚可, 諗住加番d分, 點知後續完全唔掂. 每個菜都隔3,4個字先上, 足足食到十一點至埋單. 大佬呀, 間酒樓鬼死咁遠, 返到屋企沖得涼上床都一點啦, 第日係星期一要晨早返工架.講到食物就真係一般過一般, 除咗龍蝦伊麫值60分, 其餘30-40分不等, 個蟹皇翅最冇得頂, 簡直係金寶湯加水再溝漿粉, 完全有美女X房試食0分菜式要吐落垃圾桶嘅feel . 好唔明, 裝修都算係幾企理, 點解要搞到如此水準. 唯一合格係d姐姐的招呼

一大家人來慶祝生日, 坐了兩圍 26 人, 食物質素一般, 不是很差但亦談不上好.最後還只給共 4 小時的泊車優惠, 我們 26 人來食, 埋單七千多元, 但卻說泊車優惠是每張單計的只給兩小時, 我們兩張單所以只能給四小時. 這規則簡直在趕客, 經理不懂變通, 雖然一小時只是$13, 但還是氣得冒煙, 索性貼士都不給便離開, 永遠不會再來.

因為其他地方太多人,見呢度有位就係度食,食左好多樣菜,味道都係一般,但bb乳鴒就真係覺得唔錯,味道夠,而且好入味,如果鍾意食的朋友可以不妨試下,價錢又平,記得大約係三十幾蚊就有一隻!不過略嫌冷氣過大,d菜黎到就好快凍哂!

上個禮拜日約佐朋友入東涌打麻將，就約係呢度飲茶先，去到已經遲到成個鐘，沒辦法，入東涌真係好遠。 我同肥佬去到8個friends已經吃到 7788～坐落，再點佐輪~ 炸魷魚點佐兩碟都唔夠吃，應該幾好味，可惜我剛拔智慧牙，所以無緣一試。蝦腸好得，蝦夠大只，d腸粉又滑！ 鳳爪好難吃～糯米雞沒乜特別～ 蘿卜糕未有機會吃就沒曬了，煎堆和粉果 怕太硬沒吃。巨地見我唔吃得嘢，臨尾叫佐煲雞粥，我就覺得麻麻，不過其他人吃得津津有味～甜品我叫佐個芒果布甸，一般～ 不過我F食既椰汁燉奶賣相就好好啦～ 埋單$595，真係好似沒吃到咩嘢～可能我們來得太遲了，也吃得很匆忙～

去 Disneyland 前入東涌行下 outlets, 呢度d outlets 都唔係太抵，好多d價錢仲只有七折左右，都唔似外國的 outlets 咁，大部份二三折咁。都要食個下午茶才去 Disneyland 的，因為已預計 Halloween 一定好多人架喇。我地就黎呢度飲個下午茶啦。點了牛肉腸，XO醬炒羅白糕，韭菜餃，威化香蕉豆沙，栗子蒸排骨。牛肉腸好好味，個皮做得好好，好薄。威化香蕉豆沙，好香脆，又唔太甜。栗子蒸排骨，好特別，出面無食過，栗子好香甜，不過排骨稍肥。XO醬炒羅白糕，炒得唔錯，好多蛋絲，不過XO醬味稍少。特價$11.8, 東涌來說不算便宜。

本身住o係東涌，所以都成日去東薈軒飲茶，而家俾返個overall comments佢佢d點心不嬲都幾有水準，我尤其最喜歡佢既腸粉，d皮好簿，好通透，口感好好另外佢既燒賣都係好好架，好足料最近午市食左個布普理蝦，d汁好香，好入味海"折"又好爽呢度環境又好，超大既落地玻璃，感覺好舒服同光猛，係平時開飯既好地方~

成日驪人講東薈城好多平野買...好多outlet..今日`終於可以同男朋友去行下啦.頭先食野先..見到佢有個Food Court ..原來又係太古的大食代...即刻冇咩興趣!啱啱見到有間酒樓.又見到佢有特價下午茶.大中小都係$10.8..咪去食下囉!這間酒樓分別有2層,我們安排了2樓的位置.2層都分別有很多的位!星期6日飲茶都應該唔洗點等位!我們分別叫了:手拉腸粉 (好滑好滑)燒賣奶王包 (真係流沙的..熱騰騰)小籠包 (賣相唔係好得)粉果 (好味呀..大大隻)

我去年在太子聯邦訂位擺酒, 送了一本coupon書給我, 內裡有所有聯邦旗下各店的coupon, 有折扣o 我有次和家人在東薈軒晚飯, 用這coupon, 他們說不能用, 因為未見過, 我立即在全酒樓數十人面前, 省到個部長立立令, 我叫佢打電話出太子搵郭經理, 問下張coupon係堅定流, 他們又推說未見過, 又話要請示分店經理, 他們擾攘一大輪, 才收那張coupon.在其他的店, 真係未有過這種不愉快, 從來不會有人說"未見過", 有你們貴公司的真實印章和經理親筆簽名的, 不是那些大量印刷的簽名, 經理要全本coupon逐格簽名, 逐格蓋印, 無得花假, 離晒大譜o 我真係未見過咁離譜的服務水準o上週六早上, 我家在東薈軒飲早茶, 叫油菜, 竟然上面有隻死烏蠅, 離晒大譜的o

其實地方是不錯的、環境也很寬敞，之不過自己的評語只有是：「好眉好貌生XX」、「金玉其外XXXX」。** 十個區外客或是遊客，九個都要等好耐然後通知你沒有、不過就照入你數，最後就連計錯數都不會道歉... (少左外塊、你話仲點會同你Say Sorry 呀)

星期日自己一個人叫了一個鳳瓜排骨飯（點心紙講明是小點）另外一籠山竹牛肉，埋單連一位茶計加一合共五十一元．嘩！兩樣都係小點都唔明點解噤貴的？不過晚飯水準都ok, 價錢也合理．

o個日同媽媽由屋企出發去東涌諗住o係o個度搭機場巴士去Airport臨搭車之前去左東薈城唯一既酒樓飲早茶諗住d野食應該不過不失點知.. =_=呀提一提其實o個度環境幾ok地方大裝修唔錯幾舒服又有大電視俾你睇不過係d冷氣勁左d我地兩個人叫左好少野蝦餃--個人比較鐘意食佢個皮南翔小籠包--哇勁唔得..初初expect佢好juicy好有口感!點知一滴汁都冇!勁乾!粟米粥--差!!完全冇粟米味!好似食緊白粥再'嬸'd栗米上去咁!好似另外仲有叫野不過事隔幾日唔係咁記得~淨係記得叫左d野等左ok耐先黎!!比起同類型既中式酒樓..lee間真係唔係咁得!

其實東薈軒, 聯邦皇宮, 金滬庭都係under 聯邦集團當中以東薈軒價錢平少少公司在附近, 平日lunch 來飲茶, 大約每人$50-80.食品水準中上, 有甜品送.

都係普通酒樓野.. 冇話邊d野特別好食..聯邦集團來講, $$ 算ok, 係服務真係麻麻地!!

同親戚黎左呢間東涌較有體面的酒樓食飯。點知........間野人手極之唔夠。除左帶枱之外，一行人坐左嚮度十分鐘都無人理。叫侍應攞多對餐具，一係無人理，一係嗌『等等』(但五分鐘後亦無回音).....人手唔係少成咁呀。叫野飲，單無落，野飲去如黃鶴....再唉...家常小菜好細碟，味道好好好普通，完全無印象食過d乜。