東城美食館 (已結業)

東城美食館裝修好後，第一次去幫襯食晚餐，叫咗水煮雜錦、勝瓜炒豬頸肉、蒜蓉白菜仔和三碗白飯。豬頸肉夠彈牙，水煮雜錦裏面有好多唔同嘅食材，例如魚等，下面有芽菜戰底，唔算太辣。總共使咗$215，質素有保證，令我垂涎欲滴，好過同邨嘅其他餐廳，唔怪得之門口大排長龍！順帶一提，除咗可以叫白飯外，仲可以叫白粥（潮州粥），都係十蚊碗，有時口淡淡冇乜胃口食碗粥都唔錯。而且我覺得個環境都幾舒適，總之一個字：正！正 正 正

未裝修前，牛腩河真心唔話得，牛腩肥瘦均勻，從未覺”un”。真心好食過出面好多既腩河，前幾日滿心歡喜諗住去食。點知湯河，湯麵都無左，成個以前係門口既潮州檔仔無左，焗住食茶餐，個餐無餐包，奄列得少少火腿，成個款一望似無函既奄列，扁撻撻，公仔麵底同湯都同以前完全兩回事！咁既價，咁既質素，我去翠華食好過！！翠華早餐都係36蚊。

熟悉既東城裝修左咁耐，就梗係要去試下。一入去係high class左，冇咁頹既。西式飯（雞扒，雙蛋+粟米汁)質素如舊，同以前一樣味道可圈可點。不過服務態度同以前一樣，仲係有待改善！！！

裝修咗兩個幾月終於開返 日日收工見到排嗮長龍諗住啲嘢食應該水準上升，好啦 禮拜六諗住落去食個tea啦 點知...潮州嘢（牛腩牛雜）冇咗，得返啲普通茶記嘢，辣椒油 冇！通粉 冇！好啦 咁寫個雪菜肉絲餐肉米啦..俾兜沙嗲牛我..然之後奄列同茶唔知去咗邊...叫佢跟一跟就好似想打交咁.. 唉..食咗咁多年嘅東城 居然變成咁..平心而論 你生意好有錢重新裝修係好事嚟嘅，但係大佬 你係一間街坊茶記唔係遊客飯堂...得返靚裝修虛有其表有咩用呢..

雖然呢間嘢一次伏過一次～地下亦都唔太乾淨～檯面長期要自己帶紙巾抹返乾淨！！ 但作為老婆仔樓下其中一間為數唔多嘅餐廳！ 有時你估食餐廳就個個想食餐廳咩？ 最後都要馬死落地行！ 不過老實講今次個欖菜肉鬆炒飯都算係咁～熱辣辣！而且大大分值得一試而且有特價～～

由於要陪老婆仔入東涌～所以就食下佢哋嘅道地茶餐廳呀～由於呢個鐘數係下午茶時段！所以梗係叫個下午茶餐啦上枱嘅時候都對得住價錢有兩隻脆卜卜嘅雞翼 而且 薯條份量足～ 而且炸到熱辣辣脆卜卜杯凍飲完全係人生一大享受

今日同我老婆2人去完昂平再去大澳。返到東涌諗住搵啲野醫醫肚。東薈城又貴。所以去左耀東。諗住茶記差極有個點。已經唔係叫特價餐。正價叫左個咖喱牛腩飯同一個鮮茄牛肉飯加多個菜心。兩個凍奶茶。個菜心先黎。你老闆。菜心有幾難熟。生既。到鮮茄牛肉飯黎到已經心知不妙。絕對係鮮茄。係鮮茄。係好似無煮過既茄。牛肉片一隻手數得哂。咖哩牛腩飯薯仔生。青椒生。洋蔥生。牛腩個硬度我唔識形容。硬硬硬同硬。無味無味同無味。咖哩汁變唔知咩汁。埋單唔見左120。得個奶茶正常。其他無一樣好。

天氣凍凍~難得不用上班!實行十指不沾陽春水~落街找野食 不過講真東涌真係冇咩好嘢食~普通茶餐廳質素~都幾好飲牛雜河大大碗!價錢適中街坊價~ 金錢肚 彈牙有咬口~啲肥牛真係好佛心~ 如果下午茶去食仲抵食

呢間茶記真係好好食 今日朝早起左身同屋企人去食早餐首先叫左個常餐沙嗲牛麵 好多牛肉 好多沙嗲汁 d麵同我屋企煮果d完全唔同雖然我叫左出前一丁 但係我係屋企煮唔到之後佢仲黎左塊包 塊包夾住好多牛油,d牛油熱熱地 塊包又軟食落去仲好食過係出面d高檔餐廳最後不得不讚係佢杯野飲 我叫左熱華田 杯熱飲真係好熱 仲落足料 令我有開心既一日

話說某日食lunch, 見逸東無咩嘢食，就試下呢間，點知就中咗伏，47蚊一個set lunch,經典中嘅經典，第一次食啲咁嘅嘢，點可以炒貴刁抄到河粉唔入味，火腿都可以無味，完全接受唔到

放假早左起身諗住去食個早餐。點知谷住到氣。首先舉手左好耐D 呀姐都要扮見唔到...到落單，我叫左餐蛋治走油，熱奶茶。落單後個餐蛋治唔洗1分鐘就到。冇走油都算，仲要成份好似岩岩係雪櫃囉出呢咁，蛋同餐肉完全係凍既，個包仲要應該放左好耐，乾晒。平時有d 茶餐廳衰極可能餡小d者。未食過一間難食到咁，又hea...真係好差。等左好耐，杯野飲到...頂...我叫奶茶佢呢左杯咖啡。我見我又飲左啖，又唔想再同d咁蠢既呀姐講野，算，是但飲多啖走人。。。去到門口俾錢，個呀姐塊面仲要西到...唔知以為我差佢錢。 d野食又俾錯，又難食我都冇要求過換，心諗冇下次就算。點知個收錢呀姐仲要咁既死人樣。真係嬲爆。。。

我今日同MAMI去食下午茶, 一入到去見到有2抬人都食緊西多士加腸, 個樣好似好吸引我一坐低都見到我同我同抬個2個小朋友係到食緊西多士加腸我就同MAMI講我要食西多士加腸, 我MAMA就食吞拿魚飛碟我舉左隻手好耐, 叫人寫野, 有D呀姐見到我都唔行過黎幫我寫野, OK, 咁人地可能忙'有個呀姐幫我落單, 都等左OK耐, 可能真係多人關係, 咁我地算喇點知!我個西多士黎到, 真係西多士但冇腸, 我MAMA立即同個到D呀嬸理論點解人地有我地冇, 幾個阿嫂行過黎話個廚師搞錯左, 我見好多呀嫂係到同我MAMA嘈我睇唔過眼我就出聲,『我地入黎個時都見到幾抬人係食緊西多士加腸, 點解我地嗌就冇?』跟住佢地應該知自己錯左話叫我叫其他野, 我都同我MAMA講, 我嗌其他野佢地一定會加料我MAMA叫佢地放低, 係我地都有錯, 唔問清楚就嗌, 所以我都算了解最離譜係!我媽咪係叫吞拿魚飛碟, 個餐單都寫吞拿魚飛碟!點知佢係比左火腿芝士飛碟比我媽咪!我同我媽咪搵哂成個餐牌都唔見有火腿芝士飛碟!講真真係火都黎!我個O個錯就話個餐牌冇寫!得冇問題!有咩可能我媽咪跟住個餐牌叫我都3點幾食, 未過下午茶時間!都可以連

星期六, 到東涌探公公, 今期佢唔鍾意飲唐茶, 愛上了牛筋粗麵, 佢話東城既牛筋好冧好易咬喎... 我地一行3日就去左東城食LUNCH 喇... 咸魚雞絲炒飯 - 冇特別, 偏淡...呢個飯餐飲轉凍O樂, 要加$6, 貴左D 囉....牛筋粗麵 $24 - 救命, D牛筋咸到不得了, 唔明點解公公可以食得咁滋味, 不過見平時唔肯食野既佢可以食晒成碗, 我地都唔阻止佢食咁咸喇... 牛筋河粉 $24 - 几好味, 牛腩好淋, 河粉正常..估唔到而家東涌食野都几貴, 我見佢牆上既小菜, 都要$65/個, 只係普通既粟米斑塊之類...

呢度地方夠大，對外境觀開揚，只是衛生方面有待改善……聽友人講東涌無乜好食，D野又貴又唔好食，此話成為—個疑團，今日就等本人証實—下啦由於天氣太熱，無乜胄口，所以就求其叫咗個星洲炒米$34色、香味都有，火候十足，佩料亦多，就只有米粉份量偏少及太咸，食到第二小碗時己感太油，翻睇碟底，竟有大量黄油漏出，但太咸及油太多喇，又無乜胃口，所以食到第三小碗就無食……

好大塊鐵板..西冷午扒唔貴$40 (包括:無湯,一片超輕量健康牛油方包,熱飲唔加錢, 薯條一碟)唔知係咪關最低工資o既事, 以往 份量k, 食物k, 服務:not ok, 性價:合理 but 5-1 後無啖好食.不過早餐/下午茶個沙嗲牛面, 正! 好快賣清