94
8
3
港鐵奧運站 C1 出口, 步行約6分鐘 繼續閱讀
電話號碼
23470702
開飯介紹
日本居酒屋。以關東煮為主打,由日本師傅主理,湯底堅持以鯛魚骨、鰹魚乾及昆布熬製。 繼續閱讀
營業時間
今日營業
12:00 - 15:00
17:30 - 22:00
星期一至四
12:00 - 15:00
17:30 - 22:00
星期五至六
12:00 - 15:00
17:30 - 00:00
星期日
12:00 - 15:00
17:30 - 22:00
公眾假期
12:00 - 15:00
17:30 - 22:00
公眾假期前夕
12:00 - 15:00
17:30 - 00:00
付款方式
Visa Master AlipayHK 支付寶 現金 銀聯
其他資料
網上訂座
自帶酒水
支持減塑 詳細介紹
電話訂座
賞訂座積分
電視播放
當面支付
有關獎賞計劃
食評 (112)
等級4 2020-01-22
256 瀏覽
由於想試下精緻嘅日本料理,所以平日晚上同女朋友嚟撐枱腳。具日本風嘅居酒屋設計同半開放式嘅廚房令人感到份外溫馨,更為有趣嘅係鋪頭啲凳底部都以可口可樂架做裝飾。啱啱坐低,店員已經細心為我地送上雞湯,亦都仔細咁介紹菜單同推薦嘅菜式。海鮮方面,我哋嗌咗海老,蒲燒鰻魚同燒活元貝。海老一大隻海蝦,表面加咗一啲啲鹽,食果陣啖啖蝦肉,口感飽滿,不用沾上任何醬汁就已經別有風味,而元貝同樣大大粒,味道爽口鮮甜,蒲燒鰻魚醬汁香濃,入口相當滋味。相信海鮮愛好者一定會鍾意,嘅新鮮,味道又好味而有層次,令人忍唔住一啖接着一啖咁食。串燒方面,我哋嗌咗日本和牛串、雞肉串,以及黑毛豬腩串。三款之中最為出色嘅係黑毛豬腩串,肥而不腻,相比起其餘兩款更為嫩滑。而其他則肉腍而不膩,十分肥美,油香濃郁。關東煮方面,我哋嗌咗日本蘿蔔、竹輪、日本魚餅,以及稻庭烏冬。冬天食關東煮真係暖入心。日本蘿蔔入口即融,魚餅竹輪亦都好好味。稻庭烏冬則配上日式清湯底,味道不錯。本來打算嗌美人鍋配烏冬,可惜太好賣,去到已經一早售罄。炸物方面,見有一款shake shake脆炸雞鎚,因為覺得新奇所以嗌咗。一共六隻附上紫菜味shake shake調味粉,香脆而味濃,建議配飲品一齊食。飲品方面,嗌咗信州白提子梳打,及舩板梅子酒。以解燒物串燒帶來之口乾感,入口透心涼。兩者都是日本製,一個白提子梳打為碳酸飲品,飲落就是充滿氣感,很爽快。另外就是果酒,酒精濃度不高,搭配之下十分容易入口,可以在閒時與朋友斟酌一番。溫馨嘅一餐晚飯以日本綠茶雪糕作為點綴,都算係種幸福。 繼續閱讀
(以上食評乃用戶個人意見 , 並不代表OpenRice之觀點。)
最近發現左大角咀有間食居酒屋、關東雜煮嘅選擇。相信會喺附近上班一族下班之後聚腳嘅好地方。有邊個裝修其實擺設好特別,儘量擺設格局做到好似東京市內地道嘅風格,所以相當有氣氛。入到去仲有感覺好似係東京收工之後,成班朋友一齊聚餐喺小攤檔面前食關東煮咁樣。大量日本燒酒、清酒、啤酒選擇。菜單上面有唔少係關東煮、串燒、燒物、炸物等等大量關東煮菜式、蘿蔔、雞蛋、蓮藕、魚蛋、竹輪。個湯好甜,記得大家都要飲埋,唔會太鹹啱啱好而且有少少甜。我自己個人最鍾意當然係蘿蔔啦,又多汁又甜!另外值得推介嘅係牛筋,雖然有啲港式風味,但係最重要真係好味竹輪冰凍黑啤,成個杯都係用冰鎮,非常過癮!記得定要試吓!我自己覺得明太子玉子燒都係一個非常之惹味嘅食物,雖然只係香噴噴嘅玉子燒,上面加上明太子加芝士,但係簡單好味嘅食物,反而係居酒屋最特別嘅特色燒牛舌蒲燒鰻魚 鰻魚肉烤得軟軟,皮脆脆有的口感,燒製的鰻魚色澤偏深色,魚肉味鮮富彈性最後係邪惡嘅和風紫菜薯條作為主食!飲啤酒又點少得依啲熱氣野🤪 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-18
487 瀏覽
約咗好耐冇見嘅朋友晚飯,因為佢就係搬咗嚟大角咀呢邊,過嚟探佢,順便帶我食好嘢,大角咀出名多野食。門面很和風,有居酒屋的燈籠裝飾,光猛又吸睛,在遠處已見到了。裏面是開放式廚房,跟日本的居酒屋格局 差不多。地方很寬敞,坐得很舒適,真的很適合把酒談心。餐牌有個日本酒啤酒放題,每位$278起,可以任飲日本酒和啤酒,還包括了幾款關東煮和串燒小食,其實好抵! 可惜我哋兩女仔飲唔到幾多酒,還是決定散點兩份酒和食物。坐下不久,職員服務超好,已經送上兩碗熱雞湯,說明是送的,天氣轉冷了,一入座便有暖湯喝,很窩心!關東煮,可以自己走出去看看,想吃什麼就點什麼,廚師即時為你盛上。 這樣可以讓食物保持新鮮熱辣,客人感覺又互動, 這裏的職員都熱情呢!點了日本魷魚鬚魚蛋、芋絲、酒場板燒魚蛋, 乘著滿滿的一碗感覺很有滿足感。很推介福袋,裏面是芝心,可以拉絲口感非常煙韌,福袋吸收了關東煮的湯,很入味;還有日本魷魚鬚魚蛋,一條魚蛋裏包著一條魷魚鬚,食落有咬口,越吃越香;芋絲可以吸收湯底味道,不會太鹹,但就充滿醬油和蘿蔔湯底味;酒場板燒魚蛋很香甜要試。酒場當然少不了酒,朋友點了這裡的招牌清酒-東京大眾酒場清酒150ml, $58, 我點了自家製梅酒$38,價錢不貴,淺嚐最適合。這款清酒味道清啖,入口順滑,飲完有米酒餘香在口裡,女士喝也很適合;我的梅酒更要大讚,酸甜味道很好喝,酒味適中,又可以養生,酒精濃度低,推介給女士們。有酒自然有佐酒小食,點了幾款串燒過口癮。大蔥雞肉串$12,梅子紫蘇雞肉串$15, 煙肉蘆筍卷$18,日本和牛串$32。我最喜歡吃燒牛舌$38, 厚切的,椒鹽味非常香,燒完外面乾身脆脆的,但裏面爽得來不會乾。 另外和牛串也不錯,和牛肉質滑,燒完脂肪熱辣辣的唧出來,非常有滿足感;大蔥雞肉串,很香大蔥味,而且大蔥當作蔬菜,可中和鹹味,雞肉燒完仍然有肉汁。燒魷魚乾$38,必吃推介。燒得很乾身,食落像脆片的口感,但再慢慢細嚼,就吃出魷魚的香炭燒的香,非常喜歡呢!佐酒好物!由於飲酒吃小食實在太過癮,本來打算只喝一杯,還是再追加一杯酒,點的是桂花味的梅酒,是剛才自家製梅酒的變奏版,味道帶桂花香之餘,酒味會較淡,梅子味道相對也淡一點,就是喝他的餘香,也不錯!不過我喜歡原味,梅味濃一點。最後還再追加燒物, 有燒元貝$38,燒蠔$28,芝士煙肉大花菇$35。 元貝和蠔都是用蒜泥和牛油燒成,加上自身的海鮮汁,非常鮮甜,又香牛油蒜蓉味。 花菇,別小看它是蔬菜類,因為有芝士煙肉,食完感覺 也飽肚的,而且花菇切開超多汁,又爽口,很美味!雖然都是吃小食, 想吃飽一點,朋友還點了稻庭烏冬$28,我也點了牛肉烏冬$38,味道很好,烏冬質感煙韌滑溜,湯底很清甜,灑上很多蔥花和海苔,牛肉份量也不少,而且很新鮮,大大碗的,飽肚之選。吃了超多串燒和關東煮,埋單加一$686,坐了一晚把酒啖心,很暢快! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-15
281 瀏覽
呢排對日本居酒屋有股莫名嘅喜愛,一有機會就約friend去試,呢間日式小店咁岩係朋友公司附近。雖然環境唔大,但感覺乾淨衛生,風格幾精緻一黎每人會奉上一杯雞湯,呢排天氣咁凍真係好暖心呢度主打關東煮,仲可以自己出去好似D小攤檔到揀,好多都係日本直送,我地要左日本蘿蔔、竹輪、日本魚餅、日本牛筋、魷魚鬚魚蛋、福袋同牛腸,多到要分開兩盤上炸池魚 - 呢個面頭炸得夠乾身,入面仲KEEP到濕潤,真係幾好食芝士薯餅 - 呢度D炸物都好出色,薯仔蓉非常綿密,加上溶化GE芝士完全係冬天GE comfort food蟹肉蟹膏甲羅燒 - 香港好少可食到甲羅燒,滿滿蟹膏包住條條蟹肉,根本無可能唔好食啦燒雞泡魚乾 - 我每次黎居酒屋必點GE佐酒小食,好香口,配美奶滋更推上另一層次野菜盛合 - 呢個係燒菇拼盤,多汁鮮美又唔會有罪惡感芝士煙肉大啡菇 - 一切開D汁瀉哂出黎,D料都好足胡椒柚子雞肉串 - 呢個口味幾特別,不過不是我杯茶明太子玉子燒 - 口感好細緻綿密,加埋超厚GE明太子,一舊真係唔夠XDDDD美人鍋 - 我地幾個大胃王最後仲加左個鍋,D雞超級多,而且仲KEEP到嫩滑,食完成個人暖笠笠蘋果梳打同桃味梳打 - 唔太甜好好飲 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-25
515 瀏覽
近排外出晚飯,還是選一些人流較少的地方比較穩陣。朋友家住大角咀,介紹一間不錯的居酒屋。居酒屋有啤酒放題,酒類選擇不少,可惜同行朋友不勝酒力,唯有下次另約朋友再試!一入門口就看到很多款式的關東煮,朋友嚷着要點,由於點了很多燒物、鍋物,所以只選了竹輪及蘿蔔。蘿蔔大大件,清甜軟腍,沒有渣,好吃。過了一會串燒來到,上枱時會放一個細炭爐,保持食物溫度,好睇又貼心!我們點了和牛、柚子胡椒雞、煙肉蕃茄、雞翼等和牛牛味較濃,軟腍不韌,入口陣陣油脂香。柚子胡椒雞肉質嫩口,胡椒惹味,有柚子汁酸酸甜甜中和一下,不會太膩。不能不點煙肉番茄卷,蕃茄仔酸酸甜甜,跟充滿鹹香的煙肉很夾。點了杯Suntory 黑啤,泡沫柔滑細緻,麥芽味重~吃到中段美人鍋來到,份量比想像中驚人!$200有找很化算!雞件蠻多,鍋底有大量蔬菜墊底,配有日本豆腐、蘿蔔、冬菇、大蔥等美人鍋湯底清甜,吃到蔬菜的鮮味,雞件新鮮好吃,簡簡單單吃食材原味道~美人鍋還配烏冬,滑嘟嘟,彈牙不易發漲,好吃!店舖有新鮮海鮮,我們又點了魷魚及蟶子!原條魷魚賣相吸引,充滿燒烤香氣,煙韌微鹹,聖子乾淨沒有沙。 繼續閱讀
(以上食評乃用戶個人意見 , 並不代表OpenRice之觀點。)