34
0
0
港鐵尖沙咀/尖東站 A1 出口, 步行約6分鐘 繼續閱讀
電話號碼
37051098
營業時間
今日營業
12:00 - 15:00
18:00 - 23:00
星期一至四
12:00 - 15:00
18:00 - 23:00
星期五至六
12:00 - 15:00
18:00 - 00:00
星期日
12:00 - 15:00
18:00 - 23:00
公眾假期
12:00 - 15:00
18:00 - 23:00
付款方式
Visa Master AE 現金 銀聯 JCB
座位數目
30
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
電話訂座
賞訂座積分
加一服務費
室外座位
電視播放
有關獎賞計劃
招牌菜
日本酒 關東煮 串燒
食評 (34)
等級4 2018-09-07
484 瀏覽
今日同男朋友去尖沙咀拍拖兼食好野,見到有間幾純正日風既居酒屋就入左去搵下日本既風味。去到個門口就已經覺得個裝潢好日式。連入面既裝修都好日風。我地被安排坐係吧枱,可以望住個師傅整野食,感覺好興奮。坐底左店員就送上一碗熱雞湯,好香濃,先暖一暖胃。<關東煮,$138>因為我哋都好鐘意蘿蔔所以叫左兩份,仲有日本牛筋,魷魚鬚魚蛋同魚餅。因為坐吧台可以望住師傅整,好細心咁慢慢鋪好食物,加埋獨特清湯。蘿蔔超級好食,完全無渣,仲要超級香甜,吸晒個湯真係超好食。牛筋都好好食,份量好多,魷魚鬚魚蛋同魚餅都唔錯。最值得一提嘅就係個湯真係好香甜好好飲!<蟹肉蟹膏甲羅燒,$68>啖啖蟹膏連埋薯片幾特別,同埋好足料,而且入面真係有蟹肉,食落都幾鮮甜。 <燒鏝魚,$38>呢個鰻魚正正常常,都食落無乜骨,都算肥美。<日本玉子燒,$68>店員介紹玉子燒係用關東煮個湯加埋蛋而製成,本身好期待會有關東煮個香甜嘅味再加好濃郁嘅蛋香味,但係食落就差少少蛋香味。如果蛋香味再濃郁啲,咁就超級好食啦。依家個蛋都好juicy,食落都好滑,唔錯。<三文魚燒飯團,$35>男朋友見到燒飯糰覺得好得意,就點左一個。燒過嘅飯團外面嗰層飯會好似飯焦咁,脆卜卜。但係食落就覺得普普通通,我哋始終都係比較鍾意平時嘅飯團多啲,因為咁樣個飯會乾咗小小。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-04
390 瀏覽
這天晚上約了朋友到尖沙咀吃晚餐,我們決定吃日本菜。「東京大眾酒場」好像開了不久,位於人來人往的廣東道。對於本地人和遊客來說,這地點很方便。店面:招牌很醒目。也很有日本風。很有日本feel的門口:我們被安排坐在吧台那邊,師傅正忙碌地準備食材:餐單印刷精美,上面有各種食物的圖片:日文和中文對照:有餐具、紙巾和濕紙巾:右上還有茶,止渴消滯一流。關東煮 $138可以選5款$35以下的材料。我們選了魚餅、燒賣、豬肉串等食材,都是在香港不常吃到的。雖然名叫「燒賣」,但這裡的跟中式酒樓的有天淵之別。不論是外表還是味道,都很不同。雞翼@$28因為每串只有一隻,所以我們點了兩串。雞肉肉質鮮嫩,吃後齒頰留香。(左上)鰻魚(串)$38、(右上)梅子紫蘇雞肉(串)$38、(左下)煙肉露筍卷(串)$32、(右下)各式醬料:鰻魚外皮鮮甜,質地柔軟。其他串燒也很正宗。(左上)雞湯、(右上)可樂$20、(左下)茶、(右下)巨峰梳打$38以上就是我們這晚的水分來源了,雞湯是免費的,濃得來沒油份。埋單$396,平均每人$198,有加一服務費,以晚餐的價錢來說,算是可接受。餐廳氣氛、食物和服務員質素都很高,我們有機會還要再來! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-04
378 瀏覽
返工忙到頭昏腦脹, 放工嚟到地道日式酒場, 放鬆一下。入座後先來一碗雞湯, 打開胃口。 蟹肉蟹膏甲羅燒$68鐘意食膏嘅朋友點可以唔叫甲羅燒呀!蟹肉與蟹膏融合, 啖啖鮮味。牛舌串$42牛舌爽口彈牙, 非常惹味, 但略嫌偏鹹。梅子紫蘇葉雞肉串$38雞串燒得很有水準, 外層夠乾身, 內層則保持嫩滑, 配上梅子醬, 酸味強烈。野菜盛合$68每件都燒得恰到好處, 微焦而唔會太燶, 其中露筍爽甜多汁, 撒點鹽花調味已經好好食。明太子燒飯團 $35飯味焦香, 簡單而美味。平時比較少食關東煮, 今日竟一試愛上!日本蒟蒻$20蒟蒻Q彈爽口, 表面𠝹滿刀紋, 湯汁均勻地滲透入整塊蒟蒻, 令原本無味嘅蒟蒻變得鮮甜入味, 必點! 雞蛋福袋$40福袋完全吸收湯汁, 一口咬下鮮味在口中爆發, 好食到不得了!靜岡綠茶可樂$45出奇地唔會太甜, 淡淡綠茶味唔太突出。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-30
437 瀏覽
前日行過尖沙咀,見到有新落成的商廈,內裡有幾間食肆,其中一間是日本餐廳,類似居酒屋,但比起日本的居酒屋大,看到門口好日式,我們就決定入去食這日本菜啦 ~餐廳地方寬濶,環境型格時尚,牆上電視正播放日本節目,氣氛與日本相似。櫃裡擺放多瓶日本酒,是的,故名思義,東京大眾酒場,當然有日本酒供應,喜歡飲酒的人士就最適合不過。這裡還設置戶外空間,感覺開揚寫意,同三五知己上來聚一聚,談天說地也是一個好地方呢 ~餐牌裡有中、日文字,相信有很多日本人來光顧 ; 有多款不同種類的日式食品,一品料理、刺身壽司、浜燒、燒物、備長炭燒物、関東煮、煮物、揚物、前菜及酒類等,各色其色。可能我們之前吃飽了,但又想感受日本居洒屋風情,所以點了一些串物小食,大家傾下計都不錯呀 👍我們一坐下來,侍應已奉上雞湯,真的很貼心!雞湯鮮甜,濃濃雞香味,應該煲了很久時間,原汁原味,非常好飲。日本雞翼    $40以炆製作方式的關東煮,雞翼肉質嫩滑,輕輕咬一口已離骨,鮮甜美味,香濃多汁。日本豬肉串    $25半肥瘦的豬肉,粒粒均勻,豬肉入了湯汁的味道,軟淋不韌,一咬就化開,鮮味肉汁,嫩滑惹味。日本牛筋    $30白雪雪,細細粒,同以往在其他店吃的不一樣,白色的牛筋,濃厚的湯味道,煮得很軟淋,牛筋口感有點黏黏的,爽滑有咬口,非常好吃 😋另有四款醬配搭,香桃、味噌、辣味、芥末,沾一下這些醬料口味已完全不同,味道特別,是我喜歡的,很不錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-29
329 瀏覽
有晚收工想鬆一鬆,速約左個fd飲返杯兼聚下舊佢搵左間係尖沙咀既上樓居酒屋,入面既裝修都好和風,感覺相當唔錯坐低無耐,店家先為我地送上兩碗雪白香濃既豚骨雞湯暖暖胃,此舉確實窩心黎到屋酒屋,當然食下串燒,再同朋友把酒暢一番啦我地先要兩串“燒鰻魚”HKd$38+10%×2燒得微焦香口,鰻魚肥嫩無骨食完串鰻魚咁正,既刻追加兩串燒“牛舌”HKd$42+10%×2同“山葵雞肉串”HKd$38+10%個牛舌又係必食!!厚切既牛舌爽彈唔韌富牛香,送酒一絕香港既居酒屋唔係間間都有關東煮,見到呢到有得食,我同朋友都異口同聲話要叫返啲黎試下當中附有四種醬料,白色既係桃味味增,同呢串富有骨膠原既牛筋好夾而大根同蒟蒻係每次食煮物都會order 既item最後我地仲每人order左件“燒飯團”HKd$35+10%我要既係明太子口味,飯團外層燒得金黃香脆,內層米飯香軟,配上內餡微辣帶鹹既明太子,又一飽肚滋味之選 繼續閱讀
(以上食評乃用戶個人意見 , 並不代表OpenRice之觀點。)