4
1
3
食評 (10)
等級1 2012-07-23
485 瀏覽
7月23日上午10時正今日放假 晨早流流起左身又唔想訓所以就打算落去食個早餐德田商場2樓有兩間茶記一直都覺得東成比較好所以不加考慮自然就去左東成我萬萬都估唔到 竟然係一個惡夢既開始一坐底 唔駛諗 叫左凍啡 沙爹牛肉麵跟麵既有煎蛋一隻 火腿一塊 方包一個當時時上午10時 比較小客人所以唔駛1分鐘後 凍啡就首先登場凍啡來到 第一時間緊係拎住支飲筒攪攪佢啦點知一拎起支飲筒...唔係呀嘛?油林林既?插飲筒多數係樓面既動作 我唔明白點解會油林林不過因為我曾經也是一個廚房佬廚房佬的陰影 就算東西怎樣 我都是唔敢換的因為我知道打返轉頭出返來既野可能更得人驚唯有死死氣咁飲 一飲落口就大獲喇我實在唔識用文字表演 呢部咖啡有幾咁甜水吧大哥 你在談戀愛嗎?甜都唔係最緊要 居然仲有燶味飲下飲下飲到火都黎 果然是有提神作用!!當我越飲越精神既時候 沙牛麵來了我眼前既沙牛麵 令我嚇左個一大跳如果我係一個情感豐富既小女子我會喊住去食呢碗沙牛麵我第一次見賣相可以差成咁既麵東成的沙牛麵是由碟上的碟邊上全都是油 不是普通的油是起泡的油 而且佈滿整個碟邊360度我做錯d咩我改丫 何必要咁樣懲罰我我用樂觀的態度安慰我自己佢係樣衰姐 可能好有內涵呢終於 我飲左啖湯剎時間 有一種似層相識既感覺...冇錯喇!!!就好似岩岩杯凍啡..個湯又甜又燶燶地 突竟係咪呢位水吧被人炒左公司又唔肯比代通知金所以佢就行屍走肉咁返埋呢七日定係這完全是他獨到的風格無奈我就係一個犯賤既人我始終都將碗麵食完離場比錢既一剎那 我感覺到我人性已經昇華來自地獄的料理 我把它吃完了世間中 仲有咩事可以考驗到我? 繼續閱讀
(以上食評乃用戶個人意見 , 並不代表OpenRice之觀點。)
等級1 2012-05-13
273 瀏覽
沙津好好味,但是豬扒煮得好硬。食完這碟沙津仲肚痛! 豬扒應該煮熟小小。我仲飲咗 ice lemon tea 和 Cream Soda 豬扒沙津只售廿三元正(Tip:請自備利的小刀,因為很難切。) 繼續閱讀
(以上食評乃用戶個人意見 , 並不代表OpenRice之觀點。)
等級4 2010-05-25
197 瀏覽
細細個老豆就成日帶我來東成食早餐,每次來到都有份親切感。周日早上一條友,正自諗緊到底食咩做早餐,見東成仲有位就入來搭枱開餐﹗德田商場大裝修,前前後後樓上樓下都改到面目全非,成條電梯改左去另一邊,搞到我兜幾個轉盪失路咁濟﹗東成早餐每次我都只會叫一樣,就係24蚊既火鴨絲雞翼麵,配杯熱咖啡。麵是普通茶記公仔麵,餸料方面有大量雪菜、火鴨絲,仲有隻後上既超大雞翼﹗味道吃了那麼多年也keep住水準,雖是簡單配搭不過吃開有感情,要讚是今次隻雞翼真係好大隻,炸得黃金香脆,比以前進步了﹗ 繼續閱讀
(以上食評乃用戶個人意見 , 並不代表OpenRice之觀點。)
等級4 2009-09-02
101 瀏覽
老豆請食飯...去左e間度食...第一冇冷氣唔係問題...最重要係冇電視...成餐飯好悶個waiter 不知所謂..下單時佢可以覆反你要左d咩..唔夠2分鐘佢行反黎問我要左d咩回鍋肉 菜多過肉 勁唔抵食 栗子雞煲 栗子d皮都仲係度 有大量栗子係生既 有冇搞錯 椒鹽骨 算唔錯 但係太大舊叫左2碗飯 超硬送左個例湯 叫做好番d成餐咁既飯 3"送"1湯要成$150 打劫咩永遠都唔會再黎e度 繼續閱讀
(以上食評乃用戶個人意見 , 並不代表OpenRice之觀點。)
等級4 2008-12-20
88 瀏覽
難得星期六有假放,訓又訓唔番,八點就起左身喇﹗捉左老豆落去食早餐,難得有假期做番次孝子﹗叫左個最簡單既通粉餐,有火腿通、奶茶、麵包仲有叉燒蛋﹗講真食物質素很一般,通粉明顯煮得過腍,入口有爛開的感覺﹔叉燒蛋同麵包都係一般貨色沒有驚喜﹗最好是杯奶茶,沖得滑溜之餘茶味亦香濃﹗屋村茶記都係貪佢杯靚的奶茶咖啡,如果唔係去大家樂啦﹗ 繼續閱讀
(以上食評乃用戶個人意見 , 並不代表OpenRice之觀點。)