2
2
0
港鐵葵興站 A 出口, 步行約9分鐘 繼續閱讀
營業時間
星期一至日
06:30 - 23:30
付款方式
Visa Master 現金
食評 (5)
等級3 2017-06-10
689 瀏覽
今日同個同事去飲茶,好抵食,加埋唔使$150,已經食到好飽!叫咗一個點心拼盤,有燒賣、蝦餃、粉果、叉燒包,每樣有兩件,兩個人食啱啱好,最重要係價格便宜,$50有找另外叫咗一個炒飯,都ok好食!呢間酒樓食物唔係話真係好出色,但係性價比唔錯,下次會再試! 繼續閱讀
(以上食評乃用戶個人意見 , 並不代表OpenRice之觀點。)
窮心未盡,打邊爐之心又起,所以落閘放狗後,就自然而然地與老婆來了葵興東城火鍋。這似乎是我第四次過來這間店,想當年(即係舊年),我第一次來這間店的時候,看到面前這些多的食物,猶記得我的心像一隻鹿仔一樣在身體裡撞來撞去,差點沒造成交通意外,可見我對這間店多麼的殷喜。它的市場定位遊走於放題及火鍋之間,一來它像放題一樣,將所有食物擺放在台面任君選擇,讓你的眼晴先享受了豐盛,同時不用面對一堆點餐紙,要絞盡腦汁想像那些食物好不吃,想清楚(不容錯失)是否真的想食,知清楚(不容錯失)食物新不新鮮,試試味道感覺如何… 在這裡,你可以保留那些腦汁,用在第二處,先看一看再揀選食物,然後嘴角向上揚45度,無錯,你終於可以做一次奸人堅,專門留低一些不太靚的食物給下一位。二來價錢並不貴,$128/位,無加一,無茶芥,這樣的價錢就像是當年的李麗珍一樣,那種性價比簡直無敵於天下。剛坐下,向身旁的侍應要求來一壼滾水和一壼普洱,但是,服務我們的侍應,卻射出疑惑的眼神,像是我提出了一句不恰當的要求,然後說外面的酒水唔岩飲嗎?我立刻兵來婆擋,即是用老婆做擋箭牌,拋出一句她唔岩飲,應該能順利解決了埋藏在侍應內心深處的疑惑,照咁計,我都可謂功德無量,阿彌陀佛。 雖然外面餐枱有大量的食物及酒水無限量供應,每張枱仍然有一張點餐紙,提供外面枱面沒有的食物。正所謂:吃得起雞子,方為真漢子(尤其是黎耀祥的那種漢子),像我這一種男人,即刻點了一碟壯腰雞子,再加上廚師腸,然後發覺將這些拼在一起,基本上就是一個完整的男人。好采這裡有點餐紙,而不是要對著餐牌點菜,否則侍應又爆一句:你好唔掂咩,我都唔知點答(注:唔知點答,唔等於唔掂,唔好誤會,我仍然是朱咪咪口中的精壯男人)。東城酒家有個慣例,每個食客都會獲送一隻蝦,由於老婆又不能吃蝦,我又要肩負起獨食的責任,畫面上的蝦們如膠似漆地痴在一起,死後仍然纏綿,可見比起YOU JUMP I JUMP更轟烈,為了讓這段愛情故事更悲壯,更煽情,我決定親自將它們送上斷頭台,完美地表現了對愛情的堅貞(而比這段愛情更重要的是:當然是滿足了我個人的食慾)。ad4ea7d8-86aa-43dd-b65c-04bf66fe737810fd465e-64be-4fca-b2c4-d6aca8e639662db0a5b5-2375-4bbd-9b8b-fdc45289caf0外面的餐枱塵歸塵,土歸土,垃圾歸垃圾佬,劃分為熟食區,蔬菜區,酒水區等等,我們點了5碟,基本上已經夠飽,但是,身為香港人,又點會蝕底比你,有得任食,更加不會輕易放過自己,反正是肚子去到盡,又不是我去到盡......我們難抵眼前食物的吸引,在出面拿了大量食物,南瓜,冬菇,粟米,生根等等…我用了洪荒之力,將之吃光光,以前眼闊口窄,現在則聽了李亞男話:“值得珍惜的東西,係唔應該輕易放棄架。” 但我知我學得其形,不得其神架啦:因為這裡無得打包。李亞男,我對你唔住,唯有以身相許...最後,既然健儀姐姐聲明要完成三大挑戰,三大堅持咁誇張,我就用出前一丁的味道及停留在唇齒之間的麻油味香,跟著我回家去…文章版權歸於作者所有,歡迎任意轉載。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-12-31
1224 瀏覽
老友記帶路搵食~去到酒樓睇一睇價錢,嘩,咁抵食既!心入面有諗左下會嚟會好細份架!點知...真係大件夾抵食4個人叫左5個送,有另外叫飯同汽水,臨尾加過桂花糕同紅棗糕做甜品,埋單先440蚊左右!牛筋腩煲, 全部嘢都炆到好淋好淋,冇咩咬口,味道都可以,但係唔知點解煲野有好多一條條細細既毛 薑蔥支竹魚腩煲, 呢個整得好惹味, 魚腩都好滑,好食 魚香茄子煲, 依個煲都整得好惹味好食 但係真係太油太油太油啦 金銀蛋菠菜, 清清淡淡,唔錯 鐵板鹹豬手,本身原隻豬手上,但係店員會喺旁邊幫你切咗佢,好咸香,送飯正呀桂花糕偏甜 紅棗糕煙韌又唔會太甜,但係略嫌紅棗味唔夠濃 繼續閱讀
(以上食評乃用戶個人意見 , 並不代表OpenRice之觀點。)
等級4 2016-03-15
1690 瀏覽
五福燒味大併盤,各位來賓等到頸都長,萬眾期待既第一道菜出場,殺呀,飲杯 ﹗大家都好客氣,咁等我出手先啦,客氣生疏食少好多 ﹗燒鴨、燒肉、油雞、燻蹄、叉燒,剛好五款。質數平均可口,穩陣之選。個人較喜歡油雞、燒鴨同燻蹄,啖啖肉中帶清香幼嫩不太肥。翡翠蝦仁蚌彩椒,賣相好靚喎,顏色鮮艷,五官端正,微暖送到,鑊氣就有點削喇。香氣宜人醒腦,濃厚海蝦氣味。西蘭花爽脆清甜,最怕煮到軟腍腍,煮到爛就更可怕。蝦仁尚算合格,天然鮮蝦味道,質地微爽帶丁點肉汁,夠真。邊皮位既象拔蚌片不過不失,但顏色暗啞帶灰,外表真係唔多討好,又唔係特別好食,換成白雪雪花枝片更好。發財好市,本來係 menu 上面第二道菜,點知延到中場先到,menu 個 rundown 執過晒位呢。雖然唔係生菜鮑魚,髮菜蠔市香噴噴又肥美飽滿,都非常好 ﹗大家係度研究緊點解得一隻大冬菇,點樣去分 12 件呢?碎上都唔掂喎 ﹗猜包叉揼?抽簽?打場 free flight?最後決定比年紀最後生嗰幾位啦,後生仔女食多一點好。特濃蠔汁吸收左蠔豉味道,份外鮮味 ﹗一束束爽甜生菜捲住濃汁連髮菜入口,充滿水份,爽口到索索聲,食到唔停等得口啦。有師弟對蠔豉無興趣,我無意中又賺多份,多謝 ﹗蠔豉甘香非常,中間 creamy、側邊彈牙嚥韌,好味道 ﹗如果將所有材料一齊掉入口,味道質感都倍增,非常好食。炸黃金海鮮卷,一道非常討厭既菜色,無一間酒樓我覺得滿意囉。乾硬炸漿連粗粒麵包糠,油膩油溢,而且大量去炸再續枱派,凍左又硬又韌。罐頭雜果撈沙律醬做餡,連蝦或蟹柳都無,點會係海鮮卷呢?紅燒海味燴魚翅,完全食唔到咩海味喎,蝦肉碎就有唔少,而且魚翅係仿翅來的,唔係真魚翅。高湯味道濃郁,清香可口,厚薄調得剛剛好,食得冶味。享受完呷啖醋清清味蕾,舒服晒。居然又有位師弟唔食翅,唔食比我麻,太浪費啊。健康珍菌浸時蔬,幾十年來第一之飲宴出現依道菜。Sorry 啊,雖然非常健康有益,不過實在太淡口唔太適合我口味,而且如此清淡應該放係 menu 較前位置啦。健康珍菌浸時蔬,作為一個食家點都要試一兩啖既,結論又唔係咁差啫。清新既味道,經過一輪重口味劇烈猛攻後,竭一竭都好。雞髀菇、秀珍菇、鮮冬菇、小棠菜、白菜仔、杞子,併湊出一碗甜美雜菜湯呢,雖然只係平淡雜菇味道,但效果不俗。清蒸大海石斑,到我其中最喜愛既海斑喇,當然面珠登係我目標之一啦,入手 ﹗非常彈牙,彈力非凡又滑滑咬口,魚味濃而爽滿魚汁,淋上蒸魚蒸油,香到企唔穩 ﹗knock out 左面珠登,第 2 目標當然係滑溜而膠口、無骨啖啖肉魚肚,大大塊入手 ﹗滑不留口,魚脂肥美豐富,甘香無比 ﹗肉汁澎湃,填滿整個口腔,大滿足 ﹗魚頭留比小師妹,最後魚尾魚鰭等我黎。滑嘟嘟又索盡汁液及豉油,好好味。侍應叔叔仲咩收走條骨呀?仲有好多肉架 ﹗東城脆皮炸子雞,有名堂架喎,係真唔係呀?有料到 ﹗薄脆肉嫩,雞皮淋油灼到紙咁薄,乾爽香脆唔油膩,無得輸 ﹗雞肉彈滑散發肉香,肉汁溫柔地緩緩滲出,滋潤乾涸既嘴唇。難得高質好味道,連骨頭都要損到乾乾淨淨,推介 ﹗瑤柱蛋白炒飯,瑤柱在那裡啊?睇黎要用放大鏡先搵到,味道單調淡口又炒到一舊舊,不過飯粒乾爽又嚥韌既。Lucky 剛才食海斑既魚汁豉油仲未倒,撈依個蛋白炒飯超美味,全晚最好食 ﹗一掃就兩大碗,好正呀 ﹗雙喜伊麵,雙喜?何來雙喜呢?我淨係見到韮黃乍喎。爛濕到 BB 食既糊仔一樣,夾都夾唔到,又要用筷子掃入口,腍到唔洗趙,可以直接倒落肚呢 ﹗重口味 ﹗濃厚豉油味道,都幾咸啊 ﹗又唔熱就更加咸呢 ﹗又係一年一度既跆拳道春茗聚餐喇,近幾年我都逢請必到。依舊都係小型酒樓舉行,依舊都係家常菜色啦 ﹗練武之人理應清茶淡飯既。已經專登七點半先上的士架啦,黎到已經八點幾都仲未有得食,哈哈 ﹗Rundown 仲有派證書及演講呢,失策失策。閒時都好少同班師弟妹合照,見班師弟個個長大成人,甚至高段數過我,不自覺我都已經一把年紀喇 ﹗居然無抽奬運既我會抽中大奬,電子蒸籠,多謝師範 ﹗抽中電子蒸籠,不過唔多啱用,唯有轉贈師妹啦。 繼續閱讀
(以上食評乃用戶個人意見 , 並不代表OpenRice之觀點。)
等級4 2015-08-11
1294 瀏覽
今天和家人來這裡飲茶,發現這裡不但茶味香濃,而且點心大部份都熱辣辣的,很不錯!我們吃的點心如下:潮州蒸粉果:粉果內很多料,味道不錯北菇棉花雞:蒸雞肉很滑,棉花很爽口東城鮮蝦腸:腸粉皮很軟滑,蝦很大煎蘿蔔糕:很熱,有很多蘿蔔粒、臘腸粒鳳爪蒸腸粉:鳳爪很香濃美味,腸粉很滑金沙千層糕:鬆軟熱辣,甜度適中咸肉糉:味道不錯,質地很棉,可惜很細碟,又很涷雪山叉燒包:面頭的皮很脆,內裡的叉燒很熱,很美味星洲炒米:十分辣,有叉燒絲芒果布甸:有甜美的芒果肉粒,布甸質地很軟滑,冰涷美味 繼續閱讀
(以上食評乃用戶個人意見 , 並不代表OpenRice之觀點。)