影片
營業時間
今日營業
11:00 - 19:00
星期一至五
12:00 - 21:00
星期六至日
11:00 - 19:00
公眾假期
11:00 - 19:00
以上資料只供參考, 請與餐廳確認詳情
作為打邊爐狂熱分子 今次試咗荔枝角呢間外賣專門店「杞醉」 $480二人套餐包到晒杞醉凍海鮮+湯底+半隻雞+肉+蔬菜丸餃+連醬料 自取預約超順暢 唔使等即拎即走 超適合返工族！ ✨ 套餐連獨門爆炸蔥醬油+杞辣醬 YAAA🍶 2款杞醉凍食海鮮杞醉蝦 - 酒香濃郁 蝦肉爽甜彈牙 杞醉花甲 - 大隻冇沙 浸滿紹興酒香 重點係唔使自己剝蝦殼 懶人恩物！ 🐔 杞醉濃湯雞煲 細節加分位 QR code教學片教埋烹調次序 半隻雞份量足夠 雞肉嫩滑唔鞋 濃湯用杞子+花雕酒熬製 飲完成身暖 跟支100ml純酒 可以自己加濃酒味 🥩 安格斯雪花肥牛 油脂分布靚 輕輕一灼就食得 索盡雞湯精華 正過出面放題質素 🥟 手工韭菜豚肉餃皮薄餡多 韭菜香味突出 浸湯耐咗都唔會散 🍜 吸湯三寶米線 - 掛湯能力MAX 娃娃菜 - 索甜晒湯汁精華 芝麻湯圓 - 流心芝麻餡作結 屋企人話呢個價錢包埋剝殼蝦抵過自己買料整(交通費+時間+手工費,etc) ！ 絕對會回購嘅水準 👍 ➖
繼續閱讀
二人沉醉雞煲套餐份量十足亦有兩個醉小食配搭係搣咗蝦殼嘅醉蝦同埋花甲🥰喺套餐入邊嘅項目都係誠意之作湯底濃味得來感覺好養生建議跟足指示加完雞滾起嘅時候先飲半碗會感覺暖笠笠雞件有半隻 雞非常嫩滑可口唔會太肥佢嘅墨魚滑同蝦滑非常新鮮彈牙二人份量亦足夠豬肉片新鮮口感唔錯蔬菜拼盤係娃娃菜同金菇佢嘅手工韭菜餃亦飽滿調味十足同一個碗入邊有四粒黑芝麻湯圓記得唔好咁早落🤣另外佢每人有一set米線份量十足飽飽🥰🥰另外要大贊佢哋嘅麻辣秘製醬，好好味！真係講緊乜嘢都要點點佢用嚟撈米線又得😝#杞醉 #howdrunk #荔枝角美食 #火鍋外賣 #良心小店
繼續閱讀
喺呢間隱世小店買咗個$480嘅2人沉醉雞煲套餐，拎返屋企直接打邊爐，夠晒方便！ 套餐料真係超豐富，我地首先將個湯底滾熱，湯底係用酒、杞子同紅棗慢熬出嚟，又濃又帶清甜酒香，未食就聞到香味；跟住落雞肉，份量十足，浸耐啲仲吸晒湯味；手打蝦滑同墨魚滑，好彈牙；仲有一大份新鮮黃芽白，脆嫩又入味；米線吸湯一流，兩份夠哂兩個人分；梅頭豚肉片薄切夠嫩；手工韭菜豚餃子（4隻）餡料飽滿，咬開仲有肉汁。 最後仲有甜品：手工芝麻湯圓（4粒），咬開係流心芝麻餡，唔會好甜，好好味！成個套餐超級豐富，外賣返屋企打邊爐好方便！
繼續閱讀
原來荔枝角有間正野😍外賣打邊爐，超級性價比🔝上星期經過買左返屋企😋佢哋除咗價錢好抵，食物質素就好高質🥰佢就係杞醉嘅醉雞褒套餐✨呢個套餐非常豐富，包括杞醉蝦，杞醉花甲，杞醉濃湯雞褒半隻，配埋杞醉純酒一枝，另外仲有手打乜乜滑，蔬菜盤，米線，手工芝麻湯圓，梅頭豚肉片，手工菠菜餃，真係由頭盤到甜品，好正啊💖好想試佢哋嘅醉雞湯底好耐啦，一打開已經聞到好香嘅味道，忍唔住飲咗成碗湯，配咗半隻清心雞，已經斬晒件，煮熟之後啲雞件幼滑，份量啱啱好啊，佢哋嘅冷盤醉蝦，醉花甲真心唔錯，配埋支酒，食個陣倒落去，超級細心地啲蝦幫你剝埋殼，蝦肉爽口彈牙，勁快俾我哋清晒😛蝦滑同墨魚滑兩款都好彈牙，菠菜餃超多餡料。最後煮埋蔬菜同米線，真係大滿足💕套餐仲跟埋有杞辣醬油，爆炸葱醬油，兩個醬我都好鍾意，超香😋下次要試埋佢哋其他套餐🥰佢哋仲有其他小食，全部都好吸引🤭
繼續閱讀
最近諗住同朋友係屋企打邊爐🍲發覺原來荔枝角有間專做外賣同雞煲嘅小店！雖然位置有啲隱世，但絕對值得專程拜訪！佢哋主打杞醉濃湯雞煲同各種醉醃料理，仲可以跨區團購直送到家，超方便～今次試咗「2人沉醉雞煲套餐」，份量足！佢地湯底真係一絕！飲落濃郁但唔油膩，帶微微酒香同甜味，飲完唔口渴。而且雞肉好滑嫩！跟湯會附一支100ml杞醉純酒，可以自己調節酒味濃度，好貼心～而海鮮全部預先醉醃好，凍食超開胃！蝦肉爽彈又鮮甜，花甲肉厚無沙，酒香入味得嚟唔會蓋過本身鮮味。醬料方面，「有杞辣醬油」同「爆炸蔥醬油」都係自家製，辣醬麻香惹味，蔥油香氣爆炸，點肉食一流！🥟 手打乜乜滑 & 韭菜豚肉餃手打滑超彈牙（似係墨魚滑+蝦滑混合），餃子皮薄餡多，韭菜同豚肉好夾！🍜 米線 & 蔬菜盤米線索曬濃湯精華，勁掛汁！蔬菜盤新鮮，打邊爐必備～🍡 手工芝麻湯圓最後以湯圓作結，流心芝麻餡濃香，為成餐畫上完美句號！醬料方面，「有杞辣醬油」同「爆炸蔥醬油」都係自家製，辣醬麻香惹味，蔥油香氣爆炸，點肉食一流！整體來說，呢個套餐無論食材質素、湯底心思定份量都誠意滿分！尤其欣賞佢哋醉汁嘅獨特配方，同一般酒糟味好唔同，係清甜滋潤嘅感覺。如果你都鍾意養生系火鍋，呢間絕對要試！
繼續閱讀