40
8
3
港鐵尖沙咀/尖東站 C1 / L5 出口 繼續閱讀
所有分店 (4)
電話號碼
28772938
營業時間
今日營業
11:00 - 23:00
星期一至五
11:00 - 23:00
星期六至日
10:30 - 23:00
公眾假期
10:30 - 23:00
付款方式
Visa Master 現金
其他資料
網上訂座
電話訂座 詳細介紹
有關獎賞計劃
食評 (74)
等級1 2020-01-28
109 瀏覽
揀咗東海薈幫我媽慶祝生日同家人飯聚,係2020年一個非常錯嘅決定,招呼好渣!!食物仲差!!以下內容並冇加多減少,先講招呼,每次茶壺要加水都要我哋自己出聲叫,全場只有6至7成枱有客坐,人手睇到係絕對足夠,但啲樓面除咗會自行將每碟餸菜放落枱之外,其他事項都係要叫先會做,食物方面,我哋13人叫咗個鼠年歡聚宴套餐,夠食冇加餸,除咗碟頭抽煎海虎蝦比較好之外,其他嘅...............條魚蒸得好老,啲肉好(孩); 碟鮑魚好硬身,食擦膠一樣,已經忍住冇出聲照食,最離譜嘅係糯米飯 & 紅豆沙湯圓,糯米飯上枱後,放入口發現只係暖暖哋唔熱嘅,即時同樓面講,佢嘅回答係: 冇理由㗎,啱啱响廚房攞出嚟,人哋隔離枱都冇你哋咁煩,我都好客氣咁叫佢拎入廚房再炒熱返; 紅豆沙湯圓,我媽咬咗一啖湯圓即刻叫唔好食住,話湯圓未熟,同時亦有家人咬咗都係話未熟,我忍唔到啦,要求樓面叫經理過嚟,我將有問題嘅都講出嚟,話已經忍無可忍啦,點做生意,經理亦只係好官腔口吻回應: 唔好意思,我幫你哋換過新嘅紅豆沙湯圓,我唔俾佢哋收走食唔到嘅紅豆沙湯圓,要求佢哋攞新嘅出嚟先好收走,最後埋單4千7,食落背脊骨!唔會唔會唔會再幫襯呢度!!! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-13
4778 瀏覽
東海薈lunch飲茶真係好抵呀!仲要喺呢間北京道1號上邊嗰間東海薈,對住個維港靚景飲茶,仲要咁抵食,真係無得輸!平時lunch同一班同事/同客食飯都唔太失禮!呢排長期做緊優惠,成張點心紙六八折呀!點心紙選擇都算好多,佢抵到連小食炒飯炒麵都有埋折,真係誇張!兩個人,叫咗5樣點心,1個小食!點心都係熱辣辣,粉果加小小辣椒油好食呀,蝦餃都唔錯,馬拉糕都係熱辣辣又唔會太甜好鬆化,鹹水角就普通咗啲!小食我哋叫咗一份滷水鵝翼,估唔到佢哋整得唔好食,鵝翼處理得唔係好乾淨,而且啲皮好厚脂肪,完全唔入味,小小失望!不過佢哋嘅點心質素都OK嘅雖然係68折,唔會因為做優惠平左而降低食物質素!兩個人五個點心一個份小食,連埋茶位加一total 先係$250,抵食! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-19
3026 瀏覽
今日係新同事既Welcome lunch,秘書揀咗來呢間位於北京道1號既東海薈。一入酒樓,你會發現係全海景落地玻璃,非常開陽,環境相當舒適。秘書為何會揀這裡既主要原因係,呢排做緊promotion ,價錢相當抵,但惠顧所有點心都係68折。於是,我們一行26人,就來咗東海薈開餐。再點一啲浮誇既點心。我最有深刻印象既就係呢群天鵝🦢,嘩幾鬼靚,用來打咭一流,但味道就一般了,有啲似芋角既質感。而其他點心既味道都係中上既水準,以有折扣來講,相當抵食 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-17
3127 瀏覽
好姊妹又要聚一聚,難得今晚咁齊人,小朋友同老公都一齊嚟,啱啱好夠坐一圍,朋友J就決定要食大家聚會咁耐都冇食過嘅中菜!呢間東海會喺尖沙咀北京道1號,初初諗住食中菜係冇咩特別嘅,不過上到去地方嘅幾寬敞,唔會好迫,仲有落地玻璃窗邊景,唔會好似平時啲酒樓坐得咁辛苦,非常舒服。除咗環境,食物亦令我喜出望外,我哋叫咗燒鵝王,放上枱傳來陣陣香味,燒鵝皮香肉汁多,圍枱轉左一圈已經食晒一碟,又係必試佳品!呢度嘅椒鹽鮑魚亦都非常惹味, 不過食海鮮我自己就鍾意清蒸多啲,保留原汁原味呀嘛!值得一讚嘅係佢唔只好食,賣相亦都好靚,淨係擺盆已經吸引到人!!咁大班人梗係要叫返個龍蝦伊面!龍蝦大大嚿好多肉, 老公最鍾意食!伊面唔會太淋,加埋啲汁味道剛好👍🏻👍🏻仲有一個砂鍋海鮮豆腐煲,有帶子,蝦等等,落足晒料!用砂鍋煮加埋啲配菜又香又惹味其他菜式好似京都骨,蟹肉扒菜苗,雜菌上湯浸菜等等都好味,不過就唔夠上面嘅出色啦⋯⋯估唔到呢度環境食物服務質素都有返咁上下,下次要試吓黎飲茶先得! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-29
4508 瀏覽
中午同同事去尖沙咀一間酒樓食飯,要答lift上樓,上到去,估唔到係全海景落地玻璃!酒茶飲到咁高級同咁有情調都係第一次叫左個麻辣雲吞,辣度適中,有啲辣湯加上十隻小雲吞,唔太油膩但又可以食少少辣野過下口癮,上品。又叫左個墨魚條,外脆內軟,又爽口,墨魚好足料,正 繼續閱讀
(以上食評乃用戶個人意見 , 並不代表OpenRice之觀點。)