東南亞冰室

營業中

休息中

一晚九點幾，我一個人入去呢間餐廳食飯，見到二人位全滿晒，OK啦，我都識做，一入去就問阿姐：「我一個人可以坐邊？」點知個阿姐帶我去個超垃圾嘅四人枱位，仲要配張膠凳，坐得真係唔舒服！既然係四人枱，我都預咗可能要搭枱，於是我自己轉咗去另一張正常啲嘅四人枱坐。點知坐低冇耐，連嘢食都未點，佢即刻帶個客過嚟搭枱！喂，周圍明明仲有其他四人枱空住，使唔使咁急住搵人搭我呢張枱啊？我即刻同個阿姐反映：「周圍咁多四人枱，使唔使咁急要搵人搭呢張？」點知佢串到爆，回我一句：「你邊度見到有其他位啊？」喂，大佬，我眼唔盲喎，明明周圍有空枱！呢種垃圾服務態度真係令人火滾！茶餐廳又點樣？唔係話要五星級服務，但咁嘅態度真係完全唔掂！最離譜係，點解我哋要成日忍受呢啲咁差嘅服務態度啊？仲要好似變咗理所當然咁！飲食業成日話生意難做點點點，但老實講，服務咁垃圾，係咪自己攞嚟？點解我哋要當呢啲係正常啊？

唔係住附近根本唔想食，次次食感受一樣，嘢食好一般，價錢比其他茶餐廳貴少少，但其他好食過呢間囉，之前街坊已經話呢間啲員工服務差，初時唔覺，我今日好有同感！炸豬大腸唔脆好多肥膏，米粉無得轉米線(魚蛋雲吞麵果D除外)，不知所謂。意粉又硬，煲仔飯D飯好多燶啲，放上枱已好濃的燶味，咁的質素，半價都唔想食😑厨房煮得唔好食，服務差，收銀員又串咁，價錢唔扺，只係舖因為經營幾年，所以尚算新D。有得揀，無需試，唔想再去😪

今次第一次食，裝潢有特色，光猛感覺乾淨，卡座位坐墊舒適，幾闊落，坐得舒服。今次點左二人餐，套餐可以㨂2個餸，小食可㨂5㨂1，送湯同白飯兩碗，餐飯半價。炸蝦餅：有4片，食落小脆，沾泰式辣醬，好食既。菠蘿咕嚕肉：見到呢個餸都幾多人食，我地又叫黎試下，果然跟大隊無死錯人，上菜速度比較慢，但食物是熱辣辣的，份量偏小，菠蘿新鮮，酸甜開胃，咕嚕肉肥瘦比例均勻。豆豉蒸䱽魚：即叫即蒸，要等耐些小，熱辣辣，食落鮮甜，但係size 偏細，調味都幾好。🔎東南亞冰室 (將軍澳)📍將軍澳坑口銀澳路1號新寶城商場地下G04-G10號舖

坑口 「東南亞冰室 」（新寶城）原來係有規定客人用餐時間，食完就要走！我哋食完坐多陣，比個紫色頭髮阿姐不禮貌叫埋單走，話有規定用餐時間！🙄 無問題！埋單走囉！在門口問經理（圖中阿姐）是否有規定用餐時間？經理叫我哋自己找老細，我哋咪返入去找老細問個清楚問個明白，返到入到去經理又改口話無叫我哋入去找老細🙄，又一大堆廢話，又話紫色頭髮嗰個先係經理，又話係收銀叫你找老細，大姐我有拍片錄低嫁，經理你咁淆底又解決唔到問題點做經理啊！我唔會再去光顧這間餐廳！各位街坊如果去光顧，最好食完馬上埋單走，免得受到不禮貌對待！

服務態度差員工冇衛生意識 唔剪鼻毛，突晒出嚟即刻冇晒胃口上餐速度慢落完單啲嘢賣晒又唔同人講，要追先同返我哋講話原來賣晒餐具又唔refill 冇哂筷子乜都要自己攞落單又落錯啲嘢又難食 煲仔飯講咗話要加蛋講咗兩次，加蛋要多$10到最後都係冇加到俾我哋椒鹽鮮魷 送白飯+例湯，最後白飯同例湯都冇上到嘢飲嗌少冰，完全冇少冰，凍檸茶少冰 半杯都係冰火腿奄列唔俾走火腿，又唔俾轉炒蛋咖央多士唔俾走牛油煎蛋有蛋殼要個外賣盒，叫咗10分鐘都未俾到，最後都係要自己行去攞超級差的體驗，呃錢！埋單$636，食完一肚氣唔建議嚟食唔建議嚟食唔建議嚟食重要嘅事情要講三次！

宵夜時間，將軍澳差不多冇餐廳開，去左呢間位於坑口嘅東南亞冰室，都幾多客人又多食物種類選擇。今晚叫左咖喱雞扒意粉，竟然有2大塊雞扒，應該炸過，好脆好香，個咖啡汁就淡左啲，整體宵夜嚟講有90分。下次再幫襯。不好嘅地方係，去洗手間要去到商場入面，經過麥當勞先去到。有啲唔方便。

東南亞餐廳在這區是一個比較濶落的餐廳，而且款式都很多。我是一個經常來這里吃下午茶的長者。最慘的是，我多數希望食午餐 ，但他的供應時間啊只是去到2點。我希望他們能夠去到5點。由於座位舒適，我都希望佢能夠改善，增加我們的選擇。

要照顧家人多左機會食下午茶餐，黎過三次，第一次叫炸雞肶薯條，雞髀真係醃得好食，個皮又脆，但薯條唔得，太油似係返炸，所以冇乜特別感想。第二次叫西多士，有花生醬饀，個人不喜歡但現在間間都係有餡，冇辦法只好接受，賣相ok既。今次蛋牛治，冇加錢烘底，麵軟熟叫走油真係有走油，咸牛肉亦係好食個隻，真係要讚下，好多茶記連基本野都好難食。另外一個加分位係伙記有禮貌，又唔會見你36蚊坐個幾鐘頭收人D野，我覺得唔錯，現在坐位舒服嘅茶記好難搵。

早餐豬扒麵好味，最滿意就係佢個檸茶，飲返以前味道嘅檸檬茶，還有感謝店員幫忙找回遺失嘅手巾仔，萬分感謝，員工非常有禮。如果唔係繁忙時間都唔需要搭枱，喜歡，下次會試吓佢嘅晚餐

今日4大人+1小朋友去食飯，分別叫左個二人餐+沙嗲金菇肥牛煲，二人餐雖然選擇的菜式唔算多，但勝在份量好多！二人餐叫左沙薑雞半隻，豉汁煎䱽魚估唔到雞同䱽魚都有驚喜！隻雞對於沙薑愛好既我黎講真係一流，可以用汁撈飯食，而且蒸得夠滑，完全唔會嚡熠熠！䱽魚蒸得剛剛好，一樣夠曬滑，我開頭心諗都係雪魚黎點都有雪味啦，但竟然食落完全無😋雖然功勞好大機會係因為豉汁，但要去到雪味之餘仲要唔太咸👍🏼大讚跟餐仲有個小食串燒，燒得非常Juicy唔會乾爭爭，加埋個醬汁冇得彈沙嗲金菇肥牛煲就非常足量，無論係肥牛、粉絲、金菇定配菜！而且沙嗲味好重，非常惹味！

呢間店舖啲服務真係差今日中午叫咗個海南雞飯，有個收銀短髮姐姐已經黑口黑面，因為下大雨重要星期六中午時段所以全場都已經爆滿。而且仲有幾個客人嗌緊外賣。明白到餐飲業喺繁忙時間真係好辛苦，但係我都唔相信每一次見到呢個姐姐嘅時候收錢都黑口黑面而且態度超差說話好似欠咗佢咁，公道講句嘢食，我覺得同一般茶餐廳叫做正常味道。但係如果我每一次見到呢個收銀姐姐嘅態度同黑口黑面我真係唔想再去…….我有一次響度堂食嘅時候，仲遇到個長長攣頭髮嘅姐姐個大口的，佢好無禮貌地問我飲乜嘢同短髮姐姐嘅態度一樣！所以令我之後唔再響嗰度堂食理所當然我唔係期望比小小錢向茶餐廳有好好禮貌同服務，但係有啲餐廳我覺得嘢食再好，老細再好都好都比員工去做到好差，令到客人唔想再回頭PS我有時見到個老闆佢好有禮貌，但我想同老闆講只要一間舖有兩粒老鼠屎就會影響到成間舖嘅聲譽！！！

東南亞菠蘿炒飯菠蘿有如不見了，冇嚟到冇厘味道都唔似泰國風味，香葉牛肉炒河，牛肉乸粉仲有有老有奀，龍眼冰怪味，青檸梳打得梳打味。廚房出品一啲都唔掂，冇水準，又要學泰國菜式，但做唔到。

同仔仔未試過呢間餐廳既晚餐，見今晚冇煮飯就入黎試下見佢有個二人餐都多選擇，可以試試菠蘿咕嚕肉酸酸甜甜勁開胃，但略嫌酸得制，D 咕嚕肉舊舊都好大件，同時亦都有三色椒做配菜西蘭花鮮魷如果鮮魷可以熱D 就比較好

星期二，下午要到坑口辦事，所以到這茶餐廳吃中午飯。 一入門口，阿姐問”幾位”，回答一位後，要我等等，跟著我後面入來的先生也自報一位，阿姐也要他等等。但明明眼前就有一張吉的4人卡位，我預咗同呢位先生搭枱喎，點解唔俾我哋坐呢張吉枱。阿姐跟手望見有一張卡位的一邊仍未坐人，也不分先來後到，安排了那位先生入坐。 我嬲嬲地，轉頭出門走人，阿姐攔一攔我問做乜，我答“要等吖嘛！我唔等呀！”，佢就扮傻話“係等我安排位！” 之後才俾我坐那4人吉卡位。當然，后來有兩位客人坐我對面。 手機掃碼落單，點了一份支竹火腩飯套餐，個app都寫得唔錯，易明易用。不一會，食物上枱，碟飯的賣相食味都沒驚喜，也不最差，比平均略低一些。但杯咖啡就很苦澀，沒有香味，不知用什麽豆搞出來的。我本來一向不落糖的，無奈太澀，都落了少許糖，協助沖它入口。埋單$58，茶餐廳吃過不少，這家的性價比太低了。 之后兩個小時，滿口是味精做成的不適，水喝過不停。沒下次了。

東南亞冰室係一間平民化嘅冰室，裝修很舒適，地方尚算清潔乾爽，個別服務員態度唔錯，QR code落單。第一次嚟幫襯，價錢嚟講可接受，食物質素一般，還有很大進步空間。