97
10
4
港鐵奧運站 C1 出口, 步行約6分鐘 繼續閱讀
電話號碼
23470702
開飯介紹
日本居酒屋。以關東煮為主打,由日本師傅主理,湯底堅持以鯛魚骨、鰹魚乾及昆布熬製。 繼續閱讀
營業時間
星期一至四: 12:00-15:00; 17:30-22:00 星期五至六: 12:00-15:00; 17:30-00:00 星期日: 休息 公眾假期: 休息
付款方式
Visa Master AlipayHK 支付寶 現金 銀聯
其他資料
網上訂座
自帶酒水
支持減塑 詳細介紹
電話訂座
賞訂座積分
電視播放
當面支付
有關獎賞計劃
食評 (119)
想小酌一杯與朋友聊聊天減減壓,於網上找到這間位於大角咀的東京大眾酒場。地點不算很方便,奥運站岀要再行一會,不算難找。坐下得知經openrice訂座可享折扣,即覺得可安心亂叫食物(笑。坐下不久店員便送上每人一杯熱雞湯,冬天飲很暖胃。飲品及關東煮都是自行走岀去選。店員見我倆想飲Sake亦有了解我們口味後再作推薦,選好會用冰桶裝好,並帶來一盒sake杯讓你選喜歡的,很貼心。關東煮湯有點過咸,點的食材除了蘿蔔外其他還好不是相當吸味,算是不過不失,配上一個港式的麻辣醬顯得不倫不類,如像日本提供黃芥辣可能更好。串燒及燒物點了數款,整體質素不錯。發現便宜的比貴的好吃,明太子雞串、車厘茄煙肉串等都味道不錯,較貴的牛舌硬得如香口膠,咬得牙軟方能勉強吞下。甲羅燒味噌及蟹膏味均不足,未有該有的香味,相對失色。最後點了一個美人鍋作結,店員會幫忙處理。雞湯濃及熱辣辣,吃罷一堆小食及飲酒後暖一暖胃確實舒暢。可惜又是去到最後偏咸。整體餐廳氣氛不錯,有點置身日本居酒屋感,飲杯酒確是不錯,食物質素正常,仍有進步空間。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-09-21
0 瀏覽
本身諗住少少地食個關東煮做lunch點知黎到發現佢有做lunch set~飯 拉麵都有😍於是嗌左個鰻魚玉子丼 配 關東煮 連野飲 ($78)個飯一上枱已經呆左 因為都幾大碗🙈仲以為佢又有飯又有關東煮 份量唔會好多添🤣份量無欺場之餘 味道都唔錯 鰻魚都算大條 而且夠味得黎唔太鹹😋(好多舖頭d鰻魚汁都好鹹🙊)飯夠多汁唔會乾爭爭 加埋d蛋同洋蔥 就算食晒條鰻魚都唔怕無野送飯🤣關東煮有蘿蔔 芋絲同獅子狗 湯底清清地 蘿蔔都幾甜又無渣 好味🤤價錢唔算特別平但overall都抵食同好食👍估唔到諗住食少少野最後會攬住個肚走🤣🤣 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-14
467 瀏覽
一直以為呢一度淨係做晚市 酒吧 估唔到原來午餐係做午市定食 而且性價比 出奇地高💛燒雞扒拉麵定食 係今次三樣入面最推介嘅原本以為拉麵呢度唔係主打 湯底會係求其 味精開出嚟 估唔到 咁落好順喉 豬骨味濃郁 小小漿口嘅杰度 感覺似係煮咗好耐! 燒雞扒 同埋溫泉蛋都做得好好配埋洋蔥同埋 筍絲 絕對唔畀 出面其他專門店嘅遜色。 拉麵套餐 仲送一客餃子 餃子個外皮墊著一層薄脆 焦香脆口另外嗌咗滑蛋豬扒飯同埋滑蛋鰻魚飯 啲兩碗飯嘅份量驚人 嗰塊豬扒中好似男仔嘅手板咁大 加上充滿著蛋汁嘅白飯 就算幾大食 相信 都能夠大快朵頤 午餐價錢 好抵食 唔使一百蚊 可以有前菜主食 汽水 配合埋佢嘅份量同埋質素 我覺得絕對係應該多多支持💛香港人 加油 繼續閱讀
(以上食評乃用戶個人意見 , 並不代表OpenRice之觀點。)
等級1 2020-04-11
325 瀏覽
坦白講這餐廳不是買食物的 主要是喝酒的他們提高送走的食物但坦白講如果可以提高少少食物質素會非常吸引其食物質素非常一般特別是關東煮,基本上是Junk Food食物內容和台灣7-eleven 十元八塊食到飽的食物差不多以他食物質素相比收費是非常不合理串燒質素也非常一般, 但價錢 相對 ok但食物質素是一般的牛舌 燒到 乾爭爭, 也偏鹹燒黑豚肉 是全晚最好食 可能因為他們普遍少得比較乾黑豚肉有比較多脂肪相信餐廳是target一些 對食物要求不高的年輕人值得點讚的是服務員的態度, 非常體貼及細心啤酒72元一大杯也是非常超值作為一家食肆連最基本的 食水也不但應要客人買膠樽裝水,有欠環保 及低檔餐廳裝修非常合我心意期望他們改善 還是有很好發展的潛力 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-12
216 瀏覽
朋友推介我去食呢間飲清酒食關東煮,今晚就去試試佢!關東煮係出去open kitchen order, 叫左蘿白,魚糕,蝦餅,芋絲。 最好食係蘿白,好甜,其他都正常。可以點麻辣醬,有啲譚仔feel,都幾惹味。要揸車冇飲酒,叫左蘋果同白桃梳打,蘋果好味d,白桃個味有啲假,不過要$42一支真係食水好深😾磯煮鮑魚,凍食,冇乜特別。明太子玉子燒,好香明太子,玉子幾甜,可以再叫。日本和牛串,全晚最好食,好林,肉味好濃。甲羅燒,蟹肉味重過蟹膏味,係冇咁膩,不過對於想食蟹膏黎講就唔會滿足。Shake shake 紫菜味雞翼,幾新穎,送酒一流。蟹肉沙律,冇蟹肉,個芝麻醬太太太多,好咸,千祈唔好叫。 繼續閱讀
(以上食評乃用戶個人意見 , 並不代表OpenRice之觀點。)