影片
港鐵土瓜灣站D1出口, 步行約8分鐘
繼續閱讀
電話號碼
95903603
營業時間
今日營業
11:30 - 15:30
19:00 - 02:00
星期一至六
11:30 - 15:30
19:00 - 02:00
以上資料只供參考, 請與餐廳確認詳情
一班朋友聚會慢慢食住野，飲下野都幾好chill岩岩上星期就約左朋友去食串燒我哋叫咗好多款串燒包括有雞腎、雞軟骨呢兩樣嘢用嚟配酒一齊食一流大蔥雞肉呢個雞肉好腍，好好食而且大蔥熟到啱啱好，唔會覺得好生牛舌、安格斯牛肉安格斯牛肉牛味好香濃紐西蘭羊架平時唔太羊架既我都覺得好好食羊肉肉質好鮮嫩而且唔算好羶豚肉明太子卷呢個真係好好食但係因為叫咗太多嘢食本身再想食多個後來都冇再encore豚肉泡菜卷食咗咁多肉，點下啲串燒菜有燒露筍、燒日本豆腐、燒秋葵燒蒜蓉茄子呢個好似開咗個茄子中間搽左好多蒜蓉然後再拎去燒個茄子燒到好入味用筷子夾起撕開一條一條咁食，好滋味燒豆腐皮京蔥芫茜卷呢個好特別用豆腐皮包住啲京蔥黎燒食落好香好特別燒台灣腸呢個好好食，甜甜的入面仲有啲肉汁燒麵包食左咁多肉點都食個澱粉質麵包佢搽左蜜糖燒燒完都好軟熟至於海鮮我地點左多春魚、燒海蝦、蒜蓉燒鮮日本生蠔仲有燒鮮鮑魚鮑魚佢整得好腍好好味最後再食埋蒜蓉粉絲花甲作終結
繼續閱讀
為食朋友仔帶小編來開發土瓜灣美食😋👍🏼驚現平價又高質嘅串燒小店!順路重有浪漫夜放閃打卡位，然後食埋糖水直落🥳!第一站首先來到離土瓜灣站數分鐘路程嘅崇潔街，來專訪share 呢間親民小店:東日串燒一睇Menu 已經心心眼食預左可以放心盡佢!每款串燒10幾蚊就已經食到! 重點唔係Hea 比你!每款嘅調味、賣相都放足誠意👍🏼一張order 紙比你揀清楚揀好分類，有雞、牛、羊、豬肉、海鮮、小食及蔬菜類，更有其他自家特式炒飯，意粉烏冬等主食選擇。四個人當晚就點左21款菜差唔多50串串燒，人均都只係$2百幾😱👍🏼order 時先均一選擇串燒辣度，先由海鮮類重點分享!燒海蝦、燒鮮鮑魚、蒜蓉燒鮮日本生蠔、錫紙蒜蓉粉絲花甲、多春魚 及 蠔仔旺菜粉絲。只係上檯的賣相已經俘虜左小編嘅評價👍🏼論色澤配料及調味明顯睇到廚房落足心機。🦪鮑魚、生蠔及海蝦新鮮程度好靠當日來貨，而做到鮮味爽口彈牙唔係間間串燒可以做到，加上小店細心準備了座熱火爐，兩款粉絲滾起個種熱烘烘感覺秋冬會盛讚👍🏼🐓雞肉類點了雞腎、雞軟骨及大蔥雞肉，🥩牛肉類點了牛舌、安格斯牛肉串燒整體做到香口軟腍調味上微辣惹味到位，值得讚賞👍🏼🐏紐西蘭羊架十分巨型，調味上平衡了羊羶味，令入哂味嘅羊肉變得惹味可口。🐽豚肉明太子卷、豚肉泡菜卷推介必點! 少有嘅款式令我地四位想再encore 嘅兩款特色肉卷。🫔燒豆腐皮京蔥芫茜卷第三款必點卷物，豆腐皮吸收哂醬汁味，內裡京蔥及芫茜味道有新意，爽脆好味👍🏼燒露筍竟然都有驚喜! 攞上手仙氣飄出🤭爽脆、外皮好脆咬開好濕潤。燒秋葵及燒蒜蓉茄子在正常表現之上👍🏼蒜味唔算特別撲鼻，但要一讚控油嘅功夫，難得食茄子唔怕過油，令人特別欣賞。🍢燒日本豆腐、燒台灣腸口感同賣相都無令人失望，兩款外皮脆身之外，味道上食得出都落左唔少心機👍🏼🍞燒麵包係飽肚之選，將麵包外皮燒得酥脆，蜜糖薄薄在表面已經入味香口好食。就連燒餃子都咁靚仔，真心佩服!👏📌整體係今年食過價錢最合理，味道賣相控油及調味上都攞滿分嘅串燒小店!所以一定要介紹比大家去支持。溫馨提示，佢地星期日休息，平日開到夜晚2點啊。
繼續閱讀
最近去左一間好好味既串燒店位於土瓜灣的雖然鋪頭細細但好有風味各樣食物都調味得好好而且夜晚又開到凌晨2點宵夜一流最印象深刻係呢啲野食：「豚肉明太子卷」好特別因為出面暫時未見過呢個組合味道好夾好鍾意佢個明太子醬「燒麵包」麵包而上有一層蜜糖有BBQ的味道但佢用左厚身既麵包所以特別有口感「燒鮮鮑魚」本人好怕食鮑魚因為好怕食太硬又難消化既野但佢地煮得好林 唔硬 有驚喜「蒜蓉燒鮮日本生蠔」燒蠔燒得好juicy唔乾熟度岩岩好「蒜蓉粉絲花甲」超喜愛食蒜蓉粉絲如果佢啲蒜蓉味再重啲就好不過粉絲索哂啲汁都係一樣好食「蚝仔旺菜粉絲」佢有個爐仔跟埋就可以滾住食超級惹味另外我地仲叫左以下呢啲勁多選擇👍幾個朋友坐埋邊飲酒邊吹水食野都幾開心雞腎雞軟骨大蔥雞肉牛舌安格斯牛肉紐西蘭羊架豚肉泡菜卷燒露筍燒日本豆腐燒秋葵燒蒜蓉茄子燒豆腐皮京蔥芫茜卷燒台灣腸燒麵包多春魚燒海蝦
繼續閱讀
朋友之前發現土瓜灣有間平價串燒店，諗住帶我去食，今日大家終於有時間可以去吓，平時好少嚟到崇潔街原來都開咗好多餐廳。呢間餐廳啲串燒真係好平，大約10幾蚊就食到，最正係有啲特式串燒可以試吓。食完串燒大家諗定去附近再食甜品🤣。蒜蓉粉絲花甲花甲清洗得好乾淨唔會有沙，加埋蒜蓉同粉絲不知不覺食咗好多。蠔仔旺菜粉絲呢道菜好有誠意比埋個爐你熱住個蠔仔粉絲，蠔仔份量好多，連埋旺菜一齊食口感好豐富。雞肉嘅串燒我哋點咗雞腎、雞軟骨、大蔥雞肉，串燒全部點咗少辣，雞肉好嫩唔會燒到好乾。牛肉類牛舌、安格斯牛肉，牛肉方面燒得啱啱好，好香嘅牛味，牛舌好爽口，安格斯好腍。紐西蘭羊架羊架好大隻燒到好惹味，肉質好腍一啲都唔韌，唔會太大羊羶味。豬肉類豚肉明太子卷平時好少食到呢啲好有特式嘅串燒，豚肉夾咗明太子食落辣辣地，仲有明太子嘅鹹香味道好夾。豚肉泡菜卷加咗泡菜係入面口感好爽脆，酸酸辣辣好開胃。蔬菜類燒露筍好爽脆、燒秋葵外皮好脆咬開好濕潤。燒蒜蓉茄子口感嫩滑，食落好濃郁嘅蒜味，再加咗少少辣椒好惹味。燒日本豆腐好少食到燒豆腐，鯡皮外脆內軟，咬開豆腐裏面好嫩滑，好濃嘅豆香味。燒豆腐皮京蔥芫茜卷呢款串燒好有驚喜，以為燒到好乾，點知個豆腐皮加咗醬汁嚟燒，食落好濕潤，再配埋京蔥同芫茜食落味道好夾，爽脆嘅口感。燒台灣腸外皮燒到外脆內軟，咬落去好多肉汁。燒麵包麵包燒到外皮好鬆脆，搽咗啲蜜糖好好食。海鮮類燒海蝦、燒鮮鮑魚、蒜蓉燒鮮日本生蠔、多春魚海鮮好新鮮，海蝦爽口彈牙，鮑魚以為燒完好硬，點知好易咬開仲有鮑魚嘅肉汁，生蠔好鮮甜唔會有腥味，用咗日本蠔好肥美。燒餃子外皮燒到金黃色好鬆脆，餡料好多一咬開好多肉汁。食串燒點少得嗌支青島啤酒黎啤啤佢。
繼續閱讀
住紅磡嘅朋友帶咗我嚟位於崇潔街嘅隱世串燒小店 原來呢度係晚上7點開到凌晨2點 算係區內少有開到夜晚嘅串燒店 朋友仲話呢度所有串燒都係人手即日製作而唔係工埸叫貨 咁今日就試試佢啦南國元氣雞頸肉肉質細膩柔軟 容易咀嚼雞軟骨燒得香口 入口清脆雞腎口感爽脆牛舌外焦內嫩 有嚼勁但唔會韌雞皮燒到好香脆又唔會太乾身安格斯牛肉牛味濃郁多汁豚肉流心蛋卷豚肉燒到微微焦香再捲住流心蛋 係幾有特色嘅組合燒蒜蓉茄子之前食過出面嘅蒜蓉茄子好咸 呢度嘅味道啱啱好 食落好惹味燒豆腐皮金菇卷外層嘅豆腐皮薄而韌 包住金菇食增加咗層次感燒饅頭平時串燒店比較少見燒饅頭 呢度嘅燒饅頭外脆內軟 面頭淋上咗蜜糖食落就唔會太乾身錫紙蒜蓉粉絲花甲 (1份)花甲份量足 好重蒜味粉絲夠哂入味!炸雞配日式咖喱烏冬炸雞酥脆 烏冬彈牙兼掛汁
繼續閱讀