東海海鮮酒家 (已結業)

我地4個人都揀左蟹皇餐, 每位HKD468 (免加一茶介)。每兩位送花彫酒一壺1 高湯花膠排翅 -- 好多翅同花膠湯濃, 但有D腥, 見意落紅醋2 蟹粉小籠包2隻 -- 好大隻有蟹粉味, 多汁多肉3 江蘇大閘蟹皇1隻 (真係幾乎同隻蝶個圖一樣咁大隻) --- 勁多膏, 好甜再加埋佢既鎮江醋超好食, 依隻蟹食左一個鐘...4 蟹粉蒜蓉包 --- 包拎到黎凍左, 再加上個蟹粉就覺差D5 蠔皇鮮鮑扣抽皮--- 隻鮑唔係大隻好入味, 抽皮麻麻地6 酸辣湯手打雲吞烏冬 -- 小辣小酸, 估唔到係食落好滑同彈牙7 薑茶湯圓 --- 依個我覺得一流, 好重薑味, 夠辣個湯丸皮薄最後都要加個東海最出名既壽包, 蛋黃漏油 good

原本開開心心慶祝60大壽, 早於六月份在尖沙咀東海酒家預訂兩圍金桃宴, 於八月二日和親友享用。八月二日本人和眾親友一行廿二人, 於當晚享用該金桃宴, 誰知吃出一肚子氣。首先上桌的乳豬, 燒到面黑黑, 又唔熱, 又唔脆。第二油泡帶子蝦球, 每人分不到一隻蝦球, 帶子更加不用說, 只見墊碟子的甜豆。再來, 炸子雞, 好似乳鴿那麼大, 又唔熱, 又唔脆。珊瑚上湯蟹鉗, 好似食隔夜既魚餅咁! 裏面仲凍既!招牌壽桃包, 以前係原隻蛋黃。而家只係四分一隻! 仲肯定係返蒸既! 又唔鬆軟、硬崩崩! 大佬! 連加一要成五千五蚊一圍架! 兩圍共廿二個人, 都冇人滿意! 以前鄙人父母也在東海新世界舊址擺過壽酒! 各人也頗為滿意, 現今呢間東海完全唔掂!!!! 招呼也不太好, 成晚黑口黑面。

前幾排，識食美女生日。咁就擇左日過黎呢度食飯，呢晚所見都算幾多人既。可能星期日既關係，會比較多人。雲吞菜煲其實無乜特別既，雲吞算幾大粒。不過菜就真係無乜特別，純粹都係想食下菜而已。魚香茄子煲又幾好食，茄子好好味，又夠淋。而果汁就鹹左小小，最就係送飯食。脆皮燒肉無燒味舖既好食，始終好多都係好瘦好瘦既燒肉。呢個就差啦。好彩，個皮都幾脆既。燒鱔又有料到，燒鱔真係好香。個皮又脆，而且肉又唔算太鞋，食得過。甜酸骨肯定唔係叫呢個名，比較似咕嚕骨。甜甜酸酸好開胃。甜品紅豆沙湯丸都唔錯，好香好滑。但每碗只得一粒湯圓。呢餐飯真係食得幾開心，識食美女食得好滋味。睇黎下次可以去第二地方，可能食得仲開心。

今日全體同事過尖東飲茶~外加2位唔同公司的IT界的鉅子~有同事食過話OK~我特別提醒2位貴賓記得”真係”要叫自己想食的點心~因為我的女同事們主要都是叫甜點為主~所以今天的點心特別豐富~鮮蝦腸粉─很滑!!海鮮卷─一般!!蝦膠鑲油炸鬼─夠特別，口感不俗!!燒賣─不錯~流沙包─呢個就真係比唔上好味~燒肉─好好味!!老土地講「皮脆肉滑」!!最愛的雞扎─熱辣辣!雞夠滑!肚入味!!正!!!

媽咪同我預祝生日，我提議去食大閘蟹。見到東海每位只收$260 (全包)，好抵！所以試吓！1) 魚翅佛跳牆喱個好足料，好飲呀！2) 蟹粉小籠包 (每人兩隻)嘩！好食到不得了，勁多蟹粉，肉汁多而濃，very good!!!!!!!!3) 大閘蟹 (每人兩隻)雖然唔係好大隻，但都算唔錯！啲膏都o.k.多......4) 蟹粉蒜茸包即刻整熱啲蟹肉，再塗上蒜茸包食，正！5) 上湯灼時菜好鮮嫩、清甜6) 牡丹蝦手打烏冬平時我唔係好食烏冬，但今次真係幾好味，烏冬勁彈牙！7) 八起薑茶丸子好味呀！好重薑味，I LIKE IT!!!!!!講真，我對食大閘蟹無咩要求，唔食得太多，所以東海嘅份量都令我好滿足。同埋$260全包，咁嘅價錢，真係好抵食呀！

要了個約千三蚊既魚翅鮑魚餐，雖然話 for 6 位，不過我覺得 8 位都夠。星州琵琶乳豬 - 有少少肥，不過都夠脆皮，可惜件數一般發財蒜子柱脯 - 瑤柱係有幾多既炸子雞 - 肉多骨少原隻鮑魚扣花菇 - 最中意食鮑魚同花菇，不過鮑魚略嫌齦左 d紅燒雞絲翅 - 無驚喜，好似無乜料咁老虎斑 - 正常海鮮卷 - 食唔出 d 海鮮，食到脆醬 only油浸蝦球 - 蝦就好大長壽伊麵 - 夠乾身，同埋其實已經好飽要外賣有個唔知係咪椰撻咁，個個幾得意，好過中式糖水。東海好出名既壽桃包 - 好大過呀，不過個蓮容幾滑，同唔會溜既 feeling服務 ok la，好難搵到人幫手影 group photo...又未致於好差既呢間

去親東海梗係會食下d鮑參翅肚,不過呢d成日都介紹,今次就講下佢既另類推介啦,就係呢款個個好似拳頭咁大嘅壽包,每個都有一個咸蛋黃,最鍾意食呢d咁滑嘅包面架喇!而呢碟係即包即煎嘅石龍煎芋角,連我最怕食芋頭嘅都覺得好香好好味,裡面仲有d肉碎同菜,熱辣辣兼脆卜卜!不過除左呢兩樣之外,其他嘢就認真麻麻!

29.10.07朋友早上突來電邀約生日飯, 沒問題. 估不到朋友邀請吃大閘蟹宴. 兩人點了:1.蟹膏蒜蓉多士: 好好味, 蟹膏內當然有充足的蟹肉相映. 雖然蒜蓉多士搶了點味, 有點浪費, 但終於都被我整整幹掉.2.雞湯翅: 有雅緻的瓷器小火爐烘著, 那翅畼到最後還是暖暖的, 賣相又靚, 抵讚. 湯底雞味幾濃, 翅一綑綑, 係我喜愛那種, 至少唔會食唔到. 若翅再多點就好了.3.蟹粉小籠飽: 用湯伴上. 蟹粉好香, 但皮厚了點, 比起翡翠個d. 但都ok. 已經有點飽飽地…點算?!4.兩隻蟹皇大閘蟹, 七両 : 嘩, 唔使咁大隻呀?! 好飽, 雖然係公, 但都好多膏, 腳仔都有油漏咗出嚟! 膏好多, 吃完第一隻, 已有點滯, 很想打包. 但又担心之後不好吃. 好啦, 吃埋佢啦, 就係咁, 第二隻蟹, 我吃咗膏和”摃”, 沒有吃它的腳腳了.5.係手打烏冬: 本已在半放棄狀態, 點知, 一吃, 不得了, 很滑, 很彈牙, 很好的烏冬, 有點久違了的感覺. 真記不起上次係何時吃過這麼彈牙的烏冬, 在日本吧?!6. 芝麻湯丸: 很滑, 芝麻好香, 配濃薑湯, 好味.很少對東海有如此高的評價, 想

點了半圍套餐乳豬-幾脆XX炒蝦仁-ok瑤柱發菜生菜-ok翅-非常一般海參鮑魚-麻麻炸雞-幾好蒸老虎班-由於無期望,所以反而覺得幾好,蒸得剛剛好壽包-無以前咁好食,皮好韌芝麻餅-幾好,夠多芝麻乾燒伊麵-幾好,唔算好油服務唔掂,侍應大部分反應極慢同佢地講野,又唔應人

年卅晚, 一行6 人, 叫了半圍套餐.1/ 半隻燒乳豬(加海浙配菜) . 都幾好食.2/ 蜜糖豆炒蝦仁. 蝦仁外面爽滑, 蝦仁入面也有少許蝦味. 個人估計... 外面爽滑係因為用o左硼砂.3/ 半隻炸子雞. ok4/ 蒸石斑(估計是一斤以下) . 十分鮮嫩. 頗有水準.5/ 燴海參鮑魚. 唔合格! (不過海參都ok.) 鮑魚有點韌不特止, 鮑魚本身的牙齒仍未清除, (恐怕鮑魚的內臟也未能完全清除) , 最離譜係... 我食果隻鮑魚的味道唔單止淡、 咬到中芯的時候, 汁液中竟然帶有頗強的苦澀味, 我吐了出來, 用水清洗口腔之後, 再咬第二啖, 一樣係咁苦, 卒之要投降, 棄掉了!6/ 燴江瑤柱髮菜蠔鼓生菜蒜子. 有點水準.7/ 蟹肉扒西蘭花. 蟹肉完全無味! 唔合格!8/ 碗仔翅. 一般.9/ 叉燒蘇, 很好吃、很有水準.10/ 壽包. 一般吧. (有點失望...) 大概是它的皮厚了一點吧, 也可能係我的口唔夠大...... 總之, 第一口咬落去,滿口盡是粉皮,十分冇癮...

咁遲先去食大閘蟹, 其實都有D驚, 但係朋友生日, 佢想食無計啦......我地叫左個$1880 套餐, 嘩! 正到唔知點形容....1. 蟹粉小籠包- 每位兩隻(蟹粉甘香, 肉汁鮮甜)2. 蟹粉雞絲翅(其實翅就唔多, 但勝在蟹粉味夠鮮甜)3. 江蘇大閘蟹- 每位兩隻(係我今年食大閘蟹最正一次, 好多膏, 好JELLY, 正!!)4. 蟹粉龍鬚卷(麻麻地, 太少蟹粉)5. 清蒸老虎班(蒸到恰到好處, 好滑)6. 砵仔蟹粉焗巴楚菇(飯食OK, 但我們空口食比較鹹)7. 上湯灼時蔬(OK !)8. 金網煎鍋貼- 每位兩隻(好特別, 好多汁, 肉質正)9. 薑茶湯丸3粒(薑茶好有薑味, 芝麻湯圓好滑)送兩壺太彫十六花彫酒(甜甜地, 幾得意)服務唔錯, 跟得好貼, 我地咁麻煩都唔見面黑, 好!!!免茶芥6位用$1880 + 10%

星期五幫媽咪慶祝生日, 叫左288大閘蟹套餐, 本來都覺得幾ok, 點知愈食愈唔對路, d 人黑口黑面, 都唔係做野架, 唔叫佢地都唔收野, d野食都過得去, 不過o係尖沙咀咁既service真係好唔得啦!!! 食都食得唔開心!! 野食ok都冇用啦, 我係唔會再去第二次, 因為咁既價錢, 咁既食物質素, apm既家喻戶曉都有啦!! d service仲好好多!!!

今日屋企4 個人0黎食dinner, 叫0左6 隻蟹粉小籠包, 6 隻美極煎花蝦, 粉絲雜菜煲, 椒鹽排骨, 芝麻鹽焗雞, 仲有2 隻巨型壽包.最好食係美極煎花蝦, 蝦好鮮, d 汁好惹味, 可惜唔多, 無得送飯.蟹粉小籠包都唔錯, 皮薄, 湯汁好多, 夠熱, 蟹肉亦鮮味, 好食過鴻星多多聲!椒鹽排骨味道ok, 偏乾身, 個人覺得蘸d 0急汁食會好食過蘸椒鹽...粉絲雜菜煲清清0地咁都唔錯, 唔太特別.芝麻鹽焗雞就唔ok 喇, 芝麻味就好夠, 但全隻雞就係得芝麻味, 無雞味/鹹味/鹽味, 肉質亦又乾又嚡, 失敗!壽包都係咁啦, 個人本身唔鍾意食, 所以唔comment 太多.Service 一般, 環境都係一般, 不過衛生方面就不得不提一樣0野, 就係有好多昆蟲(好彩唔係蒼蠅) 飛來飛去, 唔ok.埋單$500 幾, 唔係貴, 不過各方面都比以前差0左.未必會幫襯得咁frequent.

16/7(日) 7pm親戚牛一,一行13人(10大2小)於此訂了位為其慶祝慶祝.先征服了購自Mimosa的芒果拿破崙,其後已吩咐侍應可上菜.久等半小時才上第一道菜:乳豬全體,第二道菜要再等45分鐘才被送上(之前由老表怒吼其經理菜式才順暢地送上),顯然人手極之不足!(當晚已不是爆場,約有8成滿).至於食物水準及份量亦不甚了了!感覺欠缺誠意,敷衍了事!菜式如下:乳豬全體---乳豬皮雖脆口,但肥膏其多!相當膩滯!黃油蟹小籠包---蟹不夠鮮味.鮑片扣鵝掌---鮑片及鵝掌炆得挺腍身入味,食味尚可.蒜蓉蒸龍蝦---龍蝦體積較細.肉質實而爽,味尚算不錯!墊底的伊麵反而沒甚口感,猶如食糊仔.翡翠蝦仁---甜豆頗爽脆,蝦仁體積亦不細,且爽口,但味不算鮮.清蒸老虎斑---侍應說原先菜單上寫的星斑因無貨返,因此換了星斑,家母嫌虎斑的口怠不及星斑.紅燒雞絲生翅---翅湯及雞絲味淡,翅亦過稀,似食碗仔翅.芝麻鹽焗雞---份量其少,雞隻骨瘦如柴,肉質偏韌,亦食不到芝麻及鹽焗味.干燒伊麵---不合格!份量少,炒得太濕,油膩且欠缺鑊氣!合桃叉燒酥---較為可取的菜色,酥皮鬆化,叉燒粒肥瘦適中.巨大壽桃包---全晚的佳

daddy生日, 同屋企人去飲茶, 順便食佢出名既大壽飽打左去book定台,原來茶市去到3點咋, 冇分咩時段。我地點幾去到,叫左10幾個點心,choice唔叫好多,不過都幾好食~~ 仲叫左個鮑魚炒面,$88,真係比鮑魚你,都算抵食~最令人期待既壽飽,冇令人失望,真係幾好食!! 飽夠軟熟,旦黃有黃油!! $15一個, 一定會再去食! 佢仲有得外賣tim架~呢餐賣單$500,6個人,食到勁飽!