東哥點心籠仔蒸飯專門店

叫了牛肉腸和灌湯餃。三段腸粉的兩頭都不似是切口，加上粉的顏色很通透， 似是預製品。 腸粉內的牛肉欠質感也沒有牛味。 灌湯餃的花膠只有一茶匙咁細粒。湯很少導致灌湯餃頂的皮仍是乾硬的。 灌湯餃餡料很碎， 完全感受不到是甚麼。用八達通付款時收銀說77，我即時追問是否收我77蚊，她說是66。 但你剛才突然彈句 77 是什麼意思？…查看更多

Lunch平時多數自己帶飯，今日約咗舊同事聚下人少少，但又想試吓唔同嘅嘢，最後就決定去點心店食，可以點多幾款選擇唔會食碟頭飯咁寡。兩個人～點心拼盤再嗌個蒸飯再嗌多一兩款就剛剛好。個點心拼盤份量剛好，d餃皮又夠薄。另外幾鍾意佢個腸粉，中間係脆網仲要包住蝦肉。另外個鹹魚肉餅飯，個肉餅都幾足料夠厚，唔會薄薄一層就算數。不過最正都係個川芎白芷魚頭湯，藥材味都幾濃，應該都落足料，飲完之後成個人醒晒繼續返去開工yeah🗽…查看更多

雖然這間在屯門、元朗、旺角和大角咀都有店舖的「東哥點心籠仔蒸飯專門店」離家不遠，但已有好一段日子沒在這條街蹓躂的我，這一晚才初次幫襯這間環境新簇簇，光鮮明亮的點心店，飲夜茶，食點心。已經很久沒吃過的灌湯餃，這兒竟然有得吃，當然要試試。這「花膠海皇灌湯餃」（$34）味道是不錯的，湯好喝，灌湯餃裡面的餡料也軟滑好味，不過那花膠就實在太過纖薄細小，如果給風一吹，一定會即時被吹走。「必食鮑汁雞腳」（$26）既是必食，那便叫一碟吧！這雞腳的鮑汁都算入味，但雞腳稍為硬身，未夠軟腍，炆得尚未夠火候。一客三件的「鮮竹牛肉球」（$26）不算特別好，但是及格的出品。同樣是一客三個的「薑汁雞包仔」（$26）雖只是小小的一個，餡料都幾多。這點心店是有三款燉湯供應的，非常喜歡喝燉湯的我又怎會錯過，叫來「響螺燉肉排湯」（$42）一試。湯是清甜的，但就不夠濃郁，材料不算少，肉排都有兩件，但我始終發現不到響螺的足跡，有點貨不對辦。這方面就一定要扣分。還叫了青菜，是簡單的「白灼菜心」（$23），正正常常的，但顏色偏黃，不夠翠綠，不算很好。雖然這間點心店環境不錯，但我覺得點心水準還有提升呢！…查看更多

今日嚟呢一間新店探店， 食點心嘅專門店。門面乾淨企理新裝修。點心選擇都多，大多數都係傳統點心有蝦餃、鳳爪、燒賣、叉燒飽…….特別啲嘅有燉湯，甜品有雙皮奶😮今日試咗個龍仔蒜蓉蝦蒸飯，荷葉底蒸飯好香。啲飯有口感，蝦都算足料，勁多蒜頭。不過就比較薄身。總括嚟講味道唔錯。另外試咗個黑松露燒賣，口感彈牙。但個黑松露醬冇乜味。。。佢啲點心係即叫即蒸，上到台仲熱辣辣👍坐底開始食先知，午市有罐裝飲品送，有啲驚喜🤣…查看更多

當日lunch時間坐滿，生意唔錯，點心即叫即蒸，四個點心、一個油菜、一籠蒸飯加罐可樂同茶錢，唔使兩舊水。除了座位有點迫和通風不夠，整體水準和價錢都合理👌🏻鳳爪排骨飯$48大大籠嘅蒸飯，加10蚊有碟菜，份量好大，味道唔錯，最後兩個人都食唔晒燒汁釀茄子釀茄子嗰嚿似係豬肉，係好大嚿嘅，不過好油。如果係鯪魚肉就好，個人覺得呢個點心麻麻。東哥蝦餃皇蝦餃皮蒸出嚟冇爛晒，蝦同荀嘅配合適中，幾好味！四寶滑雞扎有魚肚、雞件、芋頭同蟹柳，味道正常。鮮竹牛肉球爽口，唔係好實硬硬嘅牛肉球，味道正常。P.S. 座位逼夾，當日被安排坐喺近廁所飲品櫃隔離，唔係好通風，有點熱。…查看更多