東歐餐廳

Ivan The Kozak
97
8
2
港鐵中環站 D2 出口, 步行約6分鐘 繼續閱讀
電話號碼
28511193
開飯介紹
Ivan The Kozak是一間正宗俄羅斯烏克蘭餐廳,提供二十多種俄羅斯伏特加美酒, 捷克、奧地利啤酒及各款東歐紅酒。 所有廚師是由俄羅斯及烏克蘭當地著名酒店及餐廳聘請來港, 務求讓客人品嚐到地道的東歐傳統美食。 IVR更設有“伏特加雪房” ~ 在室內一邊享用獨家進口俄羅斯伏特加美酒, 一邊感受零下十幾度的氣氛,同時也可拍攝雪地美景留念,實為一樂也。 繼續閱讀
特色
浪漫情調
適合大夥人
慶祝紀念日
營業時間
今日營業
18:00 - 00:00
星期一至五
12:00 - 15:00
18:00 - 00:00
星期六至日
18:00 - 00:00
公眾假期
18:00 - 00:00
付款方式
Visa Master AlipayHK 支付寶 現金 AE 銀聯 JCB
座位數目
60
其他資料
網上訂座
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
賞訂座積分
加一服務費
當面支付
前往餐廳網站
http://www.facebook.com/pages/Ivan-The-Kozak/111449200254
有關餐廳
正宗東歐菜 至啱你心的異國口味
由真正的烏克蘭與俄羅斯大廚擔正煮理的「東歐餐廳」,店內擺放了一系列富有東歐色彩的枱椅,場內燈光昏暗有情調,牆上掛有偌大的基輔市(烏克蘭首都)特色風景畫,讓我們猶如置身別國,浸淫於一片歐陸的情懷當中。
所有菜式均由烏克蘭、俄羅斯廚師親自煮理,在當地菜式中挑選至合香港人口味的出名「名物」,確保原汁原味,又能同時令你舌尖嚐到絕佳滋味!
大廚推介的歐陸菜式有:正宗烏克蘭羅宋湯、招牌芝士焗牛脷盅、俄國宮廷煙鹿肉、焗蘋果鴨胸、家常椰菜卷等。紫紅色的烏克蘭羅宋羅由新鮮帶甜的紅菜頭餚製而成,湯中間放有酸忌廉,鮮甜味美。招牌芝士焗牛脷盅由大廚揀選靚靚牛脷,加入濃香芝士醬汁等,再於面層置有一層脆香酥皮。吃的時候,可先將面頭的酥皮切成一細件,一件酥皮一塊牛脷,連汁一同吃下,惹味無窮令人欲罷不能!而店內備有多款東歐直送的地道美酒,每一次,美食加靚酒會令你想一試再試。

有關獎賞計劃
食評 (121)
疫情期間, 都需要番公司做野。晏晝抖下氣, 決定出去食LUNCH。今次搵到呢間東歐餐廳。餐廳內環境比較間, 坐得都尚算舒服。中午時段有幾個Lunch Set, 我就揀左烏克蘭正宗羅宋湯同雞飯。先上左個羅宋湯, 同平時罐頭或者西餐廳唔同。飲落冇咁濃味, 原因係湯主要用紅菜頭整。清清淡淡, 唔錯。飯個汁幾creamy, 幾好送飯。而雞既份量都唔少, 夠飽。之後仲有甜品同飲野, 冇影到, 質素都ok。留意午時只有lunch set, 冇得單點佢出名既基輔炸雞扒, 可惜可惜。埋單$108, 係中環呢個價錢可以接受, 推介大家試一試。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-25
493 瀏覽
【黃店推介 - 中環深黃正宗東歐菜 - 東歐餐廳🇺🇦】🐷🐷💭哈佬!今次又嚟到中環食呢間正宗烏克蘭菜, 經過黃金澤推介, 加上夠正宗同好食, 而家晚市要預約起碼要等一個月以上!! 想約到7-8pm 黃金時間仲已經排到7月中!! 但我地都要繼續推介, 最主要原因除左真係好好食之外, 仲因為山下黃舍優惠太抵食, 我地當日就用左一行印仔換領7折優惠, (🐷🐷代表可以再叫好多好多野食!!!😍)!! 非常好用!!大家快啲一齊儲啦!🐷🐷💬1️⃣ 烏克蘭三文魚湯 $68之前set lunch已經介紹過佢個好出色嘅羅宋湯, 而今次就試下三文魚湯, 一樣都有羅宋湯嘅番茄, 菜等等嘅配料, 羅宋湯嘅豬肉就換成三文魚塊, 多一份魚鮮味,而且三文魚仲好滑唔會煲到鞋晒口! 🐷🐷💬2️⃣ 烏克蘭香煎薯餅 $62 揀左呢款好多人都推介嘅小食, 煎得好香口之餘, 佢嘅薯塊仲做得好有心機, 好明顯唔係用機造而係用人手, 食落特別有口感, 可以點埋佢個乳酪醬, 更地道傳統!!🐷🐷💬3️⃣ 招牌芝士焗牛脷盅 $78呢個較少人推介, 但個人覺得係全店最好食, 沒有之一!! 佢個牛脷之前lunch 都有介紹過, 令我諗起家燕媽媽食神對白:「我未食過咁好食嘅牛脷呀!!! 」🤪🥳 煮得好淋好滑牛味好重但又唔騷!! 而且上菜時似酥皮湯咁, 有專人幫我地剪開, 用黎點芝士同牛脷一齊食! 芝士汁同牛脷非常夾, 而且好夠飽!!🐷🐷💬4️⃣ 地道香燒豬肋骨 $198 最後呢個幾乎每台都叫, 都唔需要多介紹🤣重點就係上碟時會淋酒點火比你拍片影相, 好似食火焰雪山咁, 好睇又好食!! 豬肋骨比想像中鬆軟, 雖然個人覺得酒味好似重手左少少, 不過肉質鮮嫩所以都好好食! Openrice book位或者like 左山下黃舍+東歐餐廳都會送vokka 一杯, 唔係好飲得嘅豬仔🐷就叫左杯橙汁撈埋杯vokka 好似飲cocktail 咁, 正呀🥂🤪🐷🐷💭🟡呢間好多人食, 所以我地有時間會支持其他小店, 用支持小店而儲番嚟嘅印仔去拎優惠食著名黃店, 開開心心食番餐好野都唔錯呀😍😍!!  繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-23
0 瀏覽
話說3月份睇到有人介紹呢間東歐餐廳…對烏克蘭菜產生好大好奇心…所以隔幾日就打電話book個位…點知個電話唔係唔通就係無人聽😑😑。 終於係“開飯”book到4月…點知遇到限聚令…再改到5月先黎到…呢間野係雲咸街…其實係老蘭行上去就唔太遠…不過5月天行呢…真係行到滴哂水。入到餐廳見到朋友已經坐低左係冷氣風口下低😍😍…邊抹汗…邊睇下有乜食…之前睇yellow openrice都準備會叫基輔雞扒(就係將塊雞肉dub扁左…加入牛油再搓到變左個波型再炸)…呢d肥膩野最啱我…仲有就係想試下個羅宋湯…因為我本身好鬼鍾意飲呢個湯…朋友就話想試下個著火spare ribs…其它就搵左太子女介紹左個沙律…焗牛脷…同蘑菇薯仔餃子。飲個湯先…個湯顏色就帶紫紫地…同平時香港飲開既羅宋湯橙橙紅紅唔同…中間仲有pad sour cream(味蕾功能得番30%飲唔出)…味道比較清甜…無港式羅宋湯咁重口味…味道唔錯…唯一係唔夠熱(可能傳統係咁…我飲湯鍾意熱到辣口🙂🙂)之後就到沙律…個沙律由好多切碎左既蔬菜加入醬汁…味道都幾好…我以為餃子都係亞洲食物…原來烏克蘭都有…個餡係菇同薯蓉…幾得意…個人就比都鍾意白菜豬肉做餡🙂基輔雞扒…一切開就流哂油😂😂…雞肉好嫩…味道唔錯焗牛脷…呢個就不過不失…可能覺得牛脷都係鹽燒好味到表演點火時間…香燒豬筋骨…店員送上豬筋骨…即席倒酒點火…其實都幾熱下…😅😅味道有D似紅燒肉煮法既味道…幾有親切感😂😂😂😂。 食完野朋員友話加甜品…太子女就介紹左蛋糕同cheese cake. 甜品我唔太好…不過唔會好甜…Cheese cake真係好cheese 😂😂😂…就好似韭菜餅…不過入面全部係芝士…食物質素我覺得都唔錯…服務就非常好…價錢都好合理…埋單2百幾就可以落樓。 物有所值🙂…加埋餐廳裝修好有風格(雖然講唔出乜風😛)… 繼續閱讀
(以上食評乃用戶個人意見 , 並不代表OpenRice之觀點。)
同朋友慶祝生日,平時食嚟食去都係差不多菜式,今次揀左間食烏克蘭菜嘅,加上之前睇過介紹,更加想試一試。一入餐廳已經覺得裝飾佈置好東歐😆,有其特色,非常適合影相。正宗烏克蘭羅宋湯一睇就知同平時飲開嘅唔一樣,紅卜卜嘅,因為落咗紅菜頭。上面配埋sour cream, 感覺好新鮮,同平時飲開嘅羅宋湯好唔一樣,味道唔錯有驚喜。海鮮蘑菇卷炸漿/粉唔會好厚,入面餡料十足,食起上嚟亦冇油膩感覺,唔錯。基輔炸雞扒呢度嘅名菜之一,雞扒入面包住芝士,同蘑菇卷一樣,炸漿/粉感覺剛好,雞好滑,唯獨有啲可惜係芝士冇流心效果,呢樣略嫌失望咗。地道香燒豬肋骨上枱時會係你面前再點火燒一燒,有得食有得睇😆 豬肋骨整得好林,但我覺得如果調味可以淡返些少就完美,稍為覺得鹹咗啲。由於同平時食開嘅西餐真係有分別,個人認為值得一試! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-05-16
101 瀏覽
第一次食東歐菜,呢度實在太高質!首先環境好靚,佈置得好有心思。同埋坐得都好舒服。1. 羅宋湯好好飲,撈勻酸忌廉之後酸酸甜甜,好特別。2. 豬肋骨係一定要叫,實在太出色啦。姐姐會淋vodka落黎點火, 而d豬肋骨係整得太嫩太好食,我朋友唔係咁好豬肉都好鍾意呢度既豬肋骨,一定要試!3. 基輔雞扒呢個我覺得都好食既,但相對之下冇豬肋骨咁大驚喜,就係好大舊牛油+雞扒,係好嫩既4. 芝士燉牛脷盅芝士味好濃!細細兜都好多牛脷架,好抵食。 繼續閱讀
(以上食評乃用戶個人意見 , 並不代表OpenRice之觀點。)