87
7
5
港鐵尖沙咀/尖東站 A1 出口, 步行約6分鐘 繼續閱讀
電話號碼
37051098
付款方式
Visa Master AlipayHK 支付寶 現金 AE 銀聯
座位數目
30
其他資料
Wi-Fi
酒精飲品
自帶酒水 詳細介紹
切餅費 詳細介紹
電話訂座
加一服務費
室外座位
電視播放
當面支付
食評 (103)
等級4 2019-09-06
350 瀏覽
放工去左海港城行街,男友差不多到時佢話不如去🍎shop隔離既呢間日本🇯🇵野食飯。我地都偏好去呢啲食肆商廈食飯,因為貪佢上左樓上安靜啲,又坐得舒服。呢間東京大眾酒場一到門口都已好討好,好有居酒屋🏮feel~一入到去地方唔大,但都有吧枱、望返落去廣東好熱鬧,但上到黎又好安靜,感覺好正!我地早到,晚市才剛好開始,只有一個日本大叔喺吧枱食野,令我地覺得真係好似去左日本咁,成個深夜食堂咁🤓呢度主打串燒、關東煮🍢、壽司🍣都係我最愛啤酒🍻買一送一,再加上一坐低店員已送上味噌湯同茶碗蒸,好貼心啊!而且兩樣都好好食😋有啤酒,所以先叫左小食,揀左唐揚雞軟骨同汁煮花螺,一冷一熱都好味!尤其係個花螺,佢係冷盤黎,個汁好清甜有啲似冇酒精既甜清酒🍶!食落又好鮮!唯一可惜係唔夠食,好快KO哂😍🤪雞軟骨就炸到好鬆軟而且好大舊,抵食!蟹肉🦀沙津🥗又係另一個人氣食品,好大碟好大食,而且蔬菜好新鮮爽脆,蟹肉蟹子又大,必食!既然關東煮🍢係推介,又係一定要叫啦!由於太多款,我地索性叫咗個關東煮一人前,店員話入邊會有5樣餸可以自選或者由廚師發板👨🏼‍🍳個湯首先真係好清甜,平時我唔飲的,因為總係覺得有D味精湯既感覺,但呢個真係冇,而且入面有蘿蔔、牛筋、竹輪🍡、雞肉同埋魚餅🍢,都真係好好既配搭,有魚有肉有菜,而且5樣有哂都係118,好抵而且好出色! 一個人黎食飯都可以只叫呢個都飽~不過男友都要食D飯有D米氣,所以點左佢最鍾意既帆立貝壽司🍣同明太子燒飯團🍙燒得好好食,好香口! 壽司的手工都好好,帆立貝又好新鮮❤最後唔少得串燒 - 已經好飽了,不過又唔忍心唔試埋,話哂呢樣都係店入面既特色! 用備長炭燒果然好香,我地真係好鍾意食雞,所以叫哂3樣必食的串燒雞物 - 雞腎、雞皮同雞翼,由於佢又有D椒係面,所以好惹味有少少辣感,燒得剛剛好食材本物都醃到好香而唔濃味,冇野講啦,100分! 💯CP值爆燈呀~ 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-23
46 瀏覽
今日放工,行到尖沙咀海港城的街道,可以話路路暢通,人唔多,看下錶,只不過是7點半左右。。之前這店人多都難等位。。哈哈,今天竟然俾我等到,坐吧台都照入😜朋友未到。當然飲住等啦。。酒牌內有我喜歡的酒類心中已加分如果第一次來,我個人建議:二人套餐都唔錯選擇點餐後,會送上一碗熱熱的濃雞湯好味,濃厚。。放久了,好快會有層薄薄的膜(可知的濃度有幾多👍🏻)梅酒日本餐必飲清酒蟹肉沙拉值得推薦,啖啖蟹肉,店廚絕不吝嗇,由頭食哂都仍有蟹肉,CP值(外面的店,相信只有面果層食左第一啖就完)三色刺身(三文魚、吞拿必有,另一款則是日推介)一字總結:鮮蟹膏(燒銅鑼)配薯片又可,一口食又得。入口已感受到滿口蟹鮮味,溶在口原隻燒魷魚(即叫即燒)必食店廚控制火喉相當好,熟而唔過火(燒魷魚最忌過熟,破壞食材)潰物:准山這個是老闆特意送來,讓我們送酒。人情小店(店廚對出品有要求,所以煮食時間需要時間,未能即時將食物送上,又唔想我們空肚飲酒)燒飯團 外脆內軟食到用心之作 繼續閱讀
(以上食評乃用戶個人意見 , 並不代表OpenRice之觀點。)
等級2 2019-09-15
83 瀏覽
好耐冇食日本野,諗住搵個舒服啲嘅地方食餐飯,搵到呢一間喺廣東道入邊嘅居酒屋。上到樓餐廳唔大,但係坐得好舒服,同埋個feel超似去咗日本嘅居酒屋,餐廳仲冇特別限時可以同朋友係咁傾計慢慢食!餐牌上面好多選擇,我哋叫咗一個蟹肉沙律,一個鰻魚炊飯,炸雞同埋關東煮。蟹肉沙律超級大盤,都幾抵食岩4人食,食完個沙律已經好飽😂特別想推介鰻魚炊飯同埋關東煮,因為個鰻魚飯嘅飯粒一粒粒好分明,而且味道超好,雖然鰻魚唔多但係個飯比鰻魚更驚喜!本身以為關東煮係好普通嘅嘢,但係呢間居酒屋嘅關東煮超級有誠意,首先個湯唔係淨係好似味精湯咁樣,係有好豐富嘅味道,同埋佢另外提供左唔同味道嘅味增,好好味! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-15
78 瀏覽
餐廳位置便利,我地係a1出口向後行左個L字,大概六分鐘到就到。餐廳環境舒適,坐位好闊落,有分室外同室內座位。可以滿足食客食煙飲酒嘅願望。等緊友人上嚟嘅我周圍望,發現牆上貼左啲酒嘅promotion。星期日到四如果你order酒加三串雞或豬嘅串燒都係128蚊。另外,鐘意飲酒嘅朋友都可以睇下佢嘅酒類優惠! 有d酒買一送一,有d酒八折。我地冇試到飲酒食串燒,但係試左好多人都介紹嘅以下呢幾樣食物。蟹膏蟹蓋:佢嘅份量好大,總共可舖滿8塊薯片。佢將蟹肉蟹膏撈埋一齊燒到熱辣辣,食落肚好warm好滿足。唐揚雞:即炸即食嘅唐揚雞皮脆肉嫩,好juicy好好食。鰻魚高湯欽飯:啲飯吸收左高湯同海帶嘅清香,連埋切碎左嘅 鰻魚一齊食,好正。 呢種食法冇平時嘅鰻魚飯咁肥膩店員service幾好,佢地不斷幫你拎走食完嘅碟,但又唔會feel到佢有想趕你走嘅意思🤣🤣👍👍 呢度絕對係你happy friday想嘆下食下好野嘅地方。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-14
59 瀏覽
今日想食啲下酒菜同飲杯酒 上網就發現依間樓上居酒屋 餐廳係尖沙咀 位置方便我想大開殺戒 叫咗好多嘢食😼😼😼牛舌串😸😸一咬落去 油香已經出哂黎 好嫩滑juicy 配埋檸檬汁中和左油膩感關東煮一人前 (日本魚餅、豆腐餅、魷魚鬚魚蛋、雞肉串同牛蒡卷)配搭麵豉醬同黃芥辣 啲醬汁做得好好 我就最鐘意配搭白麵豉 豆腐餅真係好鬆軟 好似食緊玉子咁 好快食口到化開海膽伴魷魚 😼😼夠哂鹹 魷魚好煙韌好好食 配青瓜好清爽Coedo Beniaka手工啤 侍應話用蕃薯好釀既啤酒 第一口有淡淡既蕃薯味 好滑 明太子燒飯團 啲飯燒得好香脆飯焦咁雞泡魚乾配美乃茲 😻😻鮮甜有咬口 送酒佳品鰻魚串😻😻燒得好好 汁料香濃唐揚雞軟骨😽😽同樣都係配美乃茲 香香脆脆 真係配啤酒一流野菜盛合燒 😸😸南瓜一放入口就感覺到甜味仲燒蕃薯、粟米、冬菇 燒既食法食落同天婦羅好唔同 繼續閱讀
(以上食評乃用戶個人意見 , 並不代表OpenRice之觀點。)