14
0
0
食評 (16)
等級4 2019-11-25
303 瀏覽
東薈城二期開了很多特色的餐廳,今次我食左呢個韓式fushion菜,這間餐廳走文青路線,除左有傳統韓國美食。仲有蛋包飯、意粉、厚蛋三文治等等的fushion菜!!餐廳裝修雅致,仲好適合一班女仔去打卡。韓式厚蛋三文治($68):鍾意食甜蛋的你一定唔可以錯過呢個三文治, 厚蛋嫩黃質感柔軟,味道甜甜地,配上蜜糖芥末醬令人一口接一口等不下來。蛋包飯炖牛肋骨:店員一切開就聞到滿溢著蛋汁包住香噴噴嘅炒飯,鷄蛋非常嫩滑加上香濃嘅牛肉汁,帶少許甜味。牛肋骨軟霖入味,肉色潤澤令人食慾大增。青醬大蝦意粉:蝦大隻之餘肉質爽彈結實,又不失蝦味。意粉軟硬適中,我最爲喜歡的是這個青醬,有吃有啖啖的羅勒味道之餘,令意粉食起來富有層次。餐廳的飲品都唔錯的,味道都好清新的,絕對唔係得個靚字!!! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-14
282 瀏覽
好耐冇入過東涌行街 朋友話嗰度岩岩裝修完 好多野睇同行 店外望落好簡單 入到去簡單得黎好清新嘅感覺 仲有唔少乾花嘅裝飾 小清新 文捐風 感覺好舒服前菜佢有啲酸羅白青爪個啲 食落好酸 勁開胃 韓式厚蛋三文治有兩大舊三文治 個蛋係超級厚 好正 入面搽左芥末醬 估唔到個醬同個蛋出奇地勁夾 仲有淡淡蛋香味 招牌咖哩豬扒飯份量好大 仲有好多件炸得好鬆脆嘅豬扒 個咖哩汁唔錯 送飯一流 甜得黎有啲辣 但個隻辣係令你食完會想繼續食🤤咖哩炸雞蛋包飯一上到枱 個staff會幫我地切開個蛋 睇住入面啲半熟嘅蛋漿流出黎好治癒嘅感覺 蛋味濃 好滑 配合啲咖哩汁食 一流 入面個飯都足料 有啲牛肉粒係入面 令到成個飯口感再豐富啲 炸雞好香脆可口 甜品紅豆忌廉蛋捲好鬆軟 入面嘅cream又滑又香 夾埋啲紅豆蓉黎食都唔會好甜 而且細細件 岩岩好飲品方面士多啤梨沙冰好有少女風 賣相好靚 而且飲落酸酸甜甜 味道清新 唔會係假糖漿味 棉花糖朱古力朱古力味好濃郁 但唔會死甜下次仲想再黎食其他野食😋 繼續閱讀
(以上食評乃用戶個人意見 , 並不代表OpenRice之觀點。)
知道東涌citygate 最近新開不少店舖,正要到來血拼!肚餓之際經過這間最近開張的韓式西餐廳!裝潢精緻 而且骨子;旁邊的女孩雙眼發光嚷著嚷著就走進去了。坐得舒適,確係無械可擊~當然要先來一杯棉花糖熱朱古力chill一chill!棉花糖微微燒焦,加入拉花熱朱古力上,一百分漂亮!嘆朱古力之時,小食上台啦~韓式厚蛋三文治!確係非一般既厚! 一口咬厚蛋,蛋甜身軟,配上芥末蛋黃醬,滋味啊~招牌牛肉汁蛋包飯~!蛋包飯係我最愛之一!要做一個美味又好看既蛋包飯好難拿捏,蛋心不能太生,否則太軟;又不能太熟,否則沒有流心。完美蛋包飯莫過於這樣一切開,蛋醬流心,僅熟。配搭牛肉汁好好味!然後要來的是青醬大蝦意粉!待應哥哥即場幫我地刨芝士上去,作為芝士狂當然要瘋狂落,待應哥哥真係等到我叫停先停。大蝦足有6,7吋長,蝦頭充滿肥美蝦膏,肉身彈而爽!意粉軟硬適中,配青醬味道十分夾!最後,食飽要再chill下,當然需要果茶。呢杯水蜜桃茶,甜度就剛好,解飽之餘又香,十分醒神。 繼續閱讀
(以上食評乃用戶個人意見 , 並不代表OpenRice之觀點。)
‘반찬앤쿡Ban Chan & Cook 📍Shop 334, 3/F, Citygate Outlets, 18-20 Tat Tung Road, Tung Chung, Lantau, Hong Kong반찬앤쿡Ban Chan & Cook 終於係十一月九日於東涌東薈城商場三樓開幕啦,呢個新晉韓國🇰🇷品牌主要以韓式輕食營造有點小清新CAFE的風格進駐。🥪🍴 Cafe 裝潢以木材自然色系做主調,空間簡潔明亮,而且提供多款韓國🇰🇷美食,除炒年糕,煎餅等,更有蛋包飯、厚蛋三文治🥪既fusion 菜,啱曬打卡 📷點餐之前送上前菜,係酸蘿蔔同青瓜🥒,酸味恰到好處,開胃一流。韓式厚蛋三文治🥪配沙律🥗(HKD 68):嘩,厚蛋好似玉子燒咁呀,食落原來係凍既,好似刺身個款蛋咁,甜甜地,原來因為面包🥯同蛋之間塗上牛油🧈同芥末醬,味道好夾之餘,仲好飽肚🥚。 咖喱🍛炸雞蛋包飯(HKD 108): 上桌時,蛋呈八成熟嘅狀態,侍應係蛋中間切🔪開,令蛋好神奇地包住個飯,蛋好滑身,濃濃蛋味。咖哩味做得好出色,一點都不辣🌶,香濃而不膩,而且飯粒用牛肉醬汁炒好,甚至有牛肉粒係入面,飯粒比較挺身有咬口。炸雞超脆,皮薄,雞肉嫩滑。青醬大蝦🦐意大利粉(HKD 96): 有新鮮開邊大蝦🍤,已經開埋邊,啖啖肉,食慾大增🦐。意大利🇮🇹粉煮到剛剛好,吾會太焾身又吾會太硬有咬口,滿意😚。 到左甜品時間,叫左個紅豆忌廉蛋捲 🍰(HKD 48)蛋捲好鬆軟,忌廉軟滑好香,紅豆綿密而且較甜,不過兩者加埋就完美融合。🍩 OREO 沙冰 🥤(HKD 45): 沙冰打得好細緻,朱古力🍫味好甜,但又吾係死甜個種,仲可以見到有濃濃既忌廉係面層灑上可可粉,而朱古力🍫都有三種分左吾同層次,再配上一塊OREO 點綴一下,完美。玫瑰🌹鮮奶咖啡☕️(HKD 38): 玫瑰乾花瓣灑滿在咖啡☕️上,鮮奶咖啡奶味好重,打出好多泡泡,令我可以上演一場秘密花園情節😂,嘴邊沽上泡沫。可愛的粥。#東涌#banchanandcook #koreanfoodlover #oreo#玫瑰🌹鮮好咖啡# 紅豆忌廉蛋捲#韓式厚蛋三文治 #咖啡炸雞蛋包飯#青醬大蝦意粉🍝 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-06
0 瀏覽
韓國新晉品牌「BANCHAN&COOK」殺入港啦以韓式輕食為主打食到韓國傳統小食之餘仲有結合左韓西式嘅FUSHION菜款款都勁吸引係百忙之中都忍吾住要專登去探一究竟.餐廳行韓國小清新咖啡風格裝潢以木材同自然色系為主再佈置左大量嘅乾花做裝飾加上簡潔,明亮同寬敞嘅設計空間感十足,比到我舒服放鬆嘅感覺.臨近聖誕,餐廳都相應推出左聖誕套餐1個招牌蛋包飯2個韓西式新FUSHION菜2杯飲品都只係$486,非常抵食呢.不同於一般蛋包飯蛋同飯係分別呈現巨型厚身蛋放係調好味嘅拌飯上店員會即場為我地切開柔軟而濕潤嘅半熟蛋展開而覆蓋哂成個飯賣相充滿動感,令人眼前一亮PS呢到前後有兩個影相位架巨型蛋加入左青醬,所以係青綠色配上橙黃色嘅龍蝦汁,好有聖誕FEEL裡面有大大粒嘅龍蝦肉架爽口彈牙,鮮香味濃.以香草同忌廉熬煮成醬汁條條意粉都沾上翡翠綠,好creamy 呀意粉軟硬度恰到好處,爽口彈牙火雞肉入口柔軟嫩滑,厚身又實肉.論視覺效果,呢款就最犀利啦迷你鐵爐盛載住大大舊炸豬扒周圍滿佈大量嘅芝士同泡菜隨着火嘅燃燒,慢慢融合輕輕一拉就有拉絲效果啦,好邪惡啊味道雜合住甜,酸,辣,大讚.咖啡表面灑上糖霜再用火槍燒焦濃郁香滑嘅咖啡配上薄脆焦香嘅口感,一流.引起少女心大爆發就係呢款啦士多啤梨沙冰上面堆滿鮮草莓中間仲有一層CREAM鮮甜之餘,入口更順滑.蛋卷好柔軟,空氣感十足蛋香味好濃郁,配上紅豆蓉同忌廉多種口感,多層享受 繼續閱讀
(以上食評乃用戶個人意見 , 並不代表OpenRice之觀點。)